​#инвестиция_ва_ташқи_савдо

Биринчи босқичда 14,5 миллион доллар

Оҳангарон тумани ҳокими Абдувоҳид Турдибоев инвестицион лойиҳаларни ўрганиш жараёнида туманимизда амалга оширилаётган “Sardorkom” МЧЖ мева-сабзавот кластери ва «Tct cluster milk and meat» МЧЖ чорвачилик комплекси ҳамкори бўлган Муртаза Раҳматов билан учрашув ўтказди.

Учрашув маънавият улашувидан бошланди. Туман ҳокими инвесторга “Иқтисодиёт университети олимлари” китобини, инвестор эса туман ҳокимига ўзи ҳаммуаллифлигида ёзилган “Истеъдодли инсонлар мамлакатнинг бебаҳо бойлигидир” номли китобини совға қилди.

Ўзаро танишувдан сўнг, мавзу асосий масаласига кўчди. Инвестор сўнгги вақтда Ўзбекистонда амалга ошираётган инвестицон лойиҳалари хусусида тўхталиб ўтди. Хусусан, у Қуйичирчиқ туманига умумий қиймати 42 млн. АҚШ долларига тенг бўлган қишлоқ хўжалиги техникаларини олиб келган, Бухоро вилоятида кейинги йилда 1000 гектар ҳудудда боғ ташкил қилишни режалаштирмоқда. Бугунги кунда инвестор 14 минг ишчига раҳбарлик қилмоқда, иш ҳакининг ўзи 50 млрд. сўмни ташкил қилади. 2 йил ичида ишчилар сони 17 мингга етиши кутилмоқда. Шунингдек, суҳбат жараёнида Муртаза Раҳматов юқори малакали кадрларга эҳтиёж мавжудлигини ҳам таъкидлаб ўтди.

Ҳозирда туманимиз ҳудудидан инвесторга човачилик ва боғдорчилик учун ер майдонлари ажратилган ва у айни пайтда туркиялик мутахассислар билан ҳамкорликда ишламоқда. Лойиҳа доирасида чорва комплекси барпо этилиб, гўштни қайта ишлаш орқали ҳалол колбаса, сосиска, тушёнка ва бошқа маҳсулотлар ҳамда ем ишлаб чиқариш йўлга қўйилади. Мазкур ишларнинг биринчи босқичида инвестор томонидан 14,5 млн. АҚШ доллари миқдоридаги маблағ киритилади.

Оҳангарон туман ҳокимлиги Ахборот хизмати.

📡 @ohangaronthokimligi
Каналга уланиш: ⤵️
https://t.iss.one/joinchat/AAAAAFX7jNb2k287TXSHIQ

#инвестиция_ва_ташқи_савдо

📌Покистонлик инвесторлар икки томонлама манфаатли ҳамкорлик таклифини билдирмоқда

➡️Батафсил

👉Каналга уланиш: https://t.iss.one/toshvilpressa

Facebook | Instagram | YouTube |Twitter | TikTok