#Update

" Galatoomaa Tour "

የኦሮሞ ፌደራሊስት ኮንግረስ ምክትል ሊቀመንበር አቶ ጃዋር መሐመድ ጀርመን ይገኛሉ።

ዛሬ በጀርመን ኑርንበርግ በነበረ ህዝባዊ ስበስባ በእስር ላይ በቆዩባቸው ጊዜያት ለሳቸው እና አብረዋቸው ለታሰሩ ሰዎች ከእስር እንዲለቀቁ ደጋፊዎቻቸው አድርገዋል ላሉት ጥረት ምስጋና አቅርበዋል።

የእነ አቶ ጃዋር መሐመድ የአውሮፓ እና አሜሪካ ጉዞ አንደኛው አላማ ምስጋና ለማቅረብ ሲሆን ሌላኛዋ አላማ በብዙ ውጥንቅጥ ውስጥ የምትገኘው ኢትዮጵያ ላይ ሰላም እንዲሰፍን ለማስቻል በሚደረግ ጥረት ውስጥ ደጋፊዎቻቸው የበኩላቸውን ሚና እንዲጫወቱ ለማሳሰብ ነው ተብሏል።

እነ አቶ ጃዋር አሁን ካሉበት ጀርመን በመቀጠል ፈረንሳይ ፣ ኔዘርላንድስ እና ቤልጄም ከመሳሰሉ የአውሮፓ ሀገራት ከደጋፊዎቻቸው ጋር ከተገናኙ በኋላ ወደ ሰሜን አሜሪካ እንደሚያቀኑ ይጠበቃል።

መረጃው የጀርመን ሬድዮ ጣቢያ ነው።

@tikvahethiopia

#ትኩረት_የሚሻ_የፀጥታ_ጉዳይ 📣

በደቡብ ወሎ ዞን የአርጎባ ብሄረሰብ ልዩ ወረዳ እና በአፋር ተላላክ ወረዳ በአንድ ግለሰብ ሞት ምክንያት የተቀሰቀሰ ግጭት ወደ ተኩስ ልውውጥ ተቀይሮ ለሰዎች ሞት እና መቁሰል ምክንያት ሆኗል።

አሁን ያለው የፀጥታ እጅግ ልዩ ትኩረት የሚፈልግ ነው ተብሏል።

ችግሩ የተከሰተው ባለፈው ማክሰኞ ዕለት ሲሆን አንድ የአፋር ተወላጅ አርጎባ ብሄረሰብ ልዩ ወረዳ መድና ከተማ ገበያ ውሎ ሲመለስ መሃል መንገድ ላይ ማንነታቸው ባልታወቁ ሰዎች ከተገደለ በኃላ ነው።

ባለፉት ተከታታይ ቀናት መዲናን ጨምሮ በበርካታ አካባቢዎች ላይ የተኩስ እሩምታ የሚሰማ ሲሆን የግለሰብ ቤቶችም መቃጠል መጃመራቸው ተነግሯል። እስካሁን ምን ያህል ሰው እንደተጎዳ ማወቅ አልተቻለም።

ችግሩን ለመፍታት በአፋርም አማራ ክልል በኩልም ብዙ ቢጣርም ውጤት አላመጣም ይልቅም እየባሰ ሄዷል።

በርካቶች ባለው የፀጥታ ችግር ከቄያቸው እየሸሹ መሆናቸውም ተነግሯል።

የአርጎባ ብሄረሰብ ልዩ ወረዳ ኮሚኒኬሽን ፅህፈት ቤት ኃላፊ ሰኢድ ኢብራሂም አሁን ያለው ሁኔታ ከግለሰብም አልፎ መልኩን ቀይሮ እጅግ አሰቃቂ የሆነና መጥፎ ጉዳት ሊያደርስ በሚችልበት ሁኔታ ላይ እንደሚገኝ ገልፀው የክልሉ መንግስት እና የፌዴራል መንግስት መኃል ገብተው ካላስቆመው ቀጠናው በጣም አስጊ ነው ሲሉ አስገንዝበዋል።

