" የእርቅ ሂደቱ የወንጀል ተጠያቂነትን መተካት ወይም ማስተጓጎል የለበትም " - ኢሰመኮ

የኢትዮጵያ ሰብዓዊ መብቶች ኮሚሽን የከረዩ የሚችሌ ገዳ የጅላ አባላት ላይ ለተፈጸመው ግድያ የወንጀል ተጠያቂነትን የማረጋገጥ ስራ በተመለከተ መግለጫ ልኮልናል።

ኢሰመኮ በመግለጫው ላይ ፤ በጅላ አባላቱ ላይ ግድያ የፈጸሙና ያስፈጸሙ አባላት ላይ ተጠያቂነት እንዲረጋገጥ እየተሰሩ ያሉትን ስራዎች ያሉበትን ደረጃ መገምገሙን ገልጿል።

ኮሚሽኑ ፤ የተፈጸመውን ግድያ ለመመርመር ከኦሮሚያ ክልል መንግሥት ጠቅላይ ዐቃቤ ሕግና ከክልሉ ፖሊስ ኮሚሽን የተውጣጣ መርማሪ ቡድን ተቋቁሞ ሥራ የጀመረ መሆኑና እስከ መጋቢት 4/2014 ዓ.ም ድረስም 9 ተጠርጣሪዎች በቁጥጥር ስር ውለው ምርመራ እየተደረገባቸው የሚገኝ መሆኑን አሳውቋል።

ኢሰመኮ የክልሉ መንግስት ተጠያቂነት ለማረጋገጥ እየሰራ ያለው ስራ አበረታች ቢሆንም በሂደቱ ላይ ክፍተቶች የታዩ መሆኑን አመልክቷል።

ከተያዩት ክፍተቶች መካከል ፤ በአካባቢው ማህበረሰብ በግድያው ተሳፍቶ ያላቸው መሆኑ የተጠቆሙ / በድርጊቱ ዋነኛ ፈፃሚ ናቸው የተባሉ ሰዎች በቁጥጥር ስር አልዋሉም / ምርመራም እየተደረገባቸው አይደለም።

ከዚህ ባለፈ ተጠርጣሪዎቹ በመንግስት ስራ ኃላፊነት ቦታዎች የሚገኙ ጭምር ስለሆነ በምርመራ ሂደቱ ጫና እያደረሱ ፤ ለሂደቱ አስፈላጊ ድጋፍ ማድረግ የሚገባቸው የፀጥታ እና የአስተዳዳር አካላትም ሥራው በሚፈለገው ፍጥነት እንዲጠናቀቅ በቂ ትብብር እያደረጉ እንዳልሆነ ተገልጿል።

በተጨማሪም ፤ በቁጥጥር ስር የዋሉ ተጠርጣሪዎችም በህግ በተቀመጠው ጊዜ ወደ ፍርድ ቤት አልቀረቡም።

ያንብቡ : https://telegra.ph/EHRC-03-24

@tikvahethiopia

#Waghimra📍

የሰሜን ጦርነት ክፉኛ ከጎዳቸው አካባቢዎች መካከል የአማራ ክልል ዋግ ኽምራ ብሔረሰብ አስተዳደር ዋነኛው ነው፤ በዛ ስላለው አስከፊ ሁኔታ ከዚህ ቀደም መገለፁ የሚታወስ ነው።

አሁንም ግን ችግሩ መፍትሄ ሳይገኝለት የቀጠለ ሲሆን በተላይ ደግሞ ህፃናት አልሚ ምግብ ባለመኖሩ የተነሳ አሳሳቢ ሁኔታ ላይ እንደሚገኙ ተነግሯል።

ዋግ ኽምራ ብሔረሰብ አስተዳደር ለቢቢሲ በሰጠው ቃል ፤ በምግብ እጥረት የተጎዱ ሕጻናትን ጤናና ህይወት ለመታደግ የሚያስችል ድጋፍ በአስቸኳይ ማግኘት ካልተቻለ አስከፊ ነገር ሊከሰት እንደሚችል አስጠንቅቋል።

