#Futbol

"OKMK" "NASAF"GA QARSHI MAYDONGA TUSHADI

Viloyatimizning "OKMK" jamoasi futbolchilari Olmaliq shahridan Qashqadaryo sari yo‘lga chiqdilar. Ular jam bo‘lgan avtobus ayni damda Jizzax viloyatiga yetdi.

Futbolchilarimiz O‘zbekiston kubogi finalida Qarshining “Nasaf” jamoasiga qarshi maydonda to‘p suradilar.

"OKMK" jamoasini yaqindan qo‘llab-quvvatlash maqsadida bugun erta tongdan futbol muxlislari ham yo‘lga otlangan.

Viloyatimiz sportchilariga omad tilaymiz!

✉Telegram 🌐Website 🌐YouTube 📱Instagram 📱Facebook 📱Twitter

#Bozor_xizmatlari

TOSHKENT VILOYATIDA BOZOR XIZMATLARI HAJMI ORTDI

Joriy yilning yanvar-sentabr oylarida ko‘rsatilgan bozor xizmatlari hajmi 3 990,6 mlrd. so‘mga oshib, 22 540,0 mlrd. so‘mga yetdi.

Taqqoslama ekvivalentda 2022-yilning mos davriga nisbatan o‘sish sur’ati 108,9 %ni tashkil etdi. Oʻtgan yili ushbu koʻrsatkich 112,4 %ga toʻgʻri kelgan.

Iqtisodiy faoliyat turlari bo‘yicha ko‘rsatilgan bozor xizmatlari tarkibida eng katta ulushni savdo xizmatlar egallaydi. Shu bilan birga, yuqori ko‘rsatkichlar transport xizmatlari 22,7 %, moliyaviy xizmatlar 14,7 %, yashash va ovqatlanish xizmatlari 4,3 %, shuningdek, aloqa va axborotlashtirish xizmatlari 3,4 %da qayd etildi.

✉Telegram 🌐Website 🌐YouTube 📱Instagram 📱Facebook 📱Twitter

#Hokim_qarori

BEKOBOD TUMANIDA "NILUFAR" FOLKLOR MAKTABI TASHKIL QILINADI

Bekobod tumanida "Nilufar" folklor guruhi negizida "Ustoz-shogird" an'analari asosida yoshlarga ta'lim berish maktabi tashkil qilinadi.

Bu haqda viloyat hokimi Zoyir Mirzayevning tegishli qarori imzolandi.

Mazkur ta'lim dargohi yosh avlodning musiqa va san'at sohasidagi bilimlarini yanada oshirish hamda folklorchilik bo'yicha iste'dodlarini namoyon qilish yo'lida xizmat qiladi.

Shuningdek qarorda, "O'zmetkombinat" OAJ tomonidan ajratilgan 10 milliard so'm homiylik mablag'lari hisobiga "Folklor jamg'armasi"ni ham shakllantirish belgilangan.

✉Telegram 🌐Website 🌐YouTube 📱Instagram 📱Facebook 📱Twitter

#Tuhfa

Ma'lumki, yurtimiz bo'ylab tibbiyot xodimlari kuni bayrami keng nishonlandi. Xususan, Toshkent viloyatida ham soha xodimlari va aholi uchun chinakam tuhfa sifatida yangi tibbiy binolar faoliyat boshladi.

Jumladan, 12,5 milliard so'm mablag'lar evaziga qad rostlagan Olmaliq shahar tumanlararo perinatal markazining yangi, barcha talablarga javob beradigan zamonaviy binosi aynan soha xodimlari bayrami arafasida foydalanishga topshirildi. Shuningdek, markaz 2,8 milliard so'mga 20 turdagi zaruriy zamonaviy tibbiy asbob-anjomlar bilan ta'minlandi.

Endilikda ushbu markaz viloyatning Nurafshon, Angren, Ohangaron shahri va tumani hamda Piskent tumani aholisi uchun xizmat qiladi.

Batafsil "Sevimli" telekanali lavhasida

✉Telegram 🌐Website 🌐YouTube 📱Instagram 📱Facebook 📱Twitter

🟦🟦🟩🟩

Dushanba - viloyat hokimligida hudud tashkilotlari va idoralarida ijro intizomining ahvoli oʻrganiladi hamda muhokama qilinadi. “Temir daftar”, “Ayollar daftari” va “Yoshlar daftari” bilan ishlash, muammolarni oʻrganish va amaliy koʻmak berish kuni.

*O'rta Chirchiq tumani. Tuman hokimi yoshlar bilan uchrashuv o'tkazib, ularga mehnat uskunalarini taqdim qildi.

*Toshkent tumani. Yoshlarni qo'llab-quvvatlash borasidagi tizimli ishlar doirasida, "Qashqarlik" mahallasida yashovchi fuqaroning o'qishini kontrakt to'lovi qoplab berildi.

*Bo'ka tumani. Alohida e'tibor talab etiladigan yoshlarga moddiy va ma'naviy ko'maklar ko'rsatilmoqda.

*Yuqori Chirchiq tumani. Xalq deputatlari tuman Kengashiga moddiy yordam soʻrab qilingan murojaatlar doimiy komissiya a'zolari tomonidan oʻrganildi.

*Bekobod shahri. 7-sonli umumta'lim maktabida voyaga yetmagan o'quvchi qizlar ishtirokida "Erta turmush qurishning salbiy oqibatlari" mavzusidagi davra suhbati o‘tkazildi.

