ሙሐመድ አወል ሙሐመድ ሳላህ ስርዓተ ቀርብ ተፈፀመ።

የሙነሺድ መሀመድ አወል ሳላህ ስርዓተ ቀብር ዛሬ ነሀሴ 17 ቀን 2013 ተፈፅሟል።

ሥነ-ስርዓተ ቀብራቸው የተፈፀመው ኮልፌ በሚገኘው የሙስሊም መካነ መቃብር ነው።

በቀብር ስነስርዓቱ ላይ ቤተሰቦቻቸው ፣ ወዳጅ ዘመዶቻቸው ተገኝተው ነበር።

Photo Credit : MUBA (Tikvah-Family)

@tikvahethiopia

#CHINA  🇨🇳 #ETHIOPIA 🇪🇹

በትምህርት ዘርፍ ውስጥ ለሚገኙ እና ይበልጥ ለኮቪድ-19 ተጋላጭ ለሆኑ የህብረተሰብ ክፍሎች የሚሆን 300 ሺህ ዶዝ የኮቪድ-19 ክትባት ቻይና ለገሰች።

በዛሬው እለት ክትባቱ ቦሌ ዓለም አቀፍ አውሮፕላን ማረፊያ ሲደርስ በኢትዮጵያ የቻይና አምባሳደር ዥያዎ ዢዮዋን ለዶክተር ሊያ ታደሰ አስረክበዋል።

በርክክቡ ወቅት የጤና ሚኒስትር ዶ/ር ሊያ ታደሰ እንደተናገሩት ይህ ከቻይና መንግስት ለሶስተኛ ግዜ ድጋፍ የተደረገው 300 ሺህ ዶዝ የኮቪድ-19 መከላከያ ክትባት በዋናነት በስራቸው ይበልጥ ተጋላጭ ለሆኑ የማህበረሰብ ክፍሎች በተለይም በትምህርት ዘርፍ ውስጥ ለሚገኙ የህብረተሰብ ክፍሎች ይውላል ብለዋል፡፡

በተጨማሪ ድጋፉ ካለው የኮቪድ-19 ህሙማን መብዛትና የኮቪድ-19 ስርጭት መበራከት ጋር ተያይዞ ያለውን ጫና ከመቀነስ አንጻር ጉልህ ሚና ይጫወታል ብለዋል።

ቻይና  🇨🇳 በዛሬው ዕለት የላከችውን 300 ሺህ ዶዝ ክትባትን ጨምሮ ለኢትዮጵያ 1 ሚሊየን ዶዝ የኮቪድ-19 መከላከያ ክትባት ድጋፍ አድርጋለች፡፡

#MoHEthiopia

@tikvahethiopia

#SOMALIA 🇸🇴 #ETHIOPIA 🇪🇹

የኢትዮጵያ እና የሶማሊያ ጦር ኃይሎች ጠቅላይ ኢተማዦር ሹሞች በአዲስ አበባ መከሩ።

የኢትዮጵያ መከላከያ የጦር ሀይሎች ጠቅላይ ኤታማዦር ሹም ፣ ከሶማሊያ አቻቸው ጋር በፀጥታ ጉዳዮች ላይ ውይይት አድርገዋል።

የሶማሊያ የጦር ሀይሎች ጠቅላይ ኤታማዦር ሹም ጀነራል አዲዋ የሱፍ ራጌ አዲስ አበባ በመምጣት ነው ከኢትዮጵያው አቻቸው ጀነራል ብርሀኑ ጁላ ጋር ውይይት ያደረጉት።

በውይይቱ ወቅት ጀነራል አዲዋ የሱፍ ራጌ ፥ በሶማሊያ ውስጥ የሚገኘው አሸባሪ ቡድን አልሸባ በሶማሊያ ህዝብ ላይ የሚያደረሰውን ጫና በመቀነስ ረገድ በአሚሶም ጥላ ስር ለግዳጅ የተሰማራው የኢትዮጵያ ሰራዊት የማይተካ ሚና መጫወቱን ተናግረዋል።

