#WolaitaSodo

በወላይታ ሶዶ ከተማ "መርካቶ ገበያ" ዛሬ መንስኤ ለጊዜው ባልታወቀ ሁኔታ የእሳት አደጋ ተከስቷል።

የወ/ሶዶ ከተማ እሳት አደጋ መከላከያ ቡድን የበኩሉን ጥረት እያደረገ የሚገኝ ቢሆንም ካለው ከባድ ነፋስ የተነሳ እዘሳቱ በከፍተኛ ፍጥነት እየተዛመት በመሆኑ ተጨማሪ ኃይል እንደሚያስፈልግ የከተማዋ ነዋሪዎች እየገለጹ ይገኛሉ።

Via Wolaita Zone Communication
@tikvahethiopiaBOT @tikvahethiopia

#TikvahFamilyWoalita

ዛሬ በወላይታ ሶዶ የደረሰውን የእሳት አደጋ የሚያሳዩ ተጨማሪ ምስሎች ከወላይታ ሶዶ ቲክቫህ ኢትዮጵያ አባላት ተልከዋል።

የእሳት አደጋውን ሙሉ በሙሉ ለመቆጣጠር ርብርብ እየተደረገ መሆኑንም አሳውቀዋል።

#Tariku #Natnael #Tikursew
@tikvahethiopiaBOT @tikvahethiopia

#TikvahFamilyWolaita

እሳቱ ቢቀንስም እስካሁን 'ሙሉ በሙሉ' እንዳልጠፋ የወላይታ ሶዶ ቲክቫህ ኢትዮጵያ አባላት አሳውቀዋል።

ፎቶው ከጥዋት 1:00 ሰዓት አካባቢ የነበረውን ሁኔታ የሚያሳይ ነው።

#Nebeyu
@tikvahethiopia @tikvahethiopiaBot

#Djibouti

ጠቅላይ ሚኒስትር ዶክተር ዐቢይ አሕመድ በ38ኛው አስቸኳይ የኢጋድ የመሪዎች ጉባኤ ላይ ለመሳተፍ ጅቡቲ ገብተዋል።

ከጠ/ሚ ዐቢይ አሕመድ ጋር የውጪ ጉዳይ ሚኒስትር እና ምክትል ጠቅላይ ሚኒስትር ደመቀ መኮንን ጨምሮ ከፍተኛ የመንግስት የስራ ሃላፊዎችን ያካተተ የልኡካን ቡድን ወደ ስፍራው አቅንቷል።

በሌላ በኩል ፦

ጠ/ሚ ዶ/ር ዐቢይ አሕመድ ከሱዳኑ አቻቸው አብደላ ሓምዶክና ከሶማሊያው ፕሬዝዳንት መሀመድ አብዱላሂ ፋርማጆ ጋር በሁለትዮሽ ጉዳዮች ላይ መምከራቸውን አስታውቀዋል።

@tikvahethiopiaBOT @tikvahethiopia

የ3 ሰዎችን ህይወት የቀጠፈው የቦንብ ፍንዳታ !

ጠዋቱ 2፡30 ሠዓት በልደታ ክ/ከተማ ወረዳ 6 ልዩ ቦታው ስልጤ መስኪድ ጀርባ ለልማት በፈረሰ ክፍት ቦታ ላይ ማንነታቸው ባልታወቁ ግለሰቦች ተጥሎ በተገኘ የእጅ ቦንብ የጎዳና ተዳዳሪ የሆኑ የ3 ሰዎች ህይወታቸው ሲያልፍ በ5 ሰዎች ላይ ቀላልና ከባድ የአካል ጉዳት መድረሱን የአዲስ አበባ ፖሊስ ኮሚሽን አስታውቋል፡፡

ከፍንዳታው ጋር በተያያዘ ያለው የምርመራ ሂደት እየተጣራ መሆኑ ተገልጿል። የምርመራ ውጤቱ እንደተጠናቀቀ ለህብረተሰቡ ግልጽ ይደረጋል ተብሏል።

በአዲስ አበባ ፖሊስ ኮሚሽን የልዩ ልዩና የተደራጁ ወንጀሎች ምርመራ ዳይሬክቶሬት ዳይሬክተር ኮማንደር አለማየሁ አያልቄ ባስተላለፉት በተለያዩ ቦታዎች እንደ አልባሌ በሚጣሉ ቦንቦችና ፈንጂዎች ንፁሀን ሰለባ መሆናቸውን አስታውሰው ህብረተሰቡ ምንነታቸው ያልታወቁ አጠራጣሪ ነገሮች ሲያጋጥሙት ከመነካካት በመቆጠብ ለሚመለከታቸው የፀጥታ አካላት ጥቆማ ማድረግ እንደሚገባ አሳስበዋል፡፡

Via Addis Ababa Police Commission
@tikvahethiopiaBOT @tikvahethiopia