​#Муносабат

✨Инсон қадри ва жамият фаровонлиги олий қадрият

Куни кеча бизнинг юртимиз ва бизга қардош қўшни давлатларда фавқулодда юзага келган ҳолат бизни ҳар қандай кутилмаган вазиятларга тайёр бўлишга ундаб, ўзаро меҳр-оқибатли ва албатта, доимо сергак ва огоҳ бўлишга ўргатди.

Ҳар қандай фавқулодда ҳолатда Давлат раҳбари бошчилигида фуқаролар хавфсизлиги ва жамият фаровонлиги учун масъул бўлган барча даражадаги мутасаддилар халқ манфаати, юртдошларимизнинг осойишта турмуш кечириши йўлида сафарбар этилиб, юзага келган ҳолат кун давомида бартараф этилди ва аҳолининг хотиржамлиги таъминланиб, саросима ва ўринсиз ваҳимага берилишнинг олди олинди.

Қайсидир маънода, бу каби ҳолатлар халқнинг давлатга бўлган ишончини орттириб, инсонлар ўртасида бир-бирига нисбатан ўзаро ҳамжиҳатлилик ва меҳр-оқибат туйғуларини синовдан ўтказди.

Қайси касб эгаси бўлишидан қатъий назар, у хоҳ шифокор, хоҳ қутқарувчи, хоҳ ички ишлар органлари ходими, қўйингки, қандай соҳа вакили бўлмасин, ҳаётий зарурат бўлган электр, табиий газ, ичимлик суви таъминотини тиклашдек бир мақсад йўлида бирлашиб, оиласидан узоқда, ширин уйқудан кечган ҳолда оёққа турди.

Туманимиз аҳолисига бирдамлик ва сабр-тоқат, туман маъмуриятига ишчанлик ва шижоат учун ўз миннатдорлигимни ва чуқур ҳурматимни изҳор қиламан.

✍️ Мирислом Усмонов,
Халқ депутатлари Тошкент туман Кенгаши депутати, Кенгаш котибияти мудири.

👉Telegram | Facebook | Instagram | YouTube | Website

#ободлик
#бунёдкорлик

🏘 “Оқтош” маҳалласи қачон обод бўлади?

Тошкент тумани ҳокимининг ўринбосари Иброҳим Саидикаримов, Ўзбекистон Республикаси Президентининг Тошкент туманидаги Халқ қабулхонаси мудири Ниғмат Мухамедов, туман Давлат солиқ инспекцияси бошлиғи – 4-сектор раҳбари Ихтиёр Хўжаяров, туман Ободонлаштириш бошқармаси бошлиғи Акром Султонов, туман Фавқулодда вазиятлар бўлими бошлиғи Фахриддин Соатовлар билан биргаликда 2022 йилда “Обод қишлоқ” дастурига киритилган Кўксарой ҳудудидаги “Оқтош” маҳалласида бўлиб, маҳалла фаоллари билан мулоқот қилишди ҳамда дастур доирасида амалга ошириладиган дастлабки ишлар борасида келишиб олишди.

⏩ Батафсил юқоридаги видеолавҳамизда.

👉Telegram | Facebook | Instagram | YouTube | Website

#Баёнот

✨ Бирдамлик ва шижоат учун миннатдорлик

Мамлакатимизда кеча рўй берган вазият, бизга нечоғлик аҳил бўлишимиз кераклигини яна бир маротаба кўрсатди.

Аҳолининг ҳодисалардан хабардорлиги, воқеликларни кузатиб туриши, тушунишга ўзида куч топа олганлиги, ҳокимият вакилларига ва масъул ходимларга ўз вазифасини шижоат билан бажаришга куч берди, десам муболаға бўлмайди.

Албатта, бундай пайтларда ишчи ходимларга боғлиқ бўлмаган ҳолатлар ҳам содир бўлади.

Бироқ, шуни ишонч билан айта оламанки, туман коммунал соҳа вакиллари, туман Фавқулодда вазиятлар бўлими ходимлари, ЙҲХБ инспекторлари, ички ишлар ва бошқа ҳуқуқни муҳофаза қилувчи тизим ходимлари тинимсиз ишлашмоқда.

Туманимиз аҳолисига бирдамлик ва сабр-тоқат, туман маъмуриятига ишчанлик ва шижоат учун ўз миннатдорлигимни ва чуқур ҳурматимни изҳор қиламан.

✍️ Дилафруз Исмаилова,
Тошкент тумани ҳокимининг ахборот сиёсати масалалари бўйича маслаҳатчиси, матбуот котиби.

