#sport
#stol_tennisi_musobaqasi

Bugun O'zbekiston stol tennisi federatsiyasi Toshkent shahar bo'limi, O'zbekiston milliy paralimpiya qo'mitasi, Toshkent shahar soliq boshqarmasi hamkorligida Toshkent shahar kubogi musobaqasiga start berildi.

Poytaxtimizning barcha tumanlaridan tashrif buyurgan 500 dan ortiq mahoratli sportchilar o'zaro bahs jarayonlariga kirishishdi. Ayniqsa havaskor o'yinchilar orasida jajji ishtirokchilarning borligi quvonarlidir. 11-12-mart kunlari musobaqaning saralash bosqichida g'oliblar aniqlanib, yakuniy bellashuvlar uchun yo'llanmalarni qo'lga kiritishadi.

📌Final o'yinlari esa joriy yilning 13-mart kuni Universal sport saroyida bo'lib o'tadi.

Toshkent shahar soliq boshqarmasi axborot xizmati

🔰kanalga ulanish✅
@toshkent_shaharDSB

#sport
#stol_tennisi_musobaqasi

🟢Xabaringiz bor, O'zbekiston stol tennisi federatsiyasi Toshkent shahar bo'limi, O'zbekiston paralimpiya qo'mitasi hamda Toshkent shahar soliq boshqarmasi tomonidan poytaxtimizda stol tennisi bo'yicha o'tkazilayotgan Toshkent shahar kubogi musobaqasining 11-12-mart kunlari 400 dan ortiq sportchilar o'rtasida saralash bosqichlari bo'lib o'tdi.

🏓 Bugun esa bellashuvlarning final o'yinlari qizg'in va his- hayajonlarga to'la bo'ldi. Shahrimizning barcha tumanlaridan saralangan eng kuchli professional sportchilar o'zlarining iqtidor va mahoratlarini sinovdan o'tkazishdi.

💥Ayniqsa, musobaqada imkoniyati cheklangan erkak va ayol sportchilar o'rtasida murosasiz kechgan o'yinlar yig'ilgan tomoshabinlarda katta taassurot qoldirdi.

Toshkent shahar soliq boshqarmasi axborot xizmati

🔰kanalga ulanish✅
@toshkent_shaharDSB

#sport
#stol_tennisi_musobaqasi

🎤Musobaqa, ishtirokchilar hamda yig'ilganlar uchun tashkillashtirilgan konsert dasturi bilan davom ettirildi. San'atkorlarning qo'shiqlari barchaga xush kayfiyat ulashgan bo'lsa, turli xil raqs guruhlari o'z chiqishlari bilan tomoshabinlar olqishiga sazovor bo'ldi.

Bellashuvlarning badiiy qismida madaniy hordiq olgan qatnashchilarning yuzidagi kulgu o'z o'rnida minatdorchilik ifodasi bo'ldi. Zero, bunday sport tadbirlarining doimiy tarzda o'tkazilishi yoshlarga yanada kuch-g'ayrat bag'ishlaydi.

Toshkent shahar soliq boshqarmasi axborot xizmati

🔰kanalga ulanish✅
@toshkent_shaharDSB

#sport
#stol_tennisi_musobaqasi

🎁His-hayajonga boy bo'lgan bahslar yakunida Toshkent shahar kubogi musobaqasining erkaklar, ayollar hamda imkoniyati cheklangan sportchilar o'rtasida g'olib va sovrindorlari aniqlanib, tantanali taqdirlash marosimida Toshkent shahar soliq boshqarmasi boshlig'ining diplom va qimmatbaho sovg'alari hamda KUBOGlar🏆 o'z egalariga topshirildi.

🎊Xususan, kuchli va tezkor sportchilarni tayyorlashda mehnat qilgan murabbiylar ham e'tibor va e'tirofdan chetda qolmadi. Shuni ta'kidlash joizki, sport avvalo salomatlik garovi bo'lsa, yoshlar mamalakatimiz poydevoridir.

Toshkent shahar soliq boshqarmasi axborot xizmati

🔰kanalga ulanish✅
@toshkent_shaharDSB

#sport
#stol_tennisi_musobaqasi

Joriy yilning 14- mart kuni Sirdaryo viloyatining Guliston shahrida joylashgan Alpomish sport kompleksida 🏓 stol tennisi bo'yicha 🏆O'zbekiston kubogi musobaqasiga start berildi. Mazkur turnirda respublikamizning barcha viloyatlari, Qoraqalpog'iston Respublikasi vakillari qatorida poytaxtlik stol tennisi ustalari ham g'oliblik uchun bahs olib borishmoqda. Shuni alohida ta'kidlash joizki 13-mart kuni o'z yakuniga yetgan Toshkent shahar kubogida g'olib bo'lgan sportchilar ushbu turnirda ishtirok etishmoqda.

Ushbu bellashuvlarda erkaklar o'rtasida 130 nafar sportchi chempionlik uchun kurashga kirishgan bo'lsa, ayollar orasida 120 nafar raketka ustalari o'zaro kuch sinashishmoqda.

Toshkent shahar soliq boshqarmasi axborot xizmati

🔰kanalga ulanish✅
@toshkent_shaharDSB

#sport
#stol_tennisi_musobaqasi

🏆Joriy yilning 19-mart kuni Sirdaryo viloyatining Guliston shahrida stol tennisi bo'yicha O'zbekiston kubogi musobaqalarining yakuniy bosqichi bo'lib o'tdi. Qoraqalpog'iston respublikasi, barcha viloyat va Toshkent shahridan ishtirok etgan 25 ta jamoa vakillari ichidan eng munosiblari aniqlandi.

🏅Musobaqa jarayonida erkaklar o'rtasida poytaxt jamoasi 2-o'rinni egallagan bo'lsa, ayollar o'rtasidagi bellashuvlarda shahrimiz sportchilari faxrli 1-o'rinni qo'lga kiritdi.

🎉Musobaqa so'nggida g'olib va sovrindorlar tashkilotchilarning diplom va qimmatbaho sovg'alari bilan taqdirlandi.

Toshkent shahar soliq boshqarmasi axborot xizmati

🔰kanalga ulanish✅
@toshkent_shaharDSB