📹DAYJEST VIDEOSINI FACEBOOKDA KO'RISH

#Besh_tashabbus #Reyting

"BESH TASHABBUS" OLIMPIADASIDA 106 NAFAR ISHTIROKCHI FAXRLI NATIJALARNI QO'LGA KIRITDI

Toshkent viloyatida mahalla yoshlari o'rtasida “Besh tashabbus" olimpiadasi II-mavsumi doirasidagi tanlov va sport musobaqalari o'tkazildi.

Unda viloyatning tuman va shaharlaridan jami 106 nafar ishtirokchilar faxrli natijalarni qayd etib, 1-, 2-, va 3-o'rinlarni egalladilar.

Ayni kunlarda voleybol, milliy kurash, gimnastrada sport musobaqalari hamda milliy va zamonaviy cholg'u ijrochiligi tanlovi, shuningdek, "Zakovat" intellektual o'yinlari ham yakuniga yetdi. Musobaqa yakunlari bo'yicha reyting hisoblanib borilmoqda.

✉Telegram 🌐Website 🌐YouTube 📱Instagram 📱Facebook 📱Twitter

#Tadbirkorlik

TOSHKENT VILOYATIDA YANGI KORXONALAR SONI ORTMOQDA

Joriy yilning yanvar-oktabr oylarida yangi tashkil etilgan korxona va tashkilotlar soni jami 6 121 tani tashkil qilib, ularda aholi bandligi taʼminlanmoqda.

Shu jumladan, hududlar kesimida:

Oqqo‘rg‘on tumani – 170 ta;
Ohangaron tumani – 221 ta;
Bekobod tumani – 300 ta;
Bo‘stonliq tumani – 258 ta;
Bo‘ka tumani – 235 ta;
Quyi Chirchiq tumani – 121 ta;
Zangiota tumani – 670 ta;
Yuqori Chirchiq tumani – 258 ta;
Qibray tumani – 459 ta;
Parkent tumani – 403 ta;
Piskent tumani – 142 ta;
O‘rta Chirchiq tumani – 286 ta;
Chinoz tumani – 135 ta;
Yangiyo‘l tumani – 226 ta;
Toshkent tumani – 418 ta;
Nurafshon shahri – 203 ta;
Olmaliq shahri – 252 ta;
Angren shahri – 297 ta;
Bekobod shahri – 215 ta;
Ohangaron shahri – 217 ta;
Chirchiq shahri – 411 ta;
Yangiyo‘l shahrida – 224 ta korxona faoliyat yuritmoqda.

✉Telegram 🌐Website 🌐YouTube 📱Instagram 📱Facebook 📱Twitter

#Rasmiy #Tayinlov

Norboyev Ozodjon Sharofiddinovich "Toshkent suv taʼminoti" MChJ direktori vazifasini bajaruvchi etib tayinlandi.

O.Norboyev 1992-yilda Buxoro viloyati Olot tumanida tugʻilgan. Ma’lumoti – oliy. 2017-yilda Toshkent irrigatsiya va qishloq xoʻjaligini mexanizatsiyalash muhandislari instituti Buxoro filialini tamomlagan. 

Tayinlovga qadar "Toshkent suv taʼminoti" MChJ bosh muhandisi lavozimida faoliyat yuritayotgan edi.

✉Telegram 🌐Website 🌐YouTube 📱Instagram 📱Facebook 📱Twitter

#Korrupsiyaga_qarshi

VILOYATDA "KORRUPSIYAGA QARSHI KURASHISH" OYLIGIGA START BERILDI

Davlatimiz rahbarining “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari toʻgʻrisida”gi qarori va “Korrupsiyaga qarshi kurashish toʻgʻrisida”gi Qonun hamda Toshkent viloyati hokimining tegishli farmoyishi ijrosini taʼminlash maqsadida, viloyatimizda joriy yilning 14-noyabridan 14-dekabriga qadar “Korrupsiyaga qarshi kurashish" oyligiga start berildi.

Mazkur oyda jamiyatda poraxoʻrlikning oldini olish, unga olib boruvchi omillarga qarshi kurashish, korrupsiyaviy holatlarni tahlil etish, manfaatlar toʻqnashuviga yoʻl qoʻymaslikka qaratilgan profilaktik va targʻibot tadbirlari oʻtkazish rejalashtirilgan.

Shuningdek, hududlarda "Korrupsiyaga qarshi kurashish" oyligi doirasida bu illatning oldini olishga qaratilgan seminar, tadbir, davra suhbatlari hamda ijtimoiy soʻrovnomalar oʻtkazilishi belgilangan.

✉Telegram 🌐Website 🌐YouTube 📱Instagram 📱Facebook 📱Twitter

#Sport

Toshkent viloyatida sportni rivojlantirish, sogʻlom turmush tarzini targʻib qilish, aholi, shuningdek, oʻsib kelayotgan yosh avlodni jismoniy tarbiya va ommaviy sportga keng jalb etishga alohida eʼtibor qaratilmoqda.

Jumladan, viloyatda turli xildagi ommaviy sport oʻyinlari, "Besh tashabbus" olimpiadasi doirasidagi musobaqalar oʻtkazilib, sovrindorlarning mahallasiga davlat tomonidan 3 turdagi sport maydonchalari qurib berilmoqda. 3 million 100 mingdan ortiq yoshlarni bir maqsad atrofida birlashtirgan sport musobaqasi 9 xil sport turini oʻz ichiga qamrab olgan.

Hozirda Toshkent viloyatida 65 ta zamonaviy anjomlar bilan jihozlangan sport maydonchalari foydalanishga topshirilgan boʻlsa, yana 17 tasi qurilish jarayonida.

Batafsil "Sevimli" telekanali lavhasida.

✉Telegram 🌐Website 🌐YouTube 📱Instagram 📱Facebook 📱Twitter