#Tatariston
#forum

Tataristonning Qozon shahrida oʻtkazilayotgan “Rossiya-Islom dunyosi: KazanForum 2024” 15-Xalqaro iqtisodiy forumida ishtirok etayotgan viloyat delegatsiyasi kunning ikkinchi yarmida mahalliy tadbirkorlar bilan birgalikda ishlab chiqarish  obyektlari hamda davlat korxonalarida boʻlib, samarali muzokaralarni oʻtkazdi.

Jumladan,  Zoyir Mirzayev Tataristonning Ekologiya va tabiat resurslari vaziri Aleksandr Shadrikov bilan uchrashuv oʻtkazdi. Unda ekologik muammolarni bartaraf etish yuzasidan tajriba almashish, xususan chiqindilarni qayta ishlash boʻyicha hamkorlik qilishga Tatariston tomon taklif bildirdi.

Muloqot davomida, viloyat rahbari hududlarda qattiq maishiy chiqindilarni qayta ishlash sohasida olib borilayotgan ishlarga toʻxtaldi. Chiqindi poligonlarida toʻliq qayta ishlashga bosqichma-bosqich oʻtilayotgani borasida tushuntirishlar berdi.

Yakunda chiqindilarni boshqarish, qayta ishlash, utilizatsiya qilish masalalari ham muhokama etildi.

✅Telegram🌐Website📹YouTube✅Facebook🕊Twitter

#Tatariston #Forum

Zoyir Mirzayev boshchiligidagi delegatsiya Qozon shahrida boʻlib oʻtayotgan "Halol eksport" xalqaro forumining asosiy tadbirlarida qatnashmoqda.

U yerda delegatsiya vakillarini Tatariston Respublikasi Raisi Rustam Minnixanov kutib oldi.

Bugun kun davomida yana bir qator amaliy uchrashuv va muloqotlar oʻtkazilishi rejalashtirilgan.

Forum davomida Zoyir Mirzayevga Chirchiq shahar hokimi Murodjon Abdurahimov hamda Savdo-sanoat palatasi Toshkent viloyati boshqarmasi rahbari Abdurasul Abduhalilov hamrohlik qilmoqda.

✅Telegram🌐Website📹YouTube✅Facebook🕊Twitter

#Tatariston

Toshkent viloyati delegatsiyasi Qozon shahridagi “ICL" elektronika mahsulotlari ishlab chiqaruvchi zavodga tashrif buyurib, korxona faoliyati bilan tanishdi.

Maʼlumot oʻrnida, mazkur korxona 32 yildan buyon sanoat mahsulotlarini ishlab chiqarish industriyasida faoliyat olib boradi. Rossiya Federatsiyasining 7ta shahrida ofislari mavjud.

Yiliga 1 milliondan ortiq mahsulot ishlab chiqaradi. Rossiya va boshqa xorijiy davlatlarda 500 dan ortiq hamkorlariga va 1900 dan ortiq xaridorlariga ega.

“ICL" elektronika mahsulotlari ishlab chiqaruvchi korxonada 3500 nafar ishchi faoliyat yuritadi.

Maʼlumot oʻrnida, mazkur zavodga 1951-yilda asos solingan va matematik aniqlikda ishlovchi, elektron mashinalar ishlab chiqaruvchi noyob zavodlar turkumiga kiradi. Xususan, Yuriy Gagarinning 1961-yildagi mashhur parvozi ham aynan mana shu zavod hisob-kitoblari asosida amalga oshirilgan.

✅Telegram🌐Website📹YouTube✅Facebook🕊Twitter