#8_dekabr #konstitutsiya

Oʻzbekiston Respublikasi Konstitutsiyasining 31 yilligi muborak boʻlsin!

Aziz vatandoshlar, Sizlarni va butun xalqimizni Oʻzbekiston Respublikasi Konstitutsiyasi qabul qilinganining 31 yilligi bilan chin qalbimdan tabriklayman.

Barchangizga oʻzimning chuqur hurmatim va ezgu tilaklarimni izhor etaman.
Istiqlolning dastlabki yillarida murakkab bir sharoitda qabul qilingan Konstitutsiyamiz bergan huquq va imkoniyatlar tufayli oʻtgan davrda koʻplab soha va tarmoqlarda yutuqlarni qoʻlga kiritdik.

Joriy yilda Yangi Oʻzbekiston taraqqiyot strategiyasining mazmuni va mantigʻi, xalqimiz bildirgan talab, istak va takliflar asosida yangi tahrirdagi Konstitutsiyamiz qabul qilindi.

Bosh Qomusimizda davlat suverenitetini yanada mustahkamlash, ochiq va adolatli jamiyatni barpo etishga qaratilgan xalqaro huquqning umumeʼtirof etilgan prinsip va normalariga asoslangan moddalar oʻz aksini topdi.

Bir soʻz bilan aytganda Bosh qonunimiz chinakam xalq Qomusi, chinakam xalq Konstitutsiyasi boʻldi.

Inson huquq va erkinliklarining qonuniy kafolati boʻlgan, biz uchun ozod va obod hayot qurish yoʻlini ochib bergan Konstitutsiyamiz bilan har qancha faxrlansak arziydi.

Ishonchim komilki, Konstitutsiyamiz bergan huquq va erkinliklarga tayangan holda barchamiz bir tanu bir jon boʻlib jonajon Oʻzbekistonimiz rivoji yoʻlida oʻz oldimizga qoʻygan yuksak marralarga albatta erishamiz.

Hurmatli yurtdoshlar, Sizlarni bugungi qutlugʻ ayyom bilan yana bir bor samimiy tabriklab, barchangizga sihat-salomatlik, oilaviy baxt, xonadonlaringizga fayz-u baraka tilayman. Xalqimiz tinch, yurtimiz farovon boʻlsin!

Sherzod Kudbiyev,
Soliq qoʻmitasi Raisi

Тelegram |Facebook |Youtube| Instagram |Twitter| Threads

#8_dekabr #konstitutsiya

Soliqlar mamlakatni har tomonlama ijtimoiy–iqtisodiy taraqqiy etishi uchun sarflanadi. Yaʼni xalq farovonligi, fuqarolar turmush darajasining oshishi uchun ishlatiladi.

Shu sababli har bir fuqaro oʻzi yashab turgan davlatda qonun bilan belgilab qoʻyilgan soliqlarni toʻlashi shart. Bu uning davlat oldidagi fuqarolik burchi, mamlakat rivoji uchun qoʻshgan hissasidir.

Konstitutsiyamizning 63-moddasida ham “Fuqarolar qonun bilan belgilangan soliqlar va yigʻimlarni toʻlashi shart.
Soliq va yigʻimlar adolatli boʻlishi hamda fuqarolarning konstitutsiyaviy huquqlarini amalga oshirishiga toʻsqinlik qilmasligi kerak”, - deya belgilab qoʻyilgan

Тelegram |Facebook |Youtube| Instagram |Twitter| Threads

#Konstitutsiya

🔷O‘zbekiston Respublikasi Konstitutsiyasi kunini munosib kutib olish va yuksak saviyada nishonlash maqsadida joylarda tashkiliy-amaliy hamda ma’naviy-ma’rifiy tadbirlar samarali tashkil etilmoqda.

Shu maqsadda joriy yilning 5-dekabr kuni Oʻzbekiston Respublikasi Konstitutsiyasi qabul qilinganligining 32 yilligi bayrami munosabati bilan Poytaxtimizdagi Sayilgoh ko‘chasida "Konstitusiya ko‘chasi" nomli ramziy darvoza tiklanib, bayram tadbiri o'tkazildi va har bir davlat organining o‘z burchaklari tashkil etilgan holda fuqarolarga huquqlari bevosita soha egalari tomonidan tushuntirildi.

