#Сўраган_эдингиз

Сўнгги кунларда Давлат хизматлари агентлигининг қайта алоқа воситалари орқали фуқароларимиздан уй-жой учун субсидия олишга аризани электрон шаклда юбориш мумкинми? мазмунидаги саволлар кўпаймоқда.

Субсидия олиш учун аризани электрон шаклда my.gov.uz портали орқали юбориш мумкин.

Қандай қилиб, дейсизми?

Бунинг учун қуйидаги видеоқўлланма сизга ёрдам беради 👇🏻👇🏻👇🏻

https://www.youtube.com/watch?v=uA-ouPlPmXk

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз

Давлат хизматлари агентлигига ишга кирмоқчимисиз?

Жараён қандай кечиши Сизни қизиқтирадими?

Ишга кириш тартибини биласизми?

Шу каби саволларга ДХА Кадрлар бўлими бошлиғи Ш.Мустафоев батафсил маълумот беради.

Батафсил 👇🏻
https://www.youtube.com/watch?v=1HdPa7OjbSk&feature=youtu.be

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз

❓Мен турмуш ўртоғим билан ажрашганман. Бугунги кунга қадар турмуш ўртоғимни фамилиясида бўлдим. Ўз фамилиямга қайтишим мумкинми?

❗️Вазирлар Маҳкамасининг қарори билан тасдиқланган Фуқаролик ҳолати далолатномаларини қайд этиш Қоидаларининг 161-бандига мувофиқ хоҳишга қараб никоҳгача бўлган фамилияга (никоҳда турган даврида ҳам, никоҳдан ажратилгандан кейин ҳам) қайтиш мумкин.

Бунинг учун Сиз ФҲДЁ бўлимига мурожаат қилишингиз керак бўлади.

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз

❓Қўлимда суд қарори бор. Энди никоҳим бекор бўлган ҳисобланадими?

🔗Алоқада қолинг:
Telegram · Instagram · Facebook · Youtube · DXA_lotinda

#Сўраган_эдингиз

❓Бугунги кунда эски намунадаги ҳайдовчилик гувоҳномасини ҳужжатнинг янги намунадагисига қаерда алмаштириш мумкин?

❗️Вазирлар Маҳкамасининг 2018 йил 6 июндаги 408-сон Қарорига асосан

✅ ИИББ ЙҲХБ бўлимларида (манзиллари билан қуйидаги ҳақола орқали танишиш мумкин https://docs.google.com/document/d/1ZpkDS9WekNrPeHYFA1QPBElIUdZ8BXX4ZPrCt1pLEaQ/mobilebasic);

✅ махсус ускуналар ўрнатилган Давлат хизматлари марказларида(манзиллари билан қуйидаги ҳақола орқали танишиш мумкин https://t.iss.one/davxizmat/7087).

🔗Алоқада қолинг:
Telegram · Instagram · Facebook · Youtube · DXA_lotinda

#Сўраган_эдингиз

❓Товар белгисини рўйхатдан ўтказмоқчиман. Бу учун нима қилишим лозим?

❗️Товар белгисини рўйхатдан ўтказиш Ўзбекистон Республикаси Президентининг 2019 йил 8 февралдаги «Интеллектуал мулк соҳасида давлат бошқарувини такомиллаштириш чора-тадбирлари тўғрисида»ги ПҚ-4168-сон қарори билан тартибга солинади.

Ушбу қарорга биноан товар белгисини рўйхатдан ўтказиш қуйидаги тартибда амалга оширилади:

✅ товар белгиси, хизмат кўрсатиш белгиси ва товар келиб чиққан жой номини рўйхатдан ўтказиш учун талабномалар топширилгандан сўнг, Ўзбекистон Республикаси Адлия вазирлиги ҳузуридаги Интеллектуал мулк агентлиги бир иш куни мобайнида ушбу талабномалар ҳақидаги маълумотларни ўзининг расмий веб-сайтига жойлаштиради;

✅ишлаб чиқарувчилар, етказиб берувчилар, сотувчилар ёки уларнинг вакиллари талабномалар эълон қилингандан сўнг Агентликка рўйхатдан ўтказиш учун ноҳалол топширилган аризалар ҳақидаги ёзма эътирозларини тақдим этишлари мумкин;

