#Sayyor_qabul #Yakuniy_natija

Toshkent viloyati hokimining sayyor qabuli boʻlib oʻtdi

Toshkent viloyati hokimi Zoyir Mirzayev boshchiligida Nurafshon shahridagi “Nurafshon Business city” maʼmuriyati binosida fuqarolar uchun navbatdagi ommaviy sayyor qabul oʻtkazildi.

Qabulda viloyatdagi barcha boshqarma va tashkilot rahbarlari, shahar va tuman hokimliklaridan mutasaddilar aholi tomonidan bildiriladigan murojaatlarni hal etish maqsadida qatnashdi. Taklif va muammolar tegishli masʼullar ishtirokida koʻrib chiqildi.

Sayyor qabul davomida fuqarolar tomonidan jami 225 ta murojaat kelib tushdi. 50 dan ortiq murojaat yuzasidan joyida tushuntirish va huquqiy maslahatlar berildi.

Shuningdek, 16 nafar fuqaroga "Saxovat va koʻmak" jamgʻarmasi mablagʻlari hisobidan moddiy yordam ajratiladigan boʻldi. 65 nafar fuqaroning murojaati deputatlar ishchi guruhi tomonidan oʻrganilishi boʻyicha topshiriq berildi.

Shu bilan birga, 90 ta murojaatda koʻtarilgan turli yoʻnalishlardagi masalalar belgilangan tartibda oʻrganib chiqilishi uchun ijrochilarga yoʻnaltirildi. 14 nafar fuqaroning murojaati esa amaldagi qonunchilik talablariga mos kelmagani sababli, asoslantirilgan holda rad etildi.

📸 Nozim Abdulla olgan suratlar.

🌐Telegram 🌐Website 🌐YouTube 📱Instagram 📱Facebook 📱Twitte