#ከቀረጥ_ነፃ

የገንዘብ ሚኒስቴር በማምረቻ ኢንዱስትሪ፣ በግብርና ፣ በሎጀስቲክስ፣ በኮንስትራክሽን፣ የባለኮከብ ሆቴሎች ኢንቨስትምንትን ጨምሮ ለልማት ፕሮጀክቶች የሚውሉ ተሽከርካሪዎች ከቀረጥ ነፃ እንዲገቡ መፍቀዱን ሪፖርተር ጋዜጣ አስነብቧል።

በገንዘብ ሚኒስቴር የተዘጋጀው አዲስ መመሪያ " ለልማት ፕሮጀክቶች ከቀረጥ ነፃ ወደ አገር የሚገቡ ተሽከርካሪዎችን ለመወሰን የወጣ መመሪያ " የሚል ስያሜ የተሰጠው ነው ተብሏል።

ይህም የደረቅ፣ የፍሳሽ ወይም ማቀዝቀዣ የተገጠመለት የጭነት መኪናን ወይም ለተለየ አገልግሎት ተብለው የሚዘጋጁ አውቶብስን፣ ሚኒባስን፣ ሚዲባስን፣ ሽፍን የዕቃ ማጓጓዣ ተሽከርካሪንና የሞተር ብስክሌቶችን ይጨምራል፡፡

መመሪያው የማበረታቻው ተጠቃሚ የኢንቨስትመንት መስኮች ብሎ ከለያቸው ውስጥ ፦

- በማምረቻ ኢንዱስትሪ፣
- የኢንዱስትሪ ፓርክ ልማት፣
- በግብርና
- በሎጀስቲክስ
- በኮንስትራክሽን ሥራ ተቋራጭነት፣
- ባለ ኮከብ ሆቴሎች (የሪዞርት ሆቴሎችን ጨምሮ)
- በባቡር መሠረተ ልማት
- ሞቴሎች
- ሬስቶራንቶችና ሎጆች የተሰማሩ ባላሀብቶች ይገኙበታል፡፡

በተጨማሪም ፦

- በመረጃና መገናኛ ቴክኖሎጂ ልማት፣
- በአስጎብኝ ሥራ
- በኤክትሪክ ኃይል ማመንጫ፣ ማስተላለፊያና ማሠራጫ፣
- በትምህርትና ሥልጠና፣
- የጤና አገልግሎት የኢንቨስትመንት መስኮች የተሰማሩ ባለሀብቶች ተሽርካሪዎችን ከቀረጥ ነፃ እንዲያስገቡ ይፈቅዳል።

የአርክቴክቸርና ኢንጂነሪንግ ሥራዎች የቴክኒክ ምርመራና ትንተና አገልግሎትና ንግድ የሥራ መስኮች አዳዲስ ፕሮጀክቶችን የሚያቋቋሙ ወይም ነባር ደርጅታቸውን የሚያስፋፉ ባለሀብቶችም የዕድሉ ተጠቃሚ እንደሚሆኑ ታውቋል፡፡

ያንብቡ : https://telegra.ph/Reporter-01-29

Credit : Ethiopian Reporter

@tikvahethiopia

#ETHIOPIA #GERD

" አሁን ላይ በተገኘው አንፃራዊ ሰላም የኮንቮይ ጉዞ ያለምንም ችግር #በአንድ_ቀን መድረስ ችሏል " - ኢ/ር በላቸው ካሳ

የኢትዮጵያ ታላቁ ህዳሴ ግድብ ግንባታ እየተካሄደ በሚገኝበት ቀጠና በተገኘው ሰላም የግድቡ ግንባታ እየተፋጠነ መሆኑ ተገልጿል።

የግድቡ ምክትል ስራ አስኪያጅ የሆኑት ኢንጂነር በላቸው ካሳ ፤ " በቀጠናው የተገኘው አስተማማኝ ሰላም የግድቡን የግንባታ ሂደት #እያፋጠነው ይገኛል " ሲሉ አሳውቀዋል።

" የፀጥታው ጉዳይ ለግድቡ ግንባታ መሠረታዊ ፍላጎት መሆኑን በመገንዘብ #የሀገር_መከላከያ_ሰራዊት ከሌሎች የፀጥታ ሃይሎች ጋር ተቀናጅቶ ተልዕኮውን በጀግንነት በመፈፀም በቀጠናው የከፈለው መስዋዕትነት የኢትዮጵያን ህዝብና መንግስት ያኮራ በታሪክ የሚኖር ነው  " ብለዋል።

ኢ/ር በላቸው፤ በቀጠናው በነበረው የሰላም ችግር ምክንያት ወደ ግድቡ የሚመላለሱ ተሽከርካሪዎች ከሁለትና ከሶስት ቀን በላይ በመቆም መስተጓጎል ይፈጥር እንደነበር አስታውሰው አሁን ላይ የኮንቮይ ጉዞ በተገኘው አንፃራዊ ሰላም ያለምንም ችግር #በአንድ_ቀን መድረስ መቻሉን አስረድተዋል።

የግድቡን ግንባታ ዳር ለማድረስ ሌት ተቀን ሃያ አራት ሰዓት ያለ ዕረፍት የሚተጉ የግንባታዉ ሰራተኞች የአካባቢውን የሙቀት ሁኔታ ተቋቁመው ታሪካዊ ሃላፊነታቸውን በደማቅ ሞራል እየተወጡ እንደሚገኙ አረጋግጠዋል።

በስፍራው ከሚገኙ የሀገር መከላከያ አባላት የቀጠናውን ዘላቂ ሰላም በአስተማማኝ የዝግጁነት ደረጃ በማረጋገጥ ሰራዊቱ የተሰጠውን ግዳጅ በሞራል እየተወጣ እነደሆነ ተናግረዋል።

ሰራዊቱ የሀገሪቱን ሰላም የማይፈልጉ ፀረሠላም የሆኑ ኃይሎችን ፍላጎት በማምከን የግድቡን የፍፃሜ ትንሳኤ ለማብሰር ደከመኝ ሳይል ሀገራዊ ተልዕኮዉን እየተወጣ ነው ብለዋል።

#FDREDefenseForce

@tikvahethiopia

#MoE

የትምህርት ሚኒስቴር የምርምርና ስነ ምግባር ስራ ክፍል የምርምር ስነ ምግባር ግምገማን የተቀላጠፈ እና በቴክኖሎጂ የተደገፈ ለማድረግ ያስችላል ያለድን ድረ-ገፅ አዘጋጅቶ ወደ ስራ ማስገባቱን በዛሬው ዕለት አሳውቋቃ።

ድረ-ገፁ ተመራማሪው ስራዎቹን ለማመልከት እንዲሁም ገምጋሚው ዶክመንቶቹን አይቶ ምላሽ ለመስጠት የሚያስችል መሆኑ ተመላክቷታ።

የሚሰሩ የምርምር ስነ ምግባር ስራዎችን በተመለከተ ተገልጋዮች ባሉበት ቦታ ሆነው “NRERB Research Ethics Review Portal በመጠቀም በኦላይን : https://nrerb.ethernet.edu.et ላይ አገልግሎቱን በቀላሉ ማግኘት የሚችሉ መሆኑን የትምህርት ሚኒስቴር ገልጿል።

#ትምህርት_ሚኒስቴር

@tikvahethiopia

" ኮርፖሬሽኑን ለእዳ የዳረጉ የስራ ኃላፊዎች እና ባለሙያዎች የሕግ እርምጃ ይወሰድባቸው " - የሕ/ተ/ም/ቤት የመንግሥት ወጪ አስተዳደርና ቁጥጥር ጉዳዮች ቋሚ ኮሚቴ

የሕዝብ ተወካዮች ምክር ቤት የመንግሥት ወጪ አስተዳደርና ቁጥጥር ጉዳዮች ቋሚ ኮሚቴ ፤ የኢትዮጵያ ኮንስትራክሽን ስራዎች ኮርፖሬሽን በቀጣዮቹ 3 ወራት #የአዳማ_አዋሽ መንገድ ጥገና የውል ስምምነት ላይ አስቸኳይ እልባት እንዲሰጥ አሳሰበ።

ቋሚ ኮሚቴው " ያልተገባ ውል ባለው " ስምምነት ኮርፖሬሽኑን ለእዳ የዳረጉ የስራ ኃላፊዎች እና ባለሙያዎች የሕግ እርምጃ እንዲወሰድባቸው ጠይቋል።

ቋሚ ኮሚቴው ይህ የጠየቀው የኮርፖሬሽኑን የ2013 እና 2014 ዓ.ም የክዋኔ ኦዲት ሪፖርት ላይ በተወያየበት ወቅት ነው።

ኮርፖሬሽኑ ከደንበኞች በውል የተረከባቸውን ፕሮጀክቶች ውል በተገባበት ጊዜ ገደብ የማይፈጸሙ መሆናቸው ተመላክቷል።

በአዋጅ ወደ ሌሎች የመንግስት ተቋማት እንዲተላለፉ የተወሰኑ ሃብቶች ግምትና ዕዳ ያልተገመተና በውሳኔው መሰረት ርክክብ እንዳልተደረገ ተገልጿል።

ኮርፖሬሽኑ ኮንትራት ወስዶ ለሰራቸው ስራዎቹ በአጠቃላይ ከ1 ቢሊዮን ብር በላይ አለመሰብሰቡም ተጠቁሟል።

በኮርፖሬሽኑ ፕሮጀክቶች በተያዘላቸው ጊዜ ግንባታቸው የሚጠናቀቅ መሆኑ ቢቀመጥም ፕሮጀክቶች በታቀደላቸው መሰረት ያልተከናወኑ ናቸው ተብሏል።

ከግንቦት 24 ቀን 2008 ዓ.ም. ጀምሮ የአዳማ አዋሽ መንገድ ጥገና እና መንገዱን ለማስተዳደር ስምምነት ገብቶ እየሰራ ቢሆንም በውሉ መሰረት ሥራውን ባለማከናወኑ ለበርካታ ዕዳ መጋለጡ ነው የተነገረው።

ከዚህም አልፎ ኮርፖሬሽኑ ከ14 ሚሊየን ብር በላይ ከአሰሪ ተቋም ክፍያ መሰብሰብ አልቻለም ተብሏል።

ያንብቡ : https://telegra.ph/ENA-01-31

Credit : ENA

@tikvahethiopia

#Ethiopia

የኢትዮጵያ ሰብአዊ መብት ተሟጋቾች ማዕከል 2ተኛ ዓመት የምስረታ በዓሉን የተለያዩ ተጋባዥ እንግዶች በተገኙበት በራዲሰን ብሉ ሆቴል አካሂዷል።

በዝግጅቱ ላይም ለሰብዓዊ መብቶች መከበር የላቀ አስተዋጽኦ ላበረከቱ ግለሰቦች የእውቅና ሰርተፍኬት አበርክቷል።

ለ3ተኛ ጊዜ በተዘጋጀው ሽልማት 46 ሰዎች የህዝብ የተሰጣቸው ሲሆን ከእነዚህም ውስጥ 17 የሰብዓዊ መብት ተሟጋች ተብለው ተለይተዋል።

ከእነዚህም መካከል ከተለያዩ ተቋማት በተወጣጡ 5 ዳኞች 3ቱ የ2023 ምርጥ የሰብዓዊ መብት ተሟጋች ተብለው ተመርጠዋል።

በዚህም ፦

1ኛ. ወ/ሮ ብርሀነወርቅ ዘውዴ

ከ30 ዓመት በላይ በሰብአዊ መብቶች ትግል ላይ ቆይተዋል፤ የኢትዮጵያ መምህራን ማኅበር ሥራ አስፈጻሚ አባልና የኢሰመጉ መደበኛ አባልም ነበሩ።

ለመምህራን መብት መታገል እጅግ የላቀ አስተዋጽኦ ያደረጉ ጠንካራ ሴት የመብት ተሟጋች ናቸው።

2ኛ. አቶ መለሰ ሸሽጌ

በደቡብ ጎንደር ጋይንት የተወለዱ ሲሆን ለሴቶችና ሕጻናት መብት ተግተተው ሲሰሩ ቆይተዋል፤ ከ50 በላይ ወጣት ሴቶችን ካልተፈለገና ያለእድሜ ጋብቻ ታድገዋል።

3ኛ. ጠበቃ ወንድሙ ኢብሳ

የብሔር እና የሀይማኖት ግጭቶችን ለማስወገድ ሰርተዋል፤ ለ5 ዓመታት የፓርላማ አባል ሆነው አገልግለዋል፤ በሁሉም የስራ ጊዜያቸው ለሰብዓዊ መብት መከበር ድምጻቸውን አሰምተዋል።

ለ565 የፖለቲካ እስረኞች በነጻ ጥብቅና ቆመዋል፤ 165ቱን ደግሞ ነጻ አውጥተዋል። በተጨማሪም በነጻ በዓመት ከ 5 -10 ለሆኑ ሴቶች እና ህጻናት ነጻ ጥብቅና ይቆማሉ።

@tikvahethiopia

#ቻይና

በኦሮሚያ ክልል፤ ሰሜን ሸዋ ታጣቂዎች በከፈቱት ተኩስ አንድ የቻይና ዜጋ መገደሉን ተከትሎ እዚህ አዲስ አበባ የሚገኘው የሀገሪቱ ኤምባሲ ለቻይና ዜጎች የጥንቃቄ መልዕክት አስተላልፏል።

ኤምባሲው ባወጣው መግለጫ ፤ ከአዲስ አበባ በሰሜን በኩል 160 ኪ/ሜ ርቀት ላይ " ገብረ ጉራቻ " ተብሎ በሚጠራው አካባቢ የነበሩ 9 ቻይናውያን ተኩስ ተክፍቶባቸዋል።

በዚም ጥቃት አንዱ ቻይናዊ ተገድሏል። በሌሎቹ ላይ ጉዳት ስለመድረስ አለመድረሱ እንዲሁም ስለታጣቂዎቹ ማንነት በኤምባሲው በኩል የተገለፀ ነገረ የለም።

የቻይና ኤምባሲ በኢትዮጵያ ውስጥ የሚኖሩና ኢትዮጵያን የሚጎበኙ ዜጎቹ ለአደጋ ከሚያጋልጡ ቦታዎች ለቀው እንዲወጡ አሳስቧል።

NB. ጉዳዩን በተመለከት ከኢትዮጵያ መንግስት በኩል እስካሁን ምንም የተባለ ነገር የለም።

ምንጭ፦ በአዲስ አበባ የቻይና ኤምባሲን ዋቢ አድርገው የጀርመን ድምፅ ሬድዮ / የፈረንሳይ ዜና አገልግሎት ናቸው የዘገቡት።

@tikvahethiopia

#ሶማሊያ

ዛሬ ሶማሊያ ውስጥ ከሶማሊያ ጋር ጎረቤት የሆኑ ሀገራት መሪዎች በ " አልሸባብ " ጉዳይ ስብሰባ ያካሂዳሉ።

እንደ ሶማሊያ መንግስት መረጃ በስብሰባው የሶማሊያ፣ የኬንያ፣ የኢትዮጵያ፣ እና ጅቡቲ መሪዎች ይካፈላሉ።

የሶማሊያው ፕሬዜዳንት የሀሰን ሼክ ሙሀሙድ ይመሩታል በተባለው ስብሰባ የሀገራችን ጠ/ሚ ዶ/ር ዐቢይ አህመድም እንደሚካፈሉ በሶማሊያ መንግስት በኩል ተገልጿል።

ለዛሬው ስብሰባ ዝግጅት ለማድረግ የሶማሊያ፣ የኢትዮጵያ፣ የኬንያ ፣ ጅቡቲ መከላከያ አመራሮች ሞቃዲሾ ይገኛሉ።

ሙቃዲሾ ለስብሰባው ሰላም እና ደህንነት ከፍተኛ የሆነ የፀጥታ ጥበቃ እያደረገች ትገኛለች ተብሏል።

ፎቶ ፦ ፋይል

@tikvahethiopia

የ866,000 ተማሪዎች ዕጣ ፋንታ ምንድነው ?

ትምህርት ሚኒስቴር በ12ኛ ክፍል ብሔራዊ ፈተና ከ50 በመቶ በታች ያመጡ ተማሪዎች አማራጮች እንዳላቸው አሳውቋል።

የትምህርት ሚኒስትር ዴኤታ ዶ/ር ሳሙኤል ክፍሌ ለፋና ብሮድካስት ኮርፖሬት በሰጡት ቃል ፤ ለተማሪዎች የሚቀርበው አንዱ አማራጭ በመንግስት ውሳኔ በሚወሰን ነጥብ " ዕጩ የመጀመሪያ አመት ተማሪ " መሆን ነው ብለዋል።

ዶ/ር ሳሙኤል፤ " አንድ ዕድል እንሞክርና የተወሰኑ ተማሪዎችን በመንግስት / በመንግስት ተቋማት ዩኒቨርሲቲ እንደገቡ ግን ገና ፍሬሽ ማን እንዳልሆኑ እንድቀበል፤ ሌለው ደግሞ በራሳቸው ከፍለው በግል ተቋማት እንደዚሁ remedial ተከታትለው ካሳኩ ወደ ፍሬሽ ማን የሚገቡበትን እድል እንፍጠርላቸው፤ ሊገቡ ይችሉ የነበሩ በአንድ ወይም በሌላ ምክንያት 50% ያላሟሉትን እንዳናጣቸው እንደዜጋ እሱን እድል መፍጠር ጥሩ ነው፤ ይሄ ለአንድ ጊዜ የሚሆን የአንድ ጊዜ ውሳኔ ብቻ ሆኖ ማለት ነው። " ሲሉ ተናግረዋል።

ትግበራውን በተመለከተም ተማሪዎች የፍሬሽ ማን ዕጩ ተማሪዎች እንደሚሆኑ ነው ያስረዱት።

ከ50% በታች ያመጡ ተማሪዎች በግል በመፈተን ዩኒቨርሲቲ ለመግባት የሚያስችል ውጤት ማምጣት / በፍላጎት እና ምርጫ የቴክኒክና ሙያ ስልጠና መውሰድ መሆኑ ተመላክቷል።

Credit : ፋና ቴሌቪዥን

@tikvahethiopia