በሰሜን ምዕራብ ሪጅን የ4ጂ አገልግሎት ጀመረ።

በባህር ዳር እና በአካባቢው ሲከናወኑ የነበሩ የኔትወርክ ማስፋፊያ ስራዎች ተጠናቀው ዛሬ የሞባይል ኢንተርኔት በፍጥነት መጠቀም የሚያስችለው የ4ጂ ኤል.ቲ.ኢ አድቫንስድ (LTE Advanced) አገልግሎት በይፋ ጀምሯል።

በባህር ዳር ከተማ በተደረገው የፕሮጀክቱ የምርቃት ስነስርዓት ላይ የኢትዮ ቴሌኮም ዋና ስራ አስፈጻሚ ወይዘሪት ፍሬሕይወት ታምሩ እንደተናገሩት ፤ አገልግሎቱ በሰሜን ምዕራብ ሪጅን የሚገኙትን ፦
- ባህርዳር፣
- ደብረማርቆስ፣
- ቻግኒ፣
- ፍኖተ ሰለም፣
- እንጂባራ፣
- ዳንግላ እና ቡሬ ከተሞችን ተጠቃሚ እንደሚያደርግ መግለፃቸውን የኢፕድ ዘግቧል።

@tikvahethiopiaBot @tikvahethiopia

"...በ2 ብሔሮች መካከል ፀብ እንደተነሳ ተደርጎ እየተናፈሰ ያለው መረጃ ሀሰተኛ ነው" - ፖሊስ

ዛሬ ጥዋት በንፋስ ስልክ ላፍቶ ክፍለ ከተማ ሀይሌ ጋርመንት "አትክልት ተራ" በሁለት ግለሰቦች መካካል በተፈጠረ ፀብ የአንድ ሰው ህይወት ማለፉን የአዲስ አበባ ፖሊስ ኮሚሽን ገልጿል።

ከጠዋቱ በግምት 2፡00 ሰዓት አካባቢ በሁለት የጉልበት ሰራተኞች መካከል በስራ አለመግባባት ምክንያት በተፈጠረ ፀብ የአንደኛው ሕይወት ማለፉን እና ገዳዩ በቁጥጥር ስር መዋሉን ፖሊስ አሳውቋል።

የተወሰኑ ግለሰቦች የግድያ ወንጀል በፈፀመው ተጠርጣሪ ላይ ጉዳት ለማድረስ በፈጠሩት ፀብ ምክንያት በፖሊስ አባላትና በአካባቢ ጥበቃ ስራ በተሰማሩ አጋዥ ሀይሎች ላይ ጉዳት መድረሱን ኮሚሽኑ ገልጿል፡፡

ግርግሩን ለማብረድ ፖሊስ ባደረገው ጥረት አካባቢው ተረጋግቶ መደበኛ ሰራ መጀመሩን እና ግርግር በማስነሳት ጉዳት እንዲደርስ ያደረጉ ግለሰቦች በቁጥጥር ስር መዋላቸውን ኮሚሽኑ አሰታውቋል፡፡

በአንዳንድ ማህበራዊ ሚዲያዎች በሁለት ብሔሮች መካከል ፀብ እንደተነሳ ተደርጎ እየተናፈሰ ያለው መረጃ ሀሰተኛ እንደሆነ የአዲስ አበባ ፖሊስ ኮሚሽን ገልጿል።

@tikvahethiopiaBot @tikvahethiopia

የ9 ሰዎችን ህይወት የቀጠፈው የትራፊክ አደጋ ፦

በ22/07/ 2013 ዓ/ም ከጥዋቱ 3 ስአት ሲሆን መነሻውን በማዕ/ዊ ጎንደር አይከል ከተማ ያደረገው አንድ አባዱላ (በተለምዶ) የህዝብ ማመላለሻ ተሽከርካሪ የታርጋ ቁጥር ኮድ-3 -22330 አማ ወደ ጎንደር እየተጓዘ እያለ በማዕ/ዊ ጎንደር አስተዳደር ዞን ምስራቅ ደምቢያ ወረዳ ድርማ ቀበሌ ሲደርስ ድርማ ወንዝ ድልድዩ ላይ ዘሎ በመግባትና በመገልበጡ አሽከርካሪውን ጨምሮ የ5 ወንዶችና የ4 ሴቶች በድምሩ የ9 ሰዎች ህይወት ወዲያውኑ አልፏል።

በ2 ሴቶችና በ 3 ወንዶች በድምሩ በ 5 ሰዎች ላይ ከባድ የአካል ጉዳት ደርሶባቸዋል።

ቁስለኞቹ በጎንደር ሪፈራል ሆስፒታል ህክምና እየተደረገላቸው ሲሆን የአደጋው መንስኤ በመጣራት ላይ እንደሚገኝ የምስራቅ ደንቢያ ወረዳ ፖሊስ ጽ/ቤት አስታውቋል።

መረጃው የማዕ/ዊ ጎንደር ዞን ፖሊስ የኮ/ሚድያ ዋና ክፍል ነው።

@tikvahethiopiaBot @tikvahethiopia

የአዲስ አበባ ነዋሪዎች እንዳትደናገጡ!