✅товар белгисига ва хизмат кўрсатиш белгисига доир мутлақ ҳуқуқ, товар келиб чиққан жой номи ва (ёки) товар келиб чиққан жой номидан фойдаланиш ҳуқуқи ўша куннинг ўзида товар белгиси ҳақидаги маълумотларни Агентликнинг расмий веб-сайтида мажбурий тарзда жойлаштирган ҳолда Товар белгилари давлат реестрида рўйхатдан ўтказилган санадан бошлаб вужудга келади;

✅товар белгисига доир гувоҳноманинг амал қилиши товар белгиси Ўзбекистон Республикаси ҳудудида сўнгги уч йил мобайнида узлуксиз равишда фойдаланилмаганда, шунингдек, жамоавий белгидан фойдаланиш тўғрисидаги келишув бузилган тақдирда манфаатдор шахснинг аризасига биноан қабул қилинган суд қарори асосида муддатидан аввал тўлиқ ёки қисман тугатилиши мумкин.

❓Тонировка учун рухсатномни фақат Ягона интерактив давлат хизматлари портали (ЯИДХП) орқали кўрсатилишини эшитдим. Саволим шундан иборатки, ҳозир ўзим мустақил my.gov.uz сайтидан рухсатнома олишим мумкинми?

❗️Вазирлар Маҳкамасининг 2021 йил 28 июлдаги "Туси ўзгартирилган (қорайтирилган) ойнали автотранспорт воситаларидан фойдаланиш тартибини такомиллаштириш бўйича қўшимча чора-тадбирлар тўғрисида"ги қарорига кўра, 2021 йил 1 октябрдан автотранспортлар ойналарининг тусини ўзгартиришга (қорайтиришга) рухсатнома бериш бўйича давлат хизмати фақат Ягона интерактив давлат хизматлари портали, яъни my.gov.uz сайти орқали кўрсатилади.

Ушбу қарор билан тасдиқланган маъмурий регламентга кўра, автотранспортлар ойналарининг тусини ўзгартириш (қорайтириш) ишлари автотранспорт воситаси эгаси томонидан мустақил равишда амалга оширилади.

Рухсатнома 1 йил муддатга берилади. Ариза берувчи томонидан рухсатнома учун тўлов 10 кун муддатда амалга оширилади.

Жавоблар ДХА ҳузуридаги Давлат хизматларини ривожлантириш илмий-амалий маркази томонидан тайёрланди.

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз

❓ Доимий яшаш манзилим вилоятда туриб, Тошкент шаҳрида вақтинчалик рўйхатдан ўтган ҳолда Тошкент шаҳридан Давлат субсидияси асосида Ипотека кредитига уй олишим мумкинми?

❗️ Вазирлар Маҳкамасининг 2020 йил 25 мартдаги 182-сон қарори билан тасдиқланган Уй-жой сотиб олиш учун фуқароларга субсидия тўлаш тартиби тўғрисидаги низомга асосан ариза берувчининг аризаси у рўйхатга олинган доимий яшаш жойидаги туман ёки шаҳар комиссияси томонидан кўриб чиқилади ва субсидия фуқароларга рўйхатга олинган доимий яшаш жойи бўлган ҳудуд (Қорақалпоғистон Республикаси, вилоятлар ва Тошкент шаҳар) доирасида ажратилади.

Шунингдек, Қорақалпоғистон Республикаси ва вилоятлар шаҳарларига ажратилган субсидиялар ушбу ҳудуддаги аҳоли томонидан белгиланган тақсимот доирасида туман ва/ёки шаҳардан олиши мумкин.

❓ Давлат субсидияси асосида Ипотека кредитига олиш учун ойлик даромадим камлиги сабабли ҳамкасибимни кафил қилиб кўрсата оламанми?

