#Rasmiy

Viloyat hokimi xalq bilan muloqot, aholi murojaatlari bilan ishlash boʻyicha “Oqqoʻrgʻon tajribasi”ni qolgan hududlarga keng joriy etishga topshiriq berdi

2022-yil dekabr oyida Oʻzbekiston Respublikasi Prezidentining maslahatchisi Gʻofurjon Mirzayev boshchiligidagi Respublika Ishchi guruhi viloyatimizning Oqqoʻrgʻon tumanida aholi muammolari va ijtimoiy-iqtisodiy masalalarni oʻrganish, ijobiy hal etish borasida salmoqli ishlarni amalga oshirgan edi.

Xususan, tumanning 29 ta mahallasida olib borilgan “xonadonbay” oʻrganishlar natijasida 2 mingga yaqin murojaatlarga joyida yechim topilgan edi. “Oqqoʻrgʻon tajribasi”ning mohiyati shundayki, vazirlik va idoralar rahbarlari viloyat mutasaddilari bilan birgalikda mahallalarga kirib borishadi. Murojaatlar bilan ishlashning amaldagi tartib-taomiliga koʻra, har bir masala iyerarxik tartibda koʻrib chiqilishi uchun muayyan vaqt ketadi. Bu yangi tizimda esa ana oʻsha oraliq muddatlar qariyb boʻlmaydi, masala joyida aniq hal etiladi.

Bugundan boshlab Respublika Ishchi guruhi viloyatimiz boʻylab navbatdagi oʻrganishlarni boshladi. Shu munosabat bilan viloyat hokimi Zoyir Mirzayev videoselektor orqali hududlarni obodonlashtirish, aholi murojaatlari bilan ishlash boʻyicha yangi tizim barcha shahar va tumanlarda joriy qilinishi boʻyicha koʻrsatma berdi.

Oʻz navbatida, “Hokimlik soati”da bahorgi dala ishlari, qabristonlarni obodonlashtirish, “Yashil makon” dasturi doirasida rejalashtirilayotgan ishlar tahlil qilindi, bu borada sustkashlikka yoʻl qoʻygan mutasadilar ogohlantirildi.

Jumladan, aholi murojaatlariga yetarli darajada eʼtibor qaratmagani, berilgan topshiriqlar ijrosida suskashlikka yoʻl qoʻygani uchun Yangiyoʻl tumani hokimi Ulugʻbek Yalgashovga “hayfsan” intizomiy jazosi berildi. Shuningdek, uchinchi sektor rahbari ogohlantirildi, qurilish boʻyicha hokim oʻrinbosarining hatti-harakatlariga huquqiy baho berish lozimligi taʼkidlandi.

✉️Telegram 🌐Website 🌐YouTube 📱Instagram 📱Facebook 📱Twitter

#maxsus_dayjest

Ayni kunlarda respublika ishchi guruhi tomonidan “Oqqoʻrgʻon tajribasi” asosida hududlardagi eng ogʻir mahallalar tanlab olinib, aholining muammolari “xonadonbay” oʻrganilmoqda.

Shuningdek, viloyatda “Obodonlashtirish haftaligi” boshlanib, unda har bir koʻcha va mahallalar obodonlashtirilib, koʻkalamzorlashtirilmoqda. Qisqa satrlarda shu haqda soʻz boradi.

🔘Piskent tumani. Saidobod mahallasida ichimlik suvi eng dolzarb masala, hozirda 12 km suv tarmogʻini tortish ishlari boshlangan. 554 ta xonadon toza ichimlik suvi bilan taʼminlanadi.

🔘Zangiota tumani. Ichki ishlar vaziri general-leytenant Poʻlat Bobojonov boshchiligidagi ishchi guruh “Oybek” mahallasida boʻlib, beshlikning hamkorlik masalalariga jiddiy eʼtibor qaratdi.

🔘Ohangaron tumani. “Nurobod” MFYdagi Sharof Rashidov koʻchasi boʻylab, 30 ta beton ustun, tungi yoritgichlar, kabel simlarini tortish, 1 dona yangi transformator, koʻchaga asfalt yotqiziladi.

🔘Chinoz tumani. Nafis va Sohibkor mahallalarida “Tashabbuskor” guruhlari tomonidan targʻibot-tashviqot ishlari olib borilmoqda.

🔘Boʻka tumani. Boʻka mahallasida ommaviy hashar boshlandi. Hasharda ehson oshlari ham tarqatildi.

🔘Toshkent tumani. Beruniy va Hasanboy mahallarida ichimlik suvi bilan bogʻliq muammolar hal etish jadallashtirildi.

🔘Yangiyoʻl tumani. Har bir hududda “Obodonlashtirish haftaligi” boshlandi. Ibratliklar uchun Yoshlik koʻchasi ibrat koʻchaga aylantirilmoqda.

🔘Angren shahri. 4-sektorga qarashli “Chinobod” MFYda Ishchi guruh barcha zarur texnikalarni jalb etgan holda, koʻcha va yoʻllar tozalash, taʼmirlash ishlarini olib bormoqda.

🔘Nurafshon shahri. “Navroʻz” MFYda Adliya vaziri oʻrinbosari M.Ikramov tomonidan fuqarolarning hadiya, oldi-sotdi shartnomalari, ishonchnomalar, oilalarda huquqiy vorislik bilan bogʻliq nizolarning oldini olish boʻyicha koʻplab savollariga huquqiy tavsiyalarini berdi.

🔘Yuqori Chirchiq tumani. Uchchinorliklarning asosiy muammosi ichimlik suvi bilan bogʻliq. Shu maqsadda suv inshootlarini taʼmirlash, transheya qazish va suv quvurlarini oʻtkazish ishlari jadallashgan.

🔘Bekobod tumani. Obodlik avvalo, koʻngildan boshlanadi degandek, tumandagi qilinayotgan xayrli ishlar qabristonlarni obod qilishdan boshlandi.

🔘Qibray tumani. Har bir koʻcha har bir huddudda obodonlashtirish ishlari boshlandi. Mahallalarda olib borilgan xatlov jarayonlarida aholining asosiy qismi suv taʼminoti, elektr energiya, ishga joylashish va sogʻliqni saqlash kabi muammolar koʻtarildi.

🔘Yangiyoʻl shahri. Ayni damda 3-sektor hududida olib borilayotgan obodonlashtirish ishlarida barcha faol ishtirok etishmoqda. Hasharchilar uchun oshlar tarqatildi.

✉️Telegram 🌐Website 🌐YouTube 📱Instagram 📱Facebook 📱Twitter