📰📰📰

⭕ Улуус сиригэр-уотугар Өлүөнэ өрүскэ Арыы Тиит бөһүөлэгин аннынан билигин муус хойуутук устар. Сарсыарда 9 чаас 15 мүнүүтэлээх дааннайынан, уу таһыма Оҕуруоттаахха 818 см тэҥнэстэ (муҥутуура – 1051 см). Оттон Дьокуускай аннынан өрүс муустан ыраастаммыт, Кангаласс тумуһугар фарватер эмиэ ыраастанан эрэр. Бу туһунан улуус ыксаллаах быһыыга-майгыга хамыыһыйата иһитиннэрдэ.  

#уйгусирэуусалдан
#уусалданхаһыата
#мүрүсаһарҕата
#халаан2021
#суотту
https://www.instagram.com/p/CPE1GKDMh8Q/?utm_medium=share_sheet

📰📰📰

⭕ Ыам ыйын 19 күнүгэр улуус дьаһалтатын Биир кэлим диспетчерскэй сулууспатын 12.00 чаастааҕы дааннайынан, Суотту нэһилиэгин сиригэр-уотугар Өлүөнэ өрүс мууһа уста сытар.

⭕ Онуоха Оҕуруоттаахха уу таһыма бүтэһик көрдөрүүгэ 114 см эбиллэн, 694 см тэҥнэһэр (муҥутуура – 1051 см), Арыы Тииккэ – 847 см (түөрт чаас иһигэр эбиллиитэ – 70 см, муҥутуура – 1040 см).

#уйгусирэуусалдан
#уусалданхаһыата
#мүрүсаһарҕата
#халаан2021
#суотту
https://www.instagram.com/p/CPCm7Qxsg4P/?utm_medium=share_sheet

📰📰📰

⭕ Суотту нэһилиэгэр оскуола 220 миэстэлээх саҥа дьиэтэ тутулла турар, быйыл үлэҕэ киириэхтээх.

⭕ Улуус дьаһалтатын оробуочай бөлөҕө ыам ыйын 18 күнүгэр миэстэтигэр тутуу хаамыытын билистэ. Билиҥҥи туругунан, тутууга көҥдөйө бүтэн, тымныы уу уонна электричество ситимин тардыы, ону таһынан вентиляцияны таҥыы үлэтэ ыытыллар. Оттон насос станциятын уонна канализация тобохторо түһэр сирин оҥоруу түмүктэммит.

📌 “Оробуочай бөлөх салайааччыта – улуус баһылыга Алексей Федотов тутуу хаамыыта тэтимнээҕин, үлэ хаачыстыбалааҕын бэлиэтээтэ уонна улуус, нэһилиэк дьаһалтатын өттүлэриттэн тутуу графиктан хаалбатын туһугар хонтуруол өрүү баарын санатта. Инникитин тутуу бырайыагынан уонна оскуоланы сайыннарыы бырагырааматынан, Суотту оскуолатыгар аныгы ирдэбиллэргэ эппиэттэһэр үөрэх саҥардыллыбыт көрүҥүнэн ыытыллыаҕын бэлиэтээтэ. Ол курдук, хас биирдии кэбиниэт, лаборатория, үөрэтэр хостор, муннуктар тус-туспа үөрэтэр киэптээх, соруктаах буолуохтара” – диэн улуус дьаһалтатын пресс-сулууспатыгар иһитиннэрдилэр.

⭕ Салгыы бөлөх Суотту нэһилиэгэр киириигэ стела туруохтаах миэстэтигэр сырытта. Улууска 2022 сылга ыытыллыахтаах Саха сирин норуоттарын VIII-с спортивнай оонньууларын көрсө Суотту – Бороҕон уонна Бороҕон – Аллараа Бэстээх айан суоллара ааһар нэһилиэнньэлээх пууннарга киирии стелалары, бэлиэ миэстэлэри саҥардыы, тупсарыы үлэтэ былааннаммыта.

⭕ Билиҥҥи туругунан, Оҕуруоттаахха уонна Бэйдиҥэ, Матта икки ардыларыгар кыраныысса миэстэтигэр оҥоһуллуохтаах стелалар каркастара турда, матырыйаалы таһыы үлэтэ ыытыллар. Сүрүн үлэ, бэдэрээччит этэринэн, бэс ыйыттан саҕаланыаҕа.

#уйгусирэуусалдан
#уусалданхаһыата
#мүрүсаһарҕата
#тутуу
#суотту
https://www.instagram.com/p/CPCk4A6Mk82/?utm_medium=share_sheet

📰📰📰

📌 "Өрүс кытылыгар олорооччулар өрө тыыммыт курдук буоллубут.

📌 Бэҕэһээ киэһэ 6 чаас 30 мүнүүтэҕэ Суотту утары Үөдэй нэһилиэгэр Буденнай боротуокатыгар 1 туонналаах буомбаны эһэннэр, харыыны төлөрүттүлэр. Онон Эбэ мууһа билиэнтэн босхолонон, сүүрүккэ бас бэринэн, кудуххайдык бэйэтин дьаалатынан уһунна. Муус хадьырыйсар тыаһа, киргиэтээн айанныыра дэриэбинэттэн бэрт чуолкайдык иһиллэр.

📌 Билиҥҥи туругунан, Суотту анныгар күөллэргэ үрэҕинэн саҥа кутан эрэр. Бу үлүгэр киэҥ нэлэмэн сыһыылаах Суотту сирин уунан толоруох диэтэххэ, элбэх уу наада. Онон барыта этэҥҥэ буоларыгар, санаабыт бөҕөх, эрэлбит энчирээбэт!" – диэн Суоттуттан ааҕааччыбыт, ааптарбыт Оҕуруоттаах иһитиннэрдэ.

#уйгусирэуусалдан
#уусалданхаһыата
#мүрүсаһарҕата
#суотту
#халаан2021
https://www.instagram.com/p/CPCL24XMEzZ/?utm_medium=share_sheet