#Hamkorlik

Soʻgʻdliklar Oʻrta Chirchiq tumanidagi “MADONIZ DIAMOND” xususiy urugʻchilik korxonasida boʻlib, urugʻlik chigit tayyorlash loyihasi bilan tanishdi.

Korxonada yetishtirilayotgan urugʻlik paxta, bugʻdoy va dukkakli ekin navlarini koʻpaytirish, shuningdek, noyob turdagi daraxt koʻchat turlari haqidagi maʼlumotlar ham mehmonlarga mutaxassislar tomonidan taqdim etildi. Qishloq xoʻjaligi texnikalari koʻzdan kechirildi.

Shuningdek, kelgusida qishloq xoʻjaligi sohasida oʻzaro hamkorlik yuzasidan kelishib olindi.

Delegatsiyaga viloyat hokimi Zoyir Mirzayev hamrohlik qilmoqda.

✅ Telegram 🌐Website 📹YouTube 📸 Instagram✅Facebook 🕊Twitter

#Hamkorlik

Avval xabar berganimizdek, Tojikiston Respublikasining Soʻgʻd viloyati rahbari Rajabboy Ahmadzoda boshchiligidagi delegatsiya viloyatimizda boʻlib turibdi.

Tojikiston delegatsiyasi Zangiota tumanidagi “Grand pharm hub” logistika markazida ham boʻlib, yaqin istiqbolda hamkorlikni yoʻlga qoʻyish borasida dastlabki muzokaralarni oʻtkazdi.

Muloqotlarda ikki davlat rahbarlarining pragmatik, doʻstona siyosati natijasida koʻplab yoʻnalishlarda hamkorlikni yoʻlga qoʻyish borasida imkoniyat tugʻilganini taʼkidlandi.

✅ Telegram 🌐Website 📹YouTube 📸 Instagram✅Facebook 🕊Twitter

#Hamkorlik

Tojikiston delegatsiyasi Zangiota tumanidagi tadbirkorlar faoliyati bilan tanishdi

Tojikiston Respublikasi Soʻgʻd viloyati rahbari Rajabboy Ahmodzoda boshchiligidagi delegatsiya Toshkent viloyatida boʻlib turibdi.

Delegatsiya aʼzolari kunning ikkinchi yarmida Zangiota tumanida boʻlib, ishbilarmon doiralar vakillari bilan muzokara oʻtkazmoqda.

Jumladan, Singapur bilan hamkorlikda tashkil qilingan ehtiyot qismlar ishlab chiqaruvchi “TRT” korxonasi faoliyati ham koʻzdan kechirildi.

Aytish mumkin, korxonada yengil va yuk tashuvchi avtomobillarni yurish, transmissiya va boshqaruv tizimlari uchun 1 mingdan ortiq turdagi ehtiyot qismlar ishlab chiqariladi. Korxonani oʻzida texnik tekshiruv va sinovlarni oʻtkazish uchun laboratoriya ham tashkil qilingan, xalqaro sifat menejmenti sertifikati ham mavjud.

Umumiy qiymati 10 million dollar boʻlgan “Mos pekar” MCHJ qandolat mahsulotlari ishlab chiqarish faoliyati mehmonlarda katta tasurot qoldirdi.

Bu yerda zamonaviy texnologiyalar joriy qilish orqali sutkasiga 55-60 tonna aholiga toza, sifatli qandolat mahsulotlar yetkazilmoqda. Bugun korxonada 150 dan ziyod ish oʻrni yaratilgan. Yillik eksport (Rossiya) hajmi 5 – 6 million dollarga yetkazish reja qilingan.

✅ Telegram 🌐Website 📹YouTube 📸 Instagram✅Facebook 🕊Twitter

#Hamkorlik

Tojikiston delegatsiyasi “Tinchlik” kichik sanoat hududi imkoniyatlari bilan tanishdi

Avval xabar berganimizdek, Tojikistonning Soʻgʻd viloyati delegatsiyasi yurtimizda boʻlib, ikki tomonlama manfaatli uchrashuv va investitsiyaviy muzokaralar oʻtkazmoqda.

Bugun mehmonlar Oʻrta Chirchiq, Zangiota tumanidagi bir qator yirik sanoat korxonalari, qishloq xoʻjaligi va qandolat mahsulotlari ishlab chiqaruvchi korxonalar faoliyati bilan tanishdi.

Shuningdek, Yangiyoʻl tumanidagi “Tinchlik” kichik sanoat hududida muloqotlar davom etdi. Bu yerda keyingi bir yilda ishga tushgan yirik sanoat korxonalari, xorijiy hamkorlar ishtirokidagi noyob loyihalar tojik tomoniga koʻrsatildi. Ikki tomonlama hamkorlikning asosiy yoʻnalishlari va istiqbollari xususida atroflicha maslahatlashib olindi.

✅ Telegram 🌐Website 📹YouTube 📸 Instagram✅Facebook 🕊Twitter