ከአፋር ክልል ተላላክ ወረዳ ኮሚኒኬሽን ፅ/ቤት እና የአርጎባ ብሄረሰብ ልዩ ወረዳ ኮሚኒኬሽን ፅ/ቤት በኩል ለቪኦኤ ሬድዮ የሰጡት ቃሎች በዚህ ተያይዟል ያንብቡ ⬇️

https://telegra.ph/Attention-06-04-2

#አርጎባ_ብሄረሰብ_ልዩ_ወረዳ #ተላላክ_ወረዳ

#ቪኦኤ

@tikvahethiopia

#JawarMohammed

አቶ ጃዋር መሐመድ (የኦፌኮ ም/ሊቀመንበር) በዛሬው የጀርመኑ ህዝባዊ ስብሰባ ወቅት ካነሷቸው ነጥቦች ጥቂቶቹ ፦

➡️ አቶ ጃዋር አጠቃላይ ኢትዮጵያም ሆነ ኦሮሚያ በብዙ ውጥንቅጥ ውስጥ መሆናቸውን ገልፀው ፤ ከዚህ ውጥንቅጥ ተወጥቶ #ሰላም እንዲሰፍን የማድረግ ጥረት መጀመራቸውን ገልፀዋል።

➡️ አቶ ጃዋር ለጀመሩት ሰላም የማስፈን ጥረት በሀገር ውስጥ እና በውጭ ያሉ ደጋፊዎቻቸው አብረዋቸው ሆነው ጦርነት እንዲቆም ፣ ሰላም እንዲሰበክ፣ ሰላም እንዲፈጠረ በአንድ እና ሁለት ክልል የተወሰነ ሳይሆን በመላው ሀገሪቱ ሰላም እንዲፈጠር ድጋፋቸውን እንዲያደርጉ ጠይቀዋል።

➡️ ኢትዮጵያ ሰላም እንድትሆን በመሰረታዊነት ኦሮሚያ ውስጥ ያለው ችግር ከመሰረቱ መፈታት አለበት የሚል እምነት እንዳላቸው ገልፀው ለዚህም ጦርነት በማቆም ሁሉም ወደ ሰላም የሚመለስበት እድል እንዲፈጠር እሻለሁ ብለዋል።

Credit- መረጃው ስብሰባውን በአካል የተካፈለው የዶቼቨለ ሬድዮ ጣቢያ ጋዜጠኛ ታምራት ዲንሳ ነው ያጋራው።

@tikvahethiopia

#ሰላም

በአዊ ብሔረሰብ አስተዳደር በጓንጓ ወረዳ እና በቤንሻንጉል ክልል በመተከል ዞን የድባጢና ማንዱራ አጎራባች ወረዳ ቀበሌዎች መካከል የህዝብ ለሕዝብ የሰላም ግንኙነት እየተካሄደ ይገኛል።

በአዊ ብሔረሰብ አስተዳደረር በጓንጓ ወረዳና በመተከል ዞን በድባጢና በማንዱራ ወረዳዎች ስር የሚገኙት የሞጣ፣ የመንታውሀ፣ የአዲስዓለም፣የጨረቃ ፣የሲርበን፣የጎንቻ ላምብቻ፣የዳች ሉምቢያና ባሁስ ቀበሌዎች ሕዝብ በመንታውሀ ቀበሌ የህዝብ ለህዝብ መድረክ እያካሄዱ ይገኛሉ።

በሕዝብ ለሕዝብ መድረኩ የሁለቱም ዞን አጎራባች ወረዳ አስተዳዳራሪዎች፣ የካቢኔ አባላት፣ የጸጥታ አመራሮች፣ የኃይማኖት አባቶች፣የሀገር ሽማግሌዎች፣ ወጣቶችና ልዩ ልዩ የኅብረተሰብ ክፍሎች ተገኝተዋል።