ዛሬ ምሽት ከ3 ሰዓት እስከ 4:30 በአድዋ ዜሮ ዜሮ ፕሮጀክት ለግንባታ ስራ ሲባል "ድማሚት" ስለሚፈነዳ ህብረተሰቡ በሁኔታው እንዳይደናገጥ አዲስ አበባ ፖሊስ መልዕክት አስተላልፏል።

አዲስ አበባ ማዘጋጃ ቤት ፊት ለፊት በሚገኘው አድዋ ዜሮ ዜሮ ፕሮጀክት ስፍራ ላይ ነው ድማሚቱ የሚፈነዳው፡፡

በመሆኑም ሕብረተሰቡ በሁኔታው እንዳይደናገጥ ኮሚሽኑ አሳስቧል።

#ሼር #Share

@tikvahethiopiaBot @tikvahethiopia

"መንግስት ከመግለጫ የዘለለ ተጨባጭ እና የሚታይ ስራ ይስራ" -የቲክቫህ አባላት በ @tikvahethiopiaBot

በተለያየ ጊዜያት በተለያዩ ክፍሎች ላይ ያለሃጢያታቸው ስለሚገደሉት ንፁሃን እና ምንም አይነት የፖለቲካ ተሳትፎ የሌላቸው ሴቶች ፣ ህፃናት ፣ ገበሬዎች፣ እናቶች መንግስት ከተደጋጋሚ መግለጫ በዘለለ ተጨባጭ ስራ ሰርቶ ሊያስይ እንደሚገባ የቲክቫህ አባላት አሳስበዋል።

እየተገደሉ ያሉት ዜጎችን ምንም አይነት የፖለቲካ ተሳትፎ ውስጥ የሌሉ እና በሀገሪቱ ያለውን የፖለቲካ ሽኩቻን እንኳን በቅጡ የማያውቁ ናቸው ብለዋል።

ጥቃቶች የሚፈፀሙት አንዴ ወይም ሁለቴ አይደለም እጅግ ተደጋጋሚ ነው ፤ የአንድ ሰሞን አጀንዳ ሆነው እያለፉ በርካቶችን እያሳጣ ነው ሲሉ ገልፀዋል።

በኢትዮጵያ ምድር በየትኛውም ክፍል ስለሚገደሉ ንፁሃን መንግስት በየጊዜው መግለጫ ከመስጠት ባለፈ የሚታይ እና ዘላቂ የሆነ መፍትሄ ሊፈልግ ይገባል ብለዋል።

የችግሮቹን ስፋት፣ ሁኔታና ትክክለኛ መንስኤዎችን በአግባቡ ለህዝብ ሊገልፅ ይገባል ሲሉ አሳስበዋል።

አንድ ጊዜ ረገብ እያለና እየተረሳ፣ የአንድ ሰሞን አጀንድ እየሆነ ዘላቂ መፍትሄ ሳይገኝ ዛሬም የንፁሃን ሞት ቀጥሏል ብለዋል።

በሀገሪቱ የሞት፣ የስቃይ ዜና መስማት እየተለመደ መጥቷል ፤ ይህን ነገር ነገ ሳይሆን ዛሬ መፍትሄ ይፈልጋል ሲሉም ገልፀዋል።

ከሞት፣ ከአካል ጉዳት፣ ከንብረት ውድመት በተጨማሪ በታዳጊ ልጆች ስነልቦና ላይ እያሳረፈ ያለው እጅግ ከባድ ተፅእኖ ትኩረት እንደሚፈልግ አሳወቀዋል።

በተጨማሪም በየትኛውም ጊዜ ዜጎች ስለደረሰባቸው በደል እና ስለሚደርስ የሰብዓዊ መብት ጥሰት በሚናገሩበት ወቅት "ስም በመለጠፍ" ዜጎች ዝም እንዲሉ በማህበራዊ ሚዲያ ላይ የሚሰራው ህዝብን የሚያራርቅ ስራ ሊቆም ይገባል ሲሉ መልዕክት አስተላልፈዋል።

