CHDPU Prezident topshirig‘ini qanday bajarmoqchi?
#prezident_topshirigi #ijro

Prezidentimiz raisligida oʻtkazilgan videoselektorda Chirchiq davlat pedagogika universitetiga Piskent tumanining turistik salohiyatini oshirish, ilmiy-amaliy yondashgan holda, turizm obektlari va mahsulotlari kontentini boyitishi lozimligi belgilangandi.

Tahlillarga koʻra, 2023-yil davomida Piskent tumanidagi madaniy meros va turizm namoyish obyektlariga tashrif buyurgan xorijiy sayyohlar soni 170 nafar va mahalliy sayyohlar soni esa qariyb 7000 nafarni tashkil qilgan. Hozirda Piskent tumanida 2 ta tarixiy-arxeologik obida, 2 ta ziyorat turizm obyekti, 2 ta turoperatorlik firmasi faoliyat koʻrsatmoqda.

Bugun Turizm fakulteti rasmiylari Piskent tumaniga tashrif buyurib, Hokimlik rahbariyati bilan uchrashdi. Piskent tumanining turistik salohiyatini oshirish boʻyicha 2024-yil davomida amalga oshiriladigan chora-tadbirlar rejasi muhokama qilindi.

Xususan, turistlarni jalb qiladigan obektlar tarkibini oʻrganish va xaritasini tuzish, sayyohlik markazlarida Toshkent viloyati sanʼatini aks ettiruvchi animatsion dasturlarni tashkil etish, ziyorat turizmini rivojlantirish maqsadida “Qiriqqiz” ziyoratgohi maʼlumotlar bazasiga kiritilgan obektlarning kontentlarini yaratish va yangilab borish, arxeologik, etnografik va agroturizmni rivojlantirish maqsadida qishloq turistik klasterlarini tashkil qilishni ilmiy asoslangan taklifini ishlab chiqish, obyektlar katologlarini raqamlashtirish singari vazifalar oʻrin olgan.

Shuningdek, Piskent tumanida turizmni rivojlantirishga qaratilgan ilmiy-tadqiqot mavzulari bankini yaratish, ularni magistrant, tayanch doktorant, doktorant va mustaqil tadqiqotchilarga ilmiy-tadqiqot mavzusi sifatida taklif qilish, turistlar oqimini yanada oshirish va universitet imkoniyatlaridan samarali foydalanishni yoʻlga qoʻyish uchun Turizm fakulteti qoshida turistik firma tashkil qilish rejalashtirilmoqda.

Bizni kuzating: 👉@tvchdpi2017

Talabalar ishtirokida o‘qituvchining innovatsion faoliyati traektoriyasi o‘rganildi
#kafedra_tashabbusi #prezident_topshirigi
#ijro #talaba_manfaati #Ilmiy_seminar

O‘zbekiston tarixi kafedrasida professor Yarash G‘affarov bilan ilmiy seminar o'tkazildi.
Bundan ko‘zlangan asosiy maqsad, o‘qituvchining innovatsion faoliyati traektoriyasini tahlil qilish, professor-o‘qituvchilar o‘rtasida nazariy-metodologik tajriba almashish hamda “4+2” Dasturi asosida amaliyot o‘tayotgan talabalarga ilg‘or pedagogik va axborot texnologiyalardan foydalanish usullarini o‘rgatishga qaratildi.

Seminar so‘nggida professor Yarash G‘affarov maxsus fanlarni o‘qitishda yangi pedagogik texnologiyalardan foydalanishning xalqaro andozalarini tushuntirib, yosh o‘qituvchilarning bu boradagi yutuq va kamchiliklariga misollar asosida izoh berdi.

– Seminar muhokamalarga boy tarzda tashkil etildi, – deydi seminar ishtirokchisi, Namangan davlat pedagogika instituti magistri Shaxruh Sultanov. – Dars jarayonida o‘qituvchining innovatsion harakatlarining maqsadi va konsepsiyasini shakllantirish xususidagi fikrlarni yangilik sifatida qabul qildim.

Seminar ishida prorektor Doniyor Ahmadjonov ishtirok etdi.

