#Qonunchilikdagi_yangiliklar

❗️Yaylov yer maydonlarining elektron hisobi yuritiladi

“Yaylovlarni muhofaza qilish va ulardan oqilona foydalanishni taʼminlashga doir qoʻshimcha chora-tadbirlar toʻgʻrisida”gi Prezident farmoni (PF–24-son, 16.02.2023-y.) qabul qilindi

🔰Qarorga koʻra, xalqaro moliya institutlarining 7,8 mln AQSH dollari miqdoridagi grant mablagʻidan 2023-yilda quyidagi choralar koʻriladi:

🔹yillik quvvati 10 ming tonna boʻlgan mayda shoxli mollar uchun omuxta yem ishlab chiqaruvchi korxonalar tashkil qilish;

🔹chorva hayvonlari genetik tadqiqoti laboratoriyasini tashkil qilish;

🔹qorakoʻlchilik-naslchilik xoʻjaliklarida 500 ming bosh mayda shoxli mollarni raqamli identifikatsiya qilish.

☑️ Shuningdek, don yetishtirish uchun 800 gektar yaylov oʻzlashtiriladi.

✅ Qarorga koʻra, 500 gektar yaylovda quyosh energiyasida ishlaydigan nasos agregatlari yordamida yerosti suvlarini chiqarish hamda tomchilatib sugʻorish texnologiyasini joriy etish boʻyicha namunaviy pilot loyihasi amalga oshiriladi.

🗓 2023-yil 1-avgustgacha:

🔸ijaraga berilgan yaylov yer maydonlari (oʻrmon fondi yerlari bundan mustasno) xatlovdan oʻtkazilib, yaylovlardan foydalanishning holati hamda shartnoma talablari bajarilganligi oʻrganiladi;

🔸yaylov yer maydonlaridan maqsadsiz foydalangan holatlar yuzasidan choralar koʻriladi;

🔸yaylov yer maydonlarining elektron hisobini yuritish yoʻlga qoʻyiladi.

📝 2023-yil 1-sentyabrgacha yangi tahrirdagi “Yaylovlar toʻgʻrisida”gi qonun loyihasi ishlab chiqiladi.

👉Manba

✅ Telegram 💬Facebook 📸Instagram 📹YouTube 🌍Website

#Toshkent_tumani
#Xalqaro_sertifikat

Toshkent tumani 9-, 10-, 14-, 15-, 18-, 23-umumiy o‘rta ta'lim maktablarining IELTS Xalqaro sertifikatga ega bo‘lgan iqtidorli 11-sinf o'quvchilaridan 8 nafariga Toshkentdagi British Management Universiteti talabasi bo‘lish imkoniyati taqdim etildi.

Shu munosabat bilan Toshkent tuman xalq ta'limi bo'limi mudiri Maxmud O'tkirov o'quvchilarni yutuqlari bilan tabriklab, kelgusidagi o'qishlariga omadlar tiladi hamda bu singari o'quvchilar nafaqat tuman faxri, balki yosh avlod uchun namuna ifodasi ekanligini bildirdi.


✅ Telegram 💬Facebook 📸Instagram 📹YouTube 🌍Website

#Yoshlar_daftari

👨‍💼Toshkent tumanida o‘zini o'zi band qilgan yoshlar soni ortmoqda

🏃‍♂️Yoshlar ishlari agentligi Toshkent tumani bo‘limi tomonidan “Yoshlar jamg‘armasi” mablag‘lari hisobidan tadbirkorlik faoliyatlarini yo‘lga qo‘yish va o‘z oilasiga oz bo‘lsa-da daromad olib kirishlari uchun o‘zini o'zi band qilgan 6 nafar xotin-qizga tikuv mashinalari foydalanishga topshirildi.

📝Tumandagi 68 ta mahallalarda faoliyat yuritayotgan yoshlar yetakchilari tomonidan yordam olayotgan yoshlar, xotin-qizlar faoliyati doimiy nazoratga olinib, kerakli ko‘rsatmalar va imtiyozlar berib kelinmoqda.

✅Zero, amalga oshirilayotgan islohotlarning barchasi Yangi O‘zbekiston poydevori bo‘lmish yoshlarga xizmat qilishga qaratilgan.

📷Jarayon yuqoridagi videolavhada.

✅ Telegram 💬Facebook 📸Instagram 📹YouTube 🌍Website

#Bilasizmi

❗️Eski haydovchilik guvohnomasini almashtirish uchun onlayn buyurtma berish mumkin

✅ 2023-yil 30-yanvardan eski namunadagi haydovchilik guvohnomasini uydan turib YAIDXP orqali olish mumkin.

📝 Buning uchun my.gov.uz orqali buyurtma berilib, unda:

🔸boʻsh qatorlar oʻzingizga tegishli shaxsiy maʼlumotlar bilan toʻldiriladi;
🔸tegishli bandlar tanlanadi;
🔸yangi haydovchilik guvohnomasi yetkazib beriladigan manzil koʻrsatiladi;
🔸mobil telefon yoki kompyuter orqali shaxsiy imzo qoʻyiladi;

❕Soʻnggi qadamda invoys shakllantirilib, BHMning 70 foizi (210 ming soʻm) miqdorida, pochta xizmati uchun esa 25 ming soʻm toʻlanadi.

📁Markaz xodimi buyurtmani koʻrib chiqib, chop etgan yangi namunadagi haydovchilik guvohnomasini pochta xizmatiga taqdim etadi.

🗓 Guvohnoma pochta xizmati tomonidan 2 ish kunida manzil boʻyicha yetkaziladi. Eski namunadagi haydovchilik guvohnomasi va talon olinib, yangisi beriladi.

📌 Pochta xizmati eski namunadagi haydovchilik guvohnomasi va talonni DXMga topshiradi

👉Manba

✅ Telegram 💬Facebook 📸Instagram 📹YouTube 🌍Website

#Hashar

✅Hamjihatlik va obodlik ramzi

🌳Obod yurtning fayzi, tarovati o‘zgacha bo‘ladi. Zotan, ozodalik, poklik, saranjom va sarishtalik yurtimizning yanada ko‘rkam bo‘lishiga zamin yaratadi. Bunda xalqimizning yillar davomida shakllangan ezgu qadriyati – hashar muhim o‘rin tutadi.

💫Aynan shu maqsadda Toshkent tumani prokuraturasi, 2-sektor tashabbusi bilan sektor hududi hamda Chimkent yo‘li ko‘chasida obodonlashtirish va ko‘kalamzorlashtirish kabi yumushlar bajarilmoqda.

✨Tuman Obodonlashtirish boshqarmasi xodimlari ishtirokida o‘tkazilayotgan hasharda dastlab qahraton qishning zahridan omon chiqqan yerlar yumshatilib, nihol ekishga hozirlandi. Shundan so‘ng daraxtlar oqlanib, shakl berildi. Ariqlar ichi, ko'chalar chiqindilardan tozalandi.

✅Ushbu tadbir ishchi xodimlar orasida ko‘tarinki kayfiyat bilan o‘tayotganini alohida taʼkidlash joiz. Zero, hashar hamjihatlik, obodlik va yaratuvchanlik ramzi sifatida shakllangan mehr-oqibat muhitini yanada mustahkamlashga xizmat qiladi.

📷Jarayon yuqoridagi videolavhada.

✅ Telegram 💬Facebook 📸Instagram 📹YouTube 🌍Website