@tikvahethiopia

#እጅግ_ከፍተኛ_ጥንቃቄ😷

ባለፉት 24 ሰዓት 22 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 8,294 የላብራቶሪ ምርመራ 2,372 ሰዎች በቫይረሱ መያዛቸው ተረጋግጧል።

ትላንት 1,327 ሰዎች ከበሽታው አገግመዋል።

በአጠቃላይ 208,961 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 2,890 ሰዎች ህይወታቸው አልፏል፤ 159,436 ሰዎች አገግመዋል።

በአሁን ሰዓት 853 ሰዎች በፅኑ ታመዋል።

#Purpose
@tikvahethiopia @tikvahethiopiaBOT

የምዕራብ ወለጋው ግድያ ?

ከሰሞኑን በምዕራብ ወለጋ ዞን የተፈፀመው ግድያ በ "ኦነግ ሸኔ" እንደሆነ የዞኑ የፀጥታ እና አስተዳደር ፅ/ቤት ኃላፊ አቶ አብዩ ምህረቱ ይገልፃሉ።

ለዚህም በቂ የሆነ ማረጋገጫ አለኝ ይላሉ ፤ ጥቃት ከፈፀሙት ውስጥ 3ቱ በፀጥታ ኃይሎች ተገድለው የ "ኦነግ ሸኔ" ታጣሪዎች ናቸው ህብረተሰቡ እንዲያቸው ተደርጓል ብለዋል።

ንፁሃንን እየገደለ ያለው "ኦነግ ሸኔ" ስለመሆኑ ምንም የሚያጠራጥር ነገር የለም ተጨባጭ ህብረተሰቡ የሚናገረው መሬት ላይ ያለ እውነታ ነው ሲሉ አስረግጠዋል።
.
.

"...መንግስት ኦነግ ሸኔ ነው የገደላቸው ካለ ኦነግ ሸኔ የሚባል ድርጅት ፈልገህ አናግር -አቶ ኩምሳ ድሪባ (ጃል መሮ)

አቶ ኩምሳ ድሪባ (መሮ) "ኦነግ ሸኔ" ስለሚባል ነገር አይመለከተኝም፤ በማያገባን ጉዳይ ሳንጠራ አቤት ምንልበት ምክንያት የለም፤ እኛ የኦሮሞ ነፃነት ሰራዊት ነን፤ በዚህ ስም የቀረበብን ክስ የለም ሲሉ ትላንት ምሽት ለአሜሪካ ድምፅ ሬድዮ ተናግረዋል።

የኦነሰ በንፁሃን ግድያ እጁን አያስገባም የሚሉት አቶ ኩምሳ ድሪባ፤ በሰራዊቱ የተከሰተ ግድያ የለም ሲሉ ይናገራሉ።

አንድ ብሄር መሰረት ያደረገ ቀርቶ አንዲት ነብስ በኦሮሞ ነፃነት ሰራዊት እጅ ቢጠፋ ከባድ ተጠያቂነት ነው ያለው ብለዋል።

አቶ ኩምሳ፥ "..ይሄ ነገር ተደጋገመ ብዙ ዩቱበሮች ፣ ከሁኔታው ርቀት ያሉ አክቲቪስቶች ንግድ አድርገውታል ፤ መወቃቀሱ መወነጃጀሉ ለነኚህ ለሚያልቁት አማራ ፣ ኦሮሞ፣ ትግሬ አንበል ኢትዮጵያዊም አንበል ፥ ለሚያልቁት ንፁሃን የእግዜር ፍጡራን መጫወቻ ቁማር መሆን የለበትም እና እንዲህ ያለው ግድያ ኢትዮጵያ ውስጥ በዝቷል ገለልተኛ አካል ያጣራ" ብለዋል።

በሌላ በኩል በማህበራዊ ሚዲያ "መሮ" ተደገለ ተብሎ የሚወራው ሀሰት ነው ብለዋል።

@tikvahethiopia

#DrAbiyAhmed

ዛሬ መጋቢት 24 ዶ/ር አብይ አህመድ የኢትዮጵያ ጠቅላይ ሚኒስትር ሆነው የተሰየሙበት ቀን ነው።

ልክ በዛሬው ቀን የዛሬ 3 ዓመት ነው የህዝብ ተወካዮች ም/ቤት ዶክተር አብይ አህመድን (በዛን ወቅት የኢህአዴግ ሊቀመንበር) ጠቅላይ ሚኒስትር አድርጎ የሰየመው።

