የልጁን ህይወት አትርፎ ህይወቱ ያለፈው አባት !

የልጁን ሕይወት ለማዳን ከጀልባ ላይ የዘለለው እንግሊዛዊ አስክሬኑ ጣልያን ተገኘ።

ዛሬ ጥዋት ቢቢሲ በደረገፁ አንድ አሳዛኝ ክስተት አጋርቷል።

አረን ቻዳ የተባለ እንግሊዛዊ ልጁን ለመታደግ ከጀልባ ከዘለለ በኋላ ለሳምንታት ጠፍቶ አስክሬኑ ጣልያን ውስጥ ተገኝቷል።

አረን ባለፈው ወር " ጋርዳ " የተባለ ባሕር አካባቢ ከትዳር አጋሩና ከሁለት ልጆቹ ጋር እየተንሸራሸረ ነበር። ሽርሽሩ ተዘጋጅቶ የነበረው የአረንን 52ኛ ዓመት ልደት ለማክበር ነበር።

ቤተሰቡ ጀልባ ተከራይቶ በባሕር እየተጓዘ ሳለ  የአረን ልጅ " ሊሞን " የተባለ ሪዞርት አካባቢ ችግር ገጠመው። አባትም ልጁን ለማዳን ከጀልባው ከዘለለ በኋላ አስክሬኑ ከሊሞን በ800 ሜትር ርቀት፣ በ316 ሜትር ጥልቀት እንደተገኘ የነፍስ አድን ሰራተኞች ገልጸዋል።

#ልጁን_ካዳነ በኋላ ውሃ ውስጥ መስመጡት የተገለፀው አረን  " የሰመጠው አንዳች ሕመም ስላለበት ይመስለኛል " ሲል አንድ ነፍስ አዳን ሰራተኛ ገልጿል።

#ቢቢሲ

@tikvahethiopia

* ዛሬ

የኢፌዲሪ ፌዴሬሽን ምክር ቤት ዛሬ ነሐሴ 12 ቀን 2014 ዓ.ም አስቸኳይ ስብሰባውን ያካሂዳል።

አስቸኳይ ስብሰባውን በምክር ቤቱ የጉባኤ አዳራሽ ነው የሚካሄደው።

በዚህም የአስቸኳይ ስብሰባ በተለያዩ አጀንዳዎች ላይ በመምከር ውሳኔዎችን ያሳልፋል ተብሎ እንደሚጠበቅ ተገልጿል።

ከዛሬው አስቸኳይ ስብሰባ ቀደም ብሎ ትላንት ነሐሴ 11 የምክር ቤቱ ቋሚ ኮሚቴዎች ከአስቸኳይ ስብሰባው አጀንዳዎች ጋር ተያያዥነት ባላቸው ጉዳዮች ላይ መክረዋል።

ቋሚ ኮሚቴዎቹ ፦
- የማንነት፣ የአስተዳደር ወሰንና የሰላም ግንባታ ቋሚ ኮሚቴ፣ 
- የመንግሥታት ግንኙነት ፣ የዲሞክራሲያዊ አንድነትና የሕገ መንግሥት አስተምህሮ ቋሚ ኮሚቴ፣
- የድጎማና የጋራ ገቢዎች ድልድል ጉዳይ ቋሚ ኮሚቴ እና
- የሕገ መንግሥት ትርጉምና ውሳኔ አፈጻጸም ክትትል ቋሚ ኮሚቴ ሲሆኑ የተወያዩባቸውን አጀንዳዎች ተከትሎ ለም/ቤቱ የውሳኔ ሃሳቦችን ያቀርባሉ ተብሎ ይጠበቃል።

የዛሬውን የፌዴሬሽን ምክር ቤት አስቸኳይ ስብሰባ ተከታትለን እናሳውቃለን።

ፎቶ ፦ የፌዴሬሽን ም/ቤት

@tikvahethiopia

#ኮማንድ_ፖስት

በጉራጌ ዞን በማንኛውም ቦታ ማንኛውም አይነት መንግስታዊም ይሁን መንግስታዊ ያልሆነ ስብሰባ፣ ውይይት ማካሄድ ተከለከለ።

በተጨማሪ የትራንስፖርት እንቅስቃሴ ላይ ገደብ ተጥሏል።

ውሳኔው የተላለፈው በዞኑ የተቋቋመው ኮማንድ ፖስት አስቸኳይ ስብሰባውን ካካሄደ በኃላ መሆኑን ከወልቂጤ ከተማ ኮሚኒኬሽን ያወጣው መረጃ ያሳያል።

በዚህም ኮማንድ ፖስቱ ፦

- ከዛሬ ነሀሴ 12 ጀምጎ በዞኑ በማንኛውም ቦታ ማንኛውም አይነት መንግስታዊም ይሁን መንግስታዊ ያልሆነ ስብሰባ፣ ውይይት ማካሄድ ከልክሏል።