ጀነራሉ አክለውም የሶማሊያን ሰላም ለማስጠበቅ ቃል እየገቡ ከሚሄዱት የውጭ ሀገራት ይልቅ እንደ ኢትዮጵያ ያሉ ጎረቤት ሀገሮች የሰሩት ተግባር ፅኑ ወዳጅነት በቃላት የሚነገር ብቻ ሳይሆን በተግባር የሚረጋገጥ መሆኑ ማሳያ መስታወት ነው ብለዋል።

የኢትዮጵያው የጦር ሀይሎች ጠቅላይ ኤታማዦር ሹም ጀነራል ብርሀኑ ጁላ በበኩላቸው ፣ ሶማሊያ ራሷን ለመቻል በምታደረገው እንቅስቃሴ ውስጥ የኢትዮጵያ መከላከያ ሰራዊት ወታደራዊ ትብብር እና አጋርነት እንደማይለያት ቃል ገብተዋል።

"የጎረቤት ሀገር ሰላም የእኛም ሰላም ፤ የጎረቤት ሀገር ሰላም መናጋት የእኛም ስጋት በመሆኑ የጋራ ጠላታችንን እስከ መጨረሻው ለመደምሰስ ዝግጁ ነን" ማለታቸውን ውይይቱን የተከታተሉት በመከላከያ ውጭ ግንኙነት የሁለትዮሽ ትብብር ጉዳዮች ዳይሬክተር ኮ/ል የኑስ ሙሉ ተናግረዋል ፡፡

መረጃው የኢፌዴሪ መከላከያ ሰራዊት ነው።

@tikvahethiopia

#BREAKING

ምርጫ ቦርድ ሰኔ 14 ቀን 2013 ዓ.ም ምርጫ ባልተካሄደባቸው ምርጫ ክልሎች የድምጽ መስጫ ቀን መስከረም 20 ቀን 2014 ዓ.ም እንዲሆን ውሳኔ አሳለፈ።

ድምፅ አሰጣጡ የሚከናወነው ፦
- በሶማሌ ክልል፣
- በሐረሪ ክልል
- በደቡብ ብሔር ብሔረሰቦች እና ህዝቦች ክልል የሚሆን ሲሆን የደቡብ ምእራብ ኢትዮጵያ ህዝቦች ህዝበ ውሳኔም በተመሳሳይ ቀን መስከረም 20 ቀን 2014 ዓ.ም የሚከናወን ይሆናል ተብሏል።

በቀሪ የምርጫ ክልሎች ላይ የሚኖረውን ሂደት አስመልክቶ ምርጫ ቦርድ ተጨማሪ መረጃዎችን እሰጣለሁ ብሏል።

* ብሄራዊ ምርጫ ቦርድ ዛሬ ምሽት ያሰራጨው ሙሉ መግለጫ ከላይ ተያይዟል።

@tikvahethiopia

አሜሪካ በኤርትራ ጦር አዛዥ ላይ ማዕቀብ ጣለች።

አሜሪካ የኤርትራ ጦር በትግራይ ክልል ፈጽሟል ባለችው የሰብዓዊ መብት ጥሰት ምክንያት በጦሩ ዋና አዛዥ ላይ ማዕቀብ መጣሏን አስታወቀች።

ማዕቀቡ በኤርትራ ጦር ጠቅላይ ኤታማዦር ሹም ጄነራል ፊሊጶስ ወልደዮሀንስ ላይ የተጣለ ነው፡፡

ማዕቀቡን የተጣለው በአሜሪካ የፌዴራል ግምጃ ቤት (ትሬዠሪ) በኩል ሲሆን አዛዡ በአሜሪካ ያላቸው ሀብት እንዲታገድ እንደተወሰነ ግምጃ ቤቱ በድረገጹ ባወጣው መረጃ አስታውቋል።

አሜሪካ በጄነራል ፊሊጶስ ወልደዮሀንስ የሚመራው የኤርትራ ጦር በኢትዮጵያ ትግራይ ክልል የሰብአዊ መብት ጥሰቶችን ፈጽሟል፤ ሴቶችን ደፍሯል እንዲሁም ወጣቶችን እና ንጹሀን ዜጎችን ቤት ለቤት በመግባት ገድሏል ስትል ከሳለች።

የኤርትራ ጦር የኢትዮጵያ ፌደራል መንግስት የተናጠል የተኩስ አቁም ካደረገ በኋላም ተመልሶ ወደ ትግራይ ክልል ገብቷል የሚለው የአሜሪካ ግምጃ ቤት ጦሩ በአስቸኳይ ወደ ኤርትራ እንዲመለስ ጠይቋል።

