#Ҳудудлардан_хабарлар

Буюк мутафаккир Алишер Навоий таваллудининг 580 йиллиги муносабати билан Тошкент вилоятининг барча туман ва шаҳарларида маънавий-маърифий тадбирлар, учрашувлар ташкиллаштирилди.

📌Чиноз тумани ҳокимлиги, Халқ таълими, Мактабгача таълим бўлими, Нуроний жамғармаси, 75559-сонли ҳарбий қисм, Ўзбекистон ёшлар иттифоқи Чиноз туман Кенгаши ҳамда фаол ёшлар томонидан ҳудудда қад ростлаб турган Алишер Навоий ҳайкали пойига гул қўйиш маросими ташкил этилди.

📌Пискент туманида ўтказилган тадбирларда улуғ мутафаккирнинг ижод йўли, маънавий мероси ёдга олинди, унинг адабиёт ривожига қўшган улкан ҳиссаси эътироф этилди. Ёшлар Алишер Навоийнинг ёрқин хотирасига ҳурмат бажо келтириб, ғазаллари, рубоийлари ва ҳикматларидан намуналар ўқидилар.

📌Бекобод туманидаги тадбирларда туман ҳокимлиги, ташкилот рахбарлари, мактаб директорларининг маънавият бўйича ўринбосарлари, маҳалла фаоллари, ёшлар иштирок этишди. Маданият бўлими ходимлари томонидан тайёрланган мусиқий дастур тадбирга янада кўтаринкилик бағишлади.

📌Янгийўл туманидаги барча МТТ ва таълим масканларида шоир, мутафаккир, давлат арбоби Алишер Навоий таваллудининг 580 йиллиги кенг нишонланди. «Сўз гавҳарининг буюк соҳиби» номли адабий-мусиқий кечаларда ўқувчилар Алишер Навоий ижодидан саҳна кўринишлари ижро этишди, ғазаллар ўқишди.

📌Қуйи Чирчиқ туманидаги 11-умумий ўрта таълим мактабида буюк мутафаккир ва шоир Алишер Навоий таваллудининг 580 йиллиги муносабати билан «Назм ул жавоҳир» деб номланувчи тадбир ташкиллаштирилиб, 9-«А» синфнинг « Буюк сиймо» жамоаси ва 9-«Б» синфнинг «Хазойин ул-маоний» жамоаси Навоийнинг ижодий фаолияти ҳамда ҳаётига оид маълумотлар асосида беллашдилар.

👉 Каналга аъзо бўлиш👈

Web-site| Facebook| Instagram|YouTube

#Ҳудудлардан_хабарлар
#Чирчиқ_шаҳри

Даврон Ҳидоятов Чирчиқ шаҳридаги қурилиш ишларини танқид қилди

▶️Батафсил

👉Каналга уланиш: https://t.iss.one/toshvilpressa

Facebook| Instagram|YouTube|Twitter |TikTok