- በመንግሥት የስራ ሰአት የቢሮ ሀላፊም ይሁን ባለሙያ በቢሮ አለመገኘት እንደማይችል አሳስቧል።

- የንግድ ሱቆችና ተቋማትን ያለምንም ምክንያት መዝጋትም ከልክሏል።

- ማንኛውም ሰልፍና መሰል እንቅስቃሴዎችን ማድረግ ከልክሏል።

- የሞተር ሳይክል እንቅክቃሴ እስከ ምሽት 1 ሰአት ብቻ እንዲሁም የባጃጅ እንቅስቃሴ እስከ ምሽት 2 ሰአት ድረስ ብቻ አገልግሎት እንዲሰጡ አዟል።

ኮማንድ ፖስቱ የተላለፉትን ትእዛዛት በሚተላለፉ አካላት ላይ እርምጃ እንደሚወስድ ማስጠንቀቁን በወልቂጤ ከተማ ኮሚኒኬሽን ገፅ ላይ የሰፈረው መረጃ ያሳያል።

@tikvahethiopia

#Update

ፌዴሬሽን ም/ቤት አስቸኳይ ስብሰባ ተቀምጧል።

የፌዴሬሽን ምክር ቤት ስድስተኛ የፓርላማ ዘመን አንደኛ ዓመት የስራ ጊዜ 2ኛ አስቸኳይ ስብሰባውን በማካሄድ ላይ ነው፡፡

ም/ቤቱ በስብሰባው ከሚወያይባቸው አጀንዳዎች መካከል በዋነኝነት በደቡብ ብሄር ብሄረሰቦች እና ህዝቦች ክልላዊ መንግስት ስር ያሉ ዞኖች እና ልዩ ወረዳዎች #በጋራ_ክልል_ለመመስረት ያቀረቡት ጥያቄ ላይ ሲሆን ጥያቄውን መርምሮ #ያፀድቃል ተብሏል።

ምክር ቤቱ በሌሎች ጉዳዮችም ላይ ውይይት አድርጎ ውሳኔ እንደሚያሳልፍ ብሄራዊ የቴሌቪዥን ጣቢያ ዘግቧል።

@tikvahethiopia

" ሰዎችን ወደ ቀዬአቸው መመለስ መጀመሩን በበጎ እቀበለዋለሁ " - ኢሰመኮ

የኢትዮጵያ ሰብዓዊ መብቶች ኮሚሽን (ኢሰመኮ) በአፋር ክልል ሰመራ ከተማ በሚገኙት አጋቲና እና ሰመራ ካምፖች የነበሩ ሰዎች ወደ ቀዬአቸው መመለስ መጀመር እንዲሁም የሰብአዊ ድጋፍ አቅርቦቱን በበጎ እንደሚቀበለው ገልጿል።

ዋና ኮሚሽነር ዶ/ር ዳንኤል በቀለ ኮሚሽኑ ቀደም ሲል በአፋር ክልል፣ ሰመራ ከተማ የሚገኙትን አጋቲና እና ሰመራ ካምፖች በተመለከተ ያካሄደውን ክትትል እና ያወጣውን ሪፖርት አስታውሰዋል።

ይህንኑ ተከትሎ በካምፖቹ የነበሩ ሰዎችን ወደ ቀዬአቸው የመመለሱ ተግባር መጀመር እና የባንክ አገልግሎት ማግኘትን ጨምሮ ሌሎች እየተደረጉ ያሉ ሰብአዊ ድጋፎችን ኮሚሽኑ በበጎ እንደሚመለከተው ገልፀዋል።

በሌላ በኩል ኮሚሽኑ በአማራ ክልል፣ ወሎ ይገኛሉ ያላቸውን የጃራ እና የጃሬ ካምፖች በተመለከተ ምርመራ እያካሄደ እንደሚገኝ ፤ ከአስተዳደራዊ እና የፀጥታ አካላትም እያሰባሰበ ያለውን መረጃ የሚያካትት ሪፖርት በቅርቡ ይፋ የሚያደርግ መሆኑን ዶ/ር ዳንኤል ገልፀዋል።

ማስታወሻ : https://t.iss.one/tikvahethiopia/71528?single

@tikvahethiopia

#Update

12ኛ ክልል እንዲቋቋም ህዝበ ውሳኔ እንዲካሄድ ተወሰነ።

የፌዴሬሽን ምክር ቤት 12ኛ ክልል እንዲቋቋም የሚያስችል ሕዝበ ውሳኔ እንዲካሄድ ወስኗል።

ምክር ቤቱ በደቡብ ብሔር ብሔረሰቦችና ሕዝቦች ክልል ስር የነበሩ 6 ዞኖችና 5 ልዩ ወረዳዎች በአንድ ክልል እንዲደራጁ የቀረበውን የውሳኔ ሀሳብ ተቀብሎ ሕዝበ ውሳኔ እንዲካሄድ ወስኗል።