በማህበራዊ ሚዲያ ላይ እንደሚታየው ጠ/ሚሩ ወደስልጣን ከመጡበት ጊዜ ያሳኳቸውን፣ የተገበሯቸውን ተግባራት በማንሳት የሚደግፏቸው ፤ በአንፃሩ ያሉ ጉድለቶችን በማንሳትም የሚቃወሟቸው በርካቶች ናቸው።

@tikvahethiopia

"..የዚህ ታላቅ ፕሮጀክት ጥቅም በኢትዮጵያ ብቻ የተወሰነ አይደለም፤ሁሉንም ጎረቤቶቻችን በተለይም የታችኛው ተፋሰስ ሀገሮች የሆኑትን ሱዳን እና ግብፅን በእጅጉ የሚጠቅም ነው።

ፕሮጀክቱ ሲጠናቀቅ ወንዙ ተሸክሞት ይሄድ የነበረው ደለል ስለሚቀር በግብፅ እና በሱዳን ያሉ ግድቦች በተለይም በደለል እየተሞላ የሚሰጠው ጥቅም በከፍተኛ መጠን የቀነሰው የሱዳን የሮሰሪስ ግድብ ከዚህ አደጋ ነፃ ይሆናል።
.
.
ጥቅሙ ለኢትዮጵያ ብቻ ሳይሆን ለጎረቤት ሀገሮች በተለይ ለሱዳን እና ግብፅ ጭምር በመሆኑ ፍትህ የሰፈነበት ሁኔታ ቢኖር የግድቡን ወጪ 3ቱም ሀገራት ሊሸፍኑት በተገባ ነበር።

እያንዳንዱ ሀገር ከግድቡ በሚያገኘው ጥቅም ልክ ወጪውን ይሸፍን ቢባል ሱዳን የወጪውን 30%፣ግብፅ የወጪውን 20% መሸፈን በተገባቸው ነበር።

ይሁንና በአባይ ወንዝ አጠቃቀም ዙሪያ እንዲህ አይነቱ ገንቢና ፍትሃዊ አሰራር ሊሰፍን አልቻለም፤በመሆኑም ወጪው በሙሉ ኢትዮጵያ ለመሸፈን ተገዳለች።

ይባስ ብሎ ግድቡን ለመስራት ብድር እና እርዳታ እንዳናገኝ የተለያዩ ኃይሎች ባደረጉት ከፍተኛ ርብርብ ምክንያት የፕሮጀክቱን ወጪ ለመሸፈን የሚተባበረን ሀገር ወይም ተቋም ማግኘት አልቻልንም።

ስለሆነም ወጪውን ብቻችንን ከመሸፈን አልፈን ከራሳችን ቁጠባ ለመሸፈን የምንገደድበት ሁኔታ ተፈጥሯል።
.
.
ያለን አማራጭ አንድም ግድቡን አለመስራት፥አለበለዚያ እንደምንም ወጪውን በራሳችን መሸፈን ነው። ከነዚህ ሁለት ከባድ አማራጮች መካከል የኢትዮጵያ ህዝብ ምርጫ እንደሚሆን ግልፅ ነው።በተለመደው ወኔው ምንም ያህል ድሃ ብንሆንም ድህነታችንን ለማስወገድ ማንኛውም መስዋዕነት ለመክፈል ዝግጁ ነን፤ ስለዚህ ፕሮጀክቱ መሰራት አለበት እንደሚል ለአፍታም ያህል አልጠራጠርም"

የቀድሞ ጠ/ሚ መለስ ዜናዊ
መጋቢት 24/2003 ዓ.ም ከተናገሩት

@tikvahethiopia

6 ተጠርጣሪዎች ወደቂሊንጦ ማረሚያ ቤት እንዲወርዱ ታዘዘ።

ሻምበል ጻዲቅ ኪሮስ፣ ዋና ሳጅን ብርሃኑ ፍጹም፣ ዋና ሳጅን አሰፋ መአዛ፣ ዋና ሳጅን ሞገስ ደሳለኝ፣ ሃይሌ አብርሃ እና ፈይሳ ተካ የተባሉ ተጠርጣሪዎች ወደ ቂሊንጦ ማረሚያ ቤት እንዲወርዱ ታዟል።

ግለሰቦቹ ከ 'ህወሓት' ጋር በመቀናጀት የተለያዩ ተልዕኮዎችን በመፈጸም ላይ እንዳሉ ተይዘዋል ተብለው የተጠረጠሩ የትግራይ ልዩ ሃይል እና ሚሊሻዎች ናቸው።

