⚡️⚡️ Мўғулистон Президенти Ухнаагийн Хурелсух Самарқандга етиб келди.

#SCO2022Samarkand

Бугун Эрон, Хитой ва Қирғизистон етакчилари Самарқандга етиб келади

Президент Матбуот котиби Шерзод Асадов ШҲТ саммитига ташриф буюраётган меҳмонлар бўйича маълумот берди.

Саммитнинг биринчи олий мартабали меҳмони – Мўғулистон Президенти Ухнаагийн Хурэлсух Самарқандга етиб келди.

Шунингдек, айни дақиқаларда Бирлашган Миллатлар Ташкилоти Бош котиби ўринбосари Розмари Ди Карлонинг ташрифи кутилмоқда.

Бугун Эрон Ислом Республикаси Президенти Иброҳим Раисийнинг расмий ташрифи бошланади. У Самарқандга тушдан сўнг етиб келади, олий даражадаги музокаралар бугуннинг ўзида бўлиб ўтади. Учрашув якунида савдо, кооперация, инновациялар, транспорт, энергетика, туризм ва бошқа йўналишларда ҳужжатлар имзоланиши режалаштирилган.

Шунингдек, бугун куннинг иккинчи ярмида Хитой Халқ Республикаси Раиси Си Цзиньпин ва Қирғиз Республикаси Президенти Садыр Жапаровлар ҳам Самарқандга етиб келади.

Қолган барча меҳмонлар ташрифи эса эртага, 15 сентябрь куни кутилмоқда.

#SCO2022Samarkand

Ўзбекистон Республикаси Президенти Шавкат Мирзиёевнинг таклифига биноан Мўғулистон Президенти Ухнаагийн Хурэлсух Шанхай ҳамкорлик ташкилоти саммити тадбирларида иштирок этиш учун Самарқанд шаҳрига келди.

#SCO2022Samarkand

Ўзбекистон Президенти Шавкат Мирзиёев айни вақтда ШҲТ саммити доирасидаги биринчи учрашувини ўтказмоқда. Мўғулистон Президенти Ухнаагийн Хурэлсух билан мамлакатларимиз ўртасидаги ўзаро манфаатли ҳамкорликни ривожлантиришнинг амалий жиҳатлари муҳокама қилинмоқда.

#SCO2022Samarkand

⚡️⚡️Ўзбекистон Шанхай ҳамкорлик ташкилотига раислик қилувчи мамлакат сифатида Озарбайжон—Арманистон чегарасида тинчликка эришилгани ва кескинлик бартараф этилганини олқишлайди.

#SCO2022Samarkand

Қирғизистон президенти Садыр Жапаров ШҲТ саммитида иштирок этиш учун Ўзбекистонга учиб кетди

Қирғизистон делегацияси таркибида қуйидаги мулозимлар бор:

▪️Ташқи ишлар вазири Жеенбек Қулубаев
▪️Президент Администрацияси ташқи сиёсат бўлими мудири Муратбек Азймбақиев
▪️Қирғизистоннинг Ўзбекистондаги элчиси Муса Жаманбоев
▪️Транспорт вазирлиги раҳбари Эркинбек Осоев
▪️Иқтисодиёт вазирлиги раҳбари Дониёр Амангелдиев

#SCO2022Samarkand

Ўзбекистон ва Эрон Президентларининг учрашуви бўлиб ўтди

Самарқанд шаҳрида расмий ташриф билан мамлакатимизда бўлиб турган Эрон Ислом Республикаси Президенти Иброҳим Раисийни тантанали кутиб олиш маросими бўлиб ўтди. Давлат рахбарлари шарафига фахрий қоравул саф тортди, давлат мадҳиялари янгради.

Шундан сўнг икки мамлакат раҳбарларининг учрашуви бўлиб ўтди.

Музокараларда Президентлар икки томонлама алоқаларни мустаҳкамлаш, сиёсий, савдо-иқтисодий, инвестициявий, транспорт-логистика ва маданий-гуманитар соҳаларда амалий ҳамкорликни кенгайтириш масалаларини муҳокама қилдилар.

#SCO2022Samarkand

Қирғизистон Президенти Садир Жапаров Ислом Каримов қабрига гул қўйди

#SCO2022Samarkand

Ўзбекистон–Қирғизистон–Хитой темир йўли қурилиши бошланади

Ўзбекистон Транспорт вазирлиги, Қирғизистон Транспорт ва коммуникациялар вазирлиги ҳамда Хитой Халқ Республикаси Тараққиёт ва ислоҳотлар давлат қўмитаси ўртасида «Ўзбекистон – Қирғизистон – Хитой» темир йўли қурилиши (Қирғизистон ҳудудида) лойиҳаси бўйича ҳамкорлик тўғрисида уч томонлама Битим имзоланди.

#SCO2022Samarkand

⚡️Туркманистон президенти Сердар Бердимуҳаммедов Самарқандга етиб келди

#SCO2022Samarkand