#Milliy_qadriyatlar

Mustahkam oila va farovon jamiyat kafolati

Olmaliq shahrida Toshkent viloyati Oila va xotin-qizlar boshqarmasi hamda “Olmaliq KMK” AJ hamkorligida “Metallurg” madaniyat saroyida “Qadriyatlar – mustahkam oila va farovon jamiyat kafolati” mavzusida tadbir tashkil etildi. Unda kombinat tizimida mehnat qilayotgan xotin-qizlar, yoshlar vakillari, mahalla faollari qatnashdi.

Viloyatimiz bo‘ylab davom etayotgan “Farovon oila” oyligi doirasida tashkil etilgan mazkur anjumanda milliy qadriyatlar, hunarmandlik, millatlararo totuvlik mavzularini targ‘ib etuvchi badiiy chiqishlar namoyish etildi, amaliy san’at ko‘rgazmasi, davra suhbatlari o‘tkazildi.

Anjuman doirasida namunali oilalarga esdalik sovg‘alari topshirildi. Tadbir OKMK mehnat jamoasi xotin-qizlari bilan do‘stona muloqot va dilkash suhbatga ulanib ketdi.

Tadbirda Toshkent viloyati hokimining o‘rinbosari Nilufar Normirzayeva ishtirok etdi.

✅Telegram 🌐Website 📹YouTube 🌐 Instagram✅Facebook 🕊Twitter