#кун_тартиби

https://youtu.be/C47NfoeUTmo

⚡️Ҳисоботлардан кўз қамашади, амалда эса... алдашади — Зойир Мирзаев қурилишдаги реал ҳолатларни кескин танқид қилди

🔹Тошкент вилояти ҳокими вазифасини бажарувчи Зойир Мирзаевнинг бугунги мулоқоти қурувчилар ва шу соҳа мутасаддилари билан бўлди.

🔹Вилоят сектор раҳбарлари, тегишли бошқармалар масъуллари ҳамда лойиҳачи ва қурилиш ташкилотлари мутасаддилари иштирок этган йиғилишда ҳудудларда иссиқлик, ичимлик сув таъминоти, оқова сув тармоқларини яхшилаш ҳамда автомобиль йўлларини қуриш-таъмирлаш бўйича амалга ошириладиган ишлар кўлами, мавжуд камчилик ва нуқсонларни тезкор бартараф этиш масалалари таҳлил қилинди.

🔹Қайд қилинганидек, Ўзбекистон Республикаси Президентининг 2021 йилда Тошкент вилоятига ташрифи давомида кўтарилган муаммоларни тезкор бартараф этиш мақсадида “Тикланиш ва тараққиёт жамғармаси” маблағлари ҳисобидан иссиқлик, ичимлик сув таъминоти ва оқова сув тармоқларини яхшилаш, автомобиль йўлларини қуриш-таъмирлаш ишлари ҳамда туман ва шаҳар ободонлаштириш бошқармаларининг моддий-техника базасини мустаҳкамлаш учун 50 миллион АҚШ доллари миқдорида маблағ ажратиб берилган.

🔹Жумладан, ушбу маблағ иссиқлик таъминоти тизимини тиклаш ва ривожлантиришга 19 миллион, ичимлик сув таъминоти ва оқова сув тармоқларини яхшилашга 17 миллион автомобиль йўлларини қуриш-таъмирлаш ишларига 10 миллион ҳамда туман-шаҳар ободонлаштириш бошқармаларини қўшимча замонавий махсус транспорт воситалари билан таъминлашга 4 миллион АҚШ доллари миқдорида тақсимланган.

🔹Йиғилишда олиб борилаётган қурилиш ва таъмирлаш жараёнлари сифатли амалга оширилмаётгани, мазкур ишларга алоқадор масъулларнинг ишга юзаки муносабати кескин танқид қилинди.

– Куни кеча Нурафшон шаҳридаги қурилиш ишларини кўздан кечирдик, – деди Зойир Мирзаев. – Сув таъминотига масъул бўлган раҳбарнинг топшириғи билан янги босилган асфальт кавлаб ташланган. Буям камлик қилгандай шу атрофдаги аҳолининг хонадонига сув тошириб юборилган. Сув тармоқлари ўтадиган жойларга қўйиладиган махсус қопқоқлар учун бетон ўрнига сифатсиз, ярим-ёрти ғиштлар териб қўйилган. Одамларнинг фикрини сўрасангиз, улар бу ишлардан албатта, норози. Ҳисоботлар эса кўзингизни қамаштиради. Қоғоздаги иш билан амалдаги иш қачон бир-бирига мутаносиб бўлади? Қачонки, ишда масъулият ва жавобгарлик ҳисси бўлса, жамоатчилик назорати ишласа, бу йўналишдаги комиссиялар ишга номига эмас, виждонан ёндашса.

🔹Мулоқотда вилоятда бошланган муҳандислик-коммуникация тармоқларини қуриш-таъмирлаш ишларини белгиланган муддатда сифатли якунига етказиш, Ангрен, Чирчиқ, Нурафшон, Оҳангарон, Янгийўл шаҳарлари ва Бўстонлиқ, Зангиота, Тошкент туманида жойлашган 868 та кўп квартирали уйлардаги 38 мингга яқин хонадон ва 42 та ижтимоий соҳа объектларини сифатли ва узлуксиз иссиқлик таъминоти билан таъминлаш чораларини кўриш зарурлиги таъкидланди.

🔹Кун тартибидаги масалалар юзасидан масъуллар ахбороти эшитилди.

👉Каналга уланиш: https://t.iss.one/toshvilpressa

Facebook | Instagram | YouTube | Twitter | TikTok

#кун_тартиби
#мурожаат

https://youtu.be/htzrSyhwlgg

⚡️Тошкент вилояти ҳокими вазифасини бажарувчи Зойир Мирзаев вилоятдаги 1020 та маҳалла фуқаролар йиғинига сайланган раисларни қутлаб, улар олдидаги долзарб ва муҳим вазифаларни яна бир бор қайд этиб ўтди.

👉Каналга уланиш: https://t.iss.one/toshvilpressa

Facebook | Instagram | YouTube | Twitter | TikTok