የብሔረሰብ አስተዳደሩ የኮሚኒኬሽን ኃላፊ ከፍያለው ደባሽ ፦ " አሁን ሕፃናት አፋቸውና አፍነጫቸው ቆስሏል። እንደተላላፊ በሽታ ይህ እያደገ ይሄድና ከ77ቱም የበለጠ እልቂት ሊኖር ይቸላል። ምግብ የሌላቸው ሕፃናት በሽታ ሲጨመርባቸው የሚከሰተው ችግር ቁልጭ ብሎ የሚታይ ነው " ብለዋል።

በዋግኽምራ ብሔረሰብ አስተዳደር አብዘኛው ቆላማ ወረዳዎች በድርቅ በመጎዳታቸው፣ በቂ የሰብል ምርት ባለመኖሩ እንዲሁም በርካታ አካባቢዎች በህወሓት ቁጥጥር ሥር ስለነበሩ ከ61 ሺ 600 በላይ ተፈናቃዮች ይገኛሉ።

ከተፈናቃዮቹ መደበኛ እና መደበኛ ባልሆነ መጠለያ ውስጥ የሚገኙት 18 ሺህ 700ዎቹ ሲሆኑ በመደበኛ መጠለያ የሚገኙት ከ2 ሺህ አይበልጡም ፤ የተቀሩት ተፈናቃዮች ግን ከመጠለያ ውጪ ነው የሚገኙት።

ለተፈናቃዮች አስፈላጊውን ማኅበራዊ አገልገሎት በበቂ ሁኔታ ማቅረብ አለመቻሉንም የብሄረሰብ አስተዳደሩ አመልክቷል።

ነዋሪዎችና ተፈናቃዮችም ለቢቢሲ በሰጡት ቃል ችግሩ እየባሰ መሆኑን ጠቅሰው፣ መንግሥትና የእርዳታ ድርጅቶች ለሕጻናት ልጆች እና ለእነሱም ህይወት መቆየት የሚያስፈልጋቸውን ድጋፍ እንዲያደርጉላቸው ተማፅነዋል።

@tikvahethiopia

#BREAKING

የኢትዮጵያ መንግስት ለሰብዓዊነት ሲባል ግጭት ለማቆም ውሳኔ አሳለፈ።

መንግስት ባወጣው መግለጫ ፤ በአሁኑ ወቅት በሺዎች የሚቆጠሩ የትግራይ ክልል ነዋሪዎች የሰብዓዊ እርዳታን ፍለጋ ወደአጎራባች ክልሎች እየተጓዙ መሆኑን አመልክቷል።

እነዚህ ዜጎች የሰብዓዊ እርዳታው ከቀያቸው ሳፈናቀሉ ባሉበት እንዲርሳቸው ቢደረግ እንግልታቸውን እንደሚቀንስ በጽኑ እንደሚያምን አሳውቋል።

በመሆኑም በከፍተኛ ችግር ውስጥ የሚገኙ ዜጎችን ችግር በአፋጣኝ የመፍታት ኃላፊነቱ ከምንም ነገር በላይ ቅድሚያ የሚሰጠው መሆኑን በመረዳት የአስቸኳይ የሰብዓዊ አቅርቦቶች ወደ ትግራይ ክልል በበቂ ሁኔታ መድረስ የሚችሉበትን ሁኔታ ለማሳካት የተቻለውን ሁሉ ጥረት ለማድረግ ቁርጠኛ መሆኑን ገልጿል።

በዚህም በከፍተኛ ችግር ውስጥ የሚገኙ ዜጎችን ህይወት ለመታደግ እና የዜጎችን እንግልት ለመቀነስ ከተለመደው የተለዩ እርምጃዎችን መውሰድ አስፈላጊ ሆኖ በመገኘቱ ይህ ውሳኔ ከወጣበት ሰዓት ጀምሮ ተግባራዊ የሚደረግ ለሰብዓዊነት ሲባል ግጭት የማቆም ውሳኔ መተላለፉን አብስሯል።

