#Tanqid

TOSHKENT VILOYATIGA 1 TA TAROZI YETADIMI?!

Yoʻllarini kuzatsangiz, gardanidagi yukining ogʻirligidan zoʻrgʻa harakatlanib ketayotgan, yuki koʻpligilan motori zoʻriqib ishlayotgan yuk mashinalariga koʻzingiz tushadi.

Holat sabab millirdlab byudjet pullari hisobiga taʼmirlangan yoʻllar ortiqcha yuklama tufayli yaroqsiz holga keladi.

Vazirlar Mahkamasining tegishli qarori bilan yuk tashuvchi mashinalar olib yuradigan yukning ogʻirlik meʼyori belgilab qoʻyilgan. Misol uchun, unda 7-8 tonnadan ortiq yuk mumkin emasligi, yoʻqsa, javobgarlik borligi qayd etilgan.

⚡️Bu boʻyicha doimiy reydlar oʻtkazilishi, ogʻirlikni oʻlchaydigan maxsus tarozilar ishlatilishi belgilangan, ammo Hukumat qarori ijrosi taʼminlanyaptimi oʻzi? Buning aksi ekaniga yetarlicha asoslar bor.

Chunonchi, brifingda Toshkent viloyati Avtomobil yoʻllari hududiy boshqarmasi bu yil viloyatda qancha reyd oʻtkazilgani, necha nafar fuqaro jarimaga tortilgani haqida maʼlumotlarni taqdim qila olmadi.

Boshqarmaning maʼlum qilishicha, Chinoz tumanidagi hamda “Erkin” postlarida ana shunday yuk oʻlchaydigan tarozi oʻrnatilgan. Afsuski, oʻsha ikki tarozidan bittasi ham taʼmirtalab ekan.

– Bunday tarozilar quriladi, qurish uchun ham, taʼmir uchun ham pul kerak, mablagʻ masalasi bizda muammo, ammo biz bu boʻyicha loyiha qilyapmiz,– deydi boshqarma muhandisi.

Viloyatdagi yaroqli birgina tarozining ham ishlayotgani shubha ostida. Chunki masʼullarda jarimaga tortilganlar boʻyicha aniq raqamlar yoʻq. Xullas, savollar koʻp, javoblar esa...

✉️ Telegram 🌐 YouTube 📱 Instagram 📱 Facebook 📱 Twitter

#tanqid

Ohangaron-Nurafshon yoʻli. Bu yoʻlda yoʻl-transport hodisalari tez-tez sodir boʻlib turadi.

Bugungi anomal sovuq eʼlon qilingan bir vaziyatda tegishli tashkilotlar bu yoʻlni tozalash choralarini koʻrishsa, shu yoʻldan ishga qatnaydiganlarning xavfsizligini taʼminlashgan boʻlishardi.

✉️Telegram 🌐Website 🌐YouTube 📱Instagram 📱Facebook 📱Twitter

#tanqid

YANGIYOʻLLIKLARGA XOTIRA KERAKMASMI?

Koʻrayotganingiz - Yangiyoʻl tumanida joylashgan Xotira xiyoboni. Aholining aytishicha, bir vaqtlar bu maskan juda fayzli joy boʻlgan. Biroq bu maydonga ham koʻz tikkanlar koʻp ekan. Bugun xiyobonning yarmi sotilib, qolgan qismi esa qarovsiz joyga aylanib ulgurgan.

Haykallarda Ikkinchi jahon urushida qahramonlik koʻrsatgan yangiyoʻllik Abdulla Qurbonov va “Shuhrat” ordeni sohibi Moʻmin Karimov, yaqinlari urushdan qaytmagan ona siymolari aks ettirilgan.

Bir savolga javob izlayapmiz: yangiyoʻllik masʼullar tarixga hurmat borasida yoshlarga shunday oʻrnak koʻrsatishyaptimi?

✉️Telegram 🌐Website 🌐YouTube 📱Instagram 📱Facebook 📱Twitter

#Tanqid

Oʻrta Chirchiq tumani Kim Pen Xva hududi. Toshkent-Nurafshon yoʻlining yoqasidagi ahvol. Davlat mablagʻ ajratgan Street Workout qurilgan, sport inventarlari olib kelingan.

