#Shukuh

Nurafshonda iftorlik dasturxoni yozildi

Bugun O‘zbekiston bo‘ylab iftorlik tadbirlari o‘tkazildi. Nurafshon shahrida yozilgan shinam dasturxon atrofiga viloyatimiz faollari, nuroniylar, jamoatchilik vakillari taklif etildi.

Vatanimiz bo‘ylab o‘tkazilgan iftorlik tadbirlarida videokonferensaloqa orqali viloyatimizning barcha hududlaridan faollar, nuroniylar tadbirda qatnashdi.

Qur’on tilovat qilinib, minglab insonlar Vatanimiz tinchligi, xalqimiz farovonligi uchun duoga qo‘l ochdi.

Tadbirda Toshkent viloyati hokimi Zoyir Mirzayev ishtirok etdi.

✅ Telegram 🌐Website 📹YouTube 📸 Instagram✅Facebook 🕊Twitter

#Shukuh

Bugun xalqimiz qutlug‘ ayyom — muborak Ramazon hayitini keng nishonlamoqda

Ayyom munosabati bilan muqaddas diniy taomilimizga ko‘ra, erta tongdan viloyatimizdagi 219 ta masjidda musulmonlarimiz hayit namozlarini ado etdilar. Viloyat bo‘yicha 364 ming nafardan ziyod hamyurtlarimiz mazkur marosimlarda ishtirok etdi.

Ma’lumot o‘rnida, Ramazon oyi davomida viloyatda ko‘plab kam ta’minlangan oilalar, boquvchisi yo‘q fuqarolar va Ikkinchi jahon urushi qatnashchilari, yolg‘iz keksalar holidan xabar olindi. “Oilaviy bolalar uyi", "Muruvvat" va "Saxovat" uylariga moddiy yordamlar ko‘rsatildi.

Viloyatdagi 44 ta muqaddas qadamjo, tarixiy obidalar va 967 ta qabristonlar hududi obodonlashtirildi. Ramazon hayit bayrami o‘tkazilishi munosabati bilan hokimlik va tashkilotlar, huquq-tartibot idoralari xodimlari hududlardagi jome’ masjidlarga biriktirilib, namozxonlarning tinchlik-osoyishtaligi va xavfsizligi ta’minlandi.

Tadbirda viloyat hokimi Zoyir Mirzayev ham ishtirok etdi va barchani ulug‘ ayyom bilan qutladi.

✅ Telegram 🌐Website 📹YouTube 📸 Instagram✅Facebook 🕊Twitter

#Shukuh

Favqulodda vaziyatlar tizimidagi xodimlarning farzandlariga oliy taʼlimga kvota ajratildi

O‘zbekiston Respublikasi Vazirlar Mahkamasining 2018-yil 22-iyundagi "O‘zbekiston Respublikasi Qurolli Kuchlari harbiy xizmatchilari farzandlarining kvota asosida respublika oliy ta’lim muassasasiga o‘qishga kirish uchun tavsiyanomalar berish tartibi to‘g‘risida"gi 462-sonli qaroriga asosan, Favqulodda vaziyatlar vazirligi tizimida faoliyat yuritayotgan xodimlarning farzandlariga kvotalar ajratib kelinmoqda.

Jumladan, bugun Toshkent viloyati Favqulodda vaziyatlar boshqarmasi tizimida xizmat olib borayotgan 31 nafar harbiy xizmatchining 33 nafar farzandiga oliy ta’lim muassasalariga o‘qishga kirish uchun tavsiyanomalar topshirildi.

Bundan ko‘zlangan maqsad – Qurolli kuchlar tizimida xizmat olib borayotgan harbiy xizmatchilarning ijtimoiy ahvolini yaxshilash, ularning farzandlarini oliy ta’limda o‘qishlarini ta’minlash hamda yoshlarni qoʻllab-quvvatlashdan iborat.

Marosimda Toshkent viloyati Favqulodda vaziyatlar boshqarmasi boshligʻi, podpolkovnik Abdulaziz Alimatov ishtirok etdi va nutq soʻzladi.

✅Telegram 🌐Website 📹YouTube 📸 Instagram✅Facebook 🕊Twitter