❗️Вазирлар Маҳкамасининг “Уй-жой сотиб олиш учун фуқароларга субсидия тўлаш тартиби тўғрисидаги низомни тасдиқлаш ҳақида”ги 2020 йил
25 мартдаги 182-сон қарорининг 31 бандининг 2 хатбогисига асосан агар субсидия олиш учун мурожаат қилган ариза берувчининг даромадларига унинг хотини (эри), улар билан бир уйда биргаликда яшовчи ота-онаси ҳамда фарзандларининг (шу жумладан, асраб олинган фарзандлари) даромадлари қўшилгандан сўнг ўртача ойлик даромадлари миқдори ушбу қарор билан тасдиқланган низомнинг 2-бандида кўрсатилган меъёрлардан кам бўлса, бошқа жисмоний шахслар даромадлари ҳам киритилиши мумкин.

Юқоридаги савол-жавоблар ДХА ҳузуридаги Давлат хизматларини ривожлантириш илмий-амалий марказига фуқароларимиз томонидан келиб тушаётган саволлар асосида тайёрланди.

🔗Алоқада қолинг:
Telegram · Instagram · Facebook · Youtube · DXA_lotinda

#Сўраган_эдингиз

❓Давлат хизматларидан фойдаланиш учун давлат хизматлари марказлари ёки my.gov.uz портали орқали ариза бердингиз, унинг ҳолати, қайси босқичда эканлигини қандай текшириш мумкин?

❗️Бунинг учун ҳаволадан ўтиб,

✅ Ариза рақами;

✅ Махсус паролни киритишингиз керак.

Батафсил👇👇👇
https://www.youtube.com/watch?v=QZ-cvBQNWr8

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз

❓Тадбиркорлик субъектларини рўйхатдан ўтказиш ва қайта рўйхатдан ўтказиш жараёнида ундириладиган тўловлар ҳақида смс келади деб эшитгандим. Мен турмуш ўртоғимни телефонини кўрсатганман, энди смс унга келадими?

❗️Тадбиркорлик субъектларини рўйхатдан ўтказиш ва қайта рўйхатдан ўтказиш жараёнида, пуллик хизматларни расмийлаштиришда мурожаатчининг аризада кўрсатилган телефон рақамига қанча миқдорда пул тўланиши ва тўланган миқдори бўйича SMS-хабар юбориш хизмати йўлга қўйилган.

❗️СМС-хабар давлат хизматини олганда кўрсатилган мобил телефон рақамига юборилади.

🔗Алоқада қолинг:
Telegram · Instagram · Facebook · Youtube · DXA_lotinda

#Сўраган_эдингиз

❓Доимий яшаш манзилим бошқа вилоятда. Тошкент шаҳридан никоҳдан ўтиш имконияти мавжудми?

❗️ Ҳа мумкин. Ўзбекистон Республикаси Президентининг 2021 йил 23 мартдаги 6191-сонли Фармонига асосан, фуқароларнинг доимий (вақтинча) рўйхатдан ўтган жойидан қатъий назар фуқаролик ҳолати далолатномаларини қайд этиш, экстерриториал тамойили (яшаш жойидан қатъий назар, исталган ФҲДЁ бўлими томонидан) асосида амалга оширилади.

🔗Алоқада қолинг:
Telegram · Instagram · Facebook · Youtube · DXA_lotinda

#Сўраган_эдингиз

Тезлаштирилган хизматлар нима?

Ўзбекистон Республикаси Адлия вазирлиги, Давлат хизматлари агентлиги, Европа Иттифоқи, БМТТД қўшма лойиҳаси доирасида ўтказилган тренингларда халқаро эксперт Нино Чичуа берган маълумотига кўра, Грузияда Давлат хизматлари марказлари (Дом юстиции деб номланади уларда) ташкил этилишидан аввал, у ёки бу турдаги хизматлардан фойдаланишда, масалан паспорт олишда 100-300$ миқдорида коррупция ҳолатларига йўл қўйилган. Бу эса, одамларни норозилигини келтириб чиқарган эди.

2003 йили янги турдаги давлат хизматлари кўрсатиш марказлари фаолияти йўлга қўйилиши кўп турдаги бюрократик ва коррупцион ҳолатлар барҳам топди.

Муҳими, хизматлардан фойдаланишда одатдаги, қўшимча тўлов учун тезлаштирилган ҳамда етказиб бериш каби турлардаги хизмат турлари таклиф этила бошланди.

Тезкор хизмат кўрсатиш учун алоҳида тарифлар нимага керак?