በሌላ በኩል እነአቶ ስብሃት ነጋ በትግራይ ፍርድ ቤት ጉዳያችን ይታይልን ሲሉ ያቀረቡት ጥያቄ ፍርድ ቤት ውድቅ አድርጎታል።

ከዚህ በፊት በነበረው ቀጥሮ ተጠርጣሪዎቹ ጉዳያችን በፌደራል ፍርድ ቤት ሳይሆን በትግራይ ክልል ከፍተኛ ፍርድ ቤት ነው መታየት ያለበት ሲሉ አቤቱታ አቅርበው ነበር፡፡

አቤቱታውን የተመለከተው ፍርድቤት ጉዳያቸው መታየት ያለበት አካባቢ ወሰን ሳይደረግበት ወንጀሉ ሲፈፀምም ከክልሉ ውጪ ባህር ዳርና ጎንደር በሮኬት የተመታ እና በሃገር መከላከያ ሰራዊት ላይ ጥቃት የደረሰ በመሆኑ እንዲሁም የፌደራል መንግስትን ስልጣን በሃይል ለመቆጣጠር የተፈፀመ በመሆኑ የአካባቢ ዳኝነት ስልጣን ያለው የፌደራል ፍርድ ቤቶች ነው ሲል ጥያቄቸውን ውድቅ አድርጓል።

የዛሬ ችሎት ውሎ ዝርዝር : telegra.ph/UPDATE-04-02 ~ ኤፍቢሲ

@tikvahethiopia

#እጅግ_ከፍተኛ_ጥንቃቄ😷

ባለፉት 24 ሰዓት 25 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 9,017 የላብራቶሪ ምርመራ 2,353 ሰዎች በቫይረሱ መያዛቸው ተረጋግጧል።

ትላንት 493 ሰዎች ከበሽታው አገግመዋል።

በአጠቃላይ 211,314 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 2,915 ሰዎች ህይወታቸው አልፏል፤ 159,929 ሰዎች አገግመዋል።

በአሁን ሰዓት 829 ሰዎች በፅኑ ታመዋል።

#Purpose
@tikvahethiopia @tikvahethiopiaBOT

የትግራይ አብዛኛዎቹ ከተማዎች በጨለማ ተውጠዋል።

ከትላንት ሀሙስ ከሰዓት ጀምሮ በትግራይ መቐለን ጨምሮ በበርካታ ከተሞች የኤሌክትሪክ ኃይል ተቋርጧል።

የኢትዮጵያ የኤሌክትሪክ ኃይል የኮሚኒኬሽን ዳይሬክተር አቶ ሞገስ መኮንን በአብዛኞቹ የትግራይ ክልል ከተሞች የኤሌክትሪክ ኃይል መቋረጡን ገልፀው ፥ "ኤሌክትሪክ የተቋረጠው ከመሆኒ 40 ኪ.ሜ ላይ ወደ መቐለ ባለ መስመር ላይ ሊሆን እንደሚችል ነው የተቋሙ ባለሞያዎች የለዩት" ብለዋል።

ትክክለኛው ቦታ ባይታወቅም የባለሞያዎቹ ግምት ወደዛ መስመር ነው ሲሉ አስረድተዋል።

የኤሌክትሪክ መቋረጡን ምክንያት በተመለከተም አቶ ሞገስ ፥ ቦታው ተለይቶ ያጋጠመውን ችግር መለየት እስኪቻል ድረስ ምክንያቱ ይሄ ነው ብሎ መግለፅ እንደማይቻል ተናግረዋል።

ኤሌክትሪክ በተቋረጠባቸው ከተሞች ኤሌክትሪክ ሚመለሰው ችግሩ ተለይቶ አስቸኳይ የጥገና ስራ እንደተጠናቀቀ ነው ሊመጣ የሚችለው ፥ ትክክለኛው ቦታውን የመለየት ስራ ተጀምሯል ብለዋል።

መቼ ነው የኤሌክትሪክ አገልግሎት ለሚመለሰው ለሚለው ጥያቄም ችግሩ ስላልተለየ ለመገመት እንደማይቻል ገልፀዋል።

በትግራይ ውስጥ ግጭት ከጀመረበት ጊዜ አንስቶ በተለያየ ጊዜ እና በተለያየ ምክንያት ኤሌክትሪክ እየተቋረጠ የክልሉ ነዋሪዎች ረጅም ጊዜያትን በጨለማ ውስጥ ለማሳለፍ ሲገደዱ እንደነበር አይዘነጋም።

@tikvahethiopiaBot @tikvahethiopia