#Eʼtibor #Aksiya #Yurakdan_yurakka

Bugun Xalqaro nogironligi boʻlgan shaxslar kuni.

Shu munosabat bilan Nurafshon shahridagi Yoshlar markazida xayriya aksiyasi oʻtkazilmoqda.

Marosimda Toshkent viloyati hokimi Zoyir Mirzayev ishtirok etmoqda.

Oʻzbekiston Respublikasi Prezidenti Shavkat Mirziyoyevning ushbu sana munosabati bilan xalqimizga murojaatini Zoyir Mirzayev oʻqib eshittirdi.

#YurakdanYurakka xeshtegi ostida oʻtayotgan aksiyada viloyatimizdagi maxsus maktablar tarbiyalanuvchilari tomonidan yasalgan amaliy sanʼat namunalari sotuvi tashkil etildi.

Shuning maxsus xayriya qutisiga ishtirokchilar koʻngilli ravishda naqd pul shaklida saxovat koʻrsatishdi.

Aksiyada, shuningdek, viloyatimiz shahar va tumanlarining hokimlari, korxona, tashkilot hamda boshqarma boshliqlari, tadbirkorlar va boshqa koʻngillilar qatnashmoqda.

✉️Telegram 🌐Website 🌐YouTube 📱Instagram 📱Facebook 📱Twitter

#YurakdanYurakka #Eʼtibor

Avval xabar berganimizdek, bugun Xalqaro nogironligi boʻlgan shaxslar kuni munosabati bilan Nurafshon shahridagi Yoshlar markazida xayriya aksiyasi oʻtkazildi.

Unda Toshkent viloyati hokimi Zoyir Mirzayev, bir qator tuman hokimlari va boshqa masʼul shaxslar ishtirok etdi.

Shundan soʻng, “Yalpiz” tantanalar majmuasida viloyat hokimligi tomonidan dasturxon yozildi. Madaniyat boshqarmasi tomonidan tashkil etilgan badiiy dastur namoyish etilmoqda.

✉️Telegram 🌐Website 🌐YouTube 📱Instagram 📱Facebook 📱Twitter

#Eʼtibor

Bugun viloyat hokimligida Toshkent viloyati Sogʻliqni saqlash boshqarmasiga rahbarlik qilib kelayotgan Toʻraqul Arziqulov boshqa ishga oʻtishi munosabati bilan kuzatish marosimi oʻtkazildi.

Tadbirda viloyat hokimi Zoyir Mirzayev boshchiligida sektor rahbarlari, shahar va tumanlarning hokimlari, tibbiyot birlashmasining masʼullari qatnashdi.

Zoyir Mirzayev oʻz soʻzida Toʻraqul Arziqulovning viloyatda sogʻliqni saqlash sohasini rivojlantirishga qoʻshgan hissasini alohida qayd etdi hamda kelgusi faoliyatiga omad va zafarlar tiladi.

Marosimda soʻzga chiqqanlar professor, tibbiyot fanlari doktori Toʻraqul Arziqulovning rahbarlik va ilmiy-amaliy faoliyatidagi ibratli jihatlarni alohida eʼtirof qildilar.

Tadbirda Sogʻliqni saqlash vazirining oʻrinbosari Ilmira Bositxonova ishtirok etdi.

🌐Telegram 🌐Website 🌐YouTube 📱Instagram 📱Facebook 📱Twitter

#eʼtibor

Boʻstonliq tumanida ham harbiylarga yangi uy-joylar kalitlari topshirildi

Oʻzbekiston Respublikasi mustaqilligining 32 yillik bayrami arafasida Boʻstonliq tumanida joylashgan harbiy qism xizmatchilari uchun 24 ta oilaviy xizmat xonadonlari foydalanishga topshirildi.

Shu munosabat bilan oʻtkazilgan tantanali marosimda soha vakillari hamda harbiy xizmatchilarning oila aʼzolari qatnashdi.

Barcha sharoitlarga ega bu xonadonlardan oilalar oʻz minnatdorchiligini bildirishdi.

🌐Telegram 🌐Website 🌐YouTube 📱Instagram 📱Facebook 📱Twitter

#eʼtibor

Nuroniylar doim eʼzozda

Bugun Toshkent viloyati hokimi tashabbusi bilan “Nuroniylar va Maʼnaviyat maskani”da viloyatda uzoq yillar iqtisodiy-ijtimoiy rivojiga oʻz hissasini qoʻshib, ayni vaqtda nafaqada boʻlgan bir guruh nuroniylar uchun bayram dasturxoni yozildi.

Bayram tadbirida viloyat hokimi Zoyir Mirzayev nuroniy otaxonlarni bayram bilan tabriklab, ularning hayot yoʻllari bizlar uchun ibrat maktabi ekanini taʼkidladi. Tadbirda soʻz olgan faxriylar oʻz hayotiy tajribalari, bosib oʻtgan ibratli umr yoʻllari haqida hikoya qildilar.

🌐Telegram 🌐Website 🌐YouTube 📱Instagram 📱Facebook 📱Twitter

#eʼtibor

Viloyatdagi barcha obodonlashtirish xodimlari munosib eʼtirof etilmoqda

Yangi yil bayrami munosabati bilan barcha tuman-shaharlar hokimliklari tomonidan obodonlashtirish boʻlimi xodimlari munosib eʼtirof etilmoqda.

Har qanday ob-havo sharoitiga qaramay, oʻz vazifasini sidqidildan bajarayotgan soha vakillari uchun bayram dasturxonlari yozilib, zarur oziq-ovqat mahsulotlari va sovgʻalar ulashildi.

Maʼlumot oʻrnida aytish mumkin, bugun viloyatda tizimda 5300 nafardan ziyod ishchi-xodimlar mehnat qilib kelishmoqda.

🌐Telegram 🌐Website 🌐YouTube 📱Instagram 📱Facebook 📱Twitter

#Eʼtibor

Bugun Toshkent viloyati hokimligi binosida davlat arbobi Mirzamashrap Kuchchiev 70 yoshga toʻlishi munosabati bilan, viloyat hokimi tomonidan eʼtirof etildi.

M.Kuchchiev 1954-yilda tavallud topgan. U 1984-yilda qishloq xoʻjaligi fanlari nomzodligini olgan. Mehnat faoliyati davomida bir nechta masʼul vazifalarda ish faoliyatini olib borgan. 1996-yildan 2005-yilga qadar boʻlgan davr oraligʻida Qibray, Parkent, Bekobod tumanlarida hokim boʻlib ishlagan. 2005-yilda Toshkent viloyati hokimi lavozimida faoliyat yuritgan.

Viloyat hokimi Zoyir Mirzayev Mirzamashrap Kuchchievni yurtimiz ravnaqiga, qolaversa, Toshkent viloyatining har tomonlama rivojlanishida qoʼshgan hissasi, samarali mehnatlari toʻgʻrisida taʼkidlab, uning yubiley ayyomi bilan muborakbod etdi hamda esdalik sovgʻalarini topshirdi.

Viloyat sektor rahbarlari va mutasaddilar ham viloyatimiz faxriysi, davlat arbobi Mirzamashrap Kuchchievga dildan chiqqan samimiy ezgu tilaklarini bildirishdi.

🌐Telegram 🌐Website 🌐YouTube 📱Instagram 📱Facebook 📱Twitte‌‌