#qishloq_xoʻjaligi
#mavsum_oldidan

Hademay, gʻallakorlarimiz uchun oʻrim-yigʻim mavsumi boshlanadi

Ayni damda oʻrim-yigʻim mavsumiga tayyorgarlik ishlari boshlab yuborilgan. Albatta, oʻrim mashinalari soz boʻlmas ekan, yigʻim-terim ishlari ham koʻngildagidek boʻlmasligi aniq.

Shu sababli, Ohangaron tumanidagi mavjud oʻrim kombaynlarining bugungi texnik holati oʻrganilib, mavsumga shay holatga keltirilmoqda.

Eslatib oʻtamiz, bu yili mazkur tumanda 3669 gektar yer maydoniga gʻalla ekilgan. Oʻrim ishlari shu yilning 5-iyun kuni boshlanishi rejalashtirilgan.

🌐Telegram 🌐Website 🌐YouTube 📱Instagram 📱Facebook 📱Twitter

#qishloq_xoʻjaligi

Yana 50 gektarga tomchilatib sugʻorish tizimi joriy etildi

Quyi Chirchiq tumanidagi “TST Cluster” koʻp tarmoqli klasterining yana 50 gektariga tomchilatib sugʻorish tizimi joriy etildi. Ushbu gʻoʻza maydonlarida sugʻorishning tejamkor usuliga start berildi.

Klaster Tomchilatib sugʻorish boʻlimi boshligʻi Abror Farmonovning aytishicha, an’anaviy sugʻorish usulidan bosqichma-bosqich voz kechilib, tomchilatib sugʻorishga oʻtilyapti. Shu maqsadda oʻtgan yillarda 1200 gektardan ortiq maydonga ushbu texnologiya tatbiq qilindi. Chunki ushbu texnologiya tufayli suv bilan birgalikda, zaruriy oʻgʻitlar ekinning ildiz qismiga uzatib beriladi. Natijada suv va oʻgʻit sarfi keskin kamayib, paxta hosildorligi oʻrtacha 30 foizgacha koʻtariladi.

Shu kabi afzalliklar tufayli joriy yilda yana 450 gektar maydon tomchilatib sugʻorish usuliga oʻtkazilishi rejalashtirilgan. Ayni paytda buning uchun zarur infratuzilma yaratish, suv tindirish hovuzlarini qurish ishlari olib borilyapti.

🌐Telegram 🌐Website 🌐YouTube 📱Instagram 📱Facebook 📱Twitter

#Qishloq_xoʻjaligi

Piskent tumanida 1 yarim ming gektar bog‘ tartibga keltirilib, qator oralariga to‘qsonbosti ekinlari joylashtiriladi

Bu haqda tuman hokimi Nodirbek Yakubov 198-10-142-Q/23-sonli qarorni imzoladi. Mazkur qarorga ko‘ra, agrar soha mutaxassislari va mas’ullaridan iborat ishchi guruhi mavjud bog‘larni nazorat qilib, tartibga keltirish, qator oralariga to‘qsonbosti ekinlari ekilishini ta'minlaydi.

Piskent tumanidagi 10 ta agrar hududda jami 1814 gektar bog‘ va tokzor mavjud bo'lib, shundan ekin joylashtirish imkoni bo‘lgan 1555 gektar yer maydoni tartibga keltirilib, qator oralariga kuz oylarida 450 gektar piyoz, 180 gektar sarimsoqpiyoz, 103 gektar sabzi, 18 gektar ko‘katlar, 40 gektar karam, 15 gektar rediska, jami 645 gektar qishloq xo‘jaligi ekinlari ekish rejalashtirilgan.

Buning natijasida bog‘lar va tokzor maydonlaridan samarali foydalanib, oziq-ovqat xavfsizligini ta’minlash va eksport hajmini yanada kengaytirish ko‘zda tutilgan.

✉Telegram 🌐Website 🌐YouTube 📱Instagram 📱Facebook 📱Twitter

#Qishloq_xoʻjaligi

QISHLOQ XOʻJALIGI XODIMLARI KUNI BAYRAMI KENG NISHONLANDI

Bugun, 10-dekabr – Qishloq xoʻjaligi xodimlari kuni Toshkent viloyatida keng nishonlandi.

Qibray tumanida joylashgan “Qibray” dam olish maskanida tashkil qilingan bayram tadbirida viloyat hokimi Zoyir Mirzayev ishtirok etib, soha xodimlariga Davlatimiz rahbarining bayram tabrigini oʻqib eshittirdi hamda barchani samimiy tilaklar ila tabrikladi.

