#Share

"የኮቪድ-19 ክትባትን ለማግኘት ምንም ዓይነት የኮቪድ 19 ቅድመ ላብራቶሪ ምርመራ ማድረግ አያስፈልግም" - ጤና ሚኒስቴር

የጤና ሚኒስቴር ዛሬ ምሽት ባሰራጨው መልዕክት የኮቪድ-19 ክትባት መርሃ ግብር በታቀደው መሰረት በመላው ኢትዮጵያ መሰጠት መቀጠሉን ገልጿል።

እስካሁን ባለው ቁጥራቸው በርካታ የሆኑ የጤና ባለሙያዎች ተከትበዋል።

እድሜያቸው ከ 65 ዓመት በላይ የሆኑ የማህበረሰብ ክፍሎች እና ከ55-64 ዓመት ሆነው የሚታወቅ ተጓዳኝ የጤና ችግር ያለባቸው የህብረተሰብ ክፍሎች ከመጪው ሰኞ ጀምሮ የኮቪድ 19 ክትባትን ማግኘት ይጀምራሉ፡፡

ጤና ሚኒስቴር ክትባቱን ለመውሰድ የኮቪድ- 19 የቅድመ ላብራቶሪ ምርመራ ያስፈልጋል እና ሌሎች ክትባቱን በተመለከተ የሚነገሩት ነገሮች ማህበረሰቡ ትክክል እንዳልሆኑ በመገንዘብ የክትባቱን እንዲወስድ ፥ ከአላስፈላጊ ወጪ አልፎም ከሚፈጠረው ትርምስ እንዲሁም አካላዊ ንክኪ እንዲቆጠብ ብሏል።

@tikvahethiopia

"ለእናቶች ደም እንለግስ" - የቅዱስ ጳውሎስ ሆስፒተል ሚሊኒየም ህክምና ኮሌጅ

የቅዱስ ጳውሎስ ሆስፒታል ሚሊኒየም ህክምና ኮሌጅ 'ለእናቶች ደም እንለግስ' በሚል ከፊታችን መጋቢት 30 እስከ ሚያዚያ 2 ቀን 2013 ዓ/ም ድረስ የደም ልገሳ መርሃግብር ማዘጋጀቱን አሳውቆናል።

የደም ልገሳው መጋቢት 30 ፣ ሚያዚያ 1 እና ሚያዚያ 2 ሲሆን 5ኛ በር አካባቢ ነው የሚደረገው።

ቅዱስ ጳውሎስ ሆስፒታል ሚሊኒየም ህክምና ኮሌጅ የአ/አ ቲክቫህ አባላት በተባሉት ቀናት እና ቦታ በመገኘት ለእናቶች ደግም እንድትለግሱ መልዕክት አስተላልፎላችኃል።

@tikvahethiopiaBot @tikvahethiopia

"...በ4 ቀናት 3000 ነዋሪዎች ተመዝግበዋል" - የአዲስ አበባ ከተማ ቤቶች ልማት ቢሮ

የአዲስ አበባ ቤቶች ልማት ቢሮ በቅርቡ በ20/80 እና በ40/60 ፕሮግራም ሙሉ ክፍያ ከፍለው ቤት ለማግኘት እየተጠባበቁ ላሉና 70 በመቶ መክፈል የሚችሉ ነዋሪዎች በማህበር ተደራጅተው መኖሪያ ቤት መገንባት እንዲችሉ አማራጭ አቅርቦ ነበር።

ቢሮው ፥ ለግንባታው የሚሆን መሬት በ5 ክፍለ ከተሞች እነዚህም በአዲስ ከተማ፣ በንፋስ ስልክ ላፍቶ፣ በአቃቂ ቃሊቲ፣ በኮልፌ ቀራንዮና በቦሌ ክፍለ ከተሞች መዘጋጀቱን አሳውቋል።

የመጀመሪያ ዙር ከ100 እስከ 130 ማህበራት ለማደራጀትና 10 ሺ የሚደርሱ ቤት ፈላጊ አባወራዎችን ተጠቃሚ ለማድረግ እየተሠራ ነው የተባለ ሲሆን ምዝገባው በተጀመረ ባሉት አራት ቀናት ውስጥ ብቻ ከ3,000 በላይ ሰዎች ተመዝግበዋል ተብሏል።

የቤት ግንባታው የሚከናወነው በ2 አይነት መንገድ ነው ፦ አንደኛው እስከ 9 ፎቆች፣ ሁለተኛው ደግሞ 13 ፎቆች መሆኑ ተገልጿል፤ የግንባታ ሥራው በ18 ወራት ይጠናቀቃል ተብሎ የሚጠበቅ ሲሆን ማህበራቱ በፈለጉት ኮንትራክተር ማስገንባት እንደሚችሉ የአዲስ አበባ ከተማ ቤቶች ልማት ቢሮ መግለፁን ኢፕድ በድረገፁ አስነብቧል።

@tikvahethiopiaBot @tikvahethiopia

በጅሌ ጥሙጋ የሰዓት እላፊ ገደብ ታወጀ።

የጅሌ ጥሙጋ ወረዳ ፖሊስ ፅ/ቤት፥ የአካባቢውን ሰላም የበለጠ ለማረጋገጥ እንዲቻል በወረዳ ደረጃ ኮማንድ ፖስት መቋቋሙን አሳውቋል።

ኮማንድ ፖስቱ የሰው እና የባጃጅ እንቅስቃሴ የምሽት የሰአት አለፊ ገደብ አስቀምጧል።

በዚህም መሰረት ባጃጅ እስከ ምሽቱ 2 ሰአት ሲሆን ሰዎች ደግሞ እስከ ምሽቱ 3 ሰአት ብቻ መንቀሳቀስ የሚችኑ መሆኑን ኮማንድ ፖስቱ አስታውቋል።

ከተጠቀሰው ሰአት ውጭ የሚንቀሳቀስ ሰውም ሆነ ባጃጅ ካለ የህግ እርምጃ እደሚወሰድበት የጅሌ ጥሙጋ ወረዳ ፖሊስ ፅ/ ቤት አሳስቧል።

@tikvahethiopia

በመራጭነት ለመመዝገብ ምን ያስፈልጋል? መምረጥ የማይችሉ ዜጎች አሉ ?

ለመራጭነት ለመመዝገብ ፦

- ኢትዮጵያዊ ዜግነት

- እድሜያቸው ከ18 ዓመት በላይ

- 6 ወራት ነዋሪነት

- ነዋሪነት ማረጋገጫ መታወቂያ ወይም ሌላ ሰነድ ወይም ነዋሪነት የሚያውቁ ምስክሮች

በመራጭነት መመዝገብ የማይችሉ ፦

- በአዕምሮ ሕመም ሳቢያ የመወሰን አቅም ውስንነት ያለባቸው

- የእስር ፍርደኞች

- የመምረጥ መብታቸው በሕግ የተገደበባቸው

#CARD

@tikvahethiopiaBot @tikvahethiopia

"... በሁለት ተርባይኖች በአመቱ መጨረሻ ኤሌክትሪክ ሀይል ማመንጨት ስራ እንዲጀመር እየተሰራ ነው" - ዶ/ር ኢ/ር ስለሺ በቀለ

የውሃ ፣ መስኖ እና ኢነርጂ ሚኒስቴር ሚኒስትሩ ዶ/ር ኢ/ር ስለሺ በቀለ የታላቁ የህዳሴ ግድብ ምስረታ 10ኛ ዓመት አስመልክተው ባስተላለፉት መልዕክት የግድቡ ሁለት ተርባይኖች በዓመቱ መጨረሻ ኤሌክትሪክ ሀይል ማመንጨት እንዲጀምሩ እየተሰራ መሆኑን አሳውቀዋል።

ዶ/ር ኢ/ር ስለሺ፥ ግድቡ 79 በመቶ ያህል መድረሱን ገልፀው ፥ በዚህ ዓመት የውሃ ማስተላለፊያ ፥ ወደ ታችኛው ተፋሰሶች የሚያስተላፍ የውሃ ማስወጫ ስራዎች በስፋት የሚሰራበት ነው ብለዋል።

በተጨማሪ ይህ ዓመት 11ዱን ተርባይኖች ማንሳት የሚችሉ የብረት ስራዎች እየተሰሩ ያሉበት መሆኑንና የግድቡን ቁመት ለማሳደግ የኮንክሪት ስራ እየተሰራ መሆኑን ገልፀዋል።

@tikvahethiopiaBot @tikvahethiopia

ፔካ ሐቪስቶ ወደ አዲስ አበባ ይመጣሉ።

By : www.ethiopiainsider.com

የአውሮፓ ህብረት ልዩ መልዕክተኛ የሆኑት የፊንላንዱ ውጭ ጉዳይ ሚኒስትር ፔካ ሐቪስቶ “በኢትዮጵያ ነባራዊ ሁኔታ በተለይ የትግራይ ክልል ቀውስ እና በቀጠናው ባለው አንድምታ ላይ ለመወያየት” በድጋሚ ወደ አ/አ እንደሚያቀኑ የአውሮፓ ህብረት አስታውቋል

ሚኒስትሩ ከሁለተኛው ዙር የኢትዮጵያ ጉብኝታቸው በኋላ ፤ የተመለከቷቸውን ጉዳዮች የያዘ ሪፖርት በሚቀጥለው ወር ለሚካሔደው የአውሮፓ ውጭ ጉዳይ ሚኒስትሮች ስብሰባ ያቀርባሉ ተብሏል።

የአውሮፓ ህብረት የውጭ ግንኙነት ቢሮ ዛሬ ቅዳሜ ባወጣው መግለጫ ፤ ሐቪስቶ “ከኢትዮጵያ ባለሥልጣናት ተገናኝተው የአውሮፓ ህብረት በትግራይ ባለው ሰብዓዊ ሁኔታ አሁንም ያለውን ስጋት” ያስረዳሉ።

በዚሁ ጉዟቸው “ሁሉም ወገኖች ከግጭት እንዲታቀቡ፣ ዓለም አቀፍ ሰብዓዊ እና የስደተኞች መብቶች ጥበቃ ህግጋት እንዲያከብሩ እንዲሁም ተፈጽመዋል በተባሉ የሰብዓዊ መብት ጥሰቶች ገለልተኛ ምርመራ እንዲከናወን እንዲፈቅዱ ” ጥሪ እንደሚያቀርቡ በመግለጫው ተመልክቷል።

ሐቪስቶ በኢትዮጵያ ቆይታቸው የሚያነሱት ሌላው ጉዳይ የኤርትራ ወታደሮች ከትግራይ ክልል መውጣት የተመለከተ እንደሆነ መግለጫው ላይ ጠቅሷል።

@tikvahethiopiaBOT @tikvahethiopia

#Attention😷

በኢትዮጵያ የኮቪድ-19 ሟቾች ቁጥር በእጅጉ እያሻቀበ ነው።

ባለፉት 24 ሰዓት 21 ሰዎች በኮቪድ-19 መሞታቸው ሪፖርት ተደርጓል።

በተመሳሳይ ከተደረገው 8,392 የላብራቶሪ ምርመራ 1,997 ሰዎች በቫይረሱ መያዛቸው ተረጋግጧል።

ትላንት 1,297 ሰዎች ከበሽታው አገግመዋል።

በአጠቃላይ 213,311 ሰዎች በኮሮና ቫይረስ መያዛቸው ሲረጋገጥ ከእነዚህ መካከል 2,936 ሰዎች ህይወታቸው አልፏል፤ 161,226 ሰዎች አገግመዋል።

በአሁን ሰዓት 818 ሰዎች በፅኑ ታመዋል።

#Purpose
@tikvahethiopia @tikvahethiopiaBOT

የኢፊድሪ መንግስት ለG 7 መግለጫ ምላሽ ሰጠ !

የትግራይ ክልልን አስመልክቶ በቡድን ሰባት አባል ሀገራት የውጭ ጉዳይ ሚኒስትሮች የወጣው መግለጫ መንግስት እየወሰዳቸው ያሉ ጉልህ እርምጃዎችን ያላገናዘበ መሆኑን የውጭ ጉዳይ ሚኒስቴር አስታውቋል።

ሚኒስቴሩ ትላንት ባወጣው መግለጫ መንግስት በክልሉ የተከሰተውን ችግር ሙሉ በሙሉ ለመቅረፍ በርካታ እርምጃዎች እየወሰደ መሆኑን አመላክቷል፡፡

ሆኖም የቡድን 7 አባል ሃገራት የውጭ ጉዳይ ሚኒስትሮች የተሰጠው ማግለጫ ይህን ከግንዛቤ ሊያስገባ አልቻለም ነው ያለው ሚኒስቴሩ፡፡

ሚኒስቴሩ ፣ “ባለፈው ሳምንት እንደተገለጸው በሕወሓት ቀስቃሽነት ድንበር አቋርጠው የገቡት የኤርትራ ወታደሮች አሁን ለቀው መውጣት የጀመሩ ሲሆን የኢትዮጵያ ብሔራዊ የመከላከያ ኃይል ብሔራዊ ድንበሩን በመቆጣጠር ላይ ይገኛል” ብሏል፡፡

መንግስት የሚዲያ ተቋማትን ጭምሮ ለሰብዓዊ እርዳታ ድርጅቶች በትግራይ ክልል ያለተገደብ እንቅስቃሴ ፈቃድ ቢሰጥም ከአለም አቀፉ ማሕበረሰብ እየቀረበ ያለው እርዳታ በጣም ዝቅተኛ መሆኑን ሚኒስቴሩ በመግለጫው አመልክቷል፡፡

በክልሉ ተፈጽሟል ስለተባለው የሰብዓዊ መብት ጥሰት አለም ዓቀፍ የሰብዓዊ መብት ባለሙያዎች ምርመራ እነዲያደርጉ ፈቃድ የተሰጣቸው ሲሆን ሥራቸውን በቅርቡ እንደሚጀምሩ ሚኒስቴሩ በመግለጫው አስፍሯል፡፡

እንዲሁም መንግስት ከ4.2 ሚሊየን በላይ ለሆኑ ተረጂዎች እረዳታ ማቅረቡን ያስታወሰው መግለጫው ከዚህ ውስጥ ከአለም አቀፍ ማሕበረሰብ የተገኘው የዕርዳት መጠን ከአንድ ሶስተኛ በታች መሆኑን ገልጿል፡፡

በመሆኑም በክልሉ ያለው ችግር ሙሉ በሙሉ እና በወቅቱ እንዲቀረፍ ከተፈለገ በቂ የእርዳታ አቅርቦትን ማሰባሰበ ላይ ቅድሚያ ሊሰጠው እንደሚገባ መግለጫው ማመልከቱን ኤፍ ቢ ሲ አስነብቧል።

@tikvahethiopiaBOT

የተማሪዎችን ቅበላ እና ድልደላ የሚያስተዳድርበት ሥርዓት ማዘጋጀቱን የኢትዮጵያ ቴክኒካል ዩኒቨርሲቲ አስታውቋል !

የኢትዮጵያ ቴክኒካል ዩኒቨርሲቲ የተማሪዎችን ቅበላና ድልደላ የሚያስተዳድርበት ሥርዓት ማዘጋጅቱን ገልጿል።

የኢትዮጵያ ቴክኒካል ዩኒቨርሲቲ ዋና ዳይሬክተር ተሻለ በሬቻ ለኢፕድ እንደገለፁት፣ ዩንቨርሲቲው የተማሪዎችን ቅበላና ድልደላ የሚያስተዳድርበት ሥርዓት አዘጋጀቶ ለኢፊድሪ ሳይንስና ከፍተኛ ትምህርት ሚኒስቴር እንዲፀድቅ አቅርቧል።

በዚህም በቅርቡ ፀድቆ ዩንቨርሲቲው ተማሪዎችን መቀበል እንደሚጀምር ገልጿል።

እንደ ዳይሬክተሩ ገለፃ ፤ ዩንቨርሲቲ መግቢያ ውጤት ያመጡ ተማሪዎችን መቀበል የሚጀምር ሲሆን ተማሪዎቹ በኢትዮጵያ ቴክኒካል ዩኒቨርሲቲ የሚሰጥ የመግብያ ፈተናም እንደሚሰጣቸው ገልፀዋል።

በቀጣዩ ዓመት ጥቅምት ወር ላይ በመቶዎች የሚቆጠሩ ተማሪዎችን ተቀብሎ በመጀመሪያ ዲግሪ እንደሚያስተምርም ዳይሬክተሩ ገልፀዋል። #EPA

@tikvahethiopia @tikvahethiopiaBOT

የዓዲግራት ዩኒቨርሲቲ መግቢያ ተራዘመ።

የዓዲግራት ዩኒቨርስቲ ተማሪዎች የመግቢያ ቀን በ1 ሳምንት መራዘሙን ዩኒቨርሲቲው አሳውቋል።

ዩኒቨርሲቲው መግቢያው የተራዘመው ፥ "አንዳንድ ያልተሟሉ ግብዓቶችን በበቂ ለማቅረብ ሲባል" ነው ብሏል።

መጋቢት 28-30 የነበረው ወደ ዩኒቨርስቲው የመግቢያ ቀን ወደ ሚያዝያ 5-7/2013 ነው የተራዘመው።

መረጀው የዓዲግራት ዩኒቨርስቲ ረጂስትራር እና MoSHE ነው።

@tikvahethiopia @tikvahethiopiaBOT