Давлат хизматлари марказида навбат кутувчиларга қулайлик яратиш мақсадида қатор ишлар амалга оширилган. Хусусан, янги қурилган марказларда кенг, қулай, кондиционерли заллар, юмшоқ ҳудудлар, болалар майдончаси, кутубхона ва кафетерийлар мавжуд. Барча марказларни босқичма-босқич шундай реконструкция қилиш режалаштирилган ва амалга оширилмоқда.

Бундан ташқари, айрим фуқароларга хизматларни алоҳида тарифлар орқали тезкор кўрсатиш ҳам таклиф этилади. Бунинг бир қанча сабаблари бор.

Биринчи, навбатларни тезлаштириш ёки айланиб ўтиш учун турли коррупцион туйнуклар қидиришга барҳам беради. Чунки иши тез битиши керак бўлган одам навбатга турмаслик, белгиланган муддатгача кутмаслик учун турли айланма йўлларни қидиради, шунда коррупция ва қонунбузарликлар риски ортади.

Иккинчи, тезкор хизмат кўрсатувчи ходим, унинг иш жиҳозлари ва фаолияти учун зарур бошқа воситалар ДХМлар бюджетига қўшимча юк бўлиб тушади ва улар қайсидир маблағлар ҳисобига молиялаштирилиши керак.

Учинчи, ушбу хизматлар умумий хизмат кўрсатиш жараёнига ҳеч қандай таъсир кўрсатмайди, яъни умумий навбатда турган мижозларнинг навбат тартиби бу билан ўзгармайди.

Тўртинчи, алоҳида тариф асосида тезкор хизмат кўрсатувчи ходим бўш қолса, умумий тартибда навбатда турган мижозларга ҳам хизмат кўрсатиши мумкин, бу эса навбатларнинг камайишига олиб келади.

Бешинчи, бу тизим жаҳонда кенг қўлланилади ва ўз самарадорлигини исботлаган. Масалан, Нидерландияда йўқолган паспортни одатдаги тартибда тиклаш 74 евро, тезкор тартибда тиклаш эса 124 еврога тушади.

Олтинчи, ушбу турдаги хизматдан келиб тушган маблағ ДХМлар фаолиятини ривожлантиришга сарфланади. Чунки мазкур тизим ахборот технологиялари ва замонавий техника янгиликларини мунтазам ва жадал равишда жорий этиш ҳамда кадрлар малакасини доимий равишда ошириб боришни тақозо қилади, бу эса катта маблағни талаб этади.

Электрон давлат хизматлари кўрсатиш қарийб 30 йиллик тарихга эга. Нидерландияда 1994, Австралияда 1997, Канадада 2005 йилларда жорий этилган ушбу тизим Ўзбекистонда эндигина уч ёшни қаршилади. Тизим бугунги кунда шаклланиш ва ривожланиш жараёнини бошидан кечирмоқда. Шунга қарамай, у замон шиддатига ҳамоҳанг тарзда тезкор ривожланяпти. Бу жараёнга Давлат хизматлари агентлиги ва бутун тизим ходимлари жиддий сафарбар этилган. Агар 2019 йил давлат хизматларидан электрон шаклда фойдаланиш улуши 5%га тўғри келган бўлса, 2021 йилга келиб бу кўрсаткич 16%дан ошди.

🔗Алоқада қолинг:
Telegram · Instagram · Facebook · Youtube · DXA_lotinda

#Сўраган_эдингиз

❓Электрон рақамли имзо калитининг пароли йўқолиб қолган тақдирда, уни тиклаш учун қаерга мурожаат қилиш лозим?

❗️Электрон рақамли имзо калитининг пароли йўқолиб қолган тақдирда, уни тиклаш учун e-imzo.uz сайти орқали паролни тиклаш бўйича мурожаат қилиш имконияти мавжуд.

Бунда, мурожаат қилинганидан сўнг белгиланган телефон рақамига электрон рақамли имзо калитининг пароли қайта юборилади.

Шунингдек, ушбу масалада ДХА 1148 телефони орқали операторга мурожаат қилишингиз ҳам мумкин.

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз

Штандарт нима❓

Штандарт – махсус турдаги байроқ.

Хорижий давлатларда штандарт (байроқ) президентлик белгиси (рамзи) ҳисобланади.

