📰📰📰

⭕ Бүгүн өрөспүүбүлүкэ бырабыыталыстыбатын бэрэссэдээтэлин солбуйааччы Сергей Местников улууспутугар үлэлээтэ, эһиилги сылга ыытыллыахтаах Саха сирин норуоттарын VIII-с спортивнай оонньууларыгар бэлэмнэнэн тутулла турар социальнай эбийиэктэри көрдө-иһиттэ, ону сэргэ улуус устуоруйатын Сэһэн Ардьакыап аатынан мусуойугар сылдьан, Иван Мигалкиҥҥа аналлаах быыстапканы сэргээтэ.

⭕ Улуус дьаһалтатыттан салайааччылар уонна тустаах үлэһиттэр буолан, үс улахан спортивнай эбийиэк: элбэх хайысхалаах спортивнай комплекс, тустуу көрүҥнэрин саалатын уонна Майаҕатта Бэрт Хара аатынан стадион тутууларыгар үлэни-хамнаһы билистилэр.

⭕ Маны сэргэ, Үүнэр көлүөнэ пуондатын өйөбүлүнэн тутуллар В.В. Никифоров – Күлүмнүүр аатынан «Тойон Мүрү» култуура киинин, «Демография» бырагырааманан тутулла турар 75 миэстэлээх «Кэскил» оҕо уһуйаанын уонна «Үөрэхтээһин» бырайыагынан олоххо киирэр Мүрү 2-с №-дээх орто оскуолатын тутууларыгар сырыттылар.

⭕ Онон Саха сирин автономиятын 100 сылын көрсө, биир сүрүн тэрээһининэн буолар VIII-с спортивнай оонньуулары үрдүк тэрээһиннээхтик ыытар уонна улуус, өрөспүүбүлүкэ социальнай-экэнэмиичэскэй сайдыытыгар төһүү күүс буолар тутуулар хаачыстыбалаахтык тутуллан, кэмигэр үлэҕэ киирэллэрин туһугар үлэ тэтимнээхтик ыытыллар.

#уйгусирэуусалдан
#уусалданхаһыата
#мүрүсаһарҕата
#тутуу
#сахаасср100сыла
#сахасиринноруоттарынVIIIспортивнайоонньуулара
https://www.instagram.com/p/COKL2RKsgmO/?igshid=1w7ci517pxmk9

📰📰📰

⭕ Суотту нэһилиэгэр оскуола 220 миэстэлээх саҥа дьиэтэ тутулла турар, быйыл үлэҕэ киириэхтээх.

⭕ Улуус дьаһалтатын оробуочай бөлөҕө ыам ыйын 18 күнүгэр миэстэтигэр тутуу хаамыытын билистэ. Билиҥҥи туругунан, тутууга көҥдөйө бүтэн, тымныы уу уонна электричество ситимин тардыы, ону таһынан вентиляцияны таҥыы үлэтэ ыытыллар. Оттон насос станциятын уонна канализация тобохторо түһэр сирин оҥоруу түмүктэммит.

📌 “Оробуочай бөлөх салайааччыта – улуус баһылыга Алексей Федотов тутуу хаамыыта тэтимнээҕин, үлэ хаачыстыбалааҕын бэлиэтээтэ уонна улуус, нэһилиэк дьаһалтатын өттүлэриттэн тутуу графиктан хаалбатын туһугар хонтуруол өрүү баарын санатта. Инникитин тутуу бырайыагынан уонна оскуоланы сайыннарыы бырагырааматынан, Суотту оскуолатыгар аныгы ирдэбиллэргэ эппиэттэһэр үөрэх саҥардыллыбыт көрүҥүнэн ыытыллыаҕын бэлиэтээтэ. Ол курдук, хас биирдии кэбиниэт, лаборатория, үөрэтэр хостор, муннуктар тус-туспа үөрэтэр киэптээх, соруктаах буолуохтара” – диэн улуус дьаһалтатын пресс-сулууспатыгар иһитиннэрдилэр.

⭕ Салгыы бөлөх Суотту нэһилиэгэр киириигэ стела туруохтаах миэстэтигэр сырытта. Улууска 2022 сылга ыытыллыахтаах Саха сирин норуоттарын VIII-с спортивнай оонньууларын көрсө Суотту – Бороҕон уонна Бороҕон – Аллараа Бэстээх айан суоллара ааһар нэһилиэнньэлээх пууннарга киирии стелалары, бэлиэ миэстэлэри саҥардыы, тупсарыы үлэтэ былааннаммыта.

⭕ Билиҥҥи туругунан, Оҕуруоттаахха уонна Бэйдиҥэ, Матта икки ардыларыгар кыраныысса миэстэтигэр оҥоһуллуохтаах стелалар каркастара турда, матырыйаалы таһыы үлэтэ ыытыллар. Сүрүн үлэ, бэдэрээччит этэринэн, бэс ыйыттан саҕаланыаҕа.

#уйгусирэуусалдан
#уусалданхаһыата
#мүрүсаһарҕата
#тутуу
#суотту
https://www.instagram.com/p/CPCk4A6Mk82/?utm_medium=share_sheet