መንግስት ዓለም ዓቀፉ የለጋሾች ማህበረሰብ እያቀረበ ያለውን ድጋፍ እና እርዳታ በከፍተኛ መጠን እንዲጨምር ጥሪ አቅርቧል።

የሰብዓዊ እርዳታ በተመለከተ ከሚመለከታቸው አካላት ጋር ተባብሮ ለመስራት ቁርጠኛ መሆኑን የገለፀው መንግስት ጥረቱ እና ቁርጠኝነቱ የሰብዓዊ ሁኔታውን በማሻሻል ረገድ የሚኖረው ስኬት የሚረጋገጠው በሌላኛው ወገን የሚገኘው አካል በተመሳሳይ ለዚህ አላማ በሚኖረው ቁርጠኝነት ልክ ነው ብሏል።

ውሳኔው ውጤት ማምጣት እንዲችል በትግራይ ክልል የሚገኙ አማጺያን ከማንኛውም የጥቃት እንቅስቃሴ እንዲታቀቡ እና በጉልበት ከያዟቸው የአጎራባች ክልል አካባቢዎች እንዲወጡ መንግስት ጠይቋል።

(ሙሉውን ከላይ ያንብቡ)

@tikvahetiopia

የቴ/ሙ/ስ/ ተቋማት መግቢያ ነጥብ ይፋ ተደረገ።

በሥራ እና ክህሎት ሚኒስቴር የቴክኒክና ሙያ ስልጠና ዘርፍ በ2014 ዓ.ም የሰልጣኞች ቅበላ መቁረጫ ነጥብን ይፋ አድርጓል፡፡

በዚሁ መሰረት በመጀመሪያ ዙርና 2ኛ ዙር የ2013 ዓ.ም የሁለተኛ ደረጃ ማጠቃለያ ፈተና የወሰዱ ተማሪዎች ከላይ በምስሉ በተቀመጠው መስፈርት መሰረት የቴ/ሙ/ስ/ ተቋማት ተቀብለው እንደሚያሰለጥኑ ተገልጿል።

በትምህርት ሚኒስቴር የመቁረጫ ነጥብ መሠረት ወደ ዩኒቨርሲቲ መግቢያ አምጥተው ነገር ግን በቴክኒክና ሙያ ተቋማት ገብተው ለመሰልጠን ፍላጎት ያላቸው ተማሪዎች በደረጃ 5 ወይም 4 መሰልጠን እንደሚችሉ ተገልጿል።

አካል ጉዳተኞች በሚያመቻቸው እና በመረጡት ሙያና የስልጠና ደረጃ ገብተው እንዲሰለጥኑ ተፈቅዷል።

የመቁረጫ ነጥቡ ለ2014 ዓ.ም የስልጠና ቅበላ ብቻ የሚያገለግል ነው ተብሏል።

Note: የቴ/ሙ/ስ/ ተቋማት ተጠሪነታቸው ከትምህርት ሚኒስቴር ወደ ሥራ እና ክህሎት ሚኒስቴር ተዛውሯል።

@tikvahuniversity

#DrEngSeleshiBekele

ዶ/ር ኢ/ር ስለሺ በቀለ ቃለመሃላ ፈፀሙ።

በቅርቡ በአሜሪካ ሀገር የኢትዮጵያ ልዩ መልዕክተኛ እና ባለሙሉ ስልጣን አምባሳደር ሆነው የተሾሙት ዶ/ር ኢ/ር ስለሺ በቀለ ዛሬ ከፕሬዜዳንት ሳህለወርቅ ዘውዴ በመቀበል ቃለመሃላ መፈፀማቸውን ገልፀዋል።

ዶ/ር ኢ/ር ስለሺ በተረጋገጠ የትዊተር ገፃቸው ላይ ፥ " ዛሬ በአሜሪካን አገር የኢትዮጵያ ልዩ መልእክተኛና ባለሙሉ ስልጣን አምባሳደር ለመሆን ከክ/ት ፕ/ት ሣሕለወርቅ ዘውዴ በመቀበል ቃለመሐላ ፈፅሜያለሁ " ብለዋል።

