የብፁዕ አቡነ ጢሞቴዎስ (ዶ/ር) ሥርዓተ ቀብር ተፈጸመ፡፡

የኢትዮጵያ ኦርቶዶክስ ተዋሕዶ ቤተክርስቲያን የቅዱስ ሲኖዶስ አባል የቅድስት ሥላሴ ዩኒቨርስቲ እና የመንበረ ጸባዖት ቅድስት ሥላሴ ካቴድራል የበላይ ጠባቂ ብፁዕ አቡነ ጢሞቴዎስ (ዶ/ር) ሥርዓተ ቀብር ተፈፅሟል።

የብፁዕ አቡነ ጢሞቴዎስ ቀብር ስነሥርዓት የተፈፀመው ዛሬ በመንበረ ጸባዖት ቅድስት ሥላሴ ካቴድራል ነው።

በስነስርዓቱ ብፁዕ ወቅዱስ አቡነ ማትያስ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ፣ ብፁአን ሊቃነ ጳጳሳት ፣ የቤተ እምነት ተወካዮች እንዲሁም ወዳጅ ዘመዶቻቸው ተገኝተው ነበር። - EOTC TV

@tikvahethiopiaBOT @tikvahethiopia

ፔካ ሀቪስቶ ኢትዮጵያ ገብተዋል።

በፊንላንድ የውጭ ጉዳይ ሚኒስትር ፔካ ሀርቪስቶ የተመራው የአውሮፓ ህብረት ልዑክ አዲስ አበባ ገብቷል።

ፔካ ሀርቪስቶ ወደኢትዮጵያ ከመምጣታቸው ከሰዓታት በፊት በትዊተር ገፃቸው ፥ በቆይታቸው በአዲስ አበባ እንዲሁም ትግራይ ክልል ጉብኝት እንደሚያደርጉ ገልፀው ነበር።

በትግራይ ክልል ያለው የሰብዓዊ ቀውስም ፈጣን መፍትሄ እንደሚፈልግ ፅፈዋል።

ዛሬ ኢትዮጵያ ከገቡ በኃላ ከኢትዮጵያ ፕሬዜዳንት ሳህለ ወርቅ ዘውዴ ጋር ተገናኝተው መምከራቸው ታውቋል። ፕሬዜዳንት ሳህለወርቅ ስለትግራይ ሁኔታ ገለፃ አድርገውላቸዋል።

የፕሬዜዳንት ፅህፈት ቤት እንዳሳወቀው ልዑካን ቡድኑ ፦

- በትግራይ ያለውን የዕርዳታ እና የሰብዓዊ መብት አያያዝ ይመለከታል።

- በታላቁ የህዳሴ ግድብ ዙሪያ ከኢትዮጵያ ከፍተኛ ባለስልጣናት ጋር ይወያያል።

- ወደ ትግራይ በመሄድ ያለው ሁኔታ የማየት እቅድ አለው።

ቡድኑ በቆይታው የተረዳውን እና የደረሰበትን ድምዳሜ በሚያዚያ ወር አጋማሽ ለህብረቱ የሚኒስትሮች ስብሰባ እንደሚያቀርብ አስታውቋል።

የልዑካን ቡድኑ ከሁለት ወራት በፊት ለተመሳሳይ ዓላማ ወደ ኢትዮጵያ መጥቶ እንደነበር የፕሬዜዳንት ፅህፈት ቤት አስታውሷል።

@tikvahethiopiaBOT @tikvahethiopia

"...የመራጮች ምዝገባ ያልተጀመረው የምርጫ ቁሳቁስ ባለመቅረቡ ነው" - ወ/ሮ ወለላ መብራት

በአማራ ክልል እስካሁን ድረስ የመራጮች ምዝገባ ያልተጀመረባቸው ቦታዎች መኖራቸውን በቢሮ ኃላፊ ደረጃ የአማራ ክልል ርዕሰ መስተዳድር ማህበራዊ ዘርፍ አማካሪና የክልሉ የምርጫ ጉዳይ ኦፊሰር ወ/ሮ ወለላ መብራት አስታውቀዋል።

የመራጮች ምዝገባ በአገር አቀፍ ደረጃ መጋቢት 16 ቀን 2013 ዓ.ም መጀመሩ ቢገለፅም ፥ በክልሉ ያልተጀመረባቸው ቦታዎች እንዳሉ ያመለከቱት ወ/ሮ ወለላ ፥ የመራጮች ምዝገባ ያልተጀመረው የምርጫ ቁሳቁስ ባለመቅረቡ እንደሆነ አመልክተዋል።

