#hamkorlik #Xitoy

O'zbekistondagi xitoylik tadbirkorlar uyushmasi vakillari va TATU o'rtasida hamkorlik aloqalari o'rnatildi.

Xitoy korxonalari va ishbilarmonlari tomonidan hamkorlikda tashkil etilgan O'zbekiston xitoylik tadbirkorlar uyushmasining Universitetimizga tashrifi davomida Xitoy OTMlariga almashinuv dasturlari orqali talabalarini yuborish, qo’shma loyihalar, karyera markazlari, talabalar amaliyoti, talabalar uchun yozgi va qishki oromgohlar, lager tadbirlari, shuningdek, fan, taʼlim, texnologiya, madaniyat va boshqa sohalarda hamkorlik qilish uchun oʻzaro hamkorlikni ko'zda tutgan anglashuv memorandumi imzolandi.

✈️@tuituz_official

#hamkorlik #Qatar 🇶🇦

✅ Qatarning Doha shahrida O'zbekistonning yetakchi oliy ta'lim muassasalari, jumladan, Muhammad al-Xorazmiy nomidagi Toshkent axborot texnologiyalari universiteti, Toshkent davlat Iqtisodiyot universiteti,  Buxoro muhandislik-texnologiya instituti rektorlari hamda O‘zbekistonning Qatardagi elchisi Ashraf Xo’jayev boshchiligidagi delegatsiya Qatarning Doha fan va texnologiya universiteti (UDST)ga tashrif buyurdi. Tashrif davomida UDST prezidenti Dr. Salem Al-Naemi va O‘zbekistonning yetakchi OTMlari o‘rtasida ta’lim sohasida hamkorlik aloqalarini yo‘lga qo‘yish yuzasidan muzokaralar olib borildi.

🤝 Uchrashuvda Doha fan va texnologiya universiteti (UDST) asosiy e’tibor OTMlar o‘rtasida hamkorlik aloqalarini yo‘lga qo‘yishga qaratildi, munozaralar markazida qo‘shma tadqiqot tashabbuslari, akademik almashinuv dasturlari va innovatsion ta’lim o‘quv dasturlarini ishlab chiqish masalalari muhokama qilindi.

✅ Ushbu hamkorlikda universitetlarning kuchli tomonlarini birlashtirish, akademik mukammallikni rivojlantirish va axborot texnologiyalari, yashil energiya, biznes boshqaruvi, fan va texnologiya sohalarida tadqiqot imkoniyatlarini oshirishga qaratilgan. Uchrashuv yakunida tomonlar bugungi kunda dolzarb bo‘lgan, bozor talabidan kelib chiqib, turli sohalarda hamkorlik qilishga kelishib oldilar.

🗒 Ma’lumot o‘rnida: Doha fan va texnologiya universiteti (UDST)da O‘zbekistonlik 5 nafar talabaga bakalavr bosqichida tahsil olish uchun to‘liq davlat granti asosida o‘qish imkoniyatini taqdim etgan. Mazkur uchrashuv yakuniga ko‘ra ushbu kvota sonini yildan yilga oshirib borish rejaga kiritildi.

✈️@taturektori

#Litva #hamkorlik

🇱🇹 Avval xabar berganimizdek, Litvaning yetakchi Vilnyus Gediminas texnika universiteti (VILNIUS TECH)da tashkil etilgan ERASMUS+ “New master’s degree and training course programs in the field of medical engineering in Uzbekistan 101082221 – UzMedEn” loyihasi doirasidagi treninglarida universitetimiz vakillari faol ishtirok etmoqda.

🌀 Loyiha rejasiga muvofiq, delegatsiya a’zolari joriy yilning 2-oktyabr kuni Vilnius texnika universitetining soha korxonalar bilan integratsiya (Industry-Academy Cooperation) jarayonlari bilan tanishish, shuningdek fan, ta'lim va ishlab chiqarish integratsiyasini rivojlantirish hamda ilmiy va innovatsion faoliyatni samarali tashkil etishda xalqaro hamkorlikni mustahkamlash maqsadida Litvaning “Moog – Medical Devices Manufacturing” kompaniyasi hamda “Vilnius University Hospital” ko‘p tarmoqli shifoxonasiga tashrif buyurdi.

🗒 Ma’lumot uchun: Viltechmeda 1993-yilda tashkil etilgan ilg'or tibbiy texnologiyalar kompaniyasi hisoblanib, 2008-yildan beri xalqaro Moog guruhiga tegishli. Mazkur kompaniya yuqori texnologik tibbiy qurilmalar ishlab chiqarish, shuningdek, anesteziya, neonatologiya, infuzion nasoslarga texnik xizmat ko'rsatish bilan shug‘ullanadi.

✈️@tuituz_official

#World_academic_summit #hamkorlik

🏴󠁧󠁢󠁥󠁮󠁧󠁿 Times Higher Educaion tomonidan o'tkazilayotgan "World Academic Summit" doirasida Angliyaning Manchester universiteti kansleri Nazir Afzal, universitet prezidenti Dunkan Ivision va Bilimlar almashinuvi departamenti boshqaruvchisi Joanna Sammers bilan Muhammad al-Xorazmiy nomidagi Toshkent axborot texnologiyalari universiteti va Manchester universiteti o'rtasida hamkorlik aloqalarini o'rnatish va rivojlantirish bo'yicha muhokama o'tkazildi.

Shuningdek, tadbir doirasida tashkil etilgan ko'rgazmada Manchester universiteti ishlanmalari bilan yaqindan tanishildi.

✈️@tuituz_official

#Xitoy #hamkorlik

🇨🇳 Joriy yilning 23-oktyabr kuni Muhammad al-Xorazmiy nomidagi Toshkent axborot texnologiyalari universitetiga Xitoy Xalq Respublikasining Hebei muhandislik texnologiyalari universiteti vitse prezidenti Prof. WU YONG boshchiligidagi delegatsiya tashrif buyurdi.

💬 Uchrashuvda taʼlim sohasidagi xalqaro hamkorlikning asosiy masalalari muhokama qilindi. Shuningdek, universitetlar o’rtasida o’quv va ilmiy yo’nalishlarda turli dasturlarni amalga oshirish, qisqa va uzoq muddatli stajirovka dasturini yo’lga qo’yish, qo‘shma tadqiqotlar olib borishni maqsad qilgan o’zaro hamkorlik memorandumi imzolandi.

✈️@tuituz_official

#Yaponiya #hamkorlik

🇯🇵 2024-yil 28-oktyabr kuni Muhammad al-Xorazmiy nomidagi Toshkent axborot texnologiyalari universitetiga Yaponiyaning Sukuba universiteti vitse prezidenti professor Yasushi Nakauchi tashrif buyurdi.

💻 Uchrashuvda Sukuba universiteti va TATU bilan ilmiy-tadqiqot va ta’lim sohalarida qo‘shma loyihalar hamda dasturlarni amalga oshirish masalalari muhokama qilindi. Shuningdek, malakali kadrlarni tayyorlashda Sukuba universiteti tajribasini qo'llash, bunda xalqaro standartlarga mos yangi o‘quv dasturlarini ishlab chiqish, ilmiy-texnologik hamkorlikni rivojlantirish va Yaponiya mutaxassislarini TATUga jalb etish bo‘yicha kelgusidagi rejalar ko‘rib chiqildi.

🗒 Malumot uchun:
Sukuba universiteti — Yaponiyadagi yirik tadqiqot universiteti bo‘lib, 1973-yilda tashkil etilgan va xalqaro QS hamda THE reytinglarda yuqori o'rinlarda qayd etilgan.

✈️@tuituz_official