#Шукуҳ

Вилоятимизда байрам арафасида бир қатор объектлар фойдаланишга топширилди

Халқимизда тўйга тўёна билан келиш сингари яхши удум бор. Севимли Наврўз байрами арафасида вилоятимизнинг маъмурий маркази – Нурафшон шаҳрида, шунингдек, шаҳар ва туманларда кўплаб объектлар фойдаланишга топширилди. Хусусан, 100 дан ортиқ маҳаллага ичимлик суви кириб борди, йўллар таъмирланди, ишлаб чиқариш қувватлари ва аҳолига хизмат кўрсатиш билан шуғулланадиган корхоналар фойдаланишга топширилди. Айни бир пайтда 30 та маҳалла фуқаролар йиғини биносининг қурилиши якунланиб, элга хизмат қилишни бошлади. 11 та спорт объекти, умумтаълим мактаби ва мактабгача таълим ташкилоти ҳамда 3 та тиббиёт муассасаси ҳам Наврўз арафасида аҳолига хизмат крсатишни бошлади.

Алоҳида таъкидлашни истардимки, Наврўзда фойдаланишга топширилган объектлар орасида 3 та бино ниҳоятда керакли, халқимиз, зиёлилар кутаётган, вилоят маркази учун зарур бўлган объектлар эди. Булар – Нурафшон-Бекобод йўналишидаги қурилган янги кўприк, Республика IT паркининг вилоят филиали ғамда маънавийт ва маданият кошонасига айланган "Нуронийлар уйи"дир. Шундай қилиб давлатимиз раҳбарининг алоҳида эътибори ва ғамхўрлиги билан Нурафшонни пойтахт вилоятининг ҳақиқий маркази, юрагига айлантириш йўлида яна бир катта қадам ташланди.

📱 Instagram | 📱 Twitter | 📱 Facebook | ✉️ Telegram

#Шукуҳ

⚡️Бугун Янгийўл туманида ўзгача кун. Ижтимоий ҳолати, ишсизлик даражаси ўрганилган 67 нафар фуқарога мотокультиватор топширилди.

🔖Тадбирда Олий Мажлис Сенати Раиси Танзила Норбоева ҳамда вилоят ҳокими Зойир Мирзаев сўз олиб, Янгийўл тажрибаси бутун Республикага намуна бўлишини алоҳида таъкидлаб ўтди.

🖼Жараёндан мобил лавҳа.

Yoshlar kundaligi

#Шукуҳ

Президентимиз бугун Мудофаа вазирлигининг Марказий ҳарбий клиник госпиталида бўлиб, бир гуруҳ иккинчи жаҳон уруши фахрийлари билан мулоқот қилдилар, байрам билан муборакбод этдилар. Жумладан, Ўрта Чирчиқ туманида яшовчи Муҳиддин ота Дўсанбоев бугун давлатимиз раҳбари билан кўришдилар. Отахоннинг орзуси амалга ошди. Набиралари олий таълим даргоҳига ўқишга қабул қилинди. Олий таълим вазири Конгратбай Шарипов бу ҳақидаги сертификатни Муҳиддин отага ўз қўли билан топширди.

Айтиш жоизки, бугун вилоятимизда 16 нафар уруш фахрийлари истиқомат қилади. Давлатимиз раҳбарининг "Иккинчи жаҳон уруши қатнашчиларини рағбатлантириш тўғрисида"ги Фармонларига асосан, уруш фахрийларига муҳтарам Юртбошимизнинг байрам табриги ва совғаларини топшириш тадбирлари бўлиб ўтмоқда. Бугун вилоят сектор раҳбарлари томонидан мазкур совғалар фахрийларга етказилди.

Хусусан, бугун Ангрен шаҳрида истиқомат қилаётган уруш фахрийлари – Николай Прокошкин, Мария Овасапова, Роза Жаназарова ва Элвира Якименконинг хонадонларида бўлиб, Юртбошимизнинг байрам табриклари ва совғаларини етказдим, самимий суҳбатлашдик.

📱 Instagram | 📱 Twitter | 🌐YouTube |  📱 Facebook  | 🕊Telegram