ለአብነትም ለአዲስ አበባ ከተማ ቅርብ ነው ወደሚባለው ሰሜን ሸዋ እንኳን ቁሳቁሱ የደረሰው ገና ከትናንት በስቲያ ነው ያሉት ወ/ሮ ወለላ ፤ እንዲያም ሆኖ ቁሳቁሶቹን ከምርጫ ክልሎች ወደየምርጫ ጣቢያዎቹ በማድረሱ በኩል የክልሉ መንግሥት እገዛ እያደረገ ነው ብለዋል።

የክልሉ መንግሥት በክልሉ ያለውን የምርጫ ቦርድ ቅርንጫፍ ጽ/ቤት ቁሳቁሶቹን በፍጥነት እንዲያደርስ ግፊት በማድረግ ላይ እንደሚገኝ የጠቆሙት ኃላፊዋ፣ መዘግየቱ በምዝገባው ቀን ላይ ጫና ሊፈጥር እንደሚችል ስጋታቸውን ገልጸዋል።

ከዚህ ውጪ በክልሉ ያጋጠመ ችግር እንደሌለ ጠቁመዋል። በክልሉ ቀደም ብሎ የምርጫ ቁሳቁስ የደረሰባቸው አካባቢዎች ጥቂት ቢሆኑም ምዝገባው መጀመሩን አስታውቀዋል።

በክልሉ ከሰላም ጋር በተያያዘ አብዛኛው አካባቢ ችግር የለም፤ ያሉት ወ/ሮ ወለላ ፥ "ምርጫ ቦርድ ስጋት ናቸው የሚባልባቸው ቦታዎች ላይ መረጃ ስጡን ባሉን መሰረት ጥያቄውን ለሚመለከተው የሰላምና ደህንነት ቢሮ ሰጥተናል ፤ ችግሩ ይፈታል ብለን እናስባለን ሲሉ" ለኢፕድ ተናግረዋል።

More : https://telegra.ph/Election2013-04-08

@tikvahethiopia

#TGDCA

የቱርክ ተመራቂዎች የልማት እና የበጎ አድራጎት ማኅበር (TGDCA) ከአሶሳ አስተዳደር ጋር ተባብረው ከ1 ሺህ 210 ለሚሆኑ አቅመ-ደካማ የህብረተሰብ ክፍሎች የምግብ ነክ ቁሳቁስ ድጋፍ ማድረጋቸውን የቤኒሻንጉል ጉሙዝ ኮሚኒኬሽን አሳውቋል።

ድጋፉ በተለያዩ ችግሮች ውስጥ ለሚገኙና የኢኮኖሚ አቅም ለሌላቸው የህብረተሰብ ክፍሎች የተሠራጨ ሲሆን ፣ 1 ነጥብ 6 ሚሊዮን ብር የሚገመት የዳቦ ዱቄት፣ ሩዝ እና የምግብ ዘይት መሆኑም ተገልጿል፡፡

የቱርክ ተመራቂዎች የልማትና በጎ አድራጎት ማኅበር (TGDCA) እንዳሳወቀቅ የገንዘብ ድጋፉ የተገኘው ከ "ሃሰን ኢንተርናሽናል" ከተባለ በጎ አድራጊ ድርጅት ነው።

በቀጣይ በአሶሳ ዙሪያ ለሚገኙ 1 ሺህ 800 አቅመ-ደካማ የህብረተሰብ ክፍሎች 2 ነጥብ 1 ሚሊዮን ብር የሚገመት ድጋፍ ለማድረግ ዝግጅት መደረጉን ድርጅቱ አሳውቋል።

@tikvahethiopia

#MoSHE

በ2013 ዓ/ም 147,640 (88,153 ወንድ ፤ 59,487 ሴት) ተማሪዎች ምደባ ያገኛሉ። እነዚህ ተማሪዎች በ46ቱ የመንግስት ዩኒቨርሲቲዎች ቅበላ ይደረግላቸዋል።

በተጨማሪም በሁሉም ዩኒቨርሲቲዎች ከተፈጥሮ ሳይንስ የትምህርት መስክ ወደ ማህበራዊ ሳይንስ የትምህርት መስክ መቀየር እንደሚቻል MoSHE አሳውቋል።

@tikvahethiopia @tikvahethiopia