" ፈተናውን መውሰድ ለማይችሉ ተለዋጭ መርሀ ግብር ይኖራል " - ትምህርት ሚኒስቴር

የኢፌዴሪ ትምህርት ሚኒስቴር ህወሓት ወረራ በመፈፀሙ ምክንያት የ2013 ዓ.ም የ12ኛ ክፍል ሀገር አቀፍ ፈተናን መውሰድ ለማይችሉ ተማሪዎች ተለዋጭ መርሀ ግብር ይኖራል አለ።

ሚኒስቴሩ ከወራር ነፃ በወጡ አካባቢዎች የመልሶ ግንባታ እንቅስቃሴ እንደተጀመረ ያሳወቀ ሲሆን ከጥቅምት 29 እስከ ኅዳር 2/2014 ዓ.ም የሚሰጠውን የ2013 ዓ.ም የ12ኛ ክፍል ሀገር አቀፍ ፈተና ለመውሰድ በማይችሉ አካባቢዎች መደበኛ የተማሪዎች ፈተና በሌላ መርሀ ግብር ይሸፈናል ሲል አሳውቋል።

ትምህርት ሚኒስቴር በህወሓት ወረራ በአማራ እና አፋር ክልሎች ከ3 ሺህ በላይ የትምህርት ተቋማት ጉዳት እንደደረሰባቸው አሳውቋል።

ከ2 ሺህ 900 በላይ የሚሆኑት ትምህርት ቤቶች በአማራ ክልል የሚገኙ ናቸው ብሏል።

የትምህርት ሚኒስቴር ሚኒስትር ዴኤታ ዶ/ር ጌታሁን ጋረደው ለአሚኮ በሰጡት ቃል፤ "ቡድኑ ወረራ በፈፀመባቸው አካባቢዎች ትምህርት ቤቶች ሙሉ በሙሉ ዘርፏል፣ ማንቀሳቀስ ያልቻለውን አውድሟል" ብለዋል ፤ "አንዳንድ ትምህርት ቤቶችንም የጦር ካምፕ ስላደረጋቸው ጦርነት ተካሂዶባቸዋል ፤ በሽንፈት ሲሸሽም ጣራ በመንቀል እና ሕንጻ በማፍረስ አስነዋሪ ድርጊት ፈጽሟል" ሲሉ ተናግረዋል።

ዶ/ር ጌታሁን የ12ኛ ክፍል ፈተናን በተመለከተም፥ “ፈተናውን መውሰድ ያልቻሉ ተማሪዎች የአካባቢያዊ ሁኔታው ሲመቻች እና በሥነ ልቦና ለፈተና ዝግጁ ሲሆኑ በሌላ መርሀ ግብር እንዲወስዱ ይደረጋል" ብለዋል፡፡

ዶ/ር ጌታሁን "የተማሪዎችን ሥነልቦና በመጠገን፣ የትምህርት ቤቶች ምገባ በማስጀመርና የተለያዩ አጋዥ የትምህርት ቁሳቁስ በማበርከት ኢትዮጵያውያንና ዓለም አቀፍ ድርጅቶች ድጋፍ እንዲያርጉ ጥሪ አቅርበዋል።

Credit : AMC

@tikvahethiopia

* የኤሌክትሪክ መሰረተ ልማት ስርቆት !

በአፋር ክልል ውስጥ እየተስፋፋ የመጣውን የኤሌክትሪክ መሰረተ ልማት ስርቆት ሁሉም የህብረተሰብ ክፍል በጋራ እንዲከላከል ጥሪ ቀረበ።

የአፋር ክልል ኤሌክትሪክ አገልግሎት በክልሉ እያደገ የመጣውን የኤሌክትሪክ ፍላጎት ለማሟላት በከፍተኛ የውጭ ማንዛሬ በማስገባት የማስፋፊያ፤ የመልሶ ግንባታ እና አዳዲስ ከተሞች ላይ የኤሌክትሪክ መሰረተ ልማት ዝርጋታ በማከናወን የኤሌክትሪክ ተደራሽነትን በማስፋት ላይ እንደሚገኝ ገልጿል።

ነገር ግን በአንዳድ የክልሉ ከተሞች በተለይም #በአይሳኢታ እና #ዱብቲ ከስኳር ፋብሪካው ጋር የተመሰረቱ መንደሮች እንዲሁም ለውሃ አግልግሎት የሚሰጡ ትራንስፈርመሮች እና የኤሌክትሪክ ሽቦና መለዋወጫ ላይ አሁን ባለው ዋጋ 3.9 ሚሊዮን ብር በላይ ስርቆት ተፈፅሟል።

ተቋሙ ፤ ጉዳዩ በህግ ክትትል እየተደረገበት እንደሆነ የጠቆመ ሲሆን የችግሩን አሳሳቢነትም በመረዳት የኤሌክትሪክ መሰረተ ልማት በከፍተኛ የውጭ ምንዛሬ የሚገዙና ከፍተኛ የህዝብ ሃብት የፈሰሰባቸው በመሆኑ ሁሉም ህብረተሰብ እንደራሱ ንብርት ጥበቃ ሊያደርግላቸው ይገባል ብሏል።

ህብረተሰቡ በየአካባቢው የኤሌክትሪክ የመሰረተ ልማቶች ላይ ጉዳት የሚያደርሱ ግለሰቦችን በአቅራቢያው ላለ ፖሊስ አልያም አገልግሎት መስጫ ማዕከላት በስልክ ቁጥር 👉 0913834455 ላይ ጥቆማ እንዲሰጥ ተጠይቋል።

