#Davlat_xizmatlari_sohasida_yana_bir_yangilik

Endilikda, Davlat xizmatlari markazlari orqali "Qishloq xo‘jaligi, melioratsiya va yo‘l-qurilish texnikalarini davlat ro‘yxatidan o‘tkazish" mumkin

📝Hukumatning 2023-yil 29-apreldagi 170-son qarori bilan Qishloq xo‘jaligi, melioratsiya va yo‘l-qurilish texnikalarini davlat ro‘yxatidan va qayta ro‘yxatdan o‘tkazish bo‘yicha davlat xizmatlarini ko‘rsatishning ma’muriy reglamenti tasdiqlandi.

🤔Endilikda jismoniy va yuridik shaxslarga qishloq xo‘jaligi, melioratsiya va yo‘l-qurilish texnikalarini davlat ro‘yxatidan o‘tkazish va qayta ro‘yxatdan o‘tkazish bo‘yicha davlat xizmatlaridan foydalanish uchun Davlat xizmatlari markazlari yoki Yagona interaktiv davlat xizmatlari portali murojaat qilishi mumkin.

📌Vakolatli organ Agrosanoat majmui ustidan nazorat qilish inspeksiyasi hisoblanadi.

Inspeksiyada quyidagi texnikalar davlat ro‘yxatidan o‘tkazilmaydi:

🔹faqat konlarda, shaxta va karyerlarda qo‘llaniladigan maxsus texnikalar;

🔹ichki ishlar organlarida ro‘yxatga olingan transport vositalari;

🔹tramvay va trolleybuslar;

Mudofaa vazirligi, Davlat xavfsizlik xizmati, Ichki ishlar vazirligi, Milliy gvardiyaga tegishli texnikalar, shuningdek, Tog‘-kon, geologiya va sanoat xavfsizligini nazorat qilish inspeksiyasi tomonidan ro‘yxatga olinadigan texnikalar.

Davlat xizmatidan foydalanishda texnikaga bo‘lgan mulk huquqi yoki boshqa ashyoviy huquqlarni tasdiqlovchi hujjatlar taqdim etiladi.

🟣Davlat xizmati ko‘rsatilganligi uchun BHMning 18 foizidan 50 foizigacha miqdorda to‘lov undiriladi.

🟣Davlat xizmatini ko‘rsatish muddati 4 ish kuni.

📎Davlat xizmati natijasida texnik passport, texnik guvohnoma hamda davlat raqami belgilari beriladi.

😄Kanalga ulanish 👇
https://t.iss.one/davxizmat

#Davlat_xizmatlari_sohasida_yana_bir_yangilik

⚡️Endilikda, Sportchilar sport pasportini olish uchun Davlat xizmatlari markaziga murojaat qilishlari mumkin

📌Davlat xizmatini ko‘rsatuvchi subyekt: O‘zbekiston Respublikasi Yoshlar siyosati va sport vazirligi

🖥Murojaatlar:
– Davlat xizmatlari markazlari;
– YIDXP – Yagona interaktiv davlat xizmatlari portal (my.gov.uz) orqali qabul qilinadi

🤔Xizmatdan foydalanuvchilar: jismoniy shaxs (sportchilar)

📝Kerak bo‘ladigan hujjatlar:

🔹 arizachining shaxsini tasdiqlovchi hujjatlari
🔹 Sportchi bilan jismoniy tarbiya va sport tashkiloti o‘rtasida tuzilgan mehnat shartnomasi
🔹yig‘im miqdori to‘langanligini tasdiqlovchi kvitansiya

📄Yig‘im miqdori: BHMning 1/6 qismi (55 ming soʻm) miqdorida;

🤰“Ijtimoiy himoya yagona reyestri” axborot tizimida roʻyxatga olingan, shuningdek, I va II guruh nogironligi boʻlgan shaxslardan yigʻim miqdorining 50 foizi (27,500 so‘m) undiriladi.

🗓Arizani ko‘rib chiqish muddatlari: bir kun.

👉Sport pasporti rasmiylashtirilgandan so‘ng ariza beruvchi yoki uning qonuniy vakiliga elektron xabarnoma yuboriladi hamda vakolatli organ tomonidan besh kun muddatda pochta xizmati orqali pasport sport tashkilotiga yetkazib beriladi.

💳Sport tashkiloti tomonidan pasport bir kun muddatda sportchiga yoki uning qonuniy vakiliga topshiriladi.

✔️Sport pasportining amal qilish muddati: 5 yil

❗️Eslatma: 16 yoshga toʻlmagan sportchilar uchun ularning ota-onasi yoki qonuniy vakili tomonidan murojaat qilinadi.

😄Kanalga ulanish👇👇👇
https://t.iss.one/davxizmat

#Davlat_xizmatlari_sohasida_yana_bir_yangilik

⚡️Litsenziatlar “Litsenziya” axborot tizimida o‘z litsenziya va ruxsatnomalarini to‘xtatib turish uchun onlayn ariza berishlari mumkin

🗓 O‘zbekiston Respublikasining “Litsenziyalash, ruxsat berish va xabardor qilish tartib-taomillari to‘g‘risida”gi Qonunining 32-moddasi o‘n ikkinchi qismiga ko‘ra: litsenziat yoki ruxsat etish xususiyatiga ega hujjatni olgan shaxs litsenziyaning yoki ruxsat etish xususiyatiga ega hujjatning amal qilishini olti oygacha muddatga to‘xtatib turish haqida vakolatli organga “Litsenziya” axborot tizimi orqali onlayn ariza bilan murojaat qilish imkoniyati yaratilgan.

🖥Murojaatlar:
– "Litsenziya" axborot tizimidagi (https://license.gov.uz/) litsenziatning shaxsiy kabineti orqali yuboriladi.

🤔Xizmatdan foydalanuvchilar: Litsenziat yoki ruxsat etish xususiyatiga ega hujjatni olgan yuridik yoki jismoniy shaxs;

📌Ariza yuborilganidan so'ng, Litsenziya yoki ruxsatnomaning amal qilish muddatini olti oygacha bo‘lgan muddatga to'xtatib turish to'g'risida qaror avtomatik shakllantiriladi va arizachiga taqdim etiladi.

❗️Eslatma: agar litsenziat olti oy ichida litsenziyaning yoki ruxsat etish xususiyatiga ega hujjatning amal qilishini qayta tiklash to‘g‘risida tizim orqali ariza bilan murojaat etmagan bo‘lsa hujjatning amal qilishi tugatiladi.

🗓 Litsenziyaning yoki ruxsat etish xususiyatiga ega hujjatning amal qilishini to‘xtatib turish va qayta tiklash to‘g‘risidagi axborot bir kun ichida maxsus elektron tizimga joylashtiriladi.

😄Kanalga ulanish👇👇👇
https://t.iss.one/davxizmat