#yashil_makon

Bugun “Yashil makon” umummilliy loyihasi doirasida Nurafshon shahrida koʻchat ekish aksiyasi oʻtkazilib, “Jurnalistlar bogʻi” tashkil etildi.

Toshkent viloyati hokimligi, Oʻzbekiston milliy media birlashmasi, Oʻzbekiston milliy teleradiokompaniyasi, Jurnalistika va ommaviy kommunikatsiyalar universiteti hamda Oʻrmon xoʻjaligi agentligi hamkorligida oʻtgan aksiyada 1000 nafarga yaqin jurnalistlar va ommaviy axborot vositalari xodimlari, norasmiy axborot agentliklari vakillari va blogerlar ishtirok etdi.

Aksiya doirasida Nurafshon shahri stellasi atrofidagi koʻkalamzorlashtirish uchun moʻljallangan 6.8 gektar maydon jurnalist va blogerlar mehnati bilan obod etildi. Jarayonda hududning tuproq iqlim sharoitiga mos boʻlgan 6 ming 400 tup pavloniya, bagryanik, yasin va safora nihollari oʻtqazildi.

✉Telegram 🌐Website 🌐YouTube 📱Instagram 📱Facebook 📱Twitter

#Tibbiyot #Onlayn

Ayni damda Qibray tumanida sog'liqni saqlash tizimi xodimlarining kasb bayrami munosabati bilan tantanali bayram tadbiri bo'lib o'tmoqda.

Tadbirda Toshkent viloyati hokimi Zoyir Mirzayev so'zga chiqib, O'zbekiston Respublikasi Prezidentining soha vakillariga yo'llagan bayram tabrigini o'qib eshittirdi.

Shuningdek, bugungi kunda tibbiyot sohasiga qaratilayotgan e'tibor, bu yo'nalishda yaratilgan shart-sharoitlar hamda viloyatda erishilayotgan yutuqlar xususida atroflicha to'xtaldi.

✉Telegram 🌐Website 🌐YouTube 📱Instagram 📱Facebook 📱Twitter

#Tibbiyot #Taqdirlash

Qibray tumanida tibbiyot xodimlari kuni munosabati bilan tashkil qilingan bayram tadbirida tabriklar taqdirlash marosimiga ulanib ketdi.

Viloyat hokimi tibbiy xizmat ko‘rsatish sifatini oshirish, aholi salomatligini ishonchli muhofaza qilish borasidagi ko‘p yillik samarali mehnatlari uchun Prezident farmoniga ko‘ra, "O‘zbekiston Respublikasida xizmat ko‘rsatgan sog‘liqni saqlash xodimi" faxriy unvoni, II-darajali "Salomatlik" ordeni hamda "Sog‘lom turmush" medali bilan mukofotlangan tibbiyot sohasi xodimlariga mukofotlarni tantanali ravishda topshirdi.

Shu bilan birga, viloyatda sog'liqni saqlash tizimiga samarali va fidokorona xizmatlarini qo'shib kelayotgan bir guruh soha vakillariga viloyat hokimi tomonidan tashakkurnoma va esdalik sovg'alari taqdim qilindi.

✉Telegram 🌐Website 🌐YouTube 📱Instagram 📱Facebook 📱Twitter