በትግራይ ሊዘረፍ የነበረ የእርዳታ እህል ተያዘ።

ትግራይ ክልል ሊዘረፍ የነበረ 430 ኩንታል የእርዳታ እህል በህበረተሰቡ ትብብር እና ጥቆማ የትግራይ ፖሊስ ኮሚሽን መያዙ ተሰማ።

ከትግራይ መዲና መቐለ ወደ ምዕራባዊ ዞን 'ሰለክለካ' የእርዳታ እህል ከጫኑ 16 መኪናዎች አንዱ ከህግ ውጭ ወደተባለው ቦታ ሳያደርስ በመቐለ ከተማ የእርዳታ እህሉን ለማራገፍ ሙከራ ሲያደርግ ህብረተሰቡ ባደረገው ጥቆማ ተይዟል።

እንደ ትግራይ ፖሊስ መረጃ፥መኪናው ንብረትነቱ የ "ትራንስ ኢትዮጵያ" ሲሆን የታርጋ ቁጥሩ ኮድ 3-9672 የተሳቢው ቁጥር 2848 ኢት ነው።

መኪናው ወደ ሰለክለካ 430 ኩንታል እህል ጭኖ እንዲሄድ የነበረ ሲሆን ነገር ግን በመቐለ ከተማ ሰሜን ክ/ከተማ በሚገኝ የትራንስ መጋዘን በማስገባት ከደላሎች እና ነጋዴዎች ጋር በመነጋገር እህሉ ሊሸጥ ነበር የታቀደው፤ ይህን ለማድረግ በህገወጥ መንገድ 2 ሲኖትራክ መኪና ወደ መጋዘኑ እንዲገቡ በማድረግ እህሉ በሲኖትራክ ተጭኖ ሊወጣ ሲል እዛ በነበረ ጥበቃ እና ህበረተሰብ ጥቆማ ፌዴራል ፖሊስ ተቆጣጥሮታል።

ትግራይ ፖሊስ ፥ እህሉን ሊሸጥ የነበረው የትራንስ ኢትዮጵያ ሹፌር ነው ያለ ሲሆን ከሱ ጋር የተባበሩ የሲኖ ትራክ ሹፌሮች እና እህሉን ሲጭኑ የነበሩ 6 ጫኝ እና አውራጆች ነበሩ ብሏል።

ሹፌሩ ያመለጠ ሲሆን ሌሎች የተያዙ አሉ፤ ያልተያዙትን ለመያዝ ክትትል እየተደረገ ነው ተብሏል።

የትግራይ ክልል ፖሊስ ኮሚሽን ከሌሎች አካላት ጋር በመሆን ለእርዳታ በሚውሉ እህሎች ላይ የሚፈፀም ስርቆት እና ማጭበርበር የሚከታተል እና ወደህግ የሚያቀርብ ግብረኃይል ማቋቋሙን ገልጿል።

በተጨማሪ የህዝቡን እህል በመስረቅ ላይ የተሰማሩ ዘራፊዎች ማንም አካል ወንጀል ፈፅሞ መደበቅ እንደማይችል ተገንዝበው ከድርጊታቸው እንዲቆጠቡ አስጠንቅቋል።

@tikvahethiopia

አጭር መረጃ ስለመስቀል አደባባይ ፕሮጀክት ፦

- ከ2.5 ቢሊዮን ብር በላይ በጀት የተመደበለት ነው።

- ሶስት ክፍሎች ያካተተ ሲሆን አንደኛው የሁለት ደረጀ ህንፃ ወለል ግንባታ፣ ስማርት ፓርኪንግ እና የደረጃ ስራ እና 3.5 ኪ/ሜ እስከ ማዘጋጃ ቤት የሚደረስ የመንገድ ማስዋብ ስራ ያካተተ ነው።

- ፕሮጀክቱ ላለፉት 9 ወራት ለ24 ሰዓታት (ቀን እና ለሊት) ሲሰራ ነበር።

- 6 ግዙፍ የማስታወቂያ ስክሪኖች ተገጥመዋል።

- ከ200 በላይ መፀዳጀ፣ መታጠቢያ ቤቶችን አሉት።

- ኢትዮጵያን የሚገልፁ፣ የሚችሉ ቅርሶች እንዲታዩ፣ እንዲሸጡ እና ፣ እንዲታወቁ ለማድረግ ትልልቅ ሱቆች ከላይ በኩል ተገንብተዋል።

- 45 ሱቆች ከታች ተገንብተዋል።

- ከ1 ሺህ 400 በላይ ተሽከርካሪዎችን ማስተናገድ የሚያስችል የመኪና ማቆሚያ አሉት።

- 6 ሊፍቶች እና ቬንትሌተሮች ተገጥመዋል፤ ዘመናዊ የፓርኪንግ ማስተናገጃዎች አሉት።

- WiFI ኢንተርኔት አገልግሎትም በአካባቢው እንዲሰጥ ተደርጎ ነው እየተሰራ ያለው።

- ፕሮጀክቱ የመጨረሻው ምዕራፍ ላይ ደርሷል።

@tikvahethiopiaBot @tikvahethiopia

የንፁሃንን ህይወት የቀጠፈው የጂግዳ ቀበሌ ጥቃት ፦

በቤኒሻንጉል ጉሙዝ ክልል መተከል ዞን በንጹሃን ዜጎች ላይ ግድያ ተፈፅሟል።

ጥቃቱ የተፈጸመው በዞኑ ማንዱራ ወረዳ ጂግዳ ቀበሌ መሆኑን ነዋሪዎች ገልጸዋል፡፡

ከቻግኒ ወደ ግልገል በለስ ሲጓዝ በነበረ መለስተኛ የሕዝብ ማመላለሻ ተሽከርካሪ ውስጥ የነበሩ ተጓዦችን በማስወረድ ግድያ ተፈጽሟል፡፡

የቆሰሉት ደግሞ ወደ ፓዊ ሆስፒታል መወሰዳቸውን ለአብመድ አሳውቀዋል።

በጥቃቱ የሞቱ ፣ የቆሰሉ እና ታግተው የተወሰዱትን ሰዎች ቁጥር ግን በትክክል አይታወቅም።

ወደ ቻግኒ እና ወደ ግልገል በለስ የተሽከሪካሪ እንቅስቃሴ ቆሟል።

በገነተ ማርያም ቀበሌ በተመሳሳይ የታጠቁ ቡድኖች በነዋሪዎች ላይ የከፈቱትን ተኩስ የአካባቢው የፌዴራል ፖሊስ እና የመከላከያ ስራዊት መከላከል መቻላቸውን ነዋሪዎች ለአብመድ ገልጸዋል፡፡

የቲክቫህ አባላት ፦

አሁን ከጥቂት ደቂቃዎች በፊት የቲክቫህ ማንዱራ አባላት እንዳሳወቁት ዛሬ ቀን ላይ በተፈፀመው ጥቃት በርካታ ሰዎች መሞታቸውን ገልፀው አሁንም ወረዳው የስጋት ቀጠና እንደሆነ ተናግረዋል።

ተጨማሪ ያንብቡ : https://telegra.ph/Metekel-03-31

@tikvahethiopiaBot @tikvahethiopia