#Билдириш

Ассалому алайкум, ҳурматли ОАВ ходимлари ва блогерлар, каналимиз кузатувчилари!

Мен Беҳзод Қобулов бугун, шу дақиқадан эътиборан Тошкент вилояти ҳокимининг ахборот сиёсати бўйича маслаҳатчиси лавозимига тўлақонли киришдим.

Тайинловдан кейинги ўтган тўрт кун ичида Зойир Мирзаевнинг топшириғи билан блогерлар, айрим марказий нашрларнинг раҳбарлари, мухбирлик пункти мутасаддилари, мухбирлар, вилоят бошқарма, ташкилот ва корхоналарининг матбуот котиблари, ҳудудий босма нашрларнинг муҳаррирлари, шаҳар ва туманлар ҳокимларининг ахборот сиёсати бўйича маслаҳатчилари билан алоҳида-алоҳида гаплашиб олдик.

Бу мулоқотлар давомида ҳамкорлик механизми келишилди, иш услубимизни таҳлил қилдик. Ишимизни сифат жиҳатидан янги босқичга кўтариш бўйича таклифлар олинди.

Ўз навбатида, АОКА Тошкент вилояти бошқармаси жамоаси, Журналистлар ижодий уюшмаси вилоят бўлими, "Тошкент ҳақиқати" ва "Ташкентская правда" газеталари таҳририяти жамоаси билан мулоқот қилиб, олдимизда турган вазифаларни биргаликда муҳокама қилдик.

Дастлаб иш услубимизга бугундан эътиборан иккита муҳим ўзгариш киритдик:

1) Ҳокимликлар фаолияти, соҳалар ва тармоқлар бўйича эълон қилинаётган танқидий материалларга бундан буён вилоят ҳокимлиги ахборот хизмати жамоаси шахсан жойига чиққан ҳолда видео муносабат билдиради. Бундан буён ҳар қандай ОАВ ва блогингда эълон қилинган танқидий материаллар тегишлилигага кўра, вилоят ҳокимлиги котибият мудирлари, бошқарма ва ташкилотлар раҳбарлари, маҳаллий ҳокимликлар, сектор раҳбарлари билан ҳамкорликда фуқаролар манфаати нуқтаи назаридан кўриб чиқилади. Шу мақсадда ахборот хизмати негизида учта мобил гуруҳ ташкил этилди.

2) Тошкент вилояти ҳокимлиги матбуот оиласи ўз контентларини лотин графигига асосланган ўзбек алифбосида узатишни бошлайди. Бундай қарорга келишимизга сабаб, аҳолининг катта қисмини ташкил этувчи ёшлар расмий ахборотларни ўзига қулай ёзувда ўқийди. Ёшлар аудиторияси кенгроқ қамраб олинади. Ўз навбатида, 2023 йил 1 январдан эътиборан мажбурий тарзда барча давлат ташкилотлари лотин ёзувига ўтказилиши ҳам инобатга олинди.

Эслатиб ўтамиз, шу кунларда вилоят ҳокими раислигида матбуот соҳасига оид кенгайтирилган йиғилиш бўлиб ўтади. Унда тизимнинг барча муаммоларига эътибор қаратилади. Айни пайтда йиғилиш кун тартиби шакллантирилди, мулоқотлар давомида олинган таклифлар умумлаштирилмоқда.

✉️ Telegram 🌐 YouTube 📱Instagram 📱 Facebook 📱 Twitter

#билдириш

Азиз Тошкент вилояти аҳолиси ва ёшлари!!!

‼️Сизларни 11 апрель куни Нурафшон шаҳри "Янги Ўзбекистон боғи" даги амфитеатрда бўлиб ўтадиган "Нурафшон мунаввар оқшомлари!" гала концертига таклиф этамиз.

📂Тадбир соат 15:30 да  “Ўзбекистон – ёшлар мамлакати” шиори остида Ўзбекистон Республикасининг янги таҳрирдаги Конституцияси лойиҳасининг мазмун-моҳиятини тушунтиришга қаратилган тарғиботчиларнинг чиқишлари билан бошланади.

🎙Шундан сўнг эстрадамизнинг ёрқин юлдузлари Ҳамдам Собиров, Ёрқинхўжа Умаров, Ойбек Холметов ҳамда Дж Немати каби бир қатор санъаткорларнинг чиқишлари намойиш этилади. Тадбирни бошловчилар Анвар Мирзо ва Мадина Абдуллаевалар олиб боришади.

Барчангизни фестивалда кутиб қоламиз!🙋‍♀🙋‍♂

💬Telegram 🌐Website 📱Instagram 📱Facebook 🌐YouTube