#Янги_Ўзбекистон_янгича_дунёқараш
#Қибрай

🔹Қўли гул инсон. Қибрайлик Аймен Қосимовага нисбатан ана шундай таъриф бериш мумкин. Аймен имконияти чекланган бўлишига қарамай ҳаётни севади, нолимайди, орзулари сари интилади. Бугун у мато бўлакларидан салкам санъат асари яратади. Бундан ташқари тўқувчилик, қуроқчиликнинг сир-асрорларини шогирдларига ҳам ўргатмоқда.

🔸Шижоатли тадбиркорнинг ниятлари улкан. У фаолиятини кенгайтириб, маҳалласидаги хотин-қизларнинг бандлигини таъминлашни режалаштирган.

🎥Батафсил лавҳада.

👉 Каналга уланиш: https://t.iss.one/toshvilpressa

Web-site| Facebook| Instagram|Telegram

#Янги_Ўзбекистон_янгича_дунёқараш
#Қибрай

📌Инсон яралибдики, синовлар билан тўқнашади. Дилноза Муродова ҳам ҳаёт синовларида тобланиб, янги мақсадлар сари интилаётган ёшлардан.

📎Оилавий боғча очиш ташаббуси туман ҳокимлиги томонидан қўллаб-қувватланиши 10 маротаба жарроҳлик амалиётини бошидан ўтказган Дилнозани ҳаётга қайтарди.

🔹"Ҳар бир оила тадбиркор" давлат дастури доирасида 40 миллион сўм кредит олиб, "Бахтли болалик" номли оилавий боғча фаолиятини йўлга қўйган тадбиркор бугун икки нафар хотин-қизни иш билан таъминлаган.

🎥Батафсил лавҳада кўринг.

👉 Каналга уланиш: https://t.iss.one/toshvilpressa

Web-site| Facebook| Instagram|Telegram

#Янги_Ўзбекистон
#янгича_дунёқараш

Мутасаддилар муҳим масаларни муҳокама қилишди

📌Тошкент вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Акмал Умаралиев, вилоят ҳокимининг ўринбосари – Маҳалла ва оилани қўллаб-қувватлаш бошқармаси бошлиғи Илҳом Худойбергенов, Маънавият ва маърифат марказининг вилоят бўлими раҳбари Сайёра Файзиева ҳамда Ўзбекистон халқ шоири, сенатор Маҳмуд Тоир иштирокида йиғилиш бўлиб ўтди.

❇️Унда барча жойда бўлгани каби вилоят бўйлаб ҳар бир ҳудуд ва маҳаллаларда “Янги Ўзбекистон - янгича дунёқараш” ғояси остида ташкил этилаётган тарғибот тадбирларини самарали ташкил этилиши юзасидан сўз борди.

✳️Йиғилиш давомида тарғибот тадбирларини кенг жамоатчиликка аниқ ва самарали етказишда таниқли олим-у, шоирлар, спортчилар, иқтидорли ёшлар иштироки алоҳида аҳамиятга эга бўлаётгани, ўз билими ва малакаси билан бошқаларга ўрнак бўлиб келаётган юртдошларимизнинг тажрибасини аҳоли орасида кўпроқ тарғиб этиш лозимлиги айтиб ўтилди.

🌐Шунингдек, интернет тармоғи билан боғлиқ муаммоларни ўз вақтида бартараф этиш, тадбир ташкил этиладиган бинолардаги шарт-шароитларни талаб даражада бўлишига алоҳида эътибор қаратиш зарурлиги таъкидланди.

👉 Каналга уланиш: https://t.iss.one/toshvilpressa

Web-site| Facebook| Instagram|Telegram

#Ўрта_Чирчиқ
#Янги_Ўзбекистон _янгича_дунёқараш

“Янги Ўзбекистон – янгича дунёқараш” тадбирлари давом этмоқда

✅Ўрта Чирчиқ туманидаги “Ўчоқли” ва "Янги ҳаёт" маҳаллаларида ташкил этилган "Янги Ўзбекистон – янгича дунёқараш" тадбирлари юқори савияда ўтди.

🔶Анжуманларда Олий Мажлис Сенати аъзоси, шоир Маҳмуд Тоир, туман ҳокими Олимжон Нурматов, Тошкент ирригация ва қишлоқ хўжалигини механизациялаш муҳандислари институти профессор-ўқитувчилари, маҳаллалар аҳолиси ҳамда ёшлар иштирок этди.

✅Тадбирларда шоир Маҳмуд Тоир йиғилганларга юртимизда бўлаётган ўзгаришлар, ёшларга яратилаётган кенг имкониятларга алоҳида тўхталиб ўтиб, улардан тўғри ва самарали фойдаланишни таъкидлади.

✳️Туман маданият бўлими хонандалари, мактаб ўқувчилари, боғча тарбиячиларининг ўзига хос чиқишлари ҳамда ёш спортчиларнинг маҳоратларини намойиш қилиши иштирокчиларнинг кайфиятига кайфият бахш этди.

👉 Каналга уланиш: https://t.iss.one/toshvilpressa

Web-site| Facebook| Instagram|Telegram