Rektor tashabbusini talabalar faolligi bilan qo‘llab-quvvatladi
#Rektor #talaba_manfaati

“Rektor kubogi” shaxmat musobaqasi joriy o‘quv yilining eng shov-shuvli va eng ko‘p ishtirokchi qatnashgan musobaqalaridan biri bo‘ldi. Final o‘ynida universitet rasmiylarining ishtiroki ChDPUning navbatdagi muvaffaqiyatli loyihasi ekanligidan dalolat berdi.

"2023-yil sentabr oyida rektorimiz G‘ofurjon Isroilovich tashabbusi bilan talabalar va mahalla yoshlari uchun "Shaxmat akademiyasi" tashkil etildi va shaxmat xonasi ochildi. Universitet rahbariyati tashabbusini talabalar faolligi bilan qo‘llab-quvvatladi. Bu bejiz emas. Chunki aqliy va jismoniy mehnat uyg‘unlashganda insonning tafakkur tarzi ijobiy tarafga o‘zgaradi. Noodatiy, yangicha fikrlay boshlaydi", dedi shaxmat akademiyasi prezidenti Saida Abdujalolova.

Uch oy va 456 nafar talabalar ishtirokida davom etgan turnir o‘z nihoyasiga yetdi. Musobaqaning eng muhim jihati, shaxmat o‘ynash borasida talaba qizlarning yigitlardan aslo qolishmasligi kuzatildi. Ular mahoratda ham, topqirlikda ham tengqurlari orasida peshqadamligini isbotladi.

Turnirning mutloq g‘olibi Matematika va informatika fakulteti talabasi Lobar To‘ychiboyeva bo‘ldi.

"Talabalarimiz orasida shaxmat o‘ynashni favqulodda yaxshi ko‘radiganlar ko‘pligiga guvoh bo‘ldim. Ular har hafta o‘tkaziladigan musobaqalarda faol qatnashib, salohiyatini namoyish etishdi. Finaldagi raqibim Otabekka katta rahmat", dedi turnir g‘olibi Lobar To‘ychiboyeva

Turnir g‘olib va sovrindorlari ro‘yhati bilan tanishing. Foto lavhalardan zavqlaning!

Bizni kuzating: 👉@tvchdpi2017

Universitet rektori ijaradagi talabalar holidan xabar oldi
#Rektor #talaba_manfaati

Bugun, 28-mart kuni Chirchiq davlat pedagogika universiteti rektori, professor G‘ofurjon Muxamedov mas'ullar ishtirokida ijara xonadonlarda istiqomat qilayotgan talabalarning yashash sharoitlari, xonadonlardagi mavjud kamchiliklar, qiynayotgan muammolarni o'rganish maqsadida talaba-yoshlar holidan xabar oldi.

Jarayon davomida universitet rahbari ijara xonadonlarda istiqomat qilayotgan talabalar sharoiti bilan tanishdi, ular bilan suhbatlashdi. Talaba-qizlarning fikr-mulohazalarini tingladi. Bildirilgan takliflar bo'yicha mas'ullarga aniq va manzilli topshiriqlar berildi.

Rektor ijara xonadonlarini o'rganishda yo'l qo'yilayotgan kamchiliklar yuzasidan xonadon egalariga bartaraf etish bo'yicha kerakli ko'rsatma va tavsiyalarni berdi.

👍👍 @tvchdpi2017

Universitet rektori qurilish jarayoni bilan tanishdi
#Rektor #talaba_manfaati

Universitet rektori G‘ofurjon Muxamedov Maktabgacha ta’lim fakultetida olib borilayotgan bunyodkorlik ishlari bilan tanishdi.

Quruvchilar bilan suhbatda universitet rektori qurilish sifati va muddatiga jiddiy e’tibor qaratish, talabalar uchun qulayliklar yaratish yuzasidan tavsiyalar hamda ishlarni jadallashtirish bo‘yicha ko‘rsatmalar berdi.

Loyihaga ko‘ra Maktabgacha ta’lim fakultet jamoasi yangi o‘quv yilini zamonaviy binoda boshlaydi. Fakultet binosida administrativ xonalar, ma’ruza zallari, amaliyot laboratoriyalari, maxsus o‘quv xonalari, multimedia xonalari, konferensiya zali, kutubxona hamda sport zaldan iborat bo‘ladi.

Shuningdek, bino hududida oshxona, qishki bog‘cha-saroy, mobil bog‘cha va talabalar uchun dam olish zonalari faoliyat olib boradi. Hududda tashkil etiladigan PBL (Problem based learning) sport maydonlarida bolalar sporti ta’limiga oid muammo yoki vazifalar berilib, ularning yechimi bilan bog‘liq amaliy mashg‘ulotlar o‘tkaziladi.

Bizni kuzating: 👉@tvchdpi2017

Yoshlar uchun yangi imkoniyatlar belgilandi
#prezident_topshirigi
#Rektor #ijro

2023-yilning 11-aprel kuni Prezident Shavkat Mirziyoyev raisligida yoshlar siyosati sohasidagi ishlar natijadorligini oshirish hamda ular bilan ishlash tizimini yanada takomillashtirish chora-tadbirlari yuzasidan videoselektor yig‘ilishida OTMlari rahbarlariga ham qator topshiriqlar yuklatilgandi

Ushbu yig‘ilishda berilgan topshiriqlar ijrosini ta’minlash maqsadida Chirchiq davlat pedagogika universiteti rektori G‘ofurjon Muxamedov Chirchiq shahridagi Tinchlik mahallasidan biriktirilgan yoshlar, ularning ota-onalari, mahalla mas’ullari hamkorligida navbatdagi uchrashuv bo‘lib o‘tdi.

Ochiq va konstruktiv muloqot tarzida o‘tgan tadbir yoshlar uchun ham manfaatli, ham unumli bo‘lib, muammo va kamchiliklar o‘z o‘rnida bartaraf etildi. Universitet rahbari mahalla yoshlarining fikr-mulohazalarini tingladi, ularning takliflari yuzasidan amalga oshirilishi lozim bo‘lgan vazifalar belgilab olindi.

Shuningdek, universitet rektori G‘ofurjon Muxamedov bilim olish istagida bo‘lgan yoshlarga barcha imkoniyatlar yaratib berilishini aytib o‘tdi.

Bizni kuzating: 👉@tvchdpi2017

Kafedralar faoliyatidagi sifat o‘zgarishlari ayni kun uchun muhim
#Rektor
#CHDPU_strategiyasi

Bugun universitet rektori huzurida kafedra mudirlari ishtirokida universitetning ustuvor vazifalariga bag‘ishlangan yig‘ilish bo‘lib o‘tdi.

Universitet rektori G‘ofurjon Muxamedov yig‘ilishni ochib, universitetda faoliyat yuritayotgan har bir rahbar, har bir o‘qituvchi oldida avvalo, talabalarga sifatli ta’lim olishlari va yetuk mutaxassis bo‘lib yetishishlari uchun munosib sharoit yaratib berish vazifasi turganini alohida ta’kidladi...

👉 Batafsil saytda

Universitet rasmiy sahifalari:
Web-sayt | Telegram | Instagram | Facebook |YouTube