​​#Ангрен_шаҳри
#Халқаро_ногиронлар_куни

"Менинг тасаввуримда Ўзбекистон" номли ижодий танлов

🔰Бирлашган Миллатлар Ташкилоти Бош Ассамблеясининг 1992 йил 14 октябрдаги қарори ва “Ўзбекистон Республикасида ногиронларни ижтимоий ҳимоя қилиш тўғрисида”ги қонунга асосан ҳар йили мамлакатимизда 3 декабрь – Халқаро ногиронлар куни сифатида кенг нишонланади.

🔹Шу сана муносабати билан Ангрен шаҳрида уйда таълим олувчи имконияти чекланган ўқувчилар учун "Менинг тасаввуримда Ўзбекистон" деб номланган тадбир ўтказилди. Тадбирни ўтказишдан мақсад уйда таълим олувчи имконияти чекланган ўқувчилар ўртасида ижодий ишлар бўйича ўтказилган кўрик-танлов ғолибларини тақдирлаш ҳамда болажонларга қувонч улашиш этиб белгиланди.

📌Тадбирда сўзга чиққан шаҳар ҳокими Ш.Маҳмудов ва халқ таълими бўлими мудири Р.Абдукадировалар ғолиб ўқувчиларни табриклаб, эсдалик совғалар топширишди. Шунингдек, ўқувчиларнинг устозларига ҳам шаҳар ҳокимининг ташаккурномаси ва эсдалик совғаларни тақдим этишди.

❇️Маросимда шаҳар Маданият маркази қошидаги "Ниҳол" болалар вокал ва "Ангрен юлдузлари" рақс жамоалари ҳамда "Баркамол авлод” болалар мактаби ўқувчилари томонидан ижро этилган жозибали рақслар ҳамда куй-қўшиқлар барчага манзур бўлди. Хонанда Ферузбек Мадраимов ижросидаги шўх қўшиқлар эса иштирокчиларда катта таассурот қолдирди.

👉 Каналга уланиш: https://t.iss.one/toshvilpressa

Web-site| Facebook| Instagram|Telegram