ምንጭ፦ አዊ ኮሚኒኬሽን

@tikvahethiopia

" ሰላም ለሁላችን "

በአዊ እና ጉምዝ መካከል ተፈጥሮ የነበረውን የሰላም መደፍስ ተቀርፎ አብሮነትን ለማስቀጠል በዚገም ወረዳ ቅላጅ ከተማ የሰላም መድረክ እየተካሄደ ነው።

ዘላቂ ሰላምን ለማረጋገጥና አብሮነትን ለማጠናከር በዚገም ወረዳ ቅላጅ ከተማ ላይ " ሰላማችን ለሁላችን" በሚል መሪ ቃል ነው የሰላም ኮንፈረንስ እየተካሄደ የሚገኘው።

በመደረኩ የሁለቱም ክልል የስራ ኃላፊዎች፣ የሀገር ሽማግሌዎች፣ የዚገም ወጣቶች የተገኙ ሲሆን የቤኒሻንጉል ጉሙዝ ወኪሎች ስፍራው ላይ ሲደርሱ አቀባበል ተደርጎላቸዋል።

"በዚገምና አካባቢው የመጣው ሰላም እንዲቀጥል መንግስት ሀላፊነቱን ይወጣ ፣ ወንድማማችነታችንን ለማጠናከር የህግ የበላይነት ይከበር። " ሲሉ የዚገም ወረዳ ነዋሪዎች ጥሪ አቅርበዋል።

የዚገም ወረዳ ምክትል ዋና አስተዳዳሪ አቶ አድጎአየሁ ከቅርብ አመታት ወዲህ የሁለቱንም ብሄር ህዝቦች አንድነታቸውን ሲሸረሽሩ ቆይተዋል ያሏቸው 118 ነፍስ ገዳዮችና በአጠቃላይ 218 የተለያዩ ወንጀሎችን ሲፈጽሙ የነበሩ ተጠርጣሪዎች በህግ ማስከበር ዘመቻ በህግ ጥላ ስር እንዲውሉ ተደርጓል ሲሉ አሳውቀዋል።

አሁን እየታየ ያለው አንጻራዊ ሰላም እንዲጠናከርና በዚገም ሰማይ ስር የሰላም አየር እስኪነፍአስ የህግ ማስከበር ስራ ይጠናከራል ማለታቸውን የአዊ ኮሚኒኬሽን ፅፏል።

@tikvahethiopia

" በተኩስ ልውውጡ 19 ሰዎች ህይወታቸው አልፏል " - ፖሊስ

በቤኒሻንጉል ጉሙዝ ክልል ካማሺ ዞን ምዥጋ ወረዳ በክልሉ ልዩ ኃይሎችና በመጋቢት ወር ዕርቅ ፈጽመው ከጫካ በተመለሱ የጉሙዝ ሕዝብ ዴሞክራሲያዊ ንቅናቄ ታጣቂዎች መካከል በተደረገ የተኩስ ልውውጥ የ19 ሰዎች ሕይወት ማለፉን የክልሉ ፖሊስ ኮሚሽን አሳውቋል።

ግንቦት 24/2014 በተደረገው የተኩስ ልውውጥ ከተገደሉት መካከል የወረዳው ዋና አስተዳዳሪ አቶ አብደኑ ጀርሞሳ፣ አንድ የአካባቢው ባለሀብትና ልጃቸው ተጠቃሽ ናቸው ተብሏል።

የክልሉ ፖሊስ ኮሚሽነር ኡመር ሙስጠፋ እንደገለፁት ከሆነ ቀሪዎቹ 16 ሰዎች የጉህዴን ታጣቂዎች ናቸው።

ዋና አስተዳዳሪውን ጨምሮ 3ቱ ግለሰቦች ሕይወታቸው ያለፈው በተኩስ ልውውጥ መሀል በመታቸው ተባራሪ ጥይት መሆኑን ገልጸዋል፡፡

በተኩስ ልውወጡ ከመንግሥት ኃይሎች መካከል ሕይወቱ ያለፈ ሰው ስለመኖሩ የተባለ ነገር የለም፡፡

ኮ/ር ኡመር ለተደረገው የተኩስ ልውውጥ ካለፈው 3 ሳምንት ወዲህ ከአቅም በላይ እየሆኑ መጥተዋል ያሏቸውን የጉሕዴን ታጣቂዎች ተጠያቂ አድርገዋል፡፡

