#Maxsus_dayjest

Elektr taʼminoti korxonalarining kun tartibi bugun juda qizgʻin. Tarmoqlardagi yuklama sababli bir joyda avariya, yana qayerdadir elektr uzilgan. Sovuq kunda uydan chiqish malol kelgan bir vaqtda ular 8-10 metr balandlikda xavfli yumushni ogʻrinmay bajaradi.

Maxsus dayjestimiz “kun qahramonlari” haqida.

🔘Yoshlar kundaligi. Bugungi sovuq va sinovli kunlarda kommunal soha vakillarining biz uchun jon kuydirib qilayotgan mehnatlarini qadrlaylik!

🔘Quyi Chirchiq tumani. Bugun yoʻqni yoʻndirib, borini tejab, uzilganni butlab, buzilganni sozlab tunu kun ishlayotgan energetiklar tumanda elektr uzilishlari bilan bogʻliq noxush xolatlar, nosozliklarni tezkor bartaraf etishmoqda.

🔘Zangiota tumani. Tuman elektr taʼminoti korxonasi xodimlarining tezkorligi va shayligi tufayli “Madaniyat” mahallasining “Diyor”, “Intizor” koʻchasida yashovchi aholi muammolari hal etildi.

🔘Angren shahri. Shahar “nurchi”lari tomonidan olis va togʻli “Lashkarak” mahallasida joylashgan nuqsonli yogʻoch tayanchlar almashtirilmoqda.

🔘Ohangaron tumani. “Ungut” mahallasi “Yangilik” koʻchasidagi elektr tarmoqlarida meʼyordan ortiqcha yuklama tufayli yuzaga kelgan nosozlik tuman elektr taʼminoti korxonasi mutahassislari tomonidan bartaraf etildi.

🔘Yuqori Chirchiq tumani. Tuman energetiklari “Uchchinor” va “Kavardon” mahalla fuqarolar yigʻinidagi elektr taʼminoti bilan bogʻliq muammolarga yechim topdilar.

🔘Toshkent tumani. Tumanda suv, gaz, elektr taʼminoti korxonalari xodimlaridan iborat tezkor brigadalar tunu kun joylardan tushayotgan murojaatlar asosida tezkor choralar koʻrmoqdalar.

🔘Qibray tumani. Tuman elektr taʼminoti korxonasi xodimlari hudud ahliga bugungi sinovli kunlarni yengib oʻtishda sidqidildan kamarbasta boʻlmoqdalar.

🔘Boʻka tumani. Tuman elektriklari avariya holati tufayli 386-TPda nosoz holga kelgan transformatorni bugun tongga qadar yangisiga almashtirdilar.

🔘Yangiyoʻl tumani. “Qovunchi” mahallasidagi TP-79 punktida taʼmirlash ishlari yakunlanib, hududda elektr energiyasi tiklandi.

🔘Boʻstonliq tumani. Ayni vaqtda tuman hokimi boshchiligidagi masʼullar kelib tushayotgan murojaatlarni tezkorlik bilan bartaraf qilish choralarini koʻrmoqda.

🔘Parkent tumani. Tumanning Qirg'izovul, Mozorxoji hamda Teman mahallalarida elektr energiyasi bilan bog'liq bo'lgan avariya elektr ta'minoti bo'limi hodimlari tomonidan tezda joyiga borib o'rganildi hamda avariya holati bartaraf etildi.

✉️Telegram 🌐Website 🌐YouTube 📱Instagram 📱Facebook 📱Twitter

#statistika

Qishloq, oʻrmon va baliqchilik xoʻjaligi mahsulotlarining oʻtgan yildagi umumiy hajmi qancha?

Dastlabki maʼlumotlarga koʻra, 2022-yilning yanvar – dekabr oylarida Toshkent viloyatining qishloq, oʻrmon va baliqchilik xoʻjaligi mahsulot (xizmat)larining umumiy hajmi 34 695,9 mlrd. soʻmni, 2021-yilning mos davriga nisbatan 103,7 foizni tashkil etgan.

Jumladan, dehqonchilik va chorvachilik, ovchilik va ushbu sohalarda koʻrsatilgan xizmatlar – 33 175,2 mlrd. soʻm (103,6 foiz), oʻrmon xoʻjaligi – 1 250,5 mlrd. soʻm (102,7 foiz), baliqchilik xoʻjaligi – 270,1 mlrd. soʻm (116,9 foiz)ga toʻgʻri keladi.

Maʼlumot uchun: Respublika qishloq, oʻrmon va baliqchilik xoʻjaligi tarkibida Toshkent viloyatining ulushi 9,6 foiz.

✉️Telegram 🌐Website 🌐YouTube 📱Instagram 📱Facebook 📱Twitter