👉Telegram | Facebook | Instagram | YouTube | Website

#Дайжест

❗️26 - январь : БУГУН ВИЛОЯТДА

*Ангрен шаҳри. Секторлар раҳбарлари маҳаллада бўлдилар

*Зангиота тумани. Электр энергиясидаги узилишлар бартараф этилмоқда

*Нурафшон шаҳри. Шаҳар тиббиёт бирлашмаси одатдаги тартибда ишламоқда

*Тошкент тумани. “Оқтош” маҳалласи қачон обод бўлади?

*Олмалиқ шаҳри. "Ўзбекистон" ва "Чамбил" маҳаллаларида ободонлаштириш ишлари олиб борилмоқда

*Янгийўл шаҳри. Шаҳар ҳокимлигида штаб фаолияти йўлга қўйилган

*Чирчиқ шаҳри. Судлар фаолиятидан

*Юқори Чирчиқ тумани. Маҳаллалардаги ёшлар етакчиларига ўқув семинарлар бўлиб ўтмоқда

*Бекобод тумани. Вазият сектор раҳбарлари назорати остида

*Оҳангарон тумани. Бандликни таъминлаш борасидаги ишлар таҳлил этилди

*Қибрай тумани. Савдо шохобчаларидаги нарх-наво туман масъуллари назоратида

*Бўстонлиқ тумани. Маҳалла ободлиги йўлида

*Ўрта Чирчиқ тумани. Аҳолига тоза ичимлик суви етказиб берилди

*Оҳангарон шаҳри. Коммунал ва тиббий хизматлар барқарорлиги сектор раҳбарлари назоратида

👉Каналга уланиш: https://t.iss.one/toshvilpressa

Facebook | Instagram |YouTube |Twitter | TikTok

Президентимиз сабр-тоқатли халқимизга, кечаги экстремал вазиятда ўзаро баҳамжиҳат ишлаган барча тузилмалар ходимларига, айниқса, оммавий ахборот воситалари вакилларига миннатдорчилик билдирди.

#тезкор

⚡️Бугундан аксарият ҳудудларда газ қуйиш шохобчалари ишлай бошлайди

Бугун, 27 январь куни эрталаб соат 9:00 дан аксарият ҳудудларда газ қуйиш шохобчалари ишлай бошлайди. Бу ҳақда Энергетика вазирлиги маълум қилмоқда.

Қайд этилишича, айни дамда Тошкент, Фарғона, Андижон ва Наманган вилоятлари бундан мустасно бўлиб, уларда газ таъминотининг иш режимини тиклаш ишлари олиб борилмоқда.

👉Каналга уланиш: https://t.iss.one/toshvilpressa

Facebook | Instagram |YouTube |Twitter | TikTok

#Расмий_баёнот

❗️ Фирибгарлардан огоҳ бўлинг!

Тошкент тумани ҳокимлиги захирасида бўлган 30 сотих ер майдонини қурилиш фирмаси раҳбарига 420 минг АҚШ долларига сотмоқчи бўлган шахслар ушланди.

➡️ Батафсил ўқиш

Ҳурматли фуқаролар!

Бугунги кунда Тошкент тумани ҳокимлиги раҳбарияти ҳамда ҳокимлик марказий аппаратида кадрлар алмашинуви амалга оширилиб, юқоридаги каби салбий иллатларга мойиллиги бўлган ходимлардан воз кечилган ҳамда туманда ер сотиш ҳолатларига чек қўйилганлигини маълум қиламиз.

Агар кимдир сизга ҳокимлик орқали ер майдони ажратиб берилишини билдириб, бунинг учун пул маблағи талаб қилса, зудлик билан ҳуқуқни муҳофаза қилиш органларига мурожаат қилинг. Билингки, улар ҳокимликка алоқаси бўлмаган, фирибгар шахслар ҳисобланади.

Бу каби “учар”ларнинг тузоғига тушиб қолманг!

Тошкент тумани ҳокимлиги.

👉Telegram | Facebook | Instagram | YouTube | Website

​#Расмий_ахборот

“Ўзтрансгаз” АЖ тизимидаги Компрессор станцияларининг фаолияти тўхтаб қолганлиги ва уларни қайта ишга туширилиши бўйича маълумот

Умумтизимда юзага келган носозликлар сабабли мамлакатимиздаги мавжуд газ қазиб олиш конлари ва уни қайта ишлаш заводларида технологик жараёнларнинг бузилиш ҳолатлари кузатилмоқда. Бу эса, ўз навбатида газ ишлаб чиқариш ҳажмининг камайишига олиб келмоқда.

