#Hokim_yordamchisi_faoliyatidan

Qoraqalpogʼiston Respublikasi Toʼrtkoʼl tumani "Mustaqillik" MFY hokim yordamchisi M.Bekchanovning tavsiyanomasi koʼmagida G’.Gulom koʼchasi 16-uyda yashovchi fuqaro I.Matyaqubova Oʼzbekiston Respublikasi Prezidentining 2021 yil 20 dekabrdagi "Oilaviy tadbirkorlikni rivojlantirish va aholining daromad manbaini kengaytirishga doir qo‘shimcha chora-tadbirlar to‘g‘risida"gi 55-son qaroriga muvofiq daromad manbaini oshirish maqsadida 33 mln. so’mlik 4 ta tikuv mashinalari kredit asosida olib berildi. Natijada I.Matyaqubovadan tashqari yana 3 nafar ishsiz qizlarning bandligi ta’minlandi. 🟢To`rtko`l tumani hokimligi Axborot xizmati WEB SAYT | IG | FB | TW

Kitob- ma’naviyat quyoshi

Bugun Otajon Xudoyshukurov nomli madaniyat saroyida tuman ko‘zi ojizlar va madaniyat bo‘limi kutubxonasi hamkorligida "Kitob-ma’naviyat quyoshi "mavzusida adabiy-badiiy kecha bo‘lib o‘tdi. Tadbirda ko‘zi ojiz kutubxona kitobxonlari, madaniyat xodimlari tuman Axborot Kutubxona Markazi xodimlari va "Onajonim-she’riyat" klubi a’zolari hamda tuman XTBga qarashli 16-sonli umumta’lim maktabining kitobxon o‘quvchilari qatnashdi. Tadbirni tuman Madaniyat bo‘limi rahbari Bormat Durdiev ochib berdi.
Shundan so‘ng Respublika Ma’naviyat va ma’rifat markazi To‘rtko‘l bo‘linmasi rahbari Jonibek Settiev, To‘rtko‘l tuman Axborot kutubxona markazi mutaxassisi Munavvara Yusupova mazkur kitobxonlik haftaligining mazmun-mohiyati haqida kengdan sharh va tushunchalar berib o‘tishdi. To‘rtko‘l Axborot kutubxona markazi qoshida tashkil topgan "Onajonim-she’riyat" klubi a’zolarining o‘zlari yozgan she’rlaridan ifodali o‘qishi ishtirokchilarning olqishlariga sazovor bo‘ldi.

To‘rtko‘l Axborot kutubxona markazi qoshida tashkil topgan "Onajonim-she’riyat" klubi a’zolarining o‘zlari yozgan she’rlaridan ifodali o‘qishi ishtirokchilarning olqishlariga sazovor bo‘ldi.
Tadbirda ko‘zi ojiz kitobxonlardan Rahimova Nilufar Ahad Qayum she’rlaridan yod aytib, Xorazm xalq qo‘shiqlaridan ijro qilib berishi bilan tadbir ishtirokchilarining qalbidan joy oldi. Bo‘lib o‘tgan tadbir qatnashuvchilarning kitobga bo‘lgan mehr-muhabbatini yanada oshirdi. 🟢To`rtko`l tumani hokimligi Axborot xizmati WEB SAYT | IG | FB | TW

Amerikalik mutaxassis To`rtko`lda O‘zbekiston Respublikasi Xalq ta’limi vazirligi va Amerika Kengashlari (American Councils) bilan birgalikda "ESN STT" (English Speaking Nation Secondary Teacher Training program) dasturi tashkil qilindi.

❗️Ushbu dastur doirasida To‘rtko‘l tumani xalq ta’limi bo‘limiga qarashli 40- va 63-sonli umumta’lim o‘rta maktablarining ingliz tili fani o‘qituvchilari, tumanda hududiy trener RPM (Regional Peer Mentor) Indira Xasanova va Gulchehra Xakimovalarning ochiq darsida ishtirok qilish maqsadida, Tesol instruktori Nyu-Yorkdan Yuta Otake bilim maskanlariga tashrif buyurdi.

❗️Ushbu loyihadan ko‘zlangan maqsad – amerika va boshqa millat vakillari orasida do‘stlik va hamjihatlik o‘rnatish orqali ingliz tilini o‘rganishdan iborat. 🟢To`rtko`l tumani hokimligi Axborot xizmati WEB SAYT | IG | FB | TW

Хayriya konserti o‘tkazildi

Bugun 20 aprel kuni O.Xudoyshukurov nomidagi markaziy madaniyat markazida, Qoraqalpog‘iston Respublikasi Ellikqal’a tumani, Bo‘ston madaniyat markazi qoshida tashkil etilgan "Namunali maqom jamoasi" ning "Umrboqiy maqom" mavzusida xayriya konsert dasturi o‘tkazildi. Konsert dasturida Xorazm maqomlaridan, laparlaridan shuningdek Ustoz O.Xudoyshukurov ijodidan kuy-qo‘shiqlar ijro etildi. Konsert yakunida tuman Madaniyat bo‘limi boshlig‘i B.Durdiev hamda Respublika Ma’naviyat va ma’rifat markazi tuman bo‘linmasi rahbari J.Settievlar so‘zga chiqishib «Namunali maqom jamoasi» badiiy rahbariga o‘z minnatdorchiligini bildirishib, тuman hokimi tomonidan tashakkurnoma bilan taqdirlashdi. Konsert dasturidan joy olgan diltortar kuy-navolar tomoshabinlarga xush kayfiyat bag‘ishladi. To`rtko`l tumani hokimligi Axborot xizmati WEB SAYT | IG | FB | TW