Штандарт (байроқ) Президент иштирок этадиган барча муҳим тадбирларда, инаугурация (қасамёд қабул қилиш) пайтида ҳамда Президент қароргоҳларининг бинолари ва хизмат хоналарида кўтарилади.

Президент штандартининг (байроғининг) давлат байроғидан фарқли жиҳати шундаки, давлат байроғи барча давлат органлари, ушбу давлатнинг дипломатик ваколатхоналари, консуллик муассасалари биноларида ҳамда бошқа жой ва ҳолатларда кўтарилса, Президент штандарти (байроғи) шахсан Президентга бириктирилади ва фақат у томонидан фойдаланилади.

@adliyangiliklari

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз
#Мутахассисга_сўз_берамиз

❓Никоҳни қайд этиш муддатини қисқартириш мумкинми?

Батафсил👇
https://youtu.be/rXz3HiSh4RU

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз

❓Мен МЧЖни қайта рўйхатдан ўтказиш учун ариза бергандим. Аризамга рад жавоби берилди. Қайси ҳолатлар тадбиркорлик субъектларини давлат рўйхатидан ўтказишни, қайта рўйхатдан ўтказишни рад этиш учун асос бўлади?

❗️Вазирлар Маҳкамасининг қарори билан тасдиқланган “Тадбиркорлик субъэктларини давлат рўйхатидан ўтказиш тартиби тўғрисида”ги низомга биноан қуйидагилар давлат рўйхатидан ўтказишни, қайта рўйхатдан ўтказишни рад этиш учун асос бўлади:

✅давлат божи тўланмаганлиги ёки унинг тўлиқ бўлмаган миқдорда тўланганлиги;

✅Низомда назарда тутилган ҳолатларда тегишли бўлмаган рўйхатдан ўтказиш органига мурожаат қилинганлиги;

✅Низомда назарда тутилган ҳужжатлар ва (ёки) маълумотлар тўлиқ бўлмаган ҳажмда тақдим этилганлиги;

✅қонун ва таъсис ҳужжатлари билан ваколат берилмаган орган томонидан таъсис ҳужжатларини тасдиқлаш (хулосага келиш), уларга ўзгартириш ва (ёки) қўшимчалар киритиш тўғрисида қарор қабул қилинганлиги — устав фонди миқдори оширилган (камайтирилганда), улуш (ҳисса) бошқа шахсга ўтган, қайта ташкил этилган тақдирда;

✅давлат рўйхатидан ўтказишда, қайта рўйхатдан ўтказишда қонун ҳужжатлари билан устав фондининг миқдорига доир талаблар белгиланган тадбиркорлик субъектлари — юридик шахслар учун таъсис ҳужжатларида Низомга 11-иловада назарда тутилган устав фондининг энг кам миқдоридан кам бўлган миқдорнинг белгиланганлиги;

✅юридик шахснинг манзилини ўзгартириш билан боғлиқ қайта рўйхатдан ўтказишда юридик шахснинг базавий ҳисоблаш миқдорининг уч юз бараваридан ортиқ солиқ қарзи мавжудлиги ёки амалга оширилган товар айланма ёхуд товарлар импорти бўйича реализация ҳажмининг солиқ ҳисоботларида тўлиқ акс эттирилмаганлиги, шунингдек, солиқ ҳисоботларини белгиланган муддатларда топширмаганлиги;

✅улушнинг (ҳиссанинг) бошқа шахсга ўтиши билан боғлиқ ўзгартириш ва қўшимчаларни қайта рўйхатдан ўтказишда, муассиснинг муассислар рўйхати ўзгаришига розилиги мавжуд эмаслиги.

Савол-жавоб ДХА ҳузуридаги Давлат хизматларини ривожлантириш илмий-амалий маркази томонидан фуқароларнинг мурожаатлари асосида тайёрланди.

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda

#Сўраган_эдингиз
#Мутахассис_шарҳи

❓Туғилганлик гувоҳномасини қайта тиклаш тартибини биласизми?

Батафсил👇
https://youtu.be/QHEF5O2iduo

Обуна бўлинг 👉 t.iss.one/toshvilagentlik

Биз бошқа ижтимоий тармоқларда:
Facebook · Instagram · Youtube · DXA_lotinda