Bizni kuzating: 👉@tvchdpi2017

Yoshlar uchun yangi imkoniyatlar belgilandi
#prezident_topshirigi
#Rektor #ijro

2023-yilning 11-aprel kuni Prezident Shavkat Mirziyoyev raisligida yoshlar siyosati sohasidagi ishlar natijadorligini oshirish hamda ular bilan ishlash tizimini yanada takomillashtirish chora-tadbirlari yuzasidan videoselektor yig‘ilishida OTMlari rahbarlariga ham qator topshiriqlar yuklatilgandi

Ushbu yig‘ilishda berilgan topshiriqlar ijrosini ta’minlash maqsadida Chirchiq davlat pedagogika universiteti rektori G‘ofurjon Muxamedov Chirchiq shahridagi Tinchlik mahallasidan biriktirilgan yoshlar, ularning ota-onalari, mahalla mas’ullari hamkorligida navbatdagi uchrashuv bo‘lib o‘tdi.

Ochiq va konstruktiv muloqot tarzida o‘tgan tadbir yoshlar uchun ham manfaatli, ham unumli bo‘lib, muammo va kamchiliklar o‘z o‘rnida bartaraf etildi. Universitet rahbari mahalla yoshlarining fikr-mulohazalarini tingladi, ularning takliflari yuzasidan amalga oshirilishi lozim bo‘lgan vazifalar belgilab olindi.

Shuningdek, universitet rektori G‘ofurjon Muxamedov bilim olish istagida bo‘lgan yoshlarga barcha imkoniyatlar yaratib berilishini aytib o‘tdi.

Bizni kuzating: 👉@tvchdpi2017

Olimpiada g‘oliblari ChDPU talabaligiga qabul qilindi
#prezident_topshirigi #ijro
#olimpiada

1,2,3-o‘rinni egallagan o‘quvchilar Chirchiq davlat pedagogika universiteti talabaligiga qabul qilindi va grant asosida o‘qish imoniyatiga ega bo‘ldilar.

👉 Batafsil saytda

Universitet rasmiy sahifalari:
Web-sayt | Telegram | Instagram | Facebook |YouTube

ChDPUda xalqaro o‘qituvchi tayyorlash yo‘nalishida katta qadam qo‘yildi
#prezident_topshirigi #ijro
#talaba_manfaati

Chirchiq davlat pedagogika universiteti rektori, professor G‘ofurjon Muxamedov “Marking Workshop Cambridge International IGCSE Mathematics” xalqaro darajadagi onlayn kurslarida o‘qib, xalqaro sertifikatni qo‘lga kiritgan talabalar bilan uchrashdi.

Chirchiq davlat pedagogika universitetining xalqaro o‘qituvchi tayyorlash yo‘nalishida katta qadam qo‘yildi. Xususan, Xolmatova Dildora, Axmetova Ayjan, Boqijonova Navro‘za va Sapayev Bahtiyor kabi kimyo hamda matematika va informatika yo‘nalishi 3-bosqich talabalari “Marking Workshop Cambridge International AS & A Level Chemistry” hamda “Marking Workshop Cambridge International IGCSE Mathematics” xalqaro darajadagi onlayn kurslarida o‘qib, sertifikatni qo‘lga kiritishdi.

Universitet rektori talabalarga va ularning o‘qituvchilariga o‘z minnatdorchiligini bildirdi.

Talabalarimiz dunyoning turli mintaqalaridan yig‘ilgan yoshlar qatorida xalqaro kursda birgalikda ta’lim oldi va yangi bilimlarga ega bo‘ldilar.

Xalqaro kurslarda ta’lim olayotgan iqtidorli talabalarimiz kelgusida Kembridj xalqaro taʼlim dasturlari asosida dars beriladigan fanlarni oʻqitish boʻyicha barcha bosqichdagi kurslarni muvaffaqiyatli tugatib, sertifikat olishni hamda ingliz tilini bilish darajasini hozirgi B2 darajadan С1 darajaga ko‘tarib, xalqaro darajadagi o‘qituvchi bo‘lishni o‘z oldilariga maqsad qo‘yishgan.