ውሳኔው አሜሪካ ለሰብአዊ መብት ጥበቃ ላላት ቁርጠኝነት ማሳያ ተደርጎ ሊወሰድ እንደሚችልም ነው ግምጃ ቤቱ ያስታወቀው።

አሁንም ጦርነቱ በኢትዮጵያ እየተካሄደ ነው የሚለው የህ ተቋም በቀጠለው ግጭት ምክንያት እርዳታ የሰብአዊ መብት ድጋፍ ለሚያስፈልጋቸው ዜጎች ማድረስ ባለመቻሉ ሁሉም አካላት ግጭቱን እንዲያስቆሙ ጠይቋል።

ኤርትራ ማዕቀቡን በተመለከተ እስካሁን የሰጠችው ምላሽ የለም፡፡

የመረጃ ባለቤት፦ አል አይን ኒውስ

@tikvhethiopia

#Eritrea

ኤርትራ፤ አሜሪካ በሀገሪቱ የጦር መሪ ጄነራል ፊሊጶስ ወልደዮሀንስ ላይ የጣለችውን ማዕቀብ "መሠረተ ቢስ" ስትል ውድቅ አድርጋዋለች።

ኤርትራ "ህገ ወጥ" ያለችውን የአሜሪካን ማዕቀብ በተመለከተ በውጭ ጉዳይ ሚኒስቴሯ በኩል መግለጫ አውጥታለች።

አሜሪካ በጠቅላይ ኤታማዦር ሹም ጄነራል ፊሊጶስ ወልደዮሀንስ ላይ "ተቀባይነት የሌላቸውን ክሶች ሰንዝሯል" ያለው መግለጫው የኤርትራ መንግስት የተቃጣበትን መሠረተ ቢስ ውንጀላና ክስ በደብዳቤም ሆነ በመንፈስ እንደማይቀበል አስታውቋል።

የአሜሪካ አስተዳደር እንዲህ ዐይነት መሠረተ ቢስ የውንጀላ ዘመቻዎችን በኤርትራ ላይ ሲያርግ የመጀመሪያው እንዳይደለም ሲል ጠቁሟል።

ባሳለፍነው መጋቢት መባቻ ላይ የኤርትራ የውጭ ጉዳይ ሚኒስትር ዑስማን ሳሌህ ለአሜሪካው የውጭ ጉዳይ ሚኒስትር አንቶኒ ብሊንከን "እንዳለመታደል ሆኖ በሚዲያዎች በሚነዙ ያልተረጋገጡ መረጃዎች ላይ ተመስርተው ማደማደሚያዎችን ይሰጣሉ" ሲሉ በጻፉት ደብዳቤ "ተከታታይ የአሜሪካ አስተዳደሮች ባለፉት 30 ዓመታት በኤርትራ ላይ ሲያራምዱት ወደነበረው ፖሊሲ የተመለሱ በሚያስመስለው ደብዳቤዎ አዝኛለሁ" ሲሉ ቅሬታቸውን ገልጸው እንደነበር አስታውሷል።

ሚኒስትሩ ወደ ዝርዝር ጉዳዮች አልገባም ባሉበት በዚህ ደብዳቤ መፍትሔዎች ሊኖሩ ይችላሉ በሚል ስለመግለጻቸው ነው የተጠቀሰው።

ኤርትራ ምክንያታዊ ያልሆኑ ተደጋጋሚ ክሶችን በዝምታ ልታልፍ እንደማትችልም ይጠቁማል። "ሃሰተኛ" ያለው ውንጀላ ሊጣራ የሚችል ነገር ካለው በገለልተኛ አካል እንዲጣራም ለአሜሪካ አስተዳደር ጥሪ አቅርቧል።

የUN የጸጥታው ም/ቤት ተደጋጋሚ የዓለም አቀፍ ህግጋትና የሃገራትን የሉዓላዊነት ጥሰቶች በመግታትና መፈትሔ በመፈለግ ረገድ ኃላፊነቱን እንዲወጣም አሳስቧል።

(አል-ዓይን)

@tikvahethiopia