በዕርቁ ከተማ እንዲገቡ የተደረጉት ታጣቂዎች ባለፉት ሳምንታት ዘረፋን ጨምሮ የተለያዩ ድርጊቶችን ሲፈጽሙ እንደነበር ገልፀው ዕርቅ በመፈጸሙ ምክንያት የክልሉ ኃይሎች እንዲታገሱ ትዕዛዝ ተላልፎ እንደነበር አስረድተዋል። ይሁንና ድርጊቶቹ እየጨመሩ ሲመጡ የክልሉ ኃይሎች "ራሳቸውን እንዲከላከሉ" እንደተናገራቸው አስታውቀዋል፡፡

የረቡዕ ዕለቱ ተኩስ ልውወጥ " በልዩ ኃይል ካምፕ ላይ የመድፈር ሁኔታ ታይቶ ነው " ያሉት ኮሚሽነሩ ታጣቂዎች የመጀመሪያውን ተኩስ በመክፈታቸው ከመንግሥት ኃይሎች ጋር የተኩስ ልውውጥ ውስጥ መግባታቸውን አስረድተዋል፡፡

ያንብቡ፦ telegra.ph/RE-06-05-2

#ሪፖርተር

@tikvahethiopia

#ካማሺ

በካማሺ ዞን የተፈጠረውን ውጥረት ተከትሎ የዞኑ ፀጥታ ምክር ቤት ዓርብ ግንቦት 26 ቀን 2014 ዓ.ም. ባወጣው መግለጫ በካማሺ ከተማ የሰዓት ገደብ ጥሏል።

የፀጥታ ም/ቤቱ " በየአቅጣጫዎች ለማኅበረሰቡ ደኅንነት ሥጋት የሚሆኑ እንቅስቃሴዎች ስላሉ " በሚል በጣለው የሰዓት ገደብ ከምሽቱ 2:00 ሰዓት በኋላ እንቅስቃሴ እንዳይደረግ አግዷል፡፡

የመንግሥትም ሆነ የግል ሞተር ብስክሌቶች በከተማ ውስጥም ሆነ ውጪ እንቅስቃሴ ማድረግ እንደማይችሉ የተገለፀም ሲሆን ይህንን ተላልፈው በተገኙ አካላት ላይ የፀጥታ ኃይሉ ለሚወስደው ዕርምጃ መንግሥት ኃፊነቱን እንደማይወስድ ማስጠንቀቁን ሪፖርተር ጋዜጣ አስነብቧል።

@tikvahethiopia

የታለመ የነዳጅ ድጎማ ተጠቃሚ መለያ ስቲከር ፦

• ሙሉ ሰማያዊ ቀለም ያለው መለያ ➡️ ለሀገር አቋራጭ የህዝብ ትራንስፖርት ተሸከርካሪዎች የሚያገለግል ነው።

• በነጭ መደብ የተዘጋጀው መለያ ➡️ በክልል ለሚገኙ የህዝብ ትራንስፖርት አገልግሎት ሰጪ ተሸከርካሪዎች የሚያገለግል ነው፡፡

የታለነ የነዳጅ ድጎማ ስርዓት በቅርቡ ተግባራዊ ይሆናል። በዚሁ ስርዓት ተጠቃሚ የሚሆኑ የህዝብ ትራንስፖርት አገልግሎት ተሸከርካሪዎችን የመለየትና መረጃ የማጥራት ስራ እየተከናወነ ይገኛል

ትራንስፖርት እና ሎጅስቲክስ ሚኒስቴር

@tikvahethiopia