#xalqaro_hamkorlik

Xabaringiz bor, Zoyir Mirzayev boshchiligidagi Toshkent viloyati delegatsiyasi Xitoy Xalq Respublikasida bo‘lib turibdi.

Bugun vakillarimiz Xanchjou shahridagi "Holley Group" korxonasida bo‘lishdi. Delegatsiyamizni korxona rahbari Van Lichen kutib oldi va ishlab chiqarish jarayonlari bilan tanishtirdi.

Ma’lumot o‘rnida aytish joizki, "Holley Group" 1970 yil 28 sentyabrda tashkil etilgan bo‘lib, korxona dastlab soyabon, supurgi va bambuk mahsulotlari, shuningdek kichik hajmdagi elektr hisoblagichlarini ishlab chiqarishga ixtisoslashgan edi. 1990 yillarda u Xitoydagi eng yirik elektr jihozlari korxonasiga aylandi. Bugungi kunda kompaniya qoshida mikroelektronika, to‘qimachilik, farmasevtika kabi yo‘nalishlarda korxonalar faoliyat yuritadi.

Joriy yilda mazkur kompaniya va Toshkent viloyati hokimligi o‘rtasida bir qator yo‘nalishlarda hamkorlik aloqalari o‘rnatilgan va yangi qo‘shma loyiha bo‘yicha kelishib olingan. Loyihaga 2024-yilda start beriladi.

〰️ 〰️ 〰️ 〰️ 〰️ 〰️

Toshkent viloyati delegatsiyasi ayni damda Xanchjoudagi safarini yakunlab, Pekinga jo‘nab ketmoqda. Mazkur shaharda ham bir qator uchrashuvlar o‘tkazilishi rejalashtirilgan.

🌐Telegram 🌐Website 🌐YouTube 📱Instagram 📱Facebook 📱Twitterr

#xalqaro_hamkorlik

Viloyat hokimi Singapurning nufuzli kompaniyasi bilan onlayn Memorandum imzoladi

Xabaringiz bor, 2023-yilning 23-25-may kunlari Singapur Respublikasi Prezidentining Oʻzbekistonga tashrifi doirasida “Wilmar International Limited” agrosanoat korporatsiyasi vakillari Toshkent viloyatida oziq-ovqat sanoatida qoʻshma loyihalarini amalga oshirish tashabbusini ilgari surgan edi.

Kompaniya raisi K. Kuok boshchiligidagi delegatsiya ham 2023-yilning sentyabr oyida viloyatda boʻlib, yogʻ-moy ishlab chiqarish korxonalarini koʻzdan kechiradi. Va hudud salohiyatidan kelib chiqib, bir qator yoʻnalishlarda hamkorlik qilishga kelishib oladi.

Yaʼni, integratsiyalashgan korxona tashkil etish - yogʻ, un, parranda uchun yem mahsulotlari, shuningdek, sut mahsulotlarini ishlab chiqarish loyihasini amalga oshirish reja qilindi.

Shu maqsadda bugun viloyat hokimi Zoyir Mirzayev mazkur korxonaning vakillari bilan onlayn muloqot olib borib, 2024-2025-yillarda Oʻrta Chirchiq tumani hududida umumiy qiymati 100 million dollarlik qishloq xoʻjaligi mahsulotlarini ishlab chiqarish loyihasini yoʻlga qoʻyish boʻyicha onlayn Memorandum imzoladi.

Uchrashuv davomida yer ajratish bilan bogʻliq masalalar ham koʻrib chiqildi.

🌐Telegram 🌐Website 🌐YouTube 📱Instagram 📱Facebook 📱Twitter

#Xalqaro_hamkorlik
#Ozarbayjon

⚡️ 4-10-may kunlari  Toshkent viloyatidagi bolalar musiqa va san'at maktablari direktorlarining bir guruhi Ozarbayjonda ijodiy safarda bo'lishdi.

✅ Ijodiy safar davomida Asafa Zeynali nomidagi Milliy konservatoriya huzuridagi Baku musiqa kolleji, Baku Xoreografiya akademiyasi, Rashid Beybutov nomidagi Ozarbayjon davlat musiqa teatri, Muslim Magomayev nomidagi 26-sonli musiqa maktabi faoliyati bilan yaqindan tanishildi.

✅ Unda mazkur muassasalarning ta'lim yo'nalishlari, o'qituvchilarning ta'lim berish metodikasi, kollejda yaratilgan sharoitlar, mavjud normativ hujjatlar ko'zdan kechirildi.

✅ Shuningdek, ikki tomonlama kelishuv memorondumlari imzolanib, mazkur memorondumga ko'ra kelgusida ikki tomonlama ijodiy hamkorlikni yaqindan yo'lga qo'yish, ta’lim sohasida kadrlar malakasini oshirish belgilab olindi.

✅ Ozarbayjonning Asafa Zeynali nomidagi Milliy konservatoriya huzuridagi Baku musiqa kollejida o'zbek va ozarbayjon madaniyat sohasi vakillarining ikki tomonlama do'stona uchrashuvi tashkil etilib, musiqa kollejining iqtidorli talabalari tomonidan konsert dasturi ham namoyish etildi.

✅ Barcha ijodiy jarayonlar Ozarbayjon Respublikasining telekanallari orqali keng yoritildi.

✅Telegram🌐Website📹YouTube✅Facebook🕊Twitter