#CentralEthiopia

" እባካችሁ የሰራንበትን ፤ የላባችንን ክፍያ ስጡን " እያሉ ቀን በቀን የሚጮሁ ዜጎች ባሉባት ሀገር እዚህ ጋር ደግሞ ጭራሽ የመንግሥት ሰራተኛ ላልሆኑ ሰዎች በመቶ ሺዎች ብር ወጥቶ ተከፍሏል።

የመንግስት ሰራተኛ ላልሆኑ 19 ሰዎች  ደመወዝ ሲከፍሉ ተደርሶባቸው በሙስና ወንጀል የተከሰሱ 3 ግለሰቦች በጽኑ እስራት እና በገንዘብ መቀጮ መቀጣታቸው ተሰምቷል።

በተፈፀመው ወንጀል ተሳታፊ በመሆን ሳይቀጠሩ ደመወዝ ይከፈላቸው የነበሩ ተከሳሾችም በ3 ዓመት ፅኑ እስራትና በገንዘብ መቀጮ እንዲቀጡ ተወስኖባቸዋል።

የሙስና ወንጀሉ የተፈጸመው በማዕከላዊ ኢትዮጵያ ክልል ሀድያ ዞን ሻሾጎ ወረዳ ነው።

የሀድያ ዞን ዐቃቤ ህግ ህዳር 30/2016 ዓ.ም ለሀድያ ዞን ከፍተኛ ፍ/ቤት ፅፎ ባቀረበው ክስ ምን ይላል ?

1ኛ. ተከሳሽ አቶ ናትናኤል አምቢኮ በሻሾጎ ወረዳ የፋይናንስ ጽ/ቤት የክፍያ ኦፊሰር፤
2ኛ. ተከሳሽ ወ/ሮ አዳነች ጡምደሎ በሻሾጎ ወረዳ የፋይናንስ ጽ/ቤት የክፍያ ቡድን መሪ፤
3ኛ. ተከሳሽ አቶ ታምራት ኒኔ የሻሾጎ ወረዳ ፋይናንስ ጽ/ቤት ምክትል ኃላፊ (በሌለበት የታየ)፤
4ኛ. ተከሳሽ አቶ ሲሳይ ቢያድጌ በወረዳው በመንግስት ሰራተኛነት ሳይቀጠር ደመወዝ ሲከፈለው የነበረ፤
5ኛ. አቶ ሰላሙ አበጀ በወረዳው በመንግስት ሰራተኛነት ሳይቀጠር ደመወዝ ሲከፈለው የነበረ ሲሆን፤

በሻሾጎ ወረዳ ትምህርት ጽህፈት ቤት ላልተቀጠሩ  መምህራን ሰራተኞች በቁጥር 19 ሰዎች ከ2015 ዓ/ም ጀምሮ እስከ መስከረም 2016 ዓ/ም ድረስ ከ5 ወር እስከ 11 ወራት ደወመዝ እንዲከፈላቸው አድርገዋል።

በዚህም በድምሩ 7 መቶ 30 ሺህ 2 መቶ 39 ብር በመንግስት እና ሕዝብ  ሀብት ላይ ጉዳት አድርሰዋል ፤ ያላግባብ ስልጣንን በመገልገል ወንጀል ፈፅመዋል የሚል ክስ ቀርቦባቸዋል።

የሀድያ ዞን ከፍተኛ ፍ/ቤት ጉዳዩን ተከታትሏል።

ተከሳሾች የቀረቧቸው የመከላከያ ምስክሮች የዐቃቤ ህግን የሰውና የሰነድ ማስረጃ አስተባብለው ባለመገኘታቸው ፍ/ቤቱ በሙሉ ድምፅ የጥፋተኝነት ውሳኔ ሰጥቶባቸዋል።

በዚሁም መሰረት ፦ 

1ኛ. ተከሳሽ አቶ ናትናኤል አምቢኮ በሻሾጎ ወረዳ የፋይናንስ ጽ/ቤት ፔሮል አዘጋጅ የክፍያ ኦፊሰር በ7 ዓመት ከ8 ወር ፅኑ እስራትና በ5 ሺህ ብር እንዲቀጣ።

2ኛ. ተከሳሽ ወ/ሮ አዳነች ጡምደሎ ኩሪሶ  በሻሾጎ ወረዳ ፋይናንስ ጽ/ቤት የክፍያ ሂሳብ ቡድን መሪ በ7 ዓመት ከ8 ወር ፅኑ እስራትና በ 5 ሺህ ብር እንድትቀጣ።

3ኛ. ተከሳሽ አቶ ታምራት ኒኔ የሻሾጎ ወረዳ ፋይናንስ ጽ/ቤት ምክትል ኃላፊ የነበረ እጁን ለህግ አካላት ያልሰጠና በፖሊስ ታድኖ ሲያዝ የእስራት ጊዜውን የሚያጠናቅቅ ሆኖ (በሌለበት የተወሰነ) በ11 ዓመት ፅኑ እስራትና በ 10 ሺህ ብር የገንዘብ መቀጮ እንዲቀጣ።

4ኛ. ተከሳሽ አቶ ሲሳይ ቢያድጌ በትምህርት ጽ/ቤት ሳይቀጠርና መምህር ሳይሆን ለ9 ወራት ደመወዝ ሲከፈለው የነበረ በ3 ዓመት ፅኑ እስራትና በ3 ሺህ ብር የገንዘብ መቀጮ እንዲቀጣ።

5ኛ. ተከሳሽ አቶ ሰላሙ አበጀ ተባበል በወረዳው ትምህርት ጽ/ቤት ሳይቀጠርና መምህር ሳይሆን ለ 9 ወራት ደመወዝ ሲከፈለው የነበረ በ3 ዓመት ፅኑ እስራትና በ3 ሺህ ብር የገንዘብ መቀጮ እንዲቀጡ ተወስኖባቸዋል።

መረጃ ማዕከላዊ ኢትዮጵያ ክልል ፖሊስ ኮሚሽን ነው የተገኘው።

#CentralEthiopia #Ethiopia

@tikvahethiopia

#Mesirat

ቢዝነስዎን ለማሳደግ እሄ ወርቃማ እድል እንዳያመልጥዎ! https://mesirat.acceleratorapp.co/application/new?program=mesirat-entrepreneurs-application-form-sixth-cohort ላይ ተመዝግበው
- በፋይናንስ፣
- በማርኬቲንግ፣
- በቴክኖሎጂ፣
- በኔትወርኪንግ፣
- የባለሙያ አማካሪዎችን በማግኘት፣
- በአገልግሎት ሰጪነት እና
- በአማካሪነት ድጋፍ ያግኙ።

የመስራት ስራ ፈጠራ ፕሮግራም አካል ይሁኑና ቢዝነስዎ እንዲያድግ አጠቃላይ ድጋፍን ያግኙ።
ፕሮግራማችን የባለሙያ ምክር ማግኘት፣ ጠቃሚ ግብአቶች እና ተመሳሳይ አስተሳሰብ ካላቸው ስራ ፈጣሪዎች ጋር ንቁ እድገትን ለማፋጠን የተነደፈ ነው።

#መስራት #ስራፈጠራ

#Ethiopia

ለ2017 የበጀት አመት ተጨማሪ በጀት በቅርቡ ይጸድቃል።

የዘንድሮ በጀት 1.8 ትሪሊየን ብር እንደሚሆን ይጠበቃል።

ይህ መጠን ባለፈው ሰኔ ወር ለ2017 በጀት አመት ከጸደቀው 971 ቢሊየን ብር አንጻር በእጥፍ የሚጨምር ነው፡፡

ሁሉን አቀፍ የኢኮኖሚ ማሻሻያ ትግበራ መጀመሩን ተከትሎ ከፍተኛ የሆነ የውጭ ድጋፍ ማግኘት የጀመረው መንግስት ለውጡን ተከትሎ ሊፈጠሩ የሚችሉትን ጫናዎችን ለመከላከል የተለያዩ እርምጃዎችን እንደሚወስድ ሲገልጽ ቆይቷል፡፡

ከነዚህም ውስጥ #ድጎማ እና #የደመወዝ_ጭማሪ የሚጠቀሱ ሲሆን በተጨማሪም ሌሎች ወጪዎች በአመቱ ሊኖሩ እንደሚችሉ ይጠበቃል፡፡

IMF ሰንድ ትንበያ ምን ያሳያል ?

- የመንግስት ወጪ ቀደም ሲል ከጸደቀው 971 ቢሊየን ብር በእጥፍ ሊጨምር ይችላል።

- ይህንን ወጪ ለመሸፈን ከአገር ውስጥ ገቢ 1.3 ትሪሊየን ብር (1.15 ትሪሊየን ብር ከታክስ) 214 ቢሊየን ብር ከውጭ የበጀት ድጋፍ በጥቅሉ 1.52 ትሪሊየን ብር የሚገኝ ይሆናል።

- ከውጭ ከሚገኘው 214 ቢሊየን ብር ብድር እና እርዳታ አምና (2016) ከተገኘው 43 ቢሊየን ብር አንፃር በአምስት እጥፍ (500 በመቶ) ጭማሪ ይኖረዋል።

- ከውጭ ከሚገኘው የበጀት ድጋፍ በተጨማሪም ደግሞ በእርዳታ ተቋማት አማካኝነት የሚፈሰው ሃብት ሲካተትበት በጠቅላላ ወደ 304 ቢሊየን ብር ይደርሳል።

- ወጪ ይደረጋል ተብሎ የሚጠበቀው 1.8 ትሪሊየን ብር ሲሆን የበጀት ጉድለቱ 270 ቢሊየን ብር ይሆናል።

- ከጠቅላላው የመንግስት ወጪ 1.24 ትሪሊየን ብር የመደበኛ ወጪ ይሆናል። ቀሪው 557 ቢሊየን ብር የካፒታል ወጪ ይሆናል፡፡

ሰኔ መጨረሻ ለ2017 በጀት አመት ፀድቆ ከነበረው 971 ቢሊየን ብር በጀት ውስጥ 358.5 ቢሊየን ብር ወይም ከጠቅላላው በጀት 37 በመቶ የሚሆነው የበጀት ጉድለት ነበር፡፡

ሆኖም በIMF ትንበያ ወጪ ይደረጋል ከተባለው 1.8 ትሪሊየን ብር ውስጥ የበጀት ጉድለቱ ከወር በፊት ተቀምጦ ከነበረው መጠን የሚያንስ ነው፡፡

መረጃው የካፒታል ጋዜጣ ነው።

#Capitalnewspaper #Ethiopia #IMF

@tikvahethiopia

#የሐሳብ_መድረክ

IMF ዓለማው ምንድነው ? ቢሊዮን ዶላሮች ደግፎ / አበድሮ ምን ይጠቀማል ?

(በኢኮኖሚ ባለሙያው ዋሲሁን በላይ)

የዓለም አቀፉ የገንዘብ ድርጅት (IMF) ፥ 190 አባል ሀገራት ያሉት የጋራ ድርጅት ነው። ትልልቅ ሼር ያላቸው ሀገራት አሉ። የድርጅቱ ገንዘብ በነዚህ ሼር ካላቸው ሀገራት የሚገኝ ነው።
- አሜሪካ 17.43%
- ጃፓን 6.47%
- ቻይና 6.4%
- ጀርመን 5.59%
- ፈረንሳይ 4.23%
- እንግሊዝ 4.23% ...አላቸው። ሌሎችም ሁሉም ገንዘብ አላቸው በድርጅቱ።

ኢትዮጵያም የIMF አባል ናት።

IMF የተቋቋመው በዓለም ላይ የተረጋጋ የፋይናንስ ስርዓትን ለመገንባት ነው። ለዚህም ቴክኒካል እና ፋይናንሻል ድጋፍ ለማድረግ ነው የተመሰረተው።

በዚህ ምክንያት በየሀገሩ ሪፎርም እያዘጋጀ ይቀርባል ' ይሄን ይሄን አድርጉ ' እያለ ወይም የቀረበለትን እየገመገመ ' ይሄን አድርጉ ይህ እንዲሆን ' ይላል። ትክክል ሲመስለው ያጸድቃል ካልሆነ ውድቅ ያደርጋል።

ኢትዮጵያም ወደ IMF የሪፎርም አጀንዳ ሰንድ ይዛ ቀርባለች። 3 ዓመታት ያህል ሰነዱን ሲገመግም ቆይቶ አሁን አጽድቋል። ሲያጸድቅ ግን የራሱንም መስፈርቶች አስቀምጦ ነው ወደ ተግባር የገባው።

የIMF ስም ከ ' floating exchange rate ' ጋር የሚነሳውም ለዚህ ነው።

እውነት ግን IMF ለሀገራት ስለሚያስብ ነው ? ወይስ በእጅ አዙር ሌላ አላማ አለው ? ይህ ነው ትልቁ መከራረከሪያ ነጥብ።

ይህ መከራከሪያ ጉዳይ ዓለም አቀፋዊ ነው።

IMF ስለ እራሱ የሚለው ምንድነው ? ስራዎቹን በመልካም ጎኑ የሚያዩት አካላት የሚሉት ምንድነው ?

- ዓለም ላይ ባሉ ሀገራት ተወዳዳሪነት ያለበት የኢኮኖሚ ስርዓት እፈልጋለሁ።
- ጤነኛ የንግድ ስርዓት እንዲኖር እፈልጋለሁ።
- ጤነኛ ኢንቨስትመንት እንዲኖር እፈልጋለሁ።
- የዓለም ኢንቨስትመንት ያለምንም እንቅፋት እንዲንቀሳቀስ ነው የምፈልገው።
- ገንዘብ በመላው ዓለም በቀላሉ እንዲንቀሳቀስ እፈልጋለሁ። ... ይላል።

በዚህም ፤ " ምቹ ኢንቨስትመንት እና ንግድ ያለበትን ሀገር መፍጠር ነው የምፈልገው በየሀገራችሁ ይህን ፈጥርላችኋለሁ " ነው የሚለው።

ስለዚህ መንግሥት ፦
☑ ቁጥጥር ይቀንስ
☑ የገበያው ቁጥጥር ይቀንስ
☑ ጣልቃ እየገባ መቆጣጠሩን ያቁም
☑ የግል ሴክተሩን መቆጣጠር ያቁም
☑ ኢምፖርት ላይ የሚወጣው ትዕዛዝ እና ቁጥጥር ይቀንስ
☑ ኤክስፖርት ላይ ያለ ቁጥጥር ይቀንስ
☑ ታሪፍ፣ ኮታ አጠቃላይ ቁጥጥር ስርዓት ይቀንስ
☑ አሳሪ ህጎችን አላሉ
☑ ንግድን ፣ ኢንቨስትመንትን የማያበረታታ ህጎችን አላሉ
☑ ፉክክር የማያበረታት ህግ አላሉ
☑ ፕራቬታይዤሽን እንዲኖር አድርጉ
☑ መንግሥት ቁጥጥር ስር ያሉ ተቋማት ወደ ግል ይዙሩ
☑ ሊበራይዜሽን ይጠናከር / በሞኖፖል የተያዙትን ዘርፎች ክፍት አድርጉ (ለምሳሌ ፦ ቴሌ ሊሆን ይችላል)
☑ ማንም ከውጭ አይገባም የሚለውን ቀንሱ ፤ ፉክክር ይኑር
☑ የችርቻሮ ገበያ ይከፈት ፣ የውጭ ባለሃብቶች ይግቡ ፣ ይፎካከሩ
☑ ዋጋ መተመን ገበያ ውስጥ እየገባ እራሱ መሸጥ ሚናዎችን መቀነስ አለበት
☑ ገበያው ለገበያው ይሰጥ
☑ የዋጋ ንረት መቆጠር አለባችሁ
☑ የበጀት ጉድለት አስተካክሉ
☑ መልካም አስተዳደር እና ጠንካራ ኢኮኖሚ ተቋማት ይገንባ

IMF የጠበቀ የቁጥጥር ስርዓት ቀላል የሆነ የገንዘብ እንቅስቃሴ እንዳይኖር ስለሚያደርግ የኢኮኖሚ እድገት አይፈጥርም ባይ ነው።

ስለዚህ ለናተው ሲባል " በኢኮኖሚ እንድታድጉ፣ የተረጋጋ ኢኮኖሚ እንዲኖራችሁ " ነው ይህን ማድረግ ያለባችሁ የሚለው።

በኢኮኖሚ መርህ ተመሩና ሀገራችሁ እዲያድግ እፈልጋለሁ ነው የሚለው።

የሀገራት የእድገት አቅጣጫ እንዲስተካከል ይፈልጋል።

በዚህም ከድህነት የወጣ ሀገር ይመሰረታል ፣ ሁሌ የማይበደር ሀገር ይፈጠራል፣ ኢንቨስትመንት ጤነኛ የሆነበት፣ ምቹ ሀገር መፍጠር ይቻላል የሚል ሐሳብ አለው።

በመሆኑም የማክሮ ኢኮኖሚያ የመምራት አቅማችሁ ደካማ ከሆነ የምትመሩበትን ሁኔታ ይዤ መጣለሁ፣ የገንዘብ ፖሊሲው ጤነኛ ካልሆነ እኔ አግዛለሁ፦
• በቴክኒክ
• ፈንድ በማድረግ
• ብድር በመስጠት
• ብድር በማራዘም አግዛለሁ ይላል።

ስለዚህ " ራሳችሁን ችላችሁ ትቆማላችሁ ፣ ከመለመን ትወጣላችሁ ፣ ሁሌ አትበደሩም ፣ ዓለም አቀፍ እዳችሁ ይቀንስላችኋል፣ ለንግድ ለኢንቨስትመንት የምትመቹ ሀገር ትሆናላችሁ ያን ማድረግ ነው የምፈልገው ነው " የሚለው።

ሙስና እንዲቀንስ፣ ግልጸኝነትና ተጠያቂነት እንዲኖር ይፈልጋል።

IMF ይሄን ያደርጋል ብሎ የሚከራከሩለት አሉ።

IMF የሪፎርም ሰነዶቹን ለተለያዩ ሀገራት ነው የሚያቀርበው።

                                   ---

"IMF በእጅ አዙር ሌላ ዓላማ ነው ያለው" የሚሉ አካላት ምን ይላሉ ?

➡ IMF ያደጉ ሀገራት ያሉበት ሼር ነው። ስለዚህ ያደጉ ሀገራት ድሃ ሀገራት ላይ ፍላጎታቸውን መጫን ይፈልጋሉ።

➡ ብዙ ብድር በመስጠት የሚፈልጓትን ሀገር ተቆጣጥረው መያዝ ይፈልጋሉ።

➡ እዳ ውስጥ እንድትቆይ በማድረግ መያዝ። በብድር ሰብሰብ መያዝ።

➡ ብድር እና ድጋፍ እንደ ፖለቲካ መሳሪያ አድርጎ መጠቀም ይፈልጋል።

➡ በየሀገሩ እየሄደ " ልርዳችሁ " የሚለው በብድር ሰበብ ረጅም አመት በእዳ መያዝ ይፈልጋል።

➡ ለአንድ ሀገር ብዙ ብድር ያውም ከእፎታ ዘመን ጋር ፣ ከዛም ምንም ወለድ የሌለበት ብድር ሲሰጥ ረጅም ዓመት ሀገሪቱ በእዳ ውስጥ እንድትቆይና በዛ ሀገር የፈለገውን ነገር ለመጫን እድል እንዲሰጠው ነው።

➡ በእዳ የሚይዘው ያደጉት ሀገራት የድሃ ሀገራትን ማዕድን፣ ገበያውን ለምዕራባውያን መስጠት ስለሚፈልግ ነው።

➡ ፊት ለፊት ከሚያደርጉት ስምምነት በተጨማሪ ከጀርባ የሚያደርጉት ስምምነት አለ። ያደጉ ሀገራት ድርጅቶቻቸው ያላደጉ ሀገራት ሄደው፦
° ማዕድን እንዲያገኙ
° ገበያ በቀላሉ እንዲያገኙ እድል እና ጫና የመፍጠር አዝማሚያ አለው።

➡ እዳ ውስጥ የተዘፈቀ ሀገር በፖለቲካ በኩል የሚመጣለትን ፦
° ተጽኖ
° ጫና
° መከራከሪያ ሁሉ እንዲቀበል የማድረግ መሳሪያ ነው። አንዳንድ ሀገራት ግጭት ውስጥ ሲገቡ (ህልውናቸውን ለማስጠበቅም ቢሆን እንኳ)፣ ሰላምና መረጋጋት ሲርቃቸው እርዳታ እና ብድር ይይዛል። አይሰጣቸውም።

➡ ዓላማው እድገት ብቻ አይደለም።

➡ ተመሳሳይ ሪፎርም ለበርካታ ሀገራት ይሰጣል። ይህ የሀገራቱን ሁኔታ ያላገናዘበ ነው። ለግብጽም፣ ለናይጄሪያም፣ ለኢትዮጵያም የሚመክረው ተመሳሳይ ነው። ብዙ ድሃ ላለበት ሀገር እና ትንሽ ድሃ ላለበት ሀገር ተመሳሳይ ምክር ይሰጣል።

ምሳሌ ፦ ድጎማ #እንዲቀንስ_ያበረታታል። በደካማ ኢኮኖሚ ያለው ሀገር ሳይቀር መንግስት ከድጎማ ወጥቶ ገበያው በራሱ እንዲንቀሳቀስ ይመክራል። ይሄ ደግሞ በርካታ ሰዎች ከኢኮኖሚ ተጠቃሚነት ውጭ ይሆናሉ።

➡ ነጻ ገበያ እያለ ያውጃል ግን ያላደጉ ሀገራት እሱን ሲሞክሩ ብዙ የኢኮኖሚ ችግር ውስጥ የሚገቡ ማህበረሰቦች ይፈጠራሉ።

➡ የሀገር ውስጥ አምራቾችን ለመጠበቅ እንኳን መንገድ እንዳይኖር ልቀቁት ይላል። በዚህም ትንንሽ አማራቾች ከውጭ በሚመጣ ምርት እና አምራች ጋር መፎካከር አቅቷቸው ከንግድ ውጭ ይሆናሉ።

➡ ምክሮቹ ድህነትን የሚያበረታቱ የመሆን እድል አላቸው።

በሚል የሚከራከሩ አሉ።

IMF ግን አንዳንድ ሪፎርሞች ሁሉ ወዲያው ለውጥ እንደማያመጡ በማመን የራሱ መከራከሪያዎች አሉት።

ያንብቡ: https://telegra.ph/Tikvah-Ethiopia-08-04

@tikvahethiopia

#Ethiopia

ከኦሎምፒክ ውድድር ጋር በተያያዘ ገና ከጅምሩ አንስቶ ጭቅጭቅ ፣ ቅሬታ ፣ ንትርክ ፣ በሚዲያ በኩል የኃይል ምልልስ የነበረበት ነው።

የስፖርት ቤተሰቡ ሆነ ዜጋው የነበረውን ነገር በአንክሮ ሲከታተል ነበር።

" እስቲ እዛው ፓሪስ ላይ ሲደርሱ ነገሮችን ጸጥ ይላሉ፣ ለሀገር ክብር ሲሉ ሁሉም በስምምነት ያለ ጭቅጭቅና ቅሬታ ይሰራሉ " ቢባልም ዛሬም ድረስ ቅሬታዎች እንደ ጉድ እየተሰሙ ነው።

ኢትዮጵያ ስሟ በገነነበት በዚህ ስፖርት ዘርፍ እንዲሁም ከ100 ሚሊዮን በላይ ህዝብንና ባንዲራን ወክሎ ሄዶ በአንድነት አለመስራት፣ ቅሬታዎችና ስሞታዎች መብዛት እጅግ አሳዛኝ ነው።

ሀገርም ህዝብም መዋረድ የለበትም ፤ እውነት ለህዝብ ከሆነ የሚሰራው ህዝቡን አክብሩት።

በዚህ ጭቅጭቅ እና የሚዲያ ንትርክ ውጤት ቢጠፋ ማነው የሚጠየቀው ? ሁሌ ውድድር በመጣ ቁጥር ጭቅጭቅ እና ቅሬታ መስማት አያሳፍርም ? እውነት ለሀገር ነው የሚሰራው ?

አሁንም ገና ውድድሩ ብዙ ይቀረዋልና ህዝብን አክብሮ ለአንዲት ሀገር ሲባል በጋራ መስራት ይገባል። ሀገሪቱን እና ባንዲራውን አክብሩና አስከብሩ።

ችግር ከተፈጠረና ውጤትም ከጠፋ በኃላ የሚቀርብ ይቅርታ ምንም ተቀባይነት አይኖረውም።

የኦሎምፒክ መረጃዎችን በቲክቫህ ስፖርት ይከታተሉ - https://t.iss.one/+VvwzStMNcNHmhK0x

#Ethiopia

@tikvahethiopia

#DStvEthiopia

ሁሉንም ታላላቅ ሊጎች ለሁላችንም በታላቅ ቅናሽ ከዲኤስቲቪ !

ዛሬውኑ የዲኤስቲቪ ዲኮደርዎን ከ800 ብር ቅናሽ ጋር በመግዛት የእንግሊዝ ፕሪሚየር ሊግ ፣ ቻምፒዮንስ ሊግ ፣ ላሊጋ ፣ ሴሪ አን ጨምሮ የሚወዱትን ክለብ በሚመርጡት ፓኬጅ ላይ እንደየምርጫዎ በዲኤስቲቪ ይዝናኑ!

ሁሉንም ታላላቅ ሊጎች፣ ሁሉንም የቡድን ወኔ፣ ሁሉንም ትንታኔዎች ... ሁሉም በዲኤስቲቪ!

ዲኤስቲቪ ያስገቡ ፣ ደንበኝነትዎን ያራዝሙ!
👇
https://bit.ly/3RFtEvh

#DStvEthiopia
#ሁሉምያለውእኛጋርነው

#DireDawa : ዶክተር ጌታቸው ጫካቤኛ ከዚህ ዓለም በሞት ተለዩ።

ዶ/ር ጌታቸው ጫካቤኛ በድሬዳዋ የመጀመሪያው የህጻናት ህክምና ስፔሻሊስት ሐኪም ነበሩ።

ከአርባ ዓመታት በላይ በድሬዳዋ ድልጮራ ሪፈራል ሆስፒታል በህጻናት ህክምና ስፔሻሊስትነት ፣ በህክምና ዘርፍ በተለያዩ የኃላፊነት ቦታዎች ላይ ተመድበው ወገናቸውን አገልግለዋል።

በስራ ልምዳቸውም በርካቶችን አብቅተዋል።

ድሬዳዋ " ባለውለታዬን አጣኋቸው " ብላለች።

ከንቲባ ከድር ጁሀር  " ለረጅም ዓመታት በከተማው የህፃናት አለኝታ በመሆን ጡረታ እስኪወጡ የድሬዳዋን ህዝብ በፍቅር ነው ያገለገሉት " ሲሉ በህልፈታቸው የተሰማቸውን ሀዘን ገልጸዋል።

በዶ/ር ጌታቸው የህክምና ጥበብ ከህመማቸው የተፈወሱ በርካታ ህፃናት እና ወላጆች እንደሆኑ ገልጸው ሀዘኑ የመላው ከተማ እንደሆነ በመግለጽ መጽናናትን ተመኝተዋል።

#DireDawa #ድሬ

@tikvahethiopia