#Адлия_очерк

Хотира абадий-қадр муқаддас

Мамлакатимизда 9 май — Хотира ва қадрлаш кунини кенг нишонлаш, Иккинчи жаҳон урушида фашизм устидан қозонилган ғалабага муносиб ҳисса қўшган, мустақиллик йилларида хизмат бурчини бажариш чоғида ҳалок бўлган ҳарбий хизматчилар ва ҳуқуқни муҳофаза қилувчи органлар ходимларининг хотирасини абадийлаштириш ишларига алоҳида эътибор берилмоқда.

Босқинчи ва ёвуз кучларга қарши машаққатли курашларда букилмас ирода ва мардлик намоён этиб, бугунги тинч ва осойишта кунларимиз учун жонини фидо қилган жасур юртдошларимизнинг муқаддас хотирасини эъзозлаш ва фахрийларимизнинг ҳурматини жойига қўйиш юртимизда эзгу анъанага айланган.

Бугун мазкур анъанани давом эттириб Президентимиз Шавкат Мирзиёев Тошкент шаҳридаги Иккинчи жаҳон уруши қатнашчилари – Аббос Аппанов, Фёдор Федин қатори Акмал ота Акромов хонадонларига бориб, уларнинг ҳолидан хабар олди.

Акмал ота Адлия вазирлиги ўз фаолиятини бошлаган кезлари вазирлик тизимида иш бошлаб узоқ йиллар шу соҳада меҳнат қилган, соҳадаги кам сонли иккинчи жаҳон уруши қатнашчиларидан бири.

А. Акромов 1924 йилда Тошкент шаҳрида туғилган.Мактабни тугатгач, машинасозлик заводига ишга кирди. Фахрий 1942 йилда 18 ёш бола бўлишига қарамасдан кўнгилли равишда биринчилардан бўлиб урушга борди.

У ўзининг уруш ҳақидаги хотиралари ҳақида "Бу ҳақиқий қирғин эди. Биз ёш аскарлармиз, албатта, биз қурол-яроғ билан ишлашни ўрганганмиз, маънавий жиҳатдан тайёрмиз, лекин биз дуч келган нарсага тайёр бўлиш мумкин эмас эди. Доимий портлашлар, бир неча соат олдин биз ҳазиллашиб юрган йигитлар яқин атрофда ўлмоқда эди. Ўшанда кўп йигитлар вафот этганди”, деб эслайди.

А.Акрамов ҳақиқий ўзбек ўғлонида бўлиши керак бўлган мардлик, жасурлик топқирлик хислатлари билан ажралиб турар эди ва айнан шу хислатлари учун командирлар эътиборига тушди.

Сталинград учун бўлган жангда ҳам у ўзининг матонатини кўрсатиб қаҳрамонга айланди. Бир нечта олий унвонлар билан тақдирланди.

У ўзининг эсталикларида "Мен кўплаб мукофотларга сазовор бўлдим, лекин энг эсда қоларлилари - Сталинградни ҳимоя қилгани учун биринчи даражали Ватан уруши ордени ва Днепрни кесиб ўтганлик учун учинчи даражали "Шон-шараф" ордени олдим" деб ёзади.

Урушдан қайтган Aкмал ота савдо ва озиқ-овқат саноатида, юристлар комиссияси ва адлия вазирлиги тизимида ишлади. Нафақада бўлишига қарамасдан Тошкент шаҳар уруш ва меҳнат фахрийлари жамияти, “Нуроний” жамғармаси шаҳар бўлимига раҳбарлик қилди.

98 ёшни қарши олаётган Акмал отанинг кўрсатган жасорат ва матонати халқимиз ва адлия органларида меҳнат қилаётган ёшлар қадрлайди ҳамда ёдида абадий сақлайди.

Адлия вазирлиги
Жамоатчилик билан алоқалар бўлими

​#daydjest

Adliya vazirligi faoliyatining haftalik daydjesti

5-may
▪️ Adliya vaziri R. Davletov Yevropa Ittifoqining O‘zbekistondagi Elchisi Sh. Adrian va BMT Taraqqiyot dasturining O'zbekistondagi doimiy vakili M. Dimovska bilan uchrashdi.

▪️ Adliya vazirligi rahbariyati Qoraqalpog‘iston Respublikasidagi qurilish ishlari ketayotgan davlat xizmatlari markazlari bilan tanishdi.

▪️ Adliya vaziri o‘rinbosari M. Ikramov Beruniy tumani "Abay" OFYda tashkil etilgan sayyor qabulda fuqarolar bilan uchrashib, ularning murojaatlarini o‘rgandi.

6-may
▪️ AOKAda Adliya vazirligi axborot xizmati rahbari Sevara Urinbayeva ishtirokida brifing bo‘lib o‘tdi. Unda adliya sohasida amalga oshirilgan ishlar, raqamlar, o‘zgarishlar haqida jamoatchilikka axborot berildi.

7-may
▪️ “Olib borilayotgan islohotlarning xalqaro reytinglarga ta'siri” mavzusidagi III Xalqaro reytinglar forumining plenar yig‘ilishida adliya vaziri Ruslanbek Davletov nutq so‘zlab, erishilgan yutuqlar, natijalar va istiqboldagi vazifalarga to‘xtalib o‘tdi.

