#Hokim_qarori

Yangiyoʻl tumanida Oʻzbekiston Respublikasi Davlat xavfsizlik xizmati Chegara qoʻshinlari harbiy qismiga naʼmunaviy loyiha asosida koʻp qavatli turarjoy binosi quriladi.

Bu haqda Toshkent viloyati hokimi Zoyir Mirzayev tegishli qarorni imzoladi.

Mazkur koʻp qavatli turarjoy binosining qurilishi uchun "Gulbahor" MFY hududida joylashgan Yangiyoʻl tumani hokimligi maʼmuriy binosi yonidagi qishloq xoʻjaligiga moʻljallanmagan 0,40 gektar yer maydoni doimiy foydalanish huquqi bilan ajratib berildi.

✅Telegram🌐Website📹YouTube✅Facebook🕊Twitter

#Hokim_qarori

Piskent tumani hududidagi davlat organlari, muassasalari, korxonalari, fuqarolarning oʻzini-oʻzi boshqarish organlariga amalda foydalanib kelayotgan yer maydonlari ajratildi.

Bu haqda Toshkent viloyati hokimi Zoyir Mirzayev tegishli qarorni imzoladi.

Xususan, Suv xoʻjaligi vazirligining 5 ta yerdan foydalanuvchisiga jami 3,1056 gektar yer maydoni doimiy foydalanish huquqi bilan ajratib berildi.

✅Telegram🌐Website📹YouTube✅Facebook🕊Twitter

#Hokim_qarori

Viloyatda Koreya tajribasi asosida koʻchat ekiladi

Toshkent viloyatida amalga oshirilayotgan Koreya tajribasi asosida koʻchat ekilishi 10 kun muddatda taʼminlanadi.

Koreya tajribasi asosida Nurafshon va Bekobod shaharlari, Oʻrta Chirchiq, Toshkent va Ohangaron tumanlari hududidan jami 34,0 gektar yer maydoni 30 yil muddatga obodonlashtirish boshqarmalariga biriktiriladi.

Har bir 1,0 gektar yer maydoni uchun mahalliy byudjetdan 100 million soʻm mablagʻ ajratiladi va tomchilatib sugʻorish tizimi joriy qilinadi.

Shuningdek, shahar va tuman obodonlashtirish boshqarmalari shtat birliklari doirasida "Yashil kelajak bogʻi" boʻlimlari faoliyati tashkil etiladi.

✅Telegram🌐Website📹YouTube✅Facebook🕊Twitter

#Hokim_qarori

Toshkent viloyatida "IT-shaharcha" tashkil qilinishi uchun yer maydoni ajratildi

Parkent tumani, "Samsarak" MFY hududidan 0,50 gektar qishloq xoʻjaligiga moʻljallanmagan davlat zaxirasidagi yer maydoni "IT-shaharcha" faoliyatini tashkil etish uchun ajratildi. Bu boʻyicha hozirda takliflar ishlab chiqilmoqda.

Bu haqda Toshkent viloyati hokimi Zoyir Mirzayev tegishli qarorni imzoladi.

Naʼmunaviy loyihalar asosida "IT-shaharcha"larni barpo etish, ularni mebel, kompyuter texnikasi hamda boshqa vositalar, zaruriy muhandislik infratuzilmalari bilan taʼminlash ishlari olib boriladi hamda bu boʻyicha ishchi guruh shakllantiriladi.

Shuningdek, taʼlim jarayoniga raqamli texnologiyalar, xorijiy tillar va zamonaviy kasblar yoʻnalishida yuqori bilim va koʻnikmalarga ega boʻlgan mutaxassislar, yaʼni mentorlarni jalb qilish rejalashtirilgan.

✅Telegram🌐Website📹YouTube✅Facebook🕊Twitter