#Yaponiya #JASSO #TATU

Joriy yilning 7-noyabr kuni Muhammad al-Xorazmiy nomidagi Toshkent axborot texnologiyalari universitetiga Yaponiya davlatining yetakchi OTMlaridan biri Yaponiya Xalqaro Universiteti va Yaponiyadagi xalqaro talabalarni qo'llab quvvatlovchi JASSO tashkiloti vakillari hamda O'zbekiston-Yaponiya markazi direktoridan iborat delegatsiya tashrif buyurdi.

✅ Uchrashuv davomida TATU talabarining kelgusi o'quv faoliyatini yaponiyada davom ettirish imkoniyatlari, qo'lga kiritish mumkin bo'lgan grantlar hamda ikki tomonlama manfaatli bo'lishi mumkin bo'lgan loyihalar muhokama qilindi hamda talabalarga taqdimot namoyish etildi.

👁 Uchrashuv so'ngida Yaponiyaning JICA tashkiloti tomonidan TATUda tashkil etilgan Media Markaz faoliyati bilan ham yaqindan tanishildi.

✈️@tuituz_official

#tashrif #Yaponiya_delegatsiyasi

✅ Bugun, Yaponiyaning Takarazuka Universiteti Tokyo kampus direktori va Ilg'or xorijiy talabalarni qo'llab-quvvatlash tashkiloti direktori hisoblangan Junichi Nakamura boshchiligidagi delegatsiya TATUga tashrif buyurdi.

🗒 Tashrif davomida TATU talabalarining kelajakdagi karyerasini Yaponiyada davom ettirishga va ilg'or AyTi kompaniyalarga ishga joylashish bilan bog'liq hamkorlik aloqalarini yo'lga qo'yish masalalari muhokama qilindi.

📊 Ma'lumot uchun: Bugungi kunda Yaponiya IT bozorida malakali AyTI mutaxassislarga bo'lgan talabni qondirishda O'zbekistonlik dasturchilarning  o'rni muhim ahamiyat kasb etmoqda.

✈️@tuituz_official

#Yaponiya
#Xalqaro_hamkorlik

🇯🇵 Friendship Association of Nagoya va TATU Nurafshon filiali o'rtasida anglashuv memorandumi imzolandi

✉️ Joriy yilning 12-iyun kuni Nagoya shahrida bo'lib o'tgan tantanali marosimda Toshkent axborot texnologiyalari universitetining Nurafshon filiali direktori Nurbek Nasrullayev va Friendship Association of Nagoya rahbari Shamoto Yosuke janoblari o'rtasida anglashuv memorandumi imzolandi. Ushbu memorandum ikki tashkilot o'rtasida hamkorlikni rivojlantirish, bilim va tajriba almashish hamda madaniy aloqalarni mustahkamlash maqsadida imzolandi.

✅ TATU Nurafshon filiali va Nagoya o'rtasidagi anglashuv memorandumi ikki tomonlama hamkorlikni mustahkamlashda muhim qadam bo'lib, bu hamkorlik nafaqat universitetlar o'rtasidagi, balki butun jamiyat o'rtasidagi aloqalarni rivojlantirishga xizmat qiladi. Ushbu memorandumning muvaffaqiyatli amalga oshirilishi bilan ikki mamlakat o'rtasida yangi imkoniyatlar yaratilishi kutilmoqda.

✈️@tuituz_official

#Yaponiya
#xalqaro_hamkorlik

Xabaringiz bor Muhammad al-Xorazmiy nomidagi Toshkent axborot texnologiyalari universiteti Nurafshon filiali delegatsiyasi xalqaro hamkorlik aloqalarini kengaytirish maqsadida Yaponiya davlatida boʻlib turibdi.

Navbatdagi tashrif Yaponiya ta'lim tizimida alohida mavqega ega GIFU KOSEN (National institute of technology) taʼlim muassasasiga amalga oshirildi.

Uchrashuv delegatsiyamizni iliq kutib olgan muassasa Prezidenti Itsuno Shinichiga filialimizning yangi kampusi va undagi jahon andozalari asosida talabalar va professor-oʻqituvchilar uchun yaratilgan imkoniyatlarni tanishtirishdan boshlandi.

Itsuno Shinichi janoblari tashrifdan juda mamnunligini bildirdi. Oʻzbekiston taʼlim dargohlari bilan hamkorlik, ayniqsa axborot texnologiyalari sohasida Markaziy Osiyoda yetakchi boʻlgan TATUning filiallaridan biri boʻlgan Nurafshon filiali bilan hamkorlik ushbu sohada salmoqli natijalar berishini aytib oʻtdi. Uchrashuv davomidagi ikki tomonlama muzokaralardan soʻng Nurafshon filiali va GIFU Kosen oʻrtasida hamkorlik memorandumini imzolashga kelishildi.

Ushbu hamkorlik orqali talabalarimiz va professor-oʻqituvchilarimizda Yaponiyadagi ushbu taʼlim muassasasida qisqa va uzoq muddatli bepul talabalar almashinuvi dasturlari va malaka oshirish kurslarida qatnashish imkoniyati yaratildi.

✈️@tuituz_official

#Yaponiya #hamkorlik

🇯🇵 2024-yil 28-oktyabr kuni Muhammad al-Xorazmiy nomidagi Toshkent axborot texnologiyalari universitetiga Yaponiyaning Sukuba universiteti vitse prezidenti professor Yasushi Nakauchi tashrif buyurdi.

💻 Uchrashuvda Sukuba universiteti va TATU bilan ilmiy-tadqiqot va ta’lim sohalarida qo‘shma loyihalar hamda dasturlarni amalga oshirish masalalari muhokama qilindi. Shuningdek, malakali kadrlarni tayyorlashda Sukuba universiteti tajribasini qo'llash, bunda xalqaro standartlarga mos yangi o‘quv dasturlarini ishlab chiqish, ilmiy-texnologik hamkorlikni rivojlantirish va Yaponiya mutaxassislarini TATUga jalb etish bo‘yicha kelgusidagi rejalar ko‘rib chiqildi.

🗒 Malumot uchun:
Sukuba universiteti — Yaponiyadagi yirik tadqiqot universiteti bo‘lib, 1973-yilda tashkil etilgan va xalqaro QS hamda THE reytinglarda yuqori o'rinlarda qayd etilgan.

✈️@tuituz_official