አክለው ፥ " ለመልካም ግኑኝነት፣ የአገሬን ፍላጎት፣ ክብር እና ጥቅም ለማስጠበቅ እተጋለሁ " ሲሉ ገልፀዋል።

ዶ/ር ኢ/ር ስለሺ በቀለ የውሃ መስኖና ኢነርጂ ሚኒስትር (በቀድሞ) በነበሩ ሰዓት በተለይም በታላቁ የኢትዮጵያ ህዳሴ ግድብ ዙሪያ በዓለም መድረክ የኢትዮጵያን እውነት ይዘው በመሟገት እና ጥቅሟ እንዳይነካ በመታገል እንዲሁም በተመደቡበት ቦታ ሀገራቸውን በትጋት በማገልገል ይታወቃሉ።

@tikvahethiopia

#Ethiopia #Sudan

በኢትዮጵያ እና በሱዳን ድንበር ላይ በምትገኘው በረከት ከተማ እና አካባቢዋ በኢትዮጵያ መንግስት ጦር እና በህወሓት ኃይሎች መካከል ጦርነት መቀስቀሱን የአካባቢው ነዋሪዎች እንደገለፁለት አል ዓይን ኒውስ ዘግቧል።

ነዋሪዎቹ ለበከፍተኛ መሳሪያ የታገዘ ጦርነት መከፈቱንና ተኩስ መስማታቸውን ተናግረዋል ፤ ከሁመራ ከተማ 25 ኪሎ ሜትር ርቀት ላይ በምትገኘው በረከት ተኩስ መሰማት ከጀመረ አራት ቀናት መቆጠሩን ነው ያመለከቱት።

ጦርነቱን የተቀሰቀሰው በሱዳን ግዛት ውስጥ በሚገኙት የሃምዳይት እና የሉግዲ አካባቢዎች እንደሆነ የአካባቢዎቹ ነዋሪዎች ተናግረዋል።

ነዋሪዎቹ ፤ " ጦርነቱ የተጀመረው ሱዳን በሚገኙ ኢትዮጵያውያን ነው " ያሉ ሲሆን ከዚህ በፊት ከሁመራ ወደ ሱዳን ተሰደው የነበሩ ዜጎች አሁን ላይ በሱዳን ግዛት ሆነው ጦርነት መክፈታቸውን አስረድተዋል።

ከበረከት በተጨማሪም በሁመራ ከተማ በሚገኘው ዲማ የፍተሻ ጣቢያ አካባቢ ጦርነት እንዳለ ገልፀዋል።

ጦርነት እንደተቀሰቀሰበት የተገለጸው ዲማ የሚባለው የፍተሻ ጣቢያ በሁመራ በኩል ኢትዮጵያ እና ሱዳን የሚዋሰኑበት ድንበር ነው፡፡

ጦርነቱ በሱዳን ግዛት በኩል በመቅሰቀሱ ጉዳዩ የኢትዮጵያ እና ሱዳን እንደሆነ የሚገልጹ አካላት ያሉ ቢሆንም ይህ ግን ትክክል እንዳልሆነ ነዋሪዎቹ ተናግረዋል።

አሁን ያለው ጦርነት በኢትዮጵያ እና ሱዳን መካከል ሳይሆን በኢትዮጵያ መንግስት ጥምር ጦር እና ሱዳን በሚገኙ የህወሃት ታጣቂዎች መካከል መሆኑን ነዋሪዎች ማስረዳታቸውን አል ዓይን ኒውስ ዘግቧል።

የኢትዮጵያ መንግስት በዚህ ጉዳይ ላይ እስካሁን ያለው ነገርም ሆነ ያወጣው መግለጫ የለም።

@tikvahethiopia

#Update

አሜሪካ መንግስት ያሳለፈውን ውሳኔ አደነቀች።

አሜሪካ በውጭ ጉዳይ መሥሪያ ቤቷ በኩል ባወጣችው መግለጫ መንግሥት በአስቸኳይ ተግባራዊ የሚሆን ግጭት የማቆም እና ያልተገደበ የሰብአዊ እርዳታ ትግራይ እንዲደርስ ለማድረግ ከሰብዓዊ ድጋፍ አድራጊ ድርጅቶች ጋር ለመሥራት ያሳለፈውን ውሳኔ አድንቃለች።