▪️ Toshkentda “Adliya sayli” tashkil etildi.

▪️ Xususiy notarial faoliyat bilan shug‘ullanish huquqini berish bo‘yicha malaka imtihoni o‘tkazildi.
__________

#Adliya_loyiha

▫️ Qonunchilik bazasini yanada takomillashtirish maqsadida Adliya vazirligi tomonidan “Oxirgi benefitsiar mulkdorlar yagona davlat reyestri to‘g‘risida”gi Qonuni loyihasi ishlab chiqildi. Unda “oxirgi benefitsiar mulkdor” tushunchasining aniq mezonlari, oxirgi benefitsiar mulkdorlar to‘g‘risidagi ma'lumotlarni taqdim qilmaydigan tashkilot va korxonalar belgilanmoqda.

@adliyangiliklari

#Адлия_хабари

Манфаатлар тўқнашуви алоҳида Қонун билан тартибга солинмоқда

📁 Адлия вазирлиги томонидан манфаатлар тўқнашувининг олдини олиш тўғрисида қонун лойиҳалари ишлаб чиқилди ва жамоатчилик муҳокамасига қўйилди.

🔰 Қонун лойиҳаларида қуйидагилар назарда тутилмоқда:

▫️ давлат ташкилоти ходими ёки унинг яқин қариндоши акциядори, муассиси (иштирокчиси), бошқарув органи аъзоси ҳисобланадиган юридик шахс ушбу ходимларга алоқадор шахс ҳисобланади;

▫️ давлат ташкилоти ходими томонидан манфаатлар тўқнашуви тўғрисидаги маълумотларни маълум қилиш қуйидаги шаклларда амалга оширилади:
🔸манфаатлар тўқнашуви тўғрисидаги маълумотларни декларация қилиш;
🔸мавжуд манфаатлар тўқнашуви тўғрисида хабар бериш.

✅ Давлат ташкилоти ходимининг яқин қариндошлари ва унга алоқадор бўлган шахслар мазкур ходимнинг меҳнат қилаётган ташкилоти билан ҳуқуқий муносабатга киришаётганида манфаатлар тўқнашуви тўғрисида ёзма ёки электрон шаклда хабар бериши лозим.

➡️ Шунингдек, манфаатлар тўқнашувига оид талабларни бузганликнинг ҳуқуқий оқибатлари белгиланмоқда.

🔰Хусусан:

➖ давлат ташкилотлари ходимларининг ҳар бир ҳолатда манфаатлар тўқнашуви ҳақида хабар бермаганлиги БҲМнинг 3 баравардан 5 бараваригача (такроран бўлса – БҲМнинг 5 баравардан 10 бараваригача);

➖мансабдор шахсларининг ушбу вазиятларни тартибга солмаганлиги БҲМнинг 5 баравардан 10 бараваригача (такроран бўлса – БҲМнинг 10 баравардан 15 бараваригача) жарима солишга сабаб бўлиши мумкин.

❗️Мазкур қонун лойиҳалари қабул қилинса, давлат ташкилотида давлат хизматчилари томонидан коррупцияга оид ҳуқуқбузарликлар содир қилиниши олди олиниши ҳамда халқаро коррупцияга қарши кураш соҳасидаги 3 та индексда Ўзбекистон позициясига ижобий таъсир этиши кутилмоқда.

☑️ Қуйидаги ҳаволалар орқали лойиҳалар муҳокамасида иштирок этинг:

👉 https://regulation.gov.uz/oz/d/60813
👉 https://regulation.gov.uz/oz/d/60954

Каналга уланиш👇👇👇
https://t.iss.one/huquqiyaxborot

#Adliya_xabari

Adliya vazirligi tomonidan joriy yil 15-maydan 15-iyunga qadar “Qoidalarga yo‘l ham bo‘ysunadi” shiori ostida yo‘l harakati xavfsizligi bo‘yicha huquqiy savodxonlik oyligi e'lon qilinadi.

Oylik doirasida:

🔹Yo‘l harakati ishtirokchilari huquqlari OAV va ijtimoiy tarmoqlarda keng yoritiladi;
🔹kurslar.huquqiyportal.uz platformasida yo‘l harakati qoidalari bo‘yicha bepul onlayn o‘quv kurslari tashkil etiladi;
🔹“Huquqiy axborot minbari” rukni ostida mutaxassislar ishtirokida jonli efirlar tashkil qilinadi;
🔹Radioefirlarda sovrinli huquqiy viktorinalar o‘tkaziladi;
🔹“Bir qadam” nomi ostida ijtimoiy videoroliklar tanlovi e'lon qilinadi;
🔹“Street law” loyihasi doirasida maktab o‘quvchilarida amaliy ko‘nikmalar shakllantiriladi;
🔹Yo‘lovchilarga yo‘l harakatlarini sodda tushuntirish maqsadida sayyor qabullar uchun “Huquqiy taxi” xizmati yo‘lga qo‘yiladi;
🔹Sohaga doir boshqa tadbirlar tashkil etiladi.

@adliyangiliklari