P.S.: Chirchiq davlat pedagogika universitetida xalqaro sertifikatlarni olishda rag‘batlantirish tizimi universitemiz yoshlarining muvaffaqiyatli ijtimoiylashuvi va o‘z ustida ishlash uchun sharoit yaratish, salohiyatini oshirish, shuningdek, CHDPUni yanada rivojlantirish manfaatlarida foydalanish uchun xizmat qilmoqda.

Bizni kuzating: 👉@tvchdpi2017

ChDPU o‘qituvchilari va talabalari navbatdagi xalqaro sertifikatlarni qo‘lga kiritishdi
#prezident_topshirigi #ijro
#CHDPU_strategiyasi

Universitet rektori G‘ofurjon Muxamedov xalqaro sertifikatni qo‘lga kiritgan professor-o‘qituvchi va talabalar bilan 2024/2025 o‘quv yilidagi maqsad va vazifalar yuzasidan fikr almashdilar.

Universitetimizning “Xalqaro o‘qituvchi tayyorlash” shiori ostida 2 nafar fizika, 2 nafar biologiya, 1 nafar ingliz tili va adabiyoti yo‘nalishlari talabalari hamda 3 nafar Fakultetlararo chet tillar kafedrasi o‘qituvchilari Kembrij xalqaro ta’lim dasturlarining fizika (Cambridge IGCSE Physics), biologiya (Cambridge IGCSE Biology) va ingliz tili (Cambridge AS & A Level English Language) fanlarini o‘qitish bo‘yicha Introduction (Kirish) kasbiy rivojlanish kursini muvaffaqiyatli yakunladilar.

Kembrij xalqaro ta’lim dasturining IGCSE (International General Certificate of Secondary Education – Umumiy o‘rta ta’lim olganlik xalqaro sertifikati) 14-16 yoshdagi o‘quvchilar uchun mo‘ljallangan bo‘lib, fizika va biologiya yo‘nalishlari talabalari mutaxassislik fanlarini xalqaro dastur asosida o‘qitish bo‘yicha bilimlarga ega bo‘lishdi, turli mamlakatlarda faoliyat yuritayotgan o‘qituvchilar bilan o‘zaro fikr va tajribalar almashishdi.

Kembrij xalqaro ta’lim dasturining A hamda AS darajalari esa 16 yoshdan yuqori o‘quvchilar va bakalavr darajasidagi yoshlar uchun mo‘ljallangan bo‘lib, bu kursda ingliz tili o‘qituvchilari o‘z mutaxassisliklari bo‘yicha sillabus bilan tanishib, Kembrij daturining metodik materiallarini o‘rgandilar.

P.S.: Xalqaro kurslarni tamomlagan o‘qituvchi hamda bo‘lajak o‘qituvchilarimiz universitetda xalqaro darajada o‘qituvchilarni tayyorlash, Prezident maktablari va ixtisoslashgan maktablar uchun kadrlarni tayyorlashda o‘z hissalarini qo‘shishni maqsad qilishgan, shuningdek, Kembrij xalqaro ta’lim dasturlarining keyingi malaka oshirish bosqichlarini davom ettirishni rejalashtirishgan.

Bizni kuzating: 👉@tvchdpi2017

“Qurilish otryadlari” – yoshlar uchun yangi imkoniyatlar
#prezident_topshirigi #ijro
#talaba_manfaati

O‘zbekiston Respublikasi Prezidenti Shavkat Mirziyoyev raisligida yoshlarni har tomonlama qo‘llab-quvvatlash chora-tadbirlari yuzasidan o‘tkazilgan videoselektor yig‘ilishida yoz oylarida “Qurilish otryadlari”ni tashkil etib, 100 ming yoshlarni oylik beradigan ishlarga jalb qilish bo‘yicha vazifalar belgilangan edi. Ushbu vazifalar ijrosini taʼminlash maqsadida Chirchiq davlat pedagogika universitetida amaliy ishlar davom etmoqda.

20 nafar talabalardan iborat “Qurilish otryadi” tashkil etildi. Ushbu otryad a'zolari universitetning yangi barpo etilayotgan talabalar turar joyi va o‘quv binolarida faoliyat olib bormoqdalar. Talabalar otryad a’zolari sifatida qurilish sohasida tajriba orttirib, moddiy jihatdan imkoniyatlarini yaxshilashga katta hissa qo‘shiladi.

👍👍 @tvchdpi2017