Viloyatning barcha hududlarida oʻtkazilgan qishloq xoʻjaligi xodimlari kuni bayram tadbirlari katta ekranda zoom orqali onlayn namoyish qilindi.

Tumanlardagi kun shodiyonalarida jami 8200 nafar soha vakillari qanashdi. Shundan 6500 nafari fermerlar boʻlsa, qolgan 1700 nafari qishloq xoʻjaligiga aloqador rahbarlardir.

Qibrayda boʻlib oʻtgan bayram tantanalarida 400 ga yaqin soha xodimlariga nozu-neʼmatlar ila bezatilgan dasturxon yozildi. Shuningdek, bir guruh soha vakillariga “Oʻzbekiston Respublikasi qishloq xoʻjaligi fidoyisi” koʻkrak nishonlari topshirildi.

Tadbirda taniqli sanʼatkorlar tomonidan ijro etilgan kuy va qoʻshiqlar, maftunkor raqs dastalari yigʻilganlarga koʻtarinki kayfiyat bagʻishladi.

🌐Telegram 🌐Website 🌐YouTube 📱Instagram 📱Facebook 📱Twitterr

#Qishloq_xoʻjaligi

Angrenda qulupnay pishdi

Angren shahri "Hakkarman-Yangi Jigariston" mahallasida istiqomat qiluvchi yosh tadbirkor Begzod Madismanov o‘z tomorqa yer maydonida rezavor meva yetishtirib, oila daromadini oshirmoqda.

Batafsil

🌐Telegram 🌐Website 🌐YouTube 📱Instagram 📱Facebook 📱Twitter

#Qishloq_xoʻjaligi #Jarayon

Ekin maydonlarida qishki agrotexnika tadbirlari amalga oshirilmoqda

Bekobod tumanida gʻallaning rivojlanishi boʻyicha har 5 gektarga sharbat o’ralari qazish va gektariga 5 tonnadan mahalliy o’g’it chiqarish ishlari olib borilmoqda. Gʻallazorlarni g’o’za poyalari va begona o’tlardan tozalash hamda mineral o’g’itlar zaxirasini yaratish, texnikalarni mavsumga tayyorlash jarayonlari tumandagi barcha fermer xo’jaliklarida amalga oshirilmoqda.

Shuningdek, 2024-yil paxta hosili uchun yerlarni tekislash, mavsumda irrigatsiya hamda melioratsiya tadbirlarini puxta bajarish borasidagi amaliy tadbirlar jadal suratlarda yoʻlga qoʻyilgan.

🌐Telegram 🌐Website 🌐YouTube 📱Instagram 📱Facebook 📱Twitter

#Qishloq_xoʻjaligi

Dalalarda qishki agrotexnik tadbirlar davom etmoqda

O‘rta Chirchiq tumanida gʻallaning rivojlanishi boʻyicha har 5 gektarga sharbat o’ralari qazish va gektariga 5 tonnadan mahalliy o’g’it chiqarish ishlari olib borilmoqda.

Shuningdek, gʻallazorlarni g’o’za poyalari va begona o’tlardan tozalash hamda mineral o’g’itlar zaxirasini yaratish, texnikalarni mavsumga tayyorlash jarayonlari tumandagi barcha fermer xo’jaliklarida amalga oshirilmoqda.

🌐Telegram 🌐Website 🌐YouTube 📱Instagram 📱Facebook 📱Twitter

#Qishloq_xoʻjaligi

Piskent dalalarida agrotexnik tadbirlar bajarilmoqda

Ayni kunlarda mavsumiy yumushlar avj pallada. Piskent tumanida 2024-yil hosili uchun ekilgan kuzgi boshoqli don ekinlarini oziqlantirish uchun mahalliy oʻgʻit jamgʻarish, xandaq va oʻralar qazish, bugʻdoyzorlarni gʻoʻzapoyadan tozalash ishlari olib borilmoqda.

Tumanda joriy yil jami 8 ming gektar maydonga bugʻdoy ekilgan. Gʻallaning puxta yetilishi uchun qish mavsumida fermerlar tomonidan kuniga 650 tonna, mavsum boshidan buyon 35 ming tonna oʻgʻit chiqarildi. 1 454 ta xandaqlar qazilib, sugʻorish mavsumiga tayyorlab qoʻyildi.

🌐Telegram 🌐Website 🌐YouTube 📱Instagram 📱Facebook 📱Twitter