ውሳኔው ድጋፍ ለሚሹ ኢትዮጵያውያን በፍጥነት ለማቅረብ አስፈላጊ እርምጃ መሆኑን የጠቀሰችው አሜሪካ ፤ ለአገሪቱ ደኅንነትና ብልጽግና ሁሉን አካታች የሆነ ፖለቲካዊ ሂደት ለማስጀመር መሠረት እንደሚሆንም አሳውቃለች።

በሁሉም ወገኖች በሰላማዊ ሰዎች ላይ የሚፈጸሙ ጥቃቶች እንዲቆሙና ከዚህ በፊት ለተፈጸሙ በደሎችና ጭፍጨፋዎች ተጠያቂነት እንዲኖርም አሜሪካ ጠይቃለች።

ይህንን ግጭት የማቆም ውሳኔን በመከተልም ተፋላሚ ወገኖቹ አስፈላጊ የደኅንነት ሁኔታዎችን ማመቻቸትን ጨምሮ በድርድር ላይ ወደተመሠረተ ዘላቂ ተኩስ አቁም እንዲደርሱ መምከሯን ቢቢሲ ዘግቧል።

አሜሪካ ፤ የሰሜን ኢትዮጵያው ጦርነት በሰላም እንዲፈታ እና ጦርነቱን ተከትሎ በችግር ላይ ለወደቁ በሚሊዮን የሚቆጠሩ ወገኖች ሰብዓዊ እርዳታ ያለገደብ እንዲደርስ ጥረት ስታደርግ መቆየቷን በተደጋጋሚ የገለፀች ሲሆን ከቀናት በፊት ከመጋቢት 12- መጋቢት 13 /2014 ዓ/ም የአፍሪካ ቀንድ ልዩ መልዕክተኛዋን አምባሳደር ዴቪድ ሳተርፊልድን ወደ ኢትዮጵያ በመላክ ከኢትዮጵያ ፣ ከAU፣ ከUN ባለስልጣናት እና ከረድኤት ድርጅት ተወካዮች ጋር እንዲነጋገሩ አድርጋለች።

@tikvahethiopia

#ተራዝሟል

የመኖርያ ቤት ኪራይ ዋጋ ጭማሪን እና ተከራዮችን ማስወጣትን ለመገደብ የወጣው ደንብ ለሚቀጥሉት ሶስት ወራት መራዘሙን የአዲስ አበባ ከተማ አስተዳደር ዛሬ አሳውቋል።

የአዲስ አበባ ከተማ አስተዳደር የዜጎችን ጥያቄና አገራዊ ሁኔታን ከግምት ውስጥ በማስገባት ከዚህ በፊት የመኖርያ ቤት ተከራዮችን ለማስለቀቅና የመኖሪያ ቤት ኪራይ ጭማሪ ለመገደብ ደንብ ማውጣቱን አስታውሷል።

ደንቡ ላለፉት ሶስት ወራት እንዲራዘምም ተደርጎ እንደነበር ገልጿል።

አሁንም ዜጎችን ከተለያዩ ጫናዎች ለመከላከል ሲባል ይህ ደንብ ለሚቀጥሉት ሶስት ወራት እንዲራዘም የከተማው አስተዳደር መወሰኑን አሳውቋል።

ስለሆነም በዚሁ መሰረት በሚቀጥሉት ሶስት ወራት ተከራዮችን ማስለቀቅና እና የቤት ኪራይ የዋጋ ጭማሪ ማድረግ የተከለከለ መሆኑ ተገልጿል።

" ኢትዮጵያዊ የመተሳሰብና የመተጋገዝ ባህላችንን በማሳደግ ፈታኝ ሁኔታዎች በጋራ ሆነን እንሻገር " ሲል የከተማ አስተዳደሩ ጥሪ አስተላልፏል።

@tikvahethiopia