Keyin qaysidir aqlli bu yerga doʻkon qurishga hujjat chiqarib bergan, tadbirkorimiz ham jihozlarni qoʻporib tashlab, qurilishni boshlavorgan.

Xoʻp. Shu ish boʻlibdi, oʻsha doʻkon judayam zarur ekan, tushundik. Lekin, nimaga jihozlar boshqa maqbulroq joyga koʻchirilmayapti? Bu jihozlarning yarmi birovning uyida, yarmi koʻchada yotibdi, egasi yoʻqmi?

🌐Telegram 🌐Website 🌐YouTube 📱Instagram 📱Facebook 📱Twitter

#tanqid

Yoʻl taʼmirlangani bu - koʻzboʻyamachilik uchunmi?

📹 Batafsil videolavhada

🌐Telegram 🌐Website 🌐YouTube 📱Instagram 📱Facebook 📱Twitter

#Tanqid

XUSUSIY TAʼLIM VA YoSHLAR TASHKILOTI

Xususiy bogʻcha, maktab, institut, universitet – bular keyingi ikki-uch yilda gʻoyatda koʻpaygandan koʻpaydi. Bolajon xalqimizni nozik tuygʻulari bilan oʻynab, bolangni komillikka eltaman deb aldab, naqshinkor, muhtasham binolarda  dabdala qilib tarbiyalab berishayapti, desam ishonavering.

Bizda xususiy taʼlim hali rivojlanish va shakllanish jarayonida ekan, hozir, shu bugundan eʼtiboran davlat bilan munosabatlariga aniqlik kiritib olishi, qoidalar qatʼiy oʻrnatilishi shart, deb hisoblaymiz.

Xususiy maktablarda ota-onalar kengashi, yoshlar tashkilotining boshlangʻich yacheykasi singari anʼanaviy institutlar boʻlishi kerak, bizningcha. Eng muhimi, davlat taʼlim standartlari hali hamon bormi? Bu standartlar ham xususiy taʼlimga taalluqlimi?

Toshkent tumanida bir xususiy bogʻchaga borganimda gʻaroyib holatga guvoh boʻlganman. Hijob oʻragan, feʼl-atvori halim va shikasta bir ayol rus tilidan bolajonlarga dars berarkan. “Pushkin qachon tugʻilgan?” deb soʻradim mutlaqo tasodifan, oʻzimcha. Javob yoʻq. Keyin sekin rus adabiyoti, rus estetikasi haqida soʻradim. Yana javob yoʻq.

Bu yerda gap ruslarni qanchalik bilish haqida emasligini tushunib turibsizlar, deb umid qilaman. Rus bogʻchasiga bolalarni berganda rus tilidan dars beradigan ustoz bu tilda yaratilgan moʻjizalarni sal-pal bilishi ham kerak-da. Besh vaqt namozda ekanligini pesh qildi, rus tili grammatikasini bilishini aytdi. Ibodat – har kim oʻzi uchun qiladigan ish. “Kasbingizni bajarib qoʻying”, – dedim unga xayrlasharkanman.

Bilishimizcha, xususiy taʼlim tashkilotlariga Yoshlar ishlari agentligining kirishga, oʻrganish oʻtkazishga haqi yoʻq ekan. Biznes-ombudsman orqali kirilarkan. Ie, bu yer biznes maydonchasi emasku, bu yer taʼlim dargohiku!

Xususiy taʼlim gullasin, rivojlansin. Lekin hozirgi holat kishini choʻchitadi, xalqning choʻntagini shilish uchun har nedan tap tortmayotgan biznesmenlar taʼlimga kirib qolmadimikan, degan xavotir paydo qiladi.

🌐Telegram 🌐Website 🌐YouTube 📱Instagram 📱Facebook 📱Twitter

#Mavzuga_qaytib #tanqid

Ikki pashsha suhbatidan

– Oʻrtooo, qishda rejalaring qanaqa?

– Sharoit shunaqa vip boʻptursa, Boʻkada qolaman, joʻra.

✉Telegram 🌐Website 🌐YouTube 📱Instagram 📱Facebook 📱Twitter