@tikvahethiopia

* ቁጥራዊ መረጃ

የገቢዎች ሚኒስቴር እንዳሳወቀው ባሳለፍነው ሳምንት ከ05/13/2013 ዓ.ም እስከ 06/01/2014 ዓ.ም ድረስ ከ101.8 ሚሊዮን ብር በላይ ግምታዊ ዋጋ ያላቸው የኮንትሮባንድ እቃዎች ተይዘዋል፡፡

የኮንትሮባንድ እቃዎቹ ከሀገር ሊወጡ እና ወደሃገር ሊገቡ ሲሉ የተያዙ ሲሆን የገቢ ኮንትሮባንድ 99ሚሊየን 494ሺ 237 ብር ወጪ ደግሞ 2ሚሊየን 345ሺ 048ብር በድምሩ የ101ሚሊየን 839ሺ 285ብር ግምት አላቸው፡፡

ከኮንትሮባንድ ቁሶቹ መካከል ፦

- የውጭ ሀገራት ገንዘቦች፣
- ወርቅ፣
- የወርቅ ማውጫ ማሽን፣
- የተለያዩ አልባሳት፣
- ጫማ፣
- ምግብ ነክ፣
- የጦር መሳሪያዎች፣
- ኤሌክትሮኒክስ፣
- ኮስሞቲክስ፣
- ሲጋራ፣
- ልባሽ ጨርቅ፣
- መለዋወጫ፣
- የሰው መድሀኒትና ሌሎችም ይገኙበታል፡፡

በቁጥጥር ስር ከዋሉት ዕቃዎች ውስጥ በድምሩ 80 ሚሊየን 322 ሺ 616 ብር የሚሆነው በአ/አ ኤርፖርት ቅ/ጽ/ቤት በገቢ እና በወጪ የተያዘ ነው፤ ከነዚህ ውስጥ የዋጋ ግምታቸው 50 ሚሊየን 260 ሺ 216 ብር የሆኑት ኤሌክትሮኒክሶች እንዲሁም የዋጋ ግምታቸው 27 ሚሊየን 606 ሺ 384ብር የሆኑት ደግሞ የተሽከርካሪ መለዋወጫዎች ናቸው ብሏል የገቢዎች ሚኒስቴር።

@tikvahethiopia

" ሴት ሰራተኞች አርፋችሁ ቤት ተቀመጡ " - የካቡል ከንቲባ

የታሊባን አዲሱ የካቡል ከንቲባ [ስማቸው - ሐምዱላህ ኖማኒ] በካቡል የሚገኙ የማዘጋጃ ቤት ሴት ሠራተኞችን 'አርፋችሁ ቤት ተቀመጡ' ሲሉ ተናገሩ።

ከንቲባው ይህን ያሉት ታሊባን ለጊዜው ሴቶች ሥራ እንዳይሠሩ ማዘዙን በመጥቀስ ነው።

"ክፍት የሥራ መደቦች በወንዶች የማይሞሉ ከሆነ ብቻ ለሥራ ልትመጡ ትችላላችሁ፤ አለበለዚያ ግን አርፋችሁ ቤት ተቀመጡ" ብለዋል ከንቲባው።

የካቡል አዲሱ ከንቲባ እንዳሉት በከተማዋ ማዘጋጃ ቤት ሠራተኞች ውስጥ አንድ ሦስተኛው ሴቶች ነበሩ። ቤት እንዲቀመጡ የተነገራቸውም በቁጥር ወደ አንድ ሺህ ይጠጋሉ።

ታሊባኖች ሥልጣን ከያዙበት ዕለት ጀምሮ ሥራ የነበራቸው ሴቶች በሙሉ የአገሪቱ የደኅንነት ሁኔታ እስኪሻሻል ድረስ ቤት እንዲቀመጡ አዟል።

ሕጉን በመቃወ ሰልፍ በወጡ ሴቶች ላይም ድብደባ ፈጽሟል።

ታሊባን የሴቶች ጉዳይ ሚኒስትርን ያፈረሰ ሲሆን በምትኩ ሐይማኖታዊ ደንቦች መከበራቸውን የሚቆጣጠር ሚኒስቴር መሥሪያ ቤት አቋቁሟል።

በዚህ ሳምንት 2ኛ ደረጃ ትምህርት ቤቶች የተከፈቱ ቢሆንም ወንድ ተማሪዎች እና ወንድ አስተማሪዎች ብቻ ወደ ትምህርት ቤት እንዲመጡ ነው የተነገራቸው።

ሴት ተማሪዎቸና አስተማሪዎች ግን ለጊዜው ቤት እንዲቆዩ ተደርጓል።

ታሊባን ለሴቶች የተለየ ትምህርት ቤቶችን እያዘጋጀሁ ነው ብሏል።

መረጃው ከቢቢሲ ነው የተገኘው።

@tikvahethiopia

* Afar

የዓለም ምግብ ፕሮግራም በ አፋር ክልል በጦርነቱ ከ100 ሺህ በላይ ሰዎች መፈናቀላቸውን ከግማሽ ሚሊዮን በላይ ሰዎች ደግሞ አስቸኳይ የምግብ ድጋፍ እንደሚያስፈልጋቸው አመልክቷል።

የዓለም ምግብ ፕሮግራም ፥ በአፋር ክልል ለሚገኙ ከ530 ሺህ በላይ ሰዎች አስቸኳይ የሆነ የምግብ ዕርዳታ ለማድረስ ድጋፉን እያጠናከረ እንደሚገኝ ገልጿል።

@tikvahethiopia