Hududda "Soliq burchagi" ham tashkil etilib, unda soliq organlari faoliyatidagi o‘zgarishlar bilan bog‘liq, shuningdek, tizimda amalga oshirilayotgan turli tashabbuslar mazmun-mohiyatini tushuntirishga doir ko‘rgazmali materiallar namoyish etildi hamda aholiga soliq sohasidagi imtiyozlar, "Soliq" mobil ilovasi va uning afzalliklari haqida ma'lumot berildi.

Konstitutsiya inson hayotining barcha yo‘nalishlarida uning huquq va majburiyatlarini ko‘rsatib beradigan asosiy hujjat hisoblanadi. Unga amal qilish esa har bir fuqaroning burchidir.

Toshkent shahar soliq boshqarmasi Axborot xizmati

Telegram | Facebook | Youtube | Instagram

#Konstitutsiya

🔹Joriy yilning 5-dekabr kuni Oʻzbekiston Respublikasi Konstitutsiyasi qabul qilinganligining 32 yilligi bayrami munosabati bilan Poytaxtimizdagi Sayilgoh ko‘chasida "Konstitusiya ko‘chasi" nomli ramziy darvoza tiklanib, bayram tadbiri o'tkazildi va har bir davlat organining o‘z burchaklari tashkil etilgan holda fuqarolarga huquqlari bevosita soha egalari tomonidan tushuntirildi.

Toshkent shahar soliq boshqarmasi Axborot xizmati

Telegram | Facebook | Youtube | Instagram

#Konstitutsiya

🇺🇿 Bugun O‘zbekiston Konstitusiyasi qabul qilinganligiga 32 yil to‘ldi

Asosiy Qonunimizda mamlakatimizda demokratik davlat va fuqarolik jamiyati barpo etish, O‘zbekistonning xalqaro maydonda munosib o‘rin egallashida mustahkam poydevor bo‘lib xizmat qilishi ilk vazifa etib belgilangan.

Bosh Qomusimizda fuqarolarning barcha haq-huquqlari kafolatlangan bo‘lib, ularning baxtli yashashi va farovon turmush kechirishi ta'minlanishi qayd etilgan. Inson, uning hayoti, erkinligi, sha'ni, qadr-qimmati va boshqa daxlsiz huquqlari oliy qadriyat hisoblanadi.

Konstitutsiya inson hayotining barcha yo‘nalishlarida uning huquq va majburiyatlarini ko‘rsatib beradigan asosiy hujjat hisoblanadi. Unga amal qilish esa har bir fuqaroning burchidir.

🇺🇿 Barchani O‘zbekiston Konstitusiyasi qabul qilingan kun bilan tabriklaymiz!

Toshkent shahar soliq boshqarmasi Axborot xizmati

Telegram | Facebook | Youtube | Instagram

#8_dekabr #konstitutsiya

Oʻzbekiston Respublikasi Konstitutsiyasining 32 yilligi muborak boʻlsin!

Milliy davlatchiligimiz, suverenitetimiz, demokratik huquqiy davlat barpo etish yoʻlida shu kungacha erishilgan barcha yutuq va marralarimizning asosiy poydevori Konstitutsiyamiz ekanligini barchamiz yaxshi bilamiz.

Bosh Qomusimizda belgilab qoʻyilgan asosiy tamoyillardan kelib chiqqan holda mamlakatimizda inson qadrini yuksaltirish borasida soʻnggi yillarda salmoqli ishlar amalga oshirildi. Inson qadri biz uchun qandaydir mavhum, balandparvoz tushuncha emasligi amalda isbotini topmoqda.

Xususan har bir davlat idoralari rahbarlari fuqarolar oldida hisobot beradigan samarali tizim yoʻlga qoʻyildi, xalq bilan doimiy muloqot qilish faoliyatimizning mezoni etib belgilandi.

Barcha mansabdor shaxslar quyi boʻgʻinga, mahalla darajasiga tushib, aholi bilan bevosita uchrashib, ularning muammolarini joyida hal etishga alohida eʼtibor qaratilmoqda.

Ishonch bilan aytamanki, Inson huquq va erkinliklarining qonuniy kafolati boʻlgan Konstitutsiyamizga tayangan holda barchamiz birgalikda Vatanimizga sadoqat bilan xizmat qilamiz va jonajon Oʻzbekiston rivoji yoʻlida koʻzlagan yuksak marralarga albatta erishamiz.

Hurmatli yurtdoshlar, Sizlarni Oʻzbekiston Respublikasi Konstitutsiyasi kuni munosabati bilan chin qalbimdan tabriklayman.

Sherzod Kudbiyev,
Soliq qo’mitasi Raisi