Бир вақтнинг ўзида “Ўзтрансгаз” АЖ тизимидаги Компрессор станцияларининг агрегатлари фаолияти тўхтатилди. Жумладан 25 январь куни Ғаллаорол КСдаги 12 та газ ҳайдаш агрегати(ГҲА) иш фаолиятини тўхтатди.

Юзага келган фавқулодда ҳолатни тезкор равишда бартараф қилиш мақсадида “Ўзтрансгаз” АЖда Республика штаби назоратида бўлган фавқулотда гуруҳ ташкил қилинди ва авария-таъмир бригадалари сафарбар этилди. Республика штаби билан координация қилган ҳолда, биринчи навбатда иссиқлик электр станцияларини ишга имкон қадар тез туширишда амалий ёрдам бериш ва газ транспорт тизимини фаолиятини тиклаш-гуруҳнинг асосий вазифаси этиб белгиланди.

Натижада, 25-26 январь кунлари авария ҳолатида тўхтаб қолган 6 та компрессор станциясидан 5 таси тўлиқ бўлмаган ҳолатда ишга туширилди.

Жорий йил 26 январь соат 18.00да магистрал газ қувурлари тармоғига узатилаётган табиий газ миқдори соатига 4 839 минг куб метрни ташкил этди.

Жумладан, газ қазиб олувчи ташкилотлардан соатига 3 261 минг куб метр, (25 январь соат 10.00 да 5 490 минг куб метр газ олинган) табиий газ импорти соатига – 710 минг куб метр (25 январь 10.00га кўра, 620 минг куб метр) газни ер остида сақлаш иншоотларидан соатига – 868 минг куб метр (25 январь 10.00 ҳолатига кўра 870 минг куб метр) табиий газ олиш йўлга қўйилди.

Мутахассислар тақдим этган ҳисоботларига кўра, газ қазиб чиқарувчи корхоналарининг электростанцияларни зарур даражадаги газ ҳажми билан таъминлаши ва газ қувурлари тизими орқали зарур иш босимини тиклаш ишларини амалга ошириш учун камида 2 кун талаб этилади. Ҳозирда жойларда компрессор станцияларини тўлиқ ишга тушириш бўйича ишлар давом этмоқда.

Манба 👉 “Ўзтрансгаз” АЖ Матбуот хизмати

👉Telegram | Facebook | Instagram | YouTube | Website

#Тезкор
#билдириш

⚡️ Огоҳ бўлинг! табиий газ етказиб бериш бошланди!

Айни вақтда Тошкент туманининг бир қатор маҳаллаларига табиий газ етказиб бериш бошланди.

Шу муносабат билан “Тошкент тумангаз” газ таъминоти бўлими томонидан босимни тиклаш ва истеъмолчиларга табиий газ етказиб бериш бўйича барча зарур чоралар кўрилиб, босқичма-босқич табиий газ таъминотини тиклаш йўлида ҳаракатлар давом этмоқда.

❗️ Ҳозирги вақтда аҳоли истеъмолчилари табиий газда ишлатадиган барча жиҳозларни ўчириб қўйиш ва биноларда газ ҳиди йўқлигини текширишларини илтимос қиламиз!

☎️ Зарурат туғилганда “Тошкент тумангаз” газ таъминоти бўлимининг 70 202-67-57 диспетчерлик хизматига қўнғироқ қилишлари мумкин.

“Тошкент тумангаз” газ таъминоти бўлими етказилаётган вақтинчалик ноқулайликлар учун аҳолимиз ва газ истеъмолчиларидан узр сўрайди!

“Тошкент тумангаз” газ таъминоти бўлими.

👉Telegram | Facebook | Instagram | YouTube | Website

#Жараён

Эҳтиёжманд оилаларга паррандачилик учун инкубатор аппарати тарқатилди

Тошкент тумани Давлат солиқ инспекцияси бошлиғи – 4-сектор раҳбари Ихтиёр Хўжаяров ташаббуси билан сектор ҳудудидаги “Оқтош” маҳалласида истиқомат қилувчи 2 та кам таъминланган оилага 500 та тухум сиғдириш хажмига эга инкубатор аппарати олиб берилди.

Уни “Оқтош” маҳалласи ҳоким ёрдамчиси Доно Якубова ва сектор масъуллари ўз эгаларига топширишди.

⏩ Батафсил ушбу лавҳамизда.

👉Telegram | Facebook | Instagram | YouTube | Website

#РАСМИЙ_АХБОРОТ

Бугун, 27 январь куни соат 16:00 да республикамизнинг барча ҳудудларида электр энергияси таъминоти тўлиқ тикланди

📍https://uza.uz/posts/341139

🔻 ЎзАнинг телеграм каналларини кузатиб боринг

Ўзбекча | O`zbekcha | Русская | Илм-фан | Тезкор