ሕዝበ ውሳኔ የሚያካሂዱት ፦
- የወላይታ ዞን፣
- የጋሞ ዞን፣
- የጎፋ ዞን፣
- የደቡብ ኦሞ ዞን፣
- የጌዴኦ ዞን፣
- የኮንሶ ዞን፣ እንዲሁም
- የደራሼ ልዩ ወረዳ፣
- የአማሮ ልዩ ወረዳ፣
- የቡርጂ ልዩ ወረዳ፣
- የኧሌ ልዩ ወረዳ እና የባስኬቶ ልዩ ወረዳ ናቸው።

ቀሪዎቹ የሀድያ ዞን ፣ ሀላባ ዞን ፣ ከምባታ ጠንባሮ ዞን፣ ጉራጌ ዞን ፣ ስልጤ ዞን እና የም ልዩ ወረዳ በነባሩ በደቡብ ብሔር ብሔረሰቦች እና ሕዝቦች ክልል ይቀጥላሉ ተብሏል።

@tikvahethiopia

#ደቡብ_ኢትዮጵያ_ክልል

" በ3 ወር ጊዜ ውስጥ ህዝበ ውሳኔ እንዲደራጅ "

የፌዴሬሽን ምክር ቤት ፦
- የወላይታ፣
- የጋሞ፣
- የጎፋ፣
- የደቡብ ኦሞ፣
- የጌዴኦ፣
- የኮንሶ ዞኖች እንዲሁም
- የደራሼ፣
- የአማሮ፣
- የቡርጂ፣
- የአሌ፣
- የባስኬቶ ልዩ ወረዳ ብሔሮች ፣ ብሔረሰቦችና ሕዝቦች በጋራ " የደቡብ ኢትዮጵያ ክልል " ለመመስረት ጥያቄ ማቅረባቸውን ገልጿል።

ም/ቤቱ ውሳኔ ለመስጠት እንዲያስችል የሕዝብን ይሁንታ ማረጋገጥ በማስፈለጉ ከማንኛውም ተጽእኖ ነጻ በሆነ መልኩ ገለልተኛ በሆነው ብሔራዊ የምርጫ ቦርድ አማካኝነት በሦስት ወር ጊዜ ውስጥ ሕዝበ ውሳኔ እንዲደራጅ ወስኗል።

የሕዝብ ውሳኔው ውጤት ሪፖርትም ለምክር ቤቱ እንዲቀርብ፣ እንዲሁም የሕዝብ ውሳኔው ሂደት ሰላማዊ፣ ዴሞክራሲያዊ እና የሕዝብን ሰፊ ተሳትፎ ባረጋገጠ መልኩ እንዲጠናቀቅ በየደረጃው የሚገኙ አመራሮችና የጸጥታ አካላት አስፈላጊውን ድጋፍ እንዲያደርጉ በአብላጫ ድምጽ ወስኗል።

በሌላ በኩል ምክር ቤቱ የሀድያ ፣ ሀላባ ፣ ከምባታ ጠምባሮ፣ ስልጤ፣ ጉራጌ  ዞኖችና የም ልዩ ወረዳ በነባሩ የደቡብ ብሔሮች፣ ብሔረሰቦችና ሕዝቦች ክልል አንድ ላይ የሚቀጥሉ ይሆናል ብሏል።

@tikvahethiopia

" የተሰራጨው ሀሰተኛ ወሬ ነው " - የሶማሌ ክልል መንግስት

የሶማሌ ክልል መንግስት በዛሬው ዕለት ባወጣው መግለጫ በክልሉ ርዕሰ መስተዳደር ሙስጠፌ ሙሁመድ ላይ "የግድያ ሙከራ ተደረገባቸው" በሚል በማህበራዊ ሚዲያ የተሰራጨው መረጃ ሀሰተኛ ነው ብሏል።

የክልሉ መንግስት " በትላንትናው እለት በተለያዩ ሶሻል ሚዲያዎች በሶማሌ ክልል ርእሰ መስተዳድር አቶ ሙስጠፋ ሙሀመድ ላይ የግድያ ሙከራ ተደረገ ተብሎ የተሰራጨው ዜና ከእውነት የራቀ ሀሰተኛ ወሬ መሆኑን ለማሳወቅ እንወዳለን " ብሏል።

በትላንትናው ዕለት በተለያዩ ማህበራዊ ሚዲያዎች የሶማሌ ክልል ርዕሰ መስተዳደርን የሚመለከቱ መረጃዎች ሲሰራጩ ነበር።

አንደኛው ይኸው "የግድያ ሙከራ ተደረገባቸው" የሚለው ሲሆን የግድያ ሙከራ ተደረገባቸው የተባለው ለስራ ጉዳይ "ቢኪ" የሚባል ቦታ በሄዱበት ወቅት ነው።

