ፎቶ፦ የአርባ ምንጭ ከተማ ፖሊስ በህገወጥ መንገድ የተጫነ 41 በርሜል ቤንዚን በቁጥጥር ስር መዋሉን ገልጿል።

ፖሊስ እንዳለው ፤ መጋቢት 24/ 2015 ዓ/ም ምሽት 1:00 ሰዓት ገደማ ነጭ ሳር ቀበሌ ውስጥ የሰሌዳ ቁጥር ኮድ 3 -35295 አ.አ የሆነ ኤፍኤስአር መኪና 41 በርሜል ቤንዚን በህገወጥ መንገድ ጭኖ በህብረተሰቡ ጥቆማ ሊያዝ ችሏል።

Credit : Arbaminch Communication

@tikvahethiopia

" ሚዲያ የምናፍንበት ፤ ኢንተርኔት የምንዘጋበት ዘመን ድሮ አልፏል፤ ኬንያ ብዙ ርቀት ተጉዛለች " - ፕሬዝዳንት ዶ/ር ዊሊያም ሩቶ

በኬንያ የኑሮ ውድነት መባባስን እንዲሁም የምርጫ ኮሚሽን በአዲስ መልክ የማዋቀር ሂደትን ተከትሎ በኬንያ ባለፉት ሳምንታት ተቃውሞ መነሳቱ ይታወሳል።

በዚህም የተቃዋሚ ፓርቲው መሪ ራይላ ኦዲንጋ በሳምንት ሁለት ቀን ሰኞ እና ሐሙስ በመላው አገሪቱ የተቃውሞ ሰልፍ እንዲደረግ ጥሪ አስተላልፈው ነበር።

ዛሬ ይካሄዳል ተብሎ የነበረው የተቃውሞ ሰልፍ መራዘሙ ተገልጿል።

ፕሬዚዳንት ዶ/ር ዊሊያም ሩቶ ይደረጋል የተባለው ተቃውሞው እንዲቀርና ለውይይት በር እንዲከፈት ከጠየቁ በኋላ የተቃዋሚ መሪው ኦዲንጋ በሰጡት መግለጫ ፥ " ተቃውሞውን የሰረዝነው የፕሬዝዳንቱን ጥሪ ተከትሎ ‘ለንግግር ቦታ እንስጥ’ በሚል ነው " ብለዋል።

የሀገሪቱ የሚዲያ ማኅበራት ጥምረት ምን አለ ?

ከ17 የሚዲያ ማኅበራት የተወጣጣው የሚዲያ ማኅበራት ጥምረት ቀደም ብሎ ዛሬ ይደረጋል ተብሎ የታቀደውን ተቃውሞ ተከትሎ ሚዲያዎችን የመዝጋትና ኢንተርኔትን የማቋረጥ እቅድ መኖሩን ገልጾ ነበር።

የኬንያ አርታኢዎች ማህበር ፕሬዝዳንት ቸርችል ኦቲኖ ፖሊስ ሰልፉን በሚዘግቡ ጋዜጠኞች ላይ ጥቃት ካደረሰ እና መሳሪያዎቻቸውን ካወደመ በሚመጣው ረቡዕ ሰላማዊ ሰልፍ እንደሚያደርጉ ገልጿል።

አክሎም ሁሉም ተዋናዮች ጋዜጠኞች ላይ የሚያደርሱትን ጥቃት እንዲያቆሙ ጠይቀዋል።

ባለፈው ሐሙስ በነበረ ተቃውሞ ወደ 20 የሚሆኑ ጥቃቶች ሪፖርት መደረጋቸውን ያስታወቀው ጥምረቱ ገለልተኛ ምርመራ እንዲካሄድ ጠይቋል።

በሂደቱ ላይ መግለጫ እንዲሰጥ የ7 ቀን ቀነ ቀጠሮ አስቀምጧል።

ጉዳት የደረሰባቸው የሚዲያ ተቀማትና ጋዜጠኞች የህክምና ወጪያቸው እንዲሸፈን፤ ካሳ እንዲከፈላቸው ጥምረቱ መንግስትን ጠይቋል።

ከዚህም በተጨማሪ ሚዲያዎች ጋዜጠኞችን ከማሰማራታቸው በፊት ግልጽ የደህንነት እና የጥበቃ ፕሮቶኮሎች መኖራቸውን እንዲያረጋግጡ ጠይቋል።

ፕሬዝዳንት ዶ/ር ዊሊያም ሩቶ ትላንት በነበራቸው መግለጫ ከሚዲያ ጋር ተያይዞ ምን አሉ?

የኬንያ ፕሬዝዳንት ዶ/ር ዊሊያም ሩቶ በምሽቱ መግለጫቸው መንግስታቸው ሚዲያዎችን እንደማይዘጋና #የሚዲያ_ነጻነትን እንደሚያከብር ተናግረዋል።

" ሚዲያ የምናፍንበት ኢንተርኔት የምንዘጋበት ዘመን ድሮ አልፏል፤ ኬንያ ብዙ ርቀት ተጉዛለች። ተግባሩን እንዲፈጽም የሚዲያ ነጻነትን እናከብራለን፤ ምንም በኛ ላይ የተዛባ ምልከታ ቢኖራችሁም የእኛ ፍጹም ድጋፍ አላችሁ። እናንተ ግን እኔ በቆምኩበት ቦታ ብትቆሙ ሚዲያዎችን ትዘጉ ነበር፤ ይህ ግን አይሆንም " ብለዋል።

Credit : The Standard

More 👉 @tikvahethmagazine

#ድሬ

የድሬዳዋ ፖሊስ ፤ በአሽከርካሪነት ተመድቦ ከሚሰራበት ድርጅት እንዲያሽከረክር የተሠጠውን መኪና ሰርቆ በ290 ሺህ ብር የሸጠው ተጠርጣሪ ግለሰብን በቁጥጥር ስር ማዋሉን ገለፀ።

ተጠርጣሪው ግለሰብ CCECC በተሰኘ የመንገድ ስራ ድርጅት ተቀጥሮ በማገልገል ላይ ነበር።

የካቲት 29 ቀን 2015 ዓ.ም ከምሽቱ ሶስት ሠዓት ላይ የድርጅቱን የስራ ኃላፊዎች ወደቤታቸው ካስገባቸው በኋላ ያለማንም ፍቃድ ተሸከርካሪውን ከሌሎች ግብረ አበሮቹ ጋር በመሆን ወደ አዲስ አበባ በመውሰድ 4 ሚሊዮን ብር የሚገመተውን ተሸከርካሪ ለአንድ ግለሰብ በ290 (ሁለት መቶ ዘጠና ሺ) ብር ሽጧጣ።

የወንጀል ድርጊቱ ከተፈፀመ ከሁለት ቀን በኋላ ከድርጅቱ መኪና እንደጠፋ ሪፖርት የደረሰው ፖሊስ ከተጠርጣሪው አድራሻ በመነሳት ባደረገው ክትትል ተሽከርካሪውን በሌላ ሰው እጅ በአዳማ ከተማ ሲሽከረከር በቁጥጥር ስር ሊያውለው መቻሉ አሳውቋል።

በአሁኑ ወቅት ተሽከርካሪውን ሰርቆ የሸጠውን አሽከርካሪ እና የገዛውን ግለሰብ ጨምሮ 5 ተጠርጣሪዎችን በቁጥጥር ስር በማዋል ምርመራ እያጣራ መሆኑን ድሬ ፖሊስ ገልጿል።

የድሬ ፖሊስ መንግስታዊም ሆነ መንግስታዊ ያልሆኑ ድርጅቶች ለንብረታቸው ተገቢውን ክትትል ማድረግ እንዳለባቸው መልእክት አስተለልፏል።

#ድሬፖሊስ

@tikvahethiopia

#DigitalLottery

9ኛው የአድማስ ዲጂታል ሎተሪ ዛሬ በብሄራዊ ሎተሪ የዕጣ ማውጫ አዳራሽ በህዝብ ፊት ወጥቷል።

3 ሚሊዮን ብር ባለዕድለኛ የሚያደርገው የዕጣ ቁጥር 0091844739 ሆኖ ወጥቷል።

👉 3 ሚሊዮን ብር ➤ 0091844739
👉 1.2 ሚሊዮን ብር ➤ 0090540530
👉 800 ሺህ ብር ➤ 0092021699
👉 400 ሺህ ብር ➤ 0090412316
👉 250 ሺህ ብር ➤ 0092260801
👉 150 ሺህ ብር ➤ 0090567816
👉 100 ሺህ ብር ➤ 0091588711

(ተጨማሪ የዕጣ ቁጥሮች እንደደረሰን እንልክላችኃለን።

@tikvahethiopia

#ETHIOPIA

የነዳጅ ዋጋ ባለበት ይቀጥላል !

" የነዳጅ ምርቶች የችርቻሮ ዋጋ እስከ ሚያዚያ 30 ቀን 2015 ድረስ ባለበት ይቀጥላል " - የንግድ እና ቀጠናዊ ትስስር ሚኒስቴር

የነዳጅ ምርቶች የችርቻሮ ዋጋ እስከ ሚያዚያ 30 ቀን 2015 ዓ.ም ድረስ በመጋቢት ወር ሲሸጥበት በነበረው ዋጋ እንዲቀጥል መወሰኑን የንግድና ቀጠናዊ ትስስር ሚኒስቴር አሳውቋል።

እስከ ሚያዚያ 30 ቀን 2015 ዓ.ም ድረስ የሁሉም የነዳጅ ምርቶች የችርቻሮ የመሸጫ ዋጋ በመጋቢት ወር ሲሸጥበት በነበረው ዋጋ ይቀጥላል።

ምንጭ፦ የንግድና ቀጠናዊ ትስስር ሚኒስቴር

@tikvahethiopia

#ETHIOPIA

በነገው ዕለት የአንድ የፓርላማ አባል ያለመከሰስ መብት ይነሳል።

የኢፌዴሪ የሕዝብ ተወካዮች ምክር ቤት ነገ 13ኛ መደበኛ ጉባዔውን ያካሄዳል፡፡

ም/ቤቱ ነገ በሚያካሄደው 13ኛ መደበኛ ጉባዔው የአንድ የምክር ቤት አባል ያለመከሰስ መብትን እንደሚያነሳ አሳውቋል።

እኚህ ነገ ያለ መከሰስ መብታቸው የሚገፈፈው የፓርላማ አባል ስማቸው እንዲሁም ለምን ያለመከሰስ መብታቸው እንደሚነሳ በይፋ የተነገረ ነገር የለም።

በሌላ በኩል ም/ቤቱ በዕጩነት የሚቀርቡ የፌዴራል ከፍተኛ ፍ/ቤት ኘሬዚዳንት እና ምክትል ኘሬዚዳንት ሹመትን መርምሮ ያፀድቃል ተብሎ ይጠበቃል፡፡

የፌደራል ከፍተኛ ፍ/ቤት ፕሬዝዳንት የሆኑት አቶ ብርሃነ መስቀል ዋጋሪ በገዛ ፍቃዳቸው ከስራ መልቀቃቸው ተሰምቷል።

ምክትል ፕሬዜዳንቷ ወይዘሮ ተናኘ ጥላሁን በበኩላቸው በጤና እክል ምክንያት ለህክምና ወደ ውጭ ሀገር ለመጓዝ በሂደት ላይ ስለመሆናቸው ለኢትዮጵያ ኢንሳይደር ድረገፅ በሰጡት ቃል ገልጸዋል።

ከወራት በፊት በተመሳሳይ የፌደራል ጠቅላይ ፍ/ቤት ፕሬዜደንት ወ/ሮ መዓዛ አሸናፊ እና ምክትል ፕሬዝዳንት አቶ ሰለሞን አረዳ በገዛ ፍቃዳቸው ከኃላፊነት መልቀቃቸው የሚዘነጋ አይደለም።

@tikvahethiopia

ኢትዮጵያዊው የቁርዓን ንባብ ውድድር አሸንፏል ?

ሳዑዲ አረቢያ ውስጥ የቁርዓን ንባብ እና የአዛን ውድድር እየተካሄደ ይገኛል።

በዚህ ውድድር ላይ ኢትዮጵያዊው ሙሐመድ ኑር ተሳታፊ ነው።

ዛሬ ማምሻውን አንስቶ ምንጩ ከየት እንደሆነ ያልታወቀ መረጃ በስፋት ተሰራጭቷል ይኸውም " መሐመድ ኑር ውድድሩን በማሸነፍ የ800,000 ዶላር አሸናፊ ሆኗል " የሚል ነው።

ይህን ምንጩ በትክክል ያልታወቀ መረጃ በስፋት ካሰራጩት መካከል ኢትዮጵያ ውስጥ ያለ አንድ የቴሌቪዥን ጣቢያ የማህበራዊ ትስስር ገፅም ይገኝበታል።

ከምሽት ጀምሮ የተሰራጨውን መረጃ በመተለከተ የሀሩን ሚዲያው አብዱራሂም አህመድ " ውድድሩ ገና አልተጠናቀቀም ! " ብለዋል።

" ወንድማችን ሙሐመድ ኑር ወደ ቀጣዩ ዙር ወደ ተመረጡት 16 ተወዳዳሪዎች አልፏል እንጂ ገና አንደኛ አልወጣም " ሲሉ አክለዋል።

" ለወንድማችን ሙሐመድ ኑር መልካም እድል እንመኝለታለን "ም ብለዋል።

በሳዑዲ መዝናኛ ሚኒስቴር የሚዘጋጀውን ውድድር ለመከታተል የምትፈልጉ የአዘጋጁ OtrElkalam የዩቲዩብ ቻናሉ https://youtube.com/@OtrElkalam

የውድድሩ አዘጋጅ መረጃ ለመከታተል የቲዊተር አካውንቱ https://twitter.com/otrelkalam?s=21&t=uFFM6cqH6cX8V_cWl-Un8w

ከዚህ በተጨማሪ ፦ የሳውዲ ጋዜጣ (Saudi Gazette) ሙሐመድን ኑርን በተመለከተ የሰራውን ዘገባ በዚህ አንብቡ : https://saudigazette.com.sa/article/631263

@tikvahethiopia

#NewsAlert

ወ/ሮ ሌሊሴ ደሳለኝ የፌዴራል ከፍተኛ ፍርድ ቤት ፕሬዜዳንት ሆነው ተሾሙ።

ጠቅላይ ሚኒስትር ዶ/ር ዐቢይ አህመድ ለፌዴራል ከፍተኛ ፍርድ ቤት ፕሬዜዳንትነት በእጩነት ያቀረቧቸው ወ/ሮ ሌሊሴ ደሳለኝ ሹመታቸው ፀድቋል።

የህ/ተ/ም/ቤት የፌዴራል ከፍተኛ ፍርድ ቤት ሹመትን በሁለት ድምፀ ተአቅቦ በአብላጫ ድምፅ ነው ያፀደቀው።

@tikvahethiopia