#FireAlert #DebreMarkos

ደብረ ማርቆስ ሆስፒታል አካባቢ ከሚገኘው ጉልት ገበያ ሱቆች ላይ በአሁኑ ሰዓት ከፍተኛ የእሳት ቃጠሎ ተነስቷል።

ቁጥራቸው በውል ያልታወቁ ሱቆች ተቃጥለዋል።

የከተማው ህዝብ በነቂስ ወጥቶ እሳቱን ለማጥፋት ከፍተኛ ርብርብ በማድረግ ላይ እንደሚገኝ የምስራቅ ጎጃም ዞን ፖሊስ ጽ/ቤት አስታውቋል።

@tikvahethmagazine @tikvahethiopia

የ125ኛው ዓድዋ የድል በዓል እየተከበረ ይገኛል :

#Menelik_II_Square

125ኛው የዓድዋ ድል በዓል በአዲስ አበባ ከተማ በሚኒሊክ አደባባይ በተለያዩ ትዕይንቶች ታጅቦ እየተከበረ ይገኛል።

በበዓሉ ፕሬዚዳንት ሣኅለወርቅ ዘውዴ፣ ጀግኖች አርበኞች፣ የመንግሥት ከፍተኛ ባለሥልጣናት እንዲሁም የጉዞ አደዋ የዘንድሮ ተሳታፊዎች እና ከተለያዩ አካባቢዎች የመጡና የከተማዋ ነዋሪዎች ተገኝተዋል።

#MeskelSquare

የአድዋ የድል በዓል በመስቀል አደባባይ በድምቀት እየተከበረ ይገኛል።

በዓሉ የኦሮሚያ ክልል ፕሬዜዳንት አቶ ሽመልስ አብዲሳ፥ የፌዴራል እና የክልል የስራ ሀላፊዎች፥ የጥንት አርበኞች፥ የአዲስ አበባ ከተማ ነዋሪዎች ፥ ከተለያዩ የፊንፊኔ ዙሪያ የኦሮሚያ ልዩ ዞን ከተሞች የታደሙ 20 ሺህ የሚሆኑ ፈረሰኞች በተገኙበት እየተከበረ ይገኛል።

#Debremarkos

በአሁኑ ሰዓት የጎጃም ደብረማርቆስና አካባቢው ማህበረሰብ የአደዋን በዓል በንጉስ ተክለሃይማኖት አደባባይ በመገኘት በማክበር ላይ ይገኛል።

#Bahirdar

በባህርዳር ከተማ 6ቱ ክፍለ ከተሞች በአንድነት 125ኛውን የአድዋ ድል በዓል በድምቀት እያከበሩ ነው።

በዓሉ የአማራ ክልል ርዕሰመስተዳድር አቶ አገኘሁ ተሻገር እና ሌሎች የመንግስት የስራ ሀላፊዎች በተገኙበት እየተከበረ ይገኛል።

#Gondar

የአድዋ ድል በዓል በጎንደር ከተማ በልዩ ልዩ ዝግጅቶች በመከበር ላይ ይገኛል፡፡

በበዓሉ አባት አርበኞች፣ ወጣቶች፣ ልዩ ልዩ የጸጥታ አባላትና ከተለያዩ የከተማዋ ክፍሎች የተወጣጡ ነዋሪዎች ታድመውበታል።

More : @tikvahethmagazine

#DebreMarkos

በደብረ ማርቆስ ሠርግ፣ ተስካርና መሠል ፕሮግራሞች በግዚያዊነት ታገደ።

ደብረ ማርቆስ ከተማ አስተዳደር ሠርግ ፣ ተስካር እና መሠል የድግስ ፕሮግራሞች በግዚያዊነት የታገደ መሆኑን የኮማንድ ፖስት አባል እና የደብረ ማርቆስ ፖሊስ ጽ/ቤት ሀላፊ ኮማንደር ባንተአምላክ ካሳሁን ገልጸዋል።

" አሁን ካለንበት ሀገራዊ እና ክልላዊ ተጨባጭ ሁኔታ አንፃር አንገብጋቢ የፀጥታ እና የኢኮኖሚ ችግር አኳያ በመቶሺዎች የሚቆጠሩ ተፈናቃዮች በአለበት ሁኔታና ለሐገራቸው ሲሉ መስዋትነትን የሚከፍሉ ወንድሞቻችን እንዲሁም በሚሊየን የሚቆጠር የንበረት ውድመት አኳያ ሰርግ እና ሌሎች ፕሮግራሞችን ማካሄድ ለከፋ ርሀብ እና ችግር እንዳንጋለጥ በማሰብ እንዲሁም ያላስፈላጊ የሀብት ብክነትን ለመከላከል ታስቦ በጊዚያዊነት ሰርግ ፣ ተስካር እና መሠል ፕሮግራሞች ታግዷል " ሲሉ ኮማንደር ባንተአምላክ ካሳሁን አስረድተዋል።

በሌላ በኩል በርካታ ህዝብ ተፈናቅሎ እያለ የተትረፈረፈ ድግስ ደግሶ መዝፈን እና መደለቅ ለሞራልም ፤ ለሐይማኖትም ተቀባይነት የሌለው በመሆኑ ሰርግ ለመሠረግ እና ተያያዥ ፕሮግራሞች ለማድረግ ያሰቡ የህብረተሰብ ክፍሎች በክልሉ ለተፈናቀሉ እና ለጥምር ሀይሉ ድጋፍ እንዲያደርጉ አሳስበዋል።

ምንአልባት በልዩ ሁኔታ መጋባት ያለባቸው ለኮማንድ ፖስቱ ጥያቄ አቅርበው በማስፈቀድ ጋብቻው ከሰርግ ዝግጅት ውጭ እንዲፈፀም የሚደረግ መሆኑን ገልፀዋል።

ክልከላው ተላልፎ ጋብቻም ሆነ ተስካር እንዲወጣ የሚፈጽም እና የሚያስፈፅም የአስቸኳይ ግዜ አዋጅ አስፈፃሚ ግብረሀይሉ አስፈላጊውን ህጋዊ እርምጃ የሚወስድ መሆኑን አስገንዝበዋል።

ሁሉም የከተማው ነዋሪ ለተግባራዊነቱ አስፈላጊውን ትብብር እንዲያደርግ አሳስበዋል።

ምንጭ፦ የደ/ማርቆስ ከተማ ፖሊስ ፌስቡክ ገፅ

@tikvahethiopia