ሌላኛው ደግሞ፤ ርዕሰ መስተዳደር ሙስጠፌ ወደዚሁ "ቢኪ" የተባለ ስፍራ በሄዱበት ወቅት ወጣቱን ጨምሮ፤ ህብረተሰቡ በመቆጣቱ ከፍተኛ ተቃውሞ እንደነበር፤ ድንጋይም እስከመወርወር የደረሰ ክስተት እንደተፈጠረ የሚገልፅ መረጃ ነው።

የክልሉ መንግስት፤ በክልሉ ርዕሰ መስተዳደር ላይ "የግድያ ሙከራ አልተደረገባቸውም ውሸት ነው" የሚል መግለጫ ቢሰጥም በተመሳሳይ ሰዓት ስለተሰራጨው የ "ቢኪ" ከፍተኛ ተቃውሞ በተመለከተ እንዲሁም ርዕሰ መስተዳደሩ ወደ ተባለው ስፍራ አቅንተው እንደሆነ፤ ሄደውስ ምን እንደተፈጠረ የገለፀው ነገር የለም፤ ማስተባበያም አልሰጠም።

ዘግየት ብሎ ከሲቲ ዞን የቲክቫህ ቤተሰብ አባላት በደረሰን መልዕክት ትላንት ፕ/ት ሙስጠፌ ቢኪ ላይ ተቃውሞ ገጥሟቸው እንደነበር፤ በዚህም ከፀጥታ ኃይሎች ጋር ግጭት እንደነበር፤ በኃላም ሁኔታውን እንደተቆጣጠሩ፣ የግድያ ሙከራ የተባለው ግን ትክክል እንዳልሆነ ገልፀዋል።

@tikvahethiopia

#Ethiopia

• ህወሓት የፌዴራል መንግስት "ጥቃት ፈፅሞብኝ ነበር "ሲል የፌዴራል መንግስት " ሀሰት ነው ከሰላም ንግግር ለመሸሽ ነው " ብሎታል።

ካለፉት ሳምንታት ወዲህ የሰሜን ኢትዮጵያ ግጭት በሰላም ድርድር እንዲፈታና ህዝቡም እንዲርፍና ወደ ቀደመው ህይወቱ እንዲመለስ ሊያደርጉ የሚችሉ ተስፋ ሰጪ እንቅስቃሴዎች እየታዩ ናቸው።

ነገር ግን ባለፉት 48 ሰዓታት ትግራይ ክልልን እያስተዳደረ ያለው ህወሓት በኃይሎቼ ላይ የፌዴራል መንግስት ጥቃት ፈፀመብኝ የሚል ክስ ማሰማቱ ጥሩ መሻሻል እየታየባቸው ያሉ ሁኔታዎችን ወደኃላ እንዳይጎት አስግቷል።

ህወሓት ፤ ከቀናት በፊት (ነሃሴ 9) የፌደራል መንግሥት ጦር (በበላይ አካላት እየታወቀ) በምዕራብ ትግራይ በኩል ደደቢት አካባቢ ባሉ ኃይሎቹ ላይ በከባድ መሳሪያ ለአንድ ሰዓት የቆየ ድብደባ አደደረሰበት ገልጿል።

በዚህም ለወራት ታውጆ የነበረው የሰብዓዊ እርዳታ የተኩስ አቁም አዋጅ ተጥሷል / ፈርሷል ብሏል።

ምንም እንኳን ጥቃት ቢሰነዘርም የአጸፋ ምላሽ ሆነ ወደ ግጭት ያልገባነው ከእንያንዳንዱ የሰላም ቀን የትግራይ ህዝብ ይጠቀማል ብለን ነው ሲል ገልጿል።

ህወሓት ተፈፀመብኝ ያለው ጥቃት የፌዴራል መንግስት ለሰላም ዝግጁ አለመሆኑን ማሳያነው ሲል ከሷል።

ከዚህ ክስ ጋር በተያያዘ ዛሬ የፌዴራል መንግስት ምላሽ የሰጠ ሲሆን ክሱን " ሀሰት ነው " ብሎታል።

የጠቅላይ ሚንስትር ፕሬስ ሴክሬታሪያት ቢልለኔ ስዩም ዛሬ በሰጡት መግለጫ የአገሪቱ መከላከያ ሠራዊት ህወሓት ላይ ተኩስ ከፍቷል መባሉ ሀሰት መሆኑን ገልፀዋል።

ህወሓት ያሰማውን ክስ " ከሰላም ንግግር ለመሸሽ እንደ ምክንያት የቀረበ ነው " ሲሉ